شي جينپيڭ سىچۋان اۆياتسياسى «جۇڭگو حالىقتىق اۆياتسيا قاھارمان ۇشقىش قىزمەتكەرلەر گرۋپپاسىنىڭ» بارلىق مۇشەلەرىمەن كەزدەسكەندە قاھارمانداردىڭ ىزگى ىستەرىنەن ۇيرەنىپ، قاھارماندار رۋحىن اسقاقتاتىپ، ەرەك قاھارماندىق رۋحتى قاراپايىم قىزمەت ورنىندا ايگىلەۋدى باسا دارىپتەدى

كەلۋ قاينارى: شينجياڭ گازەتى تورابى   |   جولدانعان ۋاقىتى:2018 - 10 - 09 22:10

شينحۋا اگەنتتىگىنىڭ 9 - ايدىڭ 30 - كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ سىچۋان اۆياتسياسى «جۇڭگو حالىقتىق اۆياتسيا قاھارمان ۇشقىش قىزمەتكەرلەر گرۋپپاسىنىڭ» بارلىق مۇشەلەرىن جۇڭحۋا حالىق رەسپۋبليكاسى قۇرىلعاندىعىنىڭ 69 جىلدىعىن قۇتتىقتاۋ قوناعاسىنا قاتىناسۋعا ارناۋلى ۇسىنىس ەتتى. 9 - ايدىڭ 30 - كۇنى تۇستەن كەيىن، قوناعاسى الدىندا شي جينپيڭ حالىق سارايىندا ولارمەن ىقىلاسپەن كەزدەستى ءارى كوپشىلىكپەن سۋرەتكە ءتۇسىپ ەستەلىك قالدىردى.

  تۇستەن كەيىنگى ساعات 5 تە، ۇشاق قىزمەتكەرلەر گرۋپپاسىنىڭ 9 مۇشەسى حالىق سارايىنىڭ فۋجيان زالىنا كىرىپ باس شۋجي شي جينپيڭدى كورگەندە، باس شۋجيگە جارىسا امانداستى. شي جينپيڭ كوپشىلىكپەن ءبىر - بىرلەپ قول الىسىپ، ىقىلاسپەن اڭگىمەلەستى. شي جينپيڭ مىنانى ءبىلدىردى: مەملەكەت مەرەكەسىنىڭ 69 جىلدىعى بايلانىسىمەن كوپشىلىكپەن جۇزدەسكەنىمە قاتتى قۋانىشتامىن. 5 - ايدىڭ 14 - كۇنى سىزدەر كەزەكشى ۇشاقتا مىندەت اتقارعان كەزدەرىڭىزدە 10 مىڭ مەتر بيىكتىكتە توسىننان ۇشقىش بولمەسىنىڭ جەل توسۋ اينەگى جارىلىپ ءتۇسىپ كەتكەن، جولاۋشىلار بولمەسىنە قىسىم تۇسكەن شۇعىل جاعداي تۋىلدى، بۇل ەرەكشە ءارى سيرەك كەزدەسەتىن قاتەرلى جاعداي. ءومىر مەن ءولىم ساتىندە سىزدەر حاۋىپ - قاتەر الدىندا ابدىراماي، باتىل توتەپ بەرىپ، دۇرىس ءبىر جاقتى ەتىپ، ۇشاقتاعى 119 جولاۋشىنىڭ باس اماندىعىنا، حاۋىپسىزدىگىنە كەپىلدىك ەتتىڭىزدەر. حاۋىپ - قاتەر الدىندا قاھارماندىق قاسيەتتەرىڭىزدى ايگىلەدىڭىزدەر. سىزدەردىڭ حاۋىپتەن امان الىپ قالعان قاھارماندىق ەرلىك ىستەرىڭىز سانسىزداعان ادامدى اسەرلەندىردى. سىزدەردىڭ قاھارماندىق ىزگى ىستەرىڭىزدەن حابار تاۋىپ، قاتتى اسەرلەندىم، سىزدەردى ماقتانىش ەتەمىن. سىزدەر «قاھارمان ۇشاق قىزمەتكەرلەر گرۋپپاسى»، «قاھارمان ۇشاق باستىعى» داڭقتى اتاعىن الۋعا لايىقتىسىزدار.

  شي جينپيڭ مىنانى باسا دارىپتەدى: جايشىلىقتا كوپ تەر توكسەڭ، سوعىستا از قان توگەسىڭ. «14 - مامىر» شىرعالاڭىنىڭ ءساتتى ءبىر جاقتى ەتىلۋى استە كەزدەيسوقتىق ەمەس. قاتەرلى جاعدايدى ءبىر جاقتى ەتۋدە سىزدەردىڭ ءاربىر تۇجىرىمدارىڭىز، ءاربىر ۇيعارىمدارىڭىز، ءاربىر قيمىلدارىڭىز تۇگەلدەي دۇرىس بولدى، ءتارتىپ بويىنشا قاتاڭ جۇمىس جۇرگىزدىڭىزدەر. قاتەرلى، شۇعىل ساتتە كورسەتكەن ۇستامدى جانە ەرجۇرەك رۋحتارىڭىز سىزدەردىڭ ادەتتە قالىپتاستىرعان كۇشتى جاۋاپكەرشىلىك تانىمدارىڭىزدان، ۇقىپتى قىزمەت ستيلدەرىڭىزدەن، ىسىلعان كاسىپتىك ونەرلەرىڭىزدەن كەلگەن. سىزدەر اتى زاتىنا ساي حالىقتىق اۆياتسيا جۇمىسشى - قىزمەتكەرلەر قوسىنىنىڭ تاڭداۋلى ۋاكىلدەرىسىزدەر. ءبىز تۇتاس قوعامدا قاھارمان ۇشاق قىزمەتكەرلەرى گرۋپپاسىنىڭ قاھارماندىق ىزگى ىستەرىنەن ۇيرەنۋدى دارىپتەۋىمىز، ونان دا ماڭىزدىسى، قاھارمان ۇشاق قىزمەتكەرلەرى گرۋپپاسىنىڭ ادال، جاۋاپكەرشىلىكتى ارقالايتىن، مىندەتىن ادالدىقپەن وتەيتىن ساياسي قاسيەتى مەن كاسىپتىك ءمورالىنان ۇيرەنۋدى دارىپتەۋىمىز كەرەك.

  شي جينپيڭ مىنانى اتاپ كورسەتتى: ۇلىلىق قاراپايىمدىلىقتان تۋادى، قاھارماندار حالىق اراسىنان شىعادى. ءاربىر قاراپايىم قىزمەتتى جاقسى ىستەۋدىڭ ءوزى كەرەمەتتىك. جاڭا داۋىردەگى جۇڭگوشا سوتسياليزمنىڭ ۇلى ىستەرى سان مىڭداعان قاھارمانداردى، قاھارمان تۇلعالاردى قاجەت ەتەدى. قاھارمانداردىڭ ىزگى ىستەرىنەن ۇيرەنىپ، قاھارماندار رۋحىن اسقاقتاتۋدا ەرەك قاھارماندىق رۋحتى قاراپايىم قىزمەت ورنىندا ايگىلەۋ، حالىقتىڭ باس اماندىعىنا وسكەلەڭ جاۋاپتى بولاتىن جاۋاپكەرشىلىك تانىمىندا ايگىلەۋ كەرەك. ۇشۋ قىزمەتى جىلدان - جىلعا، كۇننەن - كۇنگە جالعاسا بەرەدى، بۇل جاي ىستەي كورىنگەنمەن، ءاربىر كەزەكشى ۇشاقتىڭ حاۋىپسىزدىگىنە كەپىلدىك ەتۋ كەرەمەتتىك. سىزدەردىڭ ۇزبەي قۇلشىنىس جاساپ، ءاربىر كەزەكشى ۇشاقتى قاداعالاپ، ءاربىر بۋىندى مىقتى يگەرىپ، حالىقتىق اۆياتسيادا قۇدىرەتتى ەل بولۋ نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا تاعى دا تىڭ ۇلەس قوسۋلارىڭىزدى ءۇمىت ەتەمىن.

  شي جينپيڭ مىنانى باسا دارىپتەدى: حاۋىپسىزدىك حالىقتىق اۆياتسيا كاسىبىنىڭ جانى، ءارقانداي ۋاقىتتا، ءارقانداي بۋىندا بەيعامدىققا سالىنۋعا بولمايدى. حالىقتىق اۆياتسيانى باسقارۋ تاراۋلارى جانە قاتىستى جەرلەر، كاسىپورىندار حالىقتى وزەك ەتۋ يدەياسىن بەرىك ورناتىپ، حاۋىپسىزدىك پەن دامۋدىڭ، حاۋىپسىزدىك پەن ونىمدىلىكتىڭ قاتىناسىن دۇرىس شەشىپ، قاي - قاشان دا حاۋىپسىزدىكتى ماڭداي الدى ءىرى ءىس رەتىندە يگەرۋ كەرەك. كومەسكى حاۋىپتەردى ءبىر - بىرلەپ تەكسەرۋ جانە رەتتەۋ - تۇزەتۋ تەبىنىن كۇشەيتىپ، حاۋىپ - قاتەردەن ساقتانۋ جانە ونى تىزگىندەۋ جۇيەسىن كەمەلدەندىرىپ، باقىلاۋ - باسقارۋ قىزمەت مەحانيزمىن اقاۋسىزداندىرىپ، قوسىننىڭ ستيل جانە قابىلەت قۇرىلىسىن كۇشەيتىپ، حاۋىپسىزدىك جاۋاپكەرشىلىگىن قىزمەت ورنىندا شىنايى تياناقتاندىرىپ، ءاربىر ادامعا تياناقتاندىرىپ، حالىقتىق اۆياتسيا حاۋىپسىزدىك اينالىمىنىڭ ورنىقتى، مەڭگەرىمدى بولۋىنا شىنايى كەپىلدىك ەتۋ كەرەك.

  سىچۋان اۆياتسياسى «جۇڭگو حالىقتىق اۆياتسيا قاھارمان ۇشقىش قىزمەتكەرلەرى گرۋپپاسىنىڭ» بارلىق مۇشەلەرى مىنالار: ۇشاق قىزمەتكەرلەرى گرۋپپاسىنا جاۋاپتى جەتەكشى ۇشقىش ليۋ چۋانجيان، ەكىنشى جەتەكشى ۇشقىش لياڭ پىڭ، كومەكشى ۇشقىش شۇي رۇيچىن، جولاۋشىلار بولمەسىنىڭ جولاۋشىلارعا قىزمەت كورسەتۋ گرۋپپاسىنىڭ مۇشەلەرى بي نان، جاڭ چيۋي، ياڭ تيڭ، حۋاڭ تيڭ، جوۋ يانۋىن، اۆياتسيا حاۋىپسىزدىك قىزمەتكەرى ۋ شى ي. ولاردىڭ «14 - مامىر» شىرعالاڭىن ءساتتى ءبىر جاقتى ەتكەندىگىن ماداقتاۋ - سيلاۋ ءۇشىن 6 - ايدىڭ 8 - كۇنى جۇڭگو حالىقتىق اۆياتسيا مەكەمەسى مەن سىچۋان ولكەلىك ۇكىمەت سىچۋان اۆياتسيا 3U8633 كەزەكشى ۇشاق قىزمەتكەرلەرىنە «جۇڭگو حالىقتىق اۆياتسيا قاھارمان ۇشاق قىزمەتكەرلەرى گرۋپپاسى» اتاعىن، جەتەكشى ۇشقىش ليۋ چۋانجيانگە «جۇڭگو حالىقتىق اۆياتسيا قاھارمان جەتەكشى ۇشقىشى» اتاعىن بەردى.

  باس شۋجيدىڭ قابىلداۋىندا بولىپ ءارى ءسوزىن تىڭداعان جالپى ۇشاق قىزمەتكەرلەرى كوڭىلدەرى تولقىپ، ەرەكشە جەلپىندى. كوپشىلىك مىنالاردى ءبىلدىردى: باس شۋجيدىڭ شىنايى تاپسىرماسىن ەسىمىزدە بەرىك ساقتاپ، حاۋىپسىزدىك ءبىرىنشى، جولاۋشىلار بارىنەن جوعارى، شىنايى قىزمەت كورسەتۋ پرينسيبى مەن ۇستانىمىنان جازباي، ۇشۋ ونەرىنە قاجىرلىلىقپەن جاتتىعىپ، قايسار ستيلدى شىڭداپ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىنە بار كۇشىمىزبەن كەپىلدىك ەتەمىز. باس شۋجي، الاڭسىز بولىڭىز!

  ديڭ شۋەشياڭ، ليۋ حى جانە قاتىناس - تاسىمال مينيسترلىگىنىڭ، جۇڭگو حالىقتىق اۆياتسيا مەكەمەسىنىڭ قاتىستى جاۋاپتى جولداستارى كەزدەسۋگە قاتىناستى.

جالعانىم:

  

  

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى