اۆتونوميالى رايوندىق 13 - كەزەكتى حالىق ۇكىمەتى پاكتىك قىزمەتى جونىندە 1 - رەتكى تەلەۆيزور - تەلەفون ءماجىلىسىن اشتى

كەلۋ قاينارى: شينجياڭ گازەتى سايتى   |   جولدانعان ۋاقىتى:2018 - 05 - 15 21:16

پارتيا ستيلى، پاكتىك قۇرىلىسىنىڭ جانە ءىرىپ - شىرۋگە قارسى تۇرۋ قىزمەتىنىڭ ىشكەرىلەي دامۋىن ىلگەرىلەتەيىك

ءتىلشىمىز يۋان لەي 5 - ايدىڭ 11 - كۇنى ۇرىمجىدەن حابارلايدى. 5 - ايدىڭ 11 - كۇنى اۆتونوميالى رايوندىق 13 - كەزەكتى حالىق ۇكىمەتى پاكتىك قىزمەتى جونىندە 1 - رەتكى تەلەۆيزور - تەلەفون ءماجىلىسىن اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىستە مىنانى باسا دارىپتەدى: ءار دارەجەلى ۇكىمەت جانە ۇكىمەت قىزمەتكەرلەرى «4 تانىمدى» بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن جاپپاي ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋىن مىقتاپ ارقاۋ ەتىپ، ۇكىمەت جۇيەسىندە پارتيا ستيلى، پاكتىك قۇرىلىسىنىڭ جانە ءىرىپ - شىرۋگە قارسى تۇرۋ قىزمەتىنىڭ ىشكەرىلەي دامۋىن ىلگەرىلەتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جۇڭگوشا سوتسياليستىك شينجياڭ قۇرۋعا تىڭ دا كەسەك ۇلەس قوسۋ كەرەك.

شوكىرات زاكىر مىنانى اتاپ كورسەتتى: 2017 - جىلى ءار دارەجەلى ۇكىمەت جانە ۇكىمەت تاراۋلارى پارتيا ستيلى، پاكتىك قۇرىلىسى مەن ءىرىپ - شىرۋگە قارسى تۇرۋ قىزمەتىندە كورنەكتى ناتيجەگە قول جەتكىزىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدى، جۇڭگوشا سوتسياليستىك شينجياڭ قۇرۋدى پارمەندى كەپىلمەن قامدادى. الايدا ۇكىمەت جۇيەسىنىڭ پارتيا ستيلى، پاكتىك قۇرىلىسى جانە ءىرىپ - شىرۋگە قارسى تۇرۋ كۇرەسىندە ءالى دە ءبىرسىپىرا ماسەلەلەر مەن جەتەرسىزدىكتەر ورىن تەۋىپ وتىر، ۇكىمەتتىڭ پاكتىك قۇرىلىسىندا مىندەت اۋىر، جول ۇزاق. ءار دارەجەلى ۇكىمەت جانە ۇكىمەت تاراۋلارى شينجياڭنىڭ بۇكىل ەلمەن بىرگە جاپپاي دوڭگەلەك داۋلەتتى قوعام ورناتۋدى جۇزەگە اسىرۋ مىندەتىنىڭ وتە ماشاقاتتى ەكەنىن، ءسوزسىز، ەسەلەپ كۇش شىعارۋعا تۋرا كەلەتىنىن جەتە تانۋى كەرەك. ۇكىمەت جۇيەسى پارتيانىڭ جاپپاي باسشىلىعىنا تاباندى بولىپ، پارتيانىڭ باسشىلىعىن ۇكىمەت قىزمەتىنە باستان - اياق ساباقتاستىرۋ كەرەك. ۇستىنەن وڭاۋ مەن تۇبىرىنەن وڭاۋدى تەرەڭدەتىپ، ۇقىق جۇرگىزۋدى جۇيەلىلەندىرىپ، اكىمشىلىكتى زاڭ بويىنشا جۇرگىزۋگە تاباندى بولىپ، ستيلدە دۇرىس، تارتىپتە قاتاڭ بولۋدى ۇدايىلاندىرىپ، ۇكىمەت جۇيەسىنىڭ پارتيا ستيلى، پاكتىك قۇرىلىسى جانە ءىرىپ - شىرۋگە قارسى تۇرۋ قىزمەتىنىڭ ءىس جۇزىندىك ناتيجەسى ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تامىر تارتىپ تياناقتانۋىنا شىنايى كەپىلدىك ەتۋ، اۆتونوميالى رايوندىق پارتكومنىڭ شەشىمدەرى مەن ورنالاستىرۋلارىنىڭ باتىل تياناقتانۋىنا شىنايى كەپىلدىك ەتۋ كەرەك.

شوكىرات زاكىر مىنالاردى تالاپ ەتتى: «4 تانىمدى» بەرىك ورناتۋدى ارقاۋ ەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاۋ كەرەك. پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، وتە - موتە، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋدى، تياناقتاندىرۋدى ارقاۋ ەتىپ، باس نىسانا ارقىلى ۇكىمەت قىزمەتىنە ءبىر تۇتاس جەتەكشىلىك ەتۋ كەرەك. پارتيا ورتالىق كوميتەتىنىڭ پارتيا مەن مەملەكەت قۇرىلىمدارى رەفورماسىن تەرەڭدەتۋ جونىندەگى ورنالاستىرۋلارىن ارقاۋ ەتىپ، اۆتونوميالى رايوندىق پارتكوم تۇراقتاندىرعان ۇكىمەت قۇرىلىمدارى رەفورماسى مىندەتىن باتىل تياناقتاندىرۋ كەرەك. ۇكىمەت ءىسىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن تەرەڭدەتۋدى ارقاۋ ەتىپ، قىزمەت وتەۋگە قۇلىقتى ۇكىمەت قۇرۋدى شىنايى ىلگەرىلەتۋ كەرەك. اۋىر حاۋىپ - قاتەردەن ساقتانۋ جانە ونى شەشۋدەن قامال الۋ شايقاسىن ارقاۋ ەتىپ، الەۋمەتتىك قارجىنى ويداعىداي باسقارۋ، ورىندى پايدالانۋ كەرەك. كەدەيلىكتەن دالمە - ءدال قۇتىلدىرۋدان قامال الۋ شايقاسىن ارقاۋ ەتىپ، كەدەيلەردى سۇيەمەلدەۋ قارجىسىنىڭ جۇمسالۋىن باقىلاۋدى كۇشەيتۋ كەرەك. لاستانۋدان ساقتانۋ جانە جونگە سالۋدان قامال الۋ شايقاسىن ارقاۋ ەتىپ، ەكولوگيالىق ورتانى قورعاۋ سالاسىندا ءتارتىپ اتقارۋدى، جاۋاپقا تارتۋدى كۇشەيتۋ كەرەك. تازا، الاڭسىز ينجەنەريا قۇرۋدى ارقاۋ ەتىپ، قۇرىلىس سالاسىنداعى باقىلاۋ - باسقارۋدى كۇشەيتىپ، الەۋمەتتىك ينجەنەريالاردىڭ كۇن نۇرى ينجەنەرياسىنا، تازا ينجەنەرياعا جانە حاۋىپسىز ينجەنەرياعا اينالۋىنا كەپىلدىك ەتۋ كەرەك.

شوكىرات زاكىر مىنانى باسا دارىپتەدى: ۇكىمەت جۇيەسىندەگى ءار دارەجەلى پارتيا ۇيىمدارى جاڭا داۋىردەگى پارتيا قۇرىلىسىنىڭ جالپى تالابىن مىقتى يگەرىپ، پارتيانىڭ ساياسي قۇرىلىسىن ماڭداي الدى ورىنعا قويۋعا تاباندى بولۋ كەرەك. پارتيانى پارتيا باسقارۋعا، پارتيانى قاتاڭ جونگە سالۋعا تاباندى بولىپ، باقىلاۋ - تەكسەرۋ، تياناقتاندىرۋدى، جاۋاپكەرلىگىن قۋزاستىرۋدى، جاۋاپقا تارتۋدى كۇشەيتىپ، ۇكىمەت جۇيەسىندەگى قىزمەتكەرلەردىڭ ستيلدە بۇرىلىس جاساۋىن، شىنايى يگەرىپ، ناقتى ىستەۋىن بار كۇشپەن ىلگەرىلەتىپ، ۇكىمەت جۇيەسىنىڭ پارتيا ستيلى، پاكتىك قۇرىلىسى جانە ءىرىپ - شىرۋگە قارسى تۇرۋ قىزمەتىندە جاڭا جاعداي اشۋعا شىنايى كەپىلدىك ەتىپ، جاپپاي دوڭگەلەك داۋلەتتى قوعام ورناتۋدى، شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدى پارمەندى كەپىلمەن قامتاماسىز ەتۋ كەرەك.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى. اۆتونوميالى رايوننىڭ ورىنباسار ءتوراعالارى جانە ۇكىمەتتىڭ پارتيا باسشىلىق گرۋپپاسىنىڭ مۇشەلەرى ماجىلىسكە قاتىناستى.

اۆتونوميالى رايوندىق دامۋ - رەفورما كوميتەتىنىڭ، اۆتونوميالى رايوندىق قازىنا مەڭگەرمەسىنىڭ، اۆتونوميالى رايوندىق ونەركاسىپ - ساۋدا اكىمشىلىك باسقارۋ مەكەمەسىنىڭ، ىلە قازاق اۆتونوميالى وبلىسىنىڭ، قاشقار ايماعىنىڭ نەگىزگى جاۋاپتىلارى ماجىلىستە ءسوز سويلەدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

جوعارى دارەجەلى وقۋ – اعارتۋ دۇنيە ءجۇزىنىڭ الدىڭعى لەگىنە قاراي جەدەل قادام باسۋى كەرەك
شەكارادان اتتاپ شىقپاي – اق ماڭداي الدى وقۋ – اعارتۋدان يگىلىكتەنە الاتىن بولۋىمىز كەرەك


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى