شي جينپيڭ: يدەيانى ازات ەتىپ، ەرلىكپەن العا باسىپ، رەفورمانى تەرەڭدەتىپ، قايشىلىقتى شەشىپ، جاڭا بەينە، تىڭ تەبىنمەن شىعىس سولتۇستىكتىڭ گۇلدەنۋىن ىلگەرىلەتۋىمىز كەرەك

كەلۋ قاينارى: حالىق تورابى   |   جولدانعان ۋاقىتى:2018 - 09 - 29 21:43

28 – قىركۇيەك، شىنياڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا شىعىس سولتۇستىكتەگى 3 ولكەدە قىزمەت تەكسەردى، شىعىس سولتۇستىكتەگى 3 ولكەنىڭ كوركەيۋىن جەبەۋ اڭگىمە ءماجىلىسىن باسقارىپ اشتى ءارى ماڭىزدى ءسوز سويلەدى. ول مىنالاردى دارىپتەدى: جاڭا داۋىردەگى جۇڭگوشا سوتسياليزم يدەياسى مەن پارتيا 19 - قۇرىلتايىنىڭ رۋحىن مۇقيات دايەكتى تياناقتاندىرىپ، پارتيا ورتالىق كوميتەتىنىڭ شىعىس سولتۇستىكتى گۇلدەندىرۋ جونىندەگى شەشىم، ورنالاستىرۋلارىن تياناقتاندىرىپ، جاڭا دامۋ كوقاراسىندا تاباندى بولىپ، يدەيانى ازات ەتىپ، ەرلىكپەن العا باسىپ، باعىتتى ءدال بەلگىلەپ، كۇشتى جالعاستىرىپ، رەفورمانى تەرەڭدەتىپ، قايشىلىقتى شەشىپ، ارتىقشىلىقتى ساۋلەلەندىرىپ، جەتەرسىزدىكتى تولىقتاپ، جاڭا بەينە، تىڭ تەبىنمەن شىعىس سولتۇستىكتىڭ گۇلدەنۋىن ىلگەرىلەتۋىمىز كەرەك.

  ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ اڭگىمە ماجىلىسىنە قاتىناستى.

  التىن كۇزدىڭ شۋاعىنا شومعان شىعىس سولتۇستىكتەگى 3 ولكەدە مول ءونىمنىڭ شاتتىق ءۇنى شارىقتايدى. 25 - قىركۇيەكتەن 28 - قىركۇيەككە دەيىن شي جينپيڭ حەيلۇڭجياڭ ولكەلىك پارتكومنىڭ شۋجيى جاڭ چيڭۋەيدىڭ، ولكە باستىعى ۋاڭ ۋىنتاۋدىڭ، جيلين ولكەلىك پارتكومنىڭ شۋجيى بايىنجولدىڭ، ولكە باستىعى جيڭ جينحايدىڭ، لياۋنيڭ ولكەلىك پارتكومنىڭ شۋجيى چىن شيۋفانىڭ، ولكە باستىعى تاڭ ي - جۇننىڭ سەرىك بولۋىندا حەيلۇڭجياڭ تىڭ يگەرۋ مەكەمەسىنىڭ جيانسانجياڭ باسقارۋ مەكەمەسىنە جانە چيچيحار قالاسىنا، جيلين ولكەسىنىڭ سۇڭيۋان قالاسىنا، لياۋنيڭ ولكەسىنىڭ لياۋياڭ قالاسىنا جانە فۋشۇن قالاسىنا بارىپ، شىعىس سولتۇستىكتى گۇلدەندىرۋ جاعدايىن ناق مايداندا كوزدەن كەشىردى.

  25 – قىركۇيەكتە شي جينپيڭ حەيلۇڭجياڭ ولكەسى تىڭ يگەرۋ مەكەمەسىنىڭ جيانسانجياڭ باسقارۋ مەكەمەسىنە كەلىپ تەكسەرىپ زەرتتەۋ جۇرگىزدى. جيانسانجياڭ نىسانى سانجياڭ جازىعىنىڭ ورتاسىن الا ورنالاسقان، ەلىمىزدەگى ماڭىزدى استىق بازاسى. شي جينپيڭ اۋەلى بەيداحۋاڭداعى سارا اۋىل شارۋاشىلىق، ەگىس ماشينالارى ورتالىعىنا كەلىپ، وسىزاماندانعان اۋىل شارۋاشىلىعىن دامىتۋ، استىق ءوندىرىسى، سانجياڭ الابىنداعى وزەن - كولدەردى تۇتاستىرىپ، سۋ بايلىعىنان جالپىلىق پايدالانۋ قاتارلى جاعدايلار جونىندەگى تانىستىرۋلاردى تىڭدادى. ەگىس ماشينالارى قولباسشىلىق - رەتتەۋ ورتالىعىندا شي جينپيڭ قىزمەتكەرلەردەن اۋىل شارۋاشىلىق ماتەريالدار بىرلەسكەن تورابىنىڭ جالپىلىق قىزمەت وتەۋدى باسقارۋ تەكشەسىنىڭ جۇمىس جاعدايىن زەيىن قويا ۇعىستى ءارى ۇلكەن ەكران ارقىلى ەگىس الاڭدارىن، ەگىس ماشينالارىن الىس ارالىقتان باسقارىپ رەتتەپ ورنالاستىرۋ جاعدايلارىن كوردى.

  ەگىس ماشينالارى ورتالىعىنىڭ سىرتىندا قوڭىر سامال ەسىپ، كۇرىش اتىزدارى تولقىندانىپ جاتىر، چيشيڭ ەگىس الاڭىنىڭ ون مىڭ مۋلىق بايتاق اتىزىنان مول ءونىم نىشانى بايقالادى، كومبايندار قاتار ءتىزىلىپ بولىپ كۇرىش ورۋدا. شي جينپيڭ كۇرىشى ورىلىپ جاتقان جەرگە بارىپ، كۇرىشتىڭ ءتۇسىم جاعدايىن ۇعىستى. باس شۋجيدى بايقاپ قالعان كومباينشىلار كابينكادان ءتۇسىپ قورالاي كەلىپ، باس شۋجيگمەن امانداستى. شي جينيڭ ولارمەن ىقىلاسپەن قول الىسىپ، بيىلعى وراق جاعدايىن، استىق باعاسىن، وتباسىلىق كىرىس جاعدايىن، بالالاردىڭ وقۋ جاعدايىن، ەگىس الاڭىنىڭ تيجاراتىندا قانداي قيىنشىلىق جانە قانداي تالاپ بار ەكەنىن سۇراپ ۇعىستى، ولارعا جۇمىس بارىسىندا حاۋىپسىزدىككە كوڭىل ءبولۋدى قاداعالاپ تاپسىردى. شي جينپيڭ مىنالاردى دارىپتەدى: تىڭ يگەرۋ مەملەكەتتىڭ استىق حاۋىپسىزدىگىن قامتاماسىزدارۋدا، مەملەكەت قۇرىلىسىنا كومەك بەرۋدە، شەكارا ءوڭىردى قورعاۋدا، ورنىقتىرۋدا ماڭىزدى ۇلەس قوستى. جاڭا دامۋ تانىمىن تياناقتاندىرىپ، وسىزامانعى اۋىل شارۋاشىلىق ۇلكە بازالارىن، ءىرى كاسىپورىندارىن، كولەمدى كاسىبىن قۇرۋدى تەزدەتىپ، تىڭ يگەرۋ ءتۇزىلىس، رەفورماسىن تەرەڭدەتىپ، تىڭ يگەرۋ رايونىنىڭ ىشكى قوزعاۋشى كۇشىن، دامۋ قۋاتىن، تۇلعالىق قۋاتىن جاپپاي نىعايتىپ، تىڭ يگەرۋ رايوندارىنىڭ وسىزامانعى اۋىل شارۋاشىلىق قۇرىلىسىنداعى تىرەكتىك رولىن ءتىپتى دە ويداعىداي ساۋلەلەندىرۋ كەرەك. جاسىل اۋىل شارۋاشىلىعىنىڭ دامۋىن تەزدەتىپ، ىستەتۋ مەن كۇتىمدەۋدى ۇشتاستىرۋدان، كەشەندى شارا قولدانۋدان جازباي، قۇنارلى جەردىڭ ازايماۋىنا، توزباۋىنا كەپىلدىك ەتۋ كەرەك.

جالعانىم:

  

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى