توحتىحان اجەي مەرەكەنى قارسى الىپ، پارتيانىڭ شاپاعاتىنا العىس ايتتى

كەلۋ قاينارى:  شينجياڭ گازەتى تورابى   |   جولدانعان ۋاقىتى:2018 - 09 - 25 14:19

ءتىلشى لي داۋجۇڭ

  جۇڭحۋا ۇلتىنىڭ ءداستۇرلى مەرەكەسى − جۇڭچيۋ مەرەكەسى تاياپ قالدى، 9 - ايدىڭ 21 - كۇنى كەريا اۋدانى سەنبى بازار قالاشىعىنىڭ سورتتى تۇقىم الاڭى قىستاعىنىڭ تۇرعىنى توحتىحان قۇربان اجەيدىڭ ءۇيى مەرەكەلىك تۇسكە شومدى.

  89 جاستاعى توحتىحان اجەي ءۇيىن تازالاپ، ۇلى مەن كەلىنىنە بازاردان يۋەبيڭ، جەمىس - جيدەك الدىردى.

  «بۇل يۋەبيڭدى 3 كۇننىڭ الدىندا بەيجيڭدىك ءبىر دوس الىپ كەلگەن». توحتىحان قوناق بولمەسىندەگى ۇستەلدەگى يۋەبيڭدى كورسەتىپ تۇرىپ: بەيجيڭدىك وسى قوناق ۇيگە كەلگەن كەزدە شينجياڭنىڭ حوتانىنداعى قۇربان اتايدى كىشكەنە كەزىنەن بىلەتىنىن، جۇمىس بابىمەن شينجياڭعا كەلگەن ورايدان پايدالانىپ، قۇربان اتايدىڭ ۇرپاقتارىنا، ءسوز جوق كەزدەسىپ، العىس ايتۋ، وتانشىلدىق رۋحىنان بەتپە - بەت ۇيرەنبەك بولعاندىعىن ايتتى، - دەدى.

  سول كۇنى شينجياڭ ءتۇستى مەتال ونەركاسىپ (توبى) شەكتى جاۋاپكەرشىلىك سەرىكتەستىگىنىڭ سەنبى بازار قالاشىعى سورتتى تۇقىم الاڭى قىستاعىندا تۇراتىن ءبىرىنشى شۋجي حان يۇيباۋ، قىزمەت اترەتىنىڭ مۇشەلەرى، تيانجيننەن شينجياڭعا كومەكتەسۋگە كەلگەن كادرلاردىڭ ۋاكىلى، سەنبى بازار قالاشىعىنىڭ كادرلارى، سول قىستاقتىڭ تۇرعىندارى ىركەس - تىركەس كەلىپ، توحتىحان اجەيدىڭ مەرەكەسىنە قۇتتى بولسىن ايتتى.

  توحتىحان اجەيدىڭ قوناق ءۇيىنىڭ قابىرعاسىنا ءتوراعا ماۋ زىدۇڭ مەن قۇربان اتايدىڭ قول الىسىپ تۇرعان ۇلكەن سۋرەتى ءىلىنىپتى. 2017 - جىلدىڭ باسىندا باس شۋجي شي جينپيڭنىڭ توحتىحان اجەيگە جازعان جاۋاپ حاتى دا اشەكەيلەنىپ، قابىرعاعا ءىلىنىپتى. اجەي باس شۋجي شي جينپيڭنىڭ قىزمەتى قانشا قاربالاس بولسا دا، وزىنە جاۋاپ حات جازۋدى ۇمىتپاعانىن، ءوزىنىڭ ەرەكشە اسەرلەنگەنىن، حاتتى بىرنەشە كۇندە ءبىر رەت نەمەرە قىزىنا وقىتتىرىپ تۇراتىنىن ايتتى.

  تۋىستارىمەن، قوناقتارىمەن بىرگە وتىرعاندا، توحتىحان اجەي قاتتى جەلپىندى. مەرەكەلىك تاعامنان اۋىز تيە وتىرىپ، توحتىحان اجەي كەيىنگى بۋىنعا اكەسىنىڭ اڭگىمەسىن ايتىپ بەردى. اكەسىنىڭ ىقپالىمەن توحتىحان اجەي ۇلدارى مەن نەمەرەلەرىن پارتيانىڭ شاپاعاتىنا العىس ايتۋعا، پارتيانىڭ سوزىنە قۇلاق اسۋعا، پارتياعا ىلەسۋگە، جاقسى ۇيرەنىپ، قۇلشىنا قىزمەت ىستەپ، قوعامعا جارامدى ادام بولۋعا تاربيەلەپ كەلەدى.

  سەنبى بازار قالاشىعى پارتكومىنىڭ شۋجيى لو ايكى بىلاي دەپ تانىستىردى: توحتىحاننىڭ وتباسىنىڭ سورتتى تۇقىم الاڭى قىستاعىندا ەرەكشە جوعارى بەدەلى بار. توحتىحان وتباسىنىڭ ىقپالىندا، قىستاق تۇرعىندارىنىڭ كەدەيلىكتەن قۇتىلىپ اۋقاتتانۋعا دەگەن ىنتاسى ەرەكشە كۇشەيدى. اجەيدىڭ ۇلكەن ۇلى ءماتتۇرسىن قىستاقتا دانەكەرلەۋ دۇكەنىن اشتى، ءار ايدا 2000 يۋاننىڭ ۇستىندە كىرىس تابادى. توحتىحان اجەيدىڭ كورشىسى ماڭلاشحان ءماتسىدىق قىستاقتا كىلەم فابريكاسىن اشىپ، 20 نەشە كەدەيدى جۇمىسقا ورنالاستىردى.

  الەۋمەتتىك يگىلىك ىستەرىنە ەرەكشە كوڭىل بولەتىن توحتىحان وتباسى «وتان شاڭىراعىنىڭ شاپاعاتىنا العىس ايتۋ الەۋمەتتىك قورىن» قۇردى. بيىل جىل باسىندا ولار قالاشىق بالاباقشاسىنداعى كەدەي وتباسى بالالارىنا قۇنى 5000 يۋاندىق ماقتالى شاپان، ماقتالى اياق كيىم اپارىپ بەردى.

  توحتىحاننىڭ ءۇيى تۇرعان سورتتى تۇقىم الاڭى اۋدان قالاشىعىنان 16 كيلومەتر قاشىقتىقتا، قازىر قىستاقتاعى بارلىق وتباسى سۋى، ەلەكترى، جىلۋى تولىق، سۋمەن شايىلاتىن دارەتحاناسى بار بەيقۇت ۇيدە تۇرادى، تۇرمىس شارت - جاعدايى بارىنشا جاقساردى. 2017 - جىلى قىستاق تۇرعىندارىنىڭ جان باسىندىق ورتاشا كىرىسى 8050 يۋانعا، قىستاق كوللەكتيۆىنىڭ كىرىسى 118 مىڭ يۋانعا جەتتى. بۇكىل قىستاقتا ارحيۆ تۇرعىزىلىپ كارتچكا بەرىلگەن 322 ادام بار، قازىر نەگىزىنەن ەرەكشە باعىمشىلىقتى دامىتۋ ارقىلى كىرىستى ارتتىرىپ وتىر. جۇڭچيۋ مەرەكەسى قارساڭىندا، قىستاق تۇرعىندارى مەرەكەگە قاۋىرت دايىندالۋدا. «جۇڭچيۋ مەرەكەسى − جۇڭحۋا ۇلتىنىڭ ءداستۇرلى مەرەكەسى، بۇل مەرەكە ديقانداردىڭ مول ءونىم الاتىن ۋاقىتىنا تۋرا كەلەدى. ديقانداردىڭ تۇرمىسىنىڭ بارعان سايىن جاقسارا تۇسۋىنە بايلانىستى، قىستاقتىڭ جۇڭچيۋ مەرەكەسى دە بارعان سايىن دۋماندى وتەدى»، - دەدى توحتىحان اجەي.

جالعانىم:

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى