بال جالاسقان اعايىندىلار

كەلۋ قاينارى: شينجياڭ گازەتى تورى   |   جولدانعان ۋاقىتى:2018 - 09 - 04 12:20

  ەرىكتى ءتىلشى جوۋ پيڭ، گازەتىمىزدىڭ تارباعاتاي تىلشىلەر پۋنكىتىنەن ۋاڭ چۇنلين

  «26 جىل ءدام - تۇزدارىڭ جاراسىپ، 26 جىلدىق وزگەرىستى، 26 جىلدىق ءوسىپ - جەتىلۋدى باستان كەشىردىڭدەر، سۇيىسپەنشىلىككە شىن جۇرەكپەن ءنار بەرىپ، شاڭىراقتارىڭدى شايقالتپادىڭدار مەن سەندەر ءۇشىن ماقتانامىن!»، - دەدى ءدوربىلىجىن اۋدانى ەمىل مال فەرماسى توپتال قىستاعىنىڭ تۇرعىنى ءدىلشات ماعانياز 8 - ايدىڭ 13 - كۇنى ءدوربىلجىن اۋداندىق مادەنيەت - دەنە تاربيە، راديو - كينو - تەلەۆيزيا مەكەمەسىندە قىزمەت ىستەيتىن «اعاسى» مادەت قالياكبار ۇلىنىڭ ۇيلەنگەندىگىنىڭ 26 جىلدىعىنا ىزگى تىلەك ايتىپ.

  ءدىلشات ۇيعۇر ۇلتىنان، مادەت قازاق ۇلتىنان، مادەت ءدىلشاتتان ءبىر جاس ۇلكەن، ءدىلشات ونى جاقىن تارتىپ: «اعا» دەيدى.

  8 - ايدىڭ 13 - كۇنى مادەت پەن جۇبايىنىڭ ۇيلەنگەندەرىنە 26 جىل تولعان كۇن، ءدىلشات تاڭەرتەڭ ەرتە اۋدان قالاشىعىنان سيىر ەتىن، كوكونىس، جەمىس ساتىپ اكەلىپ، ۇستەل تولتىرا قۋىرماش دايىنداپ، مادەتتى ۇيىنە كەلىپ بىرگە قۇتتىقتاۋعا شاقىردى.

  ەكەۋىنىڭ اراسىنداعى دوستىق 2014 - جىلى باستالىپتى. سول جىلى مادەت قىستاققا تۇرۋعا كەلىپ، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇراتىن قىزمەت اترەتىنىڭ باستىعى بولادى. وتباسىلاردى ارالاۋ بارىسىندا دىلشاتپەن تانىسادى. ەگىس جۇمىستارىنىڭ قاربالاس كەزىندە، مادەت ءدىلشاتتىڭ ۇيىنە بارىپ قولىنان كەلگەنشە جۇمىستارىنا كومەكتەسسە، قولى بوساي قالسا، ءدىلشات تا قىستاق تۇرعىندار كوميتەتىنە بارىپ دىلشاتپەن اڭگىمەلەسىپ تۇرادى، ءسويتىپ ءجۇرىپ، ەكەۋى سىر جاسىرمايتىن جاقسى دوستارعا اينالادى.

  2016 - جىلى 10 - ايدا اۆتونوميالى رايون تيانشاننىڭ تۇستىگى مەن تەرىستىگىندە «ۇلتتار ىنتىماعىنىڭ بەرەكەلى شاڭىراعى» قيمىلىن كەڭىنەن ورىستەتتى، وسى بارىستا مادەت پەن ءدىلشات جۇپ قۇراپ، تۋىس بولادى.

  ويى ۇشقىر، جاپاعا شىدامدى ءدىلشات قىستاقتاعى ىسكەر ادام. «اعاسى» مادەتپەن تانىسقان سوڭ، پارتيانىڭ حالىققا ءتيىمدى ساياساتتارىن ۇيرەنۋ ارقىلى ءدىلشاتتىڭ ساناسى ءوسىپ، كۇش - جىگەرى تاسيدى.

  توپتال قىستاعىنىڭ توپىراعى قۇنارلى، مۇنداعى قىستاق تۇرعىندارىنىڭ ادەتى − جۇگەرى ەگۋ. 2017 - جىلى ءدىلشات ۇيالاپ تۇقىم سەپكىش سەكىلدى اۋىل شارۋاشىلىعىنا پايدالانىلاتىن ماشينالار ساتىپ الىپ، كوكتەمگى ەگىس كەزىندە باسقالاردىڭ جەرىنە تۇقىم سەۋىپ بەرىپ، اقشا تابادى. ۇيىندە تاعى ءىرى تۇرپاتتى جۇك ماشيناسى بار ول كوكتەمگى ەگىس اياقتاعان سوڭ جۇك قاينارلارىمەن حابارلاسىپ، جەر - جەرگە زات جەتكىزىپ، تۇرمىسىن تۇزەپ، داۋلەتىن شالقىتادى.

  ءدىلشاتتىڭ ءبىر ۇل، ءبىر قىزى الدەقاشان ۇيلەنگەن. 8 جىلدىڭ الدىندا، قىزى جازاتايىم قايتىس بولىپ، جاسقا تولماعان جيەن قىزىن ءدىلشات قولىنا الىپ، باعىپ كەلەدى. مادەت ۇنەمى كيىم - كەشەك، سومكە، وقۋ قۇرالدارى سياقتى زاتتار الىپ بەرىپ، كىشكەنتاي قىزعا امانداسىپ كەلىپ تۇرادى، تۋعان كۇنى بولعان سايىن، مادەت بالكۇلشە الىپ، انا مەيىرىنەن ايىرىلعان كىشكەنتاي قىزدىڭ تۋعان كۇنىن وتكىزىپ بەرەدى.

  ءار ەكى ايدا، مادەت سالەم - ساۋقىتىن الىپ، ءدىلشاتتىڭ ۇيىنە كەلىپ، ونىمەن ءبىر قازاننان اس ءىشىپ، ءبىر ساكىدە ۇيىقتاپ، بىرگە جۇمىس ىستەپ، بىرگە ءبىلىم ۇيرەنەدى. ءدىلشاتتىڭ قانداي دا ءبىر قيىنشىلىعىنان مادەت ءارقاشان كومەگىن ايامايدى.

  بيىل 4 - ايدا جاسى ۇلعايىپ، ۇنەمى سىرتتا ۇزاق جول ءجۇرىپ قاجىعان ءدىلشات جۇك ماشيناسىن ۇلىنا بەرىپ، ءوزى اۋلاسىنان پايدالانىپ، سيىر، قوي بورداقىلاۋعا دايىندالادى، ءبىراق سيىر، قوي بورداقىلاۋعا قاراجات قاجەت بولعاندىقتان، ءدىلشاتتىڭ قارجى ماسەلەسى ءۇشىن باسى قاتادى. مادەت «ءىنىسىنىڭ» قيىنشىلىعىن بىلگەن سوڭ، ەكى سوزگە كەلمەي ءوزىنىڭ ەڭبەكاقى كارتچكاسىن كەپىلگە قويىپ، وعان قارىز الىپ بەرەدى.

 شىن جۇرەكتەن شىققان شىنايى پەيىل اعا - ءىنى ەكەۋىنىڭ جۇرەگىن جاقىنداتىپ، سۇيىسپەنشىلىكتەرىن تەرەڭدەتتى. قىس بولسىن، جاز بولسىن، ءار جولى ءدىلشاتتىڭ ۇيىنە كەلگەن سايىن مادەت نە جۇمىس كورسە سونى ىستەيدى، قىستا قارىن كۇرەسىپ، پەش قالاسىپ، سيىر مەن قويعا ءشوپ سالىسسا، جازدا ءوزىنىڭ اسپازدىق ونەرىن كورسەتىپ تاماق دايىندايدى، قازىر ەكەۋى بىرگە تۋعان اعايىندىلارداي جاقىن.

جالعانىم:

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى