ساۋىردە ماكرولىق ەكونوميكانىڭ اينالىسى ورنىقتى، ومىرشەڭدىك قۋاتى مىعىم، ونىمدىلىگى جوعارى بولدى
جۇڭگونىڭ ەكونوميكاسى تاعى دا ورنىقتىلىق نەگىزىندە جاقسارۋدا

كەلۋ قاينارى:  حالىق تورابى   |   جولدانعان ۋاقىتى:2018 - 05 - 17 23:55

 «ساۋىردە حالىق شارۋاشىلىعى ورنىقتىلىق بارىسىندا جاقسارىپ، ءوندىرىس قاجەتى ورنىقتىلىق بارىسىندا جوعارىلاۋ، كاسىپتەنۋ، زات باعاسى جالپى جاقتان ورنىقتى بولۋ، شارۋاشىلىق قۇرىلىمى ساپالىلانۋ، ساپا، ونىمدىلىك ءۇرتىس جاقسارۋ سىندى تاماشا جاعداي بايقالدى». 15 – مامىردا وتكىزىلگەن مەملەكەتتىك كەڭەس اقپارات كەڭسەسىنىڭ اقپار جاريالاۋ ماجىلىسىندە مەملەكەتتىك ساناق مەكەمەسىنىڭ اقپارات مالىمدەمەشىسى ليۋ ايحۋا ەلىمىزدىڭ ساۋىردەگى حالىق شارۋاشىلىعى اينالىس جاعدايىن تانىستىردى ءارى تىلشىلەردىڭ سۇراۋلارىنا جاۋاپ قايتاردى.

  ءوندىرىس، قاجەتسىنۋ، كاسىپتەنۋ، زات باعاسى تاعى دا ورنىقتى بولدى، جاڭا قوزعاۋشى كۇشتىڭ ەكونوميكاداعى سۇيمەندىك رولى نىعايدى

  «ساۋىردە ەكونوميكانىڭ جالپىلىق اينالىسى ورنىقتىلىق نەگىزىندە جاقسارۋ كۇيىن جالعاستىردى، باستىسى اينالىسى ورنىقتى، ومىرشەڭدىك قۋات مىعىم، ونىمدىلىك جوعارى بولۋ سىندى ءۇش ءتۇرلى ەرەكشەلىك بايقالدى». ماجىلىستە اقپارات مالىمدەمەشىسى قازىرگى ماكرولىق ەكونوميكانىڭ جالپىلىق بەتالىسىنا ناقتى تالداۋ جاسادى.

  اينالىستىڭ ورنىقتىلىعى باستىسى ءوندىرىس، قاجەتسىنۋ، كاسىپتەنۋ، زات باعاسى جاقتارىنان بەينەلەندى.

  ءوندىرىس ورنىقتىلىق بارىسىندا ورلەدى. ساۋىردە بۇكىل ەلدەگى كولەم قالىپتاستىرعاننان جوعارعى ونەركاسىپتىڭ ارتقان قۇنى وتكەن جىلدىڭ ۇقساس مەزگىلىندەگىدەن %7.0 ارتىپ، ارتۋ قارقىنى الدىڭعى ايداعىدان 1.0 پايىز جوعارى بولعان، الدىنداعى جىلدىڭ ۇقساس ايىنداعىدان 0.5 پايىز ارتقان. قاڭتاردان ساۋىرگە دەيىن كولەم قالىپتاستىرعاننان جوعارعى ونەركاسىپتىڭ ارتقان قۇنى وتكەن جىلدىڭ ۇقساس مەزگىلىندەگىدەن %6.9 ارتىپ، ءبىرىنشى توقسانداعىمەن سالىستىرعاندا ارتۋ قارقىنى 0.1 پايىز تەزدەگەن، وتكەن جىلدىڭ ۇقساس مەزگىلىندەگىدەن 0.2 پايىز تەزدەگەن، قىزمەت وتەۋ كاسىبىنىڭ ءوندىرىس كورسەتكىشى ءۇرتىس %8.0 تىك ءبىرشاما تەز ارتۋ جاعدايىن جالعاستىرعان.

  قاجەتسىنۋ جالپى جاقتان ورنىقتى بولدى. ساۋىردە قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 2 تريلليون 854 ميلليارد 200 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %9.4 ارتقان. قاڭتاردان ساۋىرگە دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى وتكەن جىلدىڭ ۇقساس مەزگىلىندەگىدەن %9.7 ارتىپ، ارتۋ قارقىنى ءبىرىنشى توقسانداعىمەن نەگىزىنەن بارابار بولعان.

  كاسىپتەنۋ جاعدايى جاقساردى. ساۋىردە ەل بويىنشا قالا – قالاشىقتى تەكسەرۋدەگى كاسىپسىزدىك شاماسى مەن 31 ۇلكەن قالانىڭ قالا – قالاشىعىن تەكسەرۋدەگى كاسىپسىزدىك شاماسى جەكە – جەكە %4.9 جانە %4.7 بولىپ، وتكەن جىلدىڭ ۇقساس مەزگىلىندەگىدەن ازىراق تومەندەگەن.

  زات باعاسىنىڭ جوعارىلاۋى باياۋ بولدى. ساۋىردە تۇرعىنداردىڭ تۇتىنۋ باعا كورسەتكىشى وتكەن جىلدىڭ ۇقساس مەزگىلىندەگىدەن %1.8 ارتتى، ارتۋ شاماسى الدىڭعى ايداعىدان 0.3 پايىز تومەندەدى، ونەركاسىپ وندىرىسشىلەرىنىڭ زاۆود باعاسى %3.4 ارتىپ، ارتۋ شاماسى الدىڭعى ايداعىدان 0.3 پايىز ۇلعايدى. ەكى باعا كورسەتكىشى دە ورنىقتى جوعارىلاپ، بازار ورتاسى مەن قامداۋ – قاجەتسىنۋ جاعدايىنىڭ جاقسارا تۇسكەنىن بەينەلەدى.

  ومىرشەڭدىك قۋاتتىڭ نىعايۋى باستىسى جاڭا قوزعاۋشى كۇشتىڭ سۇيمەندىك رولى مەن جالپى ەكونوميكانىڭ ومىرشەڭدىك قۋاتىنىڭ نىعايۋىنان بەينەلەندى.

  جاڭا كاسىپتىڭ ارتۋ جاعدايى جاقسى بولدى. ساۋىردە جوعارى تەحنيكالى كاسىپتەردىڭ، جابدىقتاۋ – جاساۋ كاسىبىنىڭ ارتقان قۇنى وتكەن جىلدىڭ ۇقساس مەزگىلىندەگىدەن جەكە – جەكە %11.8 جانە %10.3 ارتتى، ارتۋ قارقىنى كولەم قالىپتاستىرعاننان جوعارعى ونەركاسىپتىڭ ارتقان قۇنىنان جەكە – جەكە 4.8 پايىز جانە 3.3 پايىز جوعارى بولدى. قاڭتاردان ساۋىرگە دەيىن جوعارى تەحنيكالى جاساۋ كاسىبىنىڭ ءونىم قۇنى وتكەن جىلدىڭ ۇقساس مەزگىلىندەگىدەن %11.9 ارتتى، جابدىقتاۋ – جاساۋ كاسىبىنىڭ ءونىم قۇنى %9.2 ارتتى، بۇل ەكى شاما دا كولەم قالىپتاستىرعاننان جوعارعى ونەركاسىپتىڭ ارتقان قۇنىنان جوعارى بولدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

جوعارى دارەجەلى وقۋ – اعارتۋ دۇنيە ءجۇزىنىڭ الدىڭعى لەگىنە قاراي جەدەل قادام باسۋى كەرەك
شەكارادان اتتاپ شىقپاي – اق ماڭداي الدى وقۋ – اعارتۋدان يگىلىكتەنە الاتىن بولۋىمىز كەرەك


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى