جۇڭچيۋدا تولعان ايدىڭ نۇرى توگىلدى

كەلۋ قاينارى:  شينجياڭ گازەتى تورابى   |   جولدانعان ۋاقىتى:2018 - 09 - 25 14:20

  − ۇلتتار ىنتىماعى اۋلاسىندا وتباسىنا ماحاببات، وتانعا سۇيىسپەنشىلىك جىرلاندى

  ءتىلشىمىز جاۋ چۇنحۋا، ەرىكتى تىلشىلەر ۋىن بو، پان يانچين

  جۇڭچيۋ مەرەكەسى قارساڭىندا تولعان ايدىڭ نۇرى توگىلدى. اۆتونوميالى رايونىمىزدىڭ جەر - جەرىندەگى ۇلتتار ىنتىماعى اۋلاسىندا اعا - باۋىر، اپەكە - سىڭلىلەر ءبىر جەرگە باس قوسىپ، جۇڭچيۋ مەرەكەسىن قۇتتىقتاپ، پارتيانىڭ مەيىرىن ەسكە تۇسىرۋمەن قاتار، ەڭ تاماشا تىلەكتەرىن ۇلى وتانعا ارنادى.

  9 - ايدىڭ 20 - كۇنى ءۇرىمجى قالاسى تيانشان رايونى ىرداۋچياۋ اۋماعىن باسقارۋ كوميتەتى گۋيۋانشياڭ الەۋمەتتىك اۋماعى مينشين تۇرعىندار شاعىن اۋماعىنىڭ ۇلتتار ىنتىماعى اۋلاسىندا بىرلەسكەن ساۋىق وتكىزىلىپ، ۇزىن ۇستەلگە اي كۇلشە، ساڭزى جانە ءتۇرلى جەمىستەر تولتىرا ءتىزىلدى. تۇرعىن اتىكەم ۇسەن اپەكەسى فىڭ يانشياڭدى كورىسىمەن قۇشاقتاسا كەتتى. «اپەكەم ۇسىنعان كونسەرتتىك كيىمدى تۇڭعىش رەت كيىپ شىققانىم ءالى ەسىمدە، تۇڭعىش رەت اپەكەمنىڭ شابىتتاندىرۋىندا سوڭعى قاتاردان ءبىرىنشى قاتارعا كەلدىم...»، - دەدى اتىكەم اپەكەسى ەكەۋىنىڭ وتكەن ىستەرىن ەسكە الىپ. 3 جىلدان بەرى فىڭ يانشياڭنىڭ كومەگىندە ءسوز سويلەۋدەن تارتىناتىن اتىكەم بۇگىنگى كۇنى الەۋمەتتىك اۋماق حور ۇيىرمەسىنىڭ نەگىزگى كۇشىنە اينالدى. كوكتەم مەرەكەسى، داۋن - ۋ مەرەكەسى، قۇربان ايت سياقتى مەرەكە - مەيرامداردا وسى اۋلا ەرەكشە دۋمانعا بولەنەدى، الەۋمەتتىك اۋماقتىڭ ءتۇرلى قيمىلدارىنان اتىكەم مەن فىڭ يانشياڭنىڭ قاراسى قاشاندا كورىنەتىن.

  «<ايتپاي - اق قوي اتى - ءجونىڭدى، تۋىستارمىز بەرەكەلى، كوڭىلدى>، بۇل مەنىڭ ەڭ ۇناتاتىن ءانىم، ءاننىڭ اتى <بەرەكەلى شاڭىراق>. وتانىمىز ۇلى شاڭىراق، ءاربىرىمىز ونىڭ مۇشەسىمىز، جۇڭحۋا مادەنيەتى ويعا شۇلەن، ول ءار ۇلت پەرزەنتتەرىنىڭ مۇراگەرلىك ەتۋىن، اسقاقتاتۋىن ءتىپتى قاجەت ەتەدى. كوپشىلىك ىنتىماقتاسقاندا عانا كۇشىمىز نىعايادى، مەكەنىمىز، وتانىمىز ءتىپتى دە كوركەيەدى»، ءساندى قىزىل كيىم اتىكەمدى قۇلپىرتىپ جىبەرىپتى.

  وتباسى ەڭ كىشكەنە مەملەكەت، مەملەكەت ميلليونداعان وتباسىنان قۇرالعان، قۇدىرەتتى ەل بولعاندا عانا، اۋقاتتى وتباسى بولادى. مەرەكە قارساڭىمەن ۇلتتار ىنتىماعىنىڭ اۋلاسىندا شات - شادىمان، بەرەكەلى كورىنىس جارىققا شىعۋمەن قاتار، پارتياعا دەگەن قويۋ سۇيىسپەنشىلىك تە مەن مۇندالادى.

  «ايداعاردىڭ ۇرپاعى»، «جەلپۋىش ءبيى»، «ۇلى جۇڭگو» ... 9 - ايدىڭ 21 - كۇنى ءۇرىمجى قالاسى شۇيموگوۋ رايونى چيفاڭ اۋماعىن باسقارۋ كوميتەتى جۇڭتاي الەۋمەتتىك اۋماعىنىڭ ۇلتتار ىنتىماعى اۋلاسىندا تۇرعىندار جۇڭچيۋ مەرەكەسىن قۇتتىقتاۋعا ارنالعان باي مازمۇندى ادەبيەت - كوركەمونەر نومىرلەرىن تاماشالادى. «ءبىزدىڭ بايتاق جۇڭگو − دارقان شاڭىراق...». سۇيكىمدى بالالاردىڭ ساحناداعى موماقان بەينەلەرىن كورگەن ساحنا استىنداعى اتىكەم ميجيت ءماز - ءمايرام بولدى. اتىكەمنىڭ جولداسى بىرنەشە جىلدىڭ الدىندا ناۋقاسقا شالدىعىپ، وتباسى اۋىر قيىنشىلىقتا قالعاندىقتان، ۋايىمنان ۇيقىسى قاشىپ جۇرگەن ەدى. بۇگىنگى كۇنى ول جارىق، ارزان ماياقىلى ۇيگە كوشىپ كىرۋمەن قاتار، الەۋمەتتىك اۋماقتاعى كادرلاردىڭ كومەگىندە ەڭ تومەنگى تۇرمىسىن قامتاماسىزداندىرۋعا ءوتىنىش ەتىپ، تۇرمىسى ۇمىتكە تولدى.

  «قازىر ەمدەلىپ بالنيتساعا جاتساق ەسەپتەن كوتەرەدى، پار اقىسىن دا ەسەپتەن كوتەرەدى، ءۇيدىڭ جىلدىق ماياقىسى 900 يۋانعا دا جەتپەيدى، پارتيا مەن ۇكىمەت مەن سياقتى قيىنشىلىعى بار بۇقارانىڭ جاقسى تۇرمىس وتكىزۋىنە بار مۇمكىندىك جاساپ وتىر»، - دەدى اتىكەم تىلشىگە. الەۋمەتتىك اۋماق كادرلارى مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى ۇنەمى ونىڭ ۇيىنە بارىپ، تۇرمىس جاعدايىن ۇعىسىپ، ونىڭ قيىنشىلىقتان قالاي قۇتىلۋ تۋرالى جوبا - جوسپار جاساۋىنا جاردەمدەسىپ، پارتيا مەن مەملەكەتتىڭ قامقورلىعىن جەتە سەزىنۋىنە، ۇلتتار ىنتىماعىنىڭ ماڭىزدىلىعىن ىشكەرىلەي تانۋىنا كومەكتەسەدى ەكەن.

  «ءبىز، راسىندا، ءبىر وتباسىنىڭ ادامدارىمىز، ءبىر وتباسىنىڭ ادامدارى ءوزارا قۇرمەتتەۋى، سۇيىسپەنشىلىك ورناتۋى، كومەكتەسۋى، جاردەمدەسۋى ءتيىس». ساماۋىر بۇرقىلداپ، اق شايدىڭ ءيىسى مۇرىندى جارادى، الما اعاشى باسىن ءيىپ، الما سامسيدى. سول كۇنى ءۇرىمجى قالاسىنان 600 كيلومەتردەن استام شالعايداعى شاۋەشەك قالاسى شينچىڭ ءمالىسى قارا ءدوڭ الەۋمەتتىك اۋماعىنىڭ تۇرعىنى راقىماننىڭ شاعىن اۋلاسىندا گارمون ءۇنى شارىقتادى. ارناۋلى ۇسىنىس ەتىلگەن الەۋمەتتىك اۋماق كادرلارى، «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ مۇشەلەرى جانە راقىماننىڭ كورشىلەرى باس قوسىپ، جۇڭچيۋ مەرەكەسىن بىرگە قۇتتىقتادى.

  الما اعاشىنىڭ ساياسىندا قارت كورشى ابىليميت گارمون شالدى، كوپشىلىك اي كۇلشەلەرىن جەي وتىرىپ، جۋىق جىلداردان بەرگى الەۋمەتتىك اۋماقتىڭ وزگەرىسىن اڭگىمەلەدى، شاعىن اۋلادان شاتتىق ءۇنى تولاستامادى. «الەۋمەتتىك اۆتوبۋز ەسىگىمىزدىڭ الدىنا كەلدى، كوشە جولدارىنىڭ بارلىعىنا جول شىراعى ورناتىلدى»، «دەنساۋلىقتى تەگىن تەكسەرۋ جاقسى بولدى، بالالاردىڭ وقۋىنا دا اقشا جۇمسامايتىن بولدىق»، «ۇلتتار ىنتىماعى قيمىلى جاندى دا جالىندى ورىستەتىلۋدە، كوپشىلىك قالماي قاتىناساتىن بولدى»...

  «وسى بىرنەشە جىلدان بەرى پارتيانىڭ ساياساتى بارعان سايىن جاقساردى، ءبىزدىڭ تۇرمىسىمىز دا كۇن وتكەن سايىن سۇيىنىشكە تولدى، ءبىز انگە سالىپ، مەرەكەنى تويلامايمىز با»، - دەگەن كورشى ليۋ شياۋرۇڭنىڭ ۇسىنىسىنا كوپشىلىك قوسىلا كەتتى. كوپشىلىك «كوممۋنيستىك پارتيا بولماسا، جاڭا جۇڭگو بولماس ەدى» دەپ انگە باستى، شارىقتاعان ءان اۋەنى كىشكەنتاي اۋلادان شىعانداپ جاتتى...

جالعانىم:

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى