شي جينپيڭ ۇلى بريتانيانىڭ 48 توپ كلۋبىنىڭ ءتوراعاسى پەرريمەن كەزدەستى

كەلۋ قاينارى: شينجياڭ گازەتى تورابى   |   جولدانعان ۋاقىتى:2018 - 10 - 18 13:11

 شينحۋا اگەنتتىگىنىڭ 10 - ايدىڭ 16 - كۇنى بەيجيڭنەن بەرگەن حابارى (ءتىلشى لي جۇڭفا). مەملەكەت ءتوراعاسى شي جينپيڭ 10 - ايدىڭ 16 - كۇنى حالىق سارايىندا ۇلى بريتانيانىڭ 48 توپ كلۋبىنىڭ ءتوراعاسى پەرريمەن كەزدەستى.

  شي جينپيڭ پەرريدىڭ جۇڭگوعا قايتالاي ساپارلاي كەلگەندىگىن قارسى الدى. شي جينپيڭ مىنانى اتاپ كورسەتتى: وتكەن عاسىردىڭ 50 - جىلدارىنىڭ باسىندا، باتىس ەلدەرى جاڭا جۇڭگونى ساۋدا جاعىنان قۇرساۋلاعان كەزدە، ءسىزدىڭ اكەڭىز ۇلى بريتانيانىڭ ونەركاسىپ - ساۋدا سالاسىنداعى نەشە ونداعان اڭعارلى قايراتكەرلەردى باستاپ، قات - قابات كەدەرگىلەردى جەڭە وتىرىپ جۇڭگوعا كەلىپ، «مۇز جارۋ ساپارىن» باستاپ، جۇڭگو - ۇلى بريتانيا دوستىعىنىڭ توتەنشە كەرەمەت حيكاياسىن جازدى. جۇڭگو حالقى سول قيىن - قىستاۋ كەزەڭدە جۇڭگو مەن ۇلى بريتانيانىڭ ەكونوميكا - ساۋدا بارىس - كەلىسىن اشۋعا تاريحي ۇلەس قوسقان ساقا دوس قايراتكەرلەردى ماڭگى ۇمىتپايدى. «مۇز جارۋ ساپارىنان» بەرى جارتى عاسىردان استام ۋاقىت ءوتتى، دۇنيە جۇزىندە عالامات زور وزگەرىستەر تۋىلدى، دەسەدە، «مۇز جارۋ ساپارى» ءالى دە كەلەلى رەال ماڭىز الادى. بۇگىنگى تاڭدا، جۇڭگو - ۇلى بريتانيا دوستىعى ەكى ەل حالقىنىڭ كوكەيىنە ۇيالاپ، جۇڭگو - ۇلى بريتانيا قارىم - قاتىناسىنىڭ «التىن ءداۋىرىن» بىرگە قۇرۋ ەكى ەل ۇكىمەتىنىڭ جانە ەكى ەل حالقىنىڭ ورتاق تانىمىنا اينالدى. مەن «مۇز جارۋ ساپارى» رۋحىنىڭ ۇرپاقتان - ۇرپاققا جالعاسقانىن كورىپ قاباعات قۋاندىم. 48 توپ كلۋبىن ۋاكىل ەتكەن جاڭا ءداۋىر «مۇز جارۋشىلارى» جۇڭگو مەن ۇلى بريتانيانىڭ دوستىق ىستەرىنە ىستىق ىنتامەن ۇزبەي ات سالىسۋدا. كوپشىلىكتىڭ بىرگە قۇلشىنۋىندا جۇڭگو - ۇلى بريتانيا دوستىعىنىڭ، ءسوز جوق، ۇرپاقتان - ۇرپاققا جالعاسىپ، بارعان سايىن بەكەمدەلەتىندىگىنە سەنەمىن.

  شي جينپيڭ مىنانى اتاپ كورسەتتى: جۇڭگو حالقى «قوس 100 جىلدىق» كۇرەس نىساناسىن جۇزەگە اسىرۋ ءۇشىن قۇلشىنا كۇرەس جاساۋدا. جۇڭگونىڭ 5000 جىلدىق شۇعىلالى وركەنيەتى بار، تاياۋ زامانعى 200 − 300 جىلدىق توماعا - تۇيىقتىق ءبىزدى قاتاردان قالدىردى. تاريحتان ساباق العان قازىرگى جۇڭگو رەفورما جاساپ، ەسىك اشۋ ساپارىن باستادى. بيىل جۇڭگونىڭ رەفورما جاساپ، ەسىك اشقانىنا 40 جىل تولدى. وسى 40 جىلدا جۇڭگو ەكونوميكالىق، قوعامدىق دامۋدا وراسان زور جەتىستىكتەرگە قول جەتكىزىپ، ءبىزدىڭ رەفورما جاساپ، ەسىك اشۋ سەنىمىمىزدى ونان ارى بەكەمدەدى. دۇنيە ءجۇزىنىڭ كەزەكتەگى اۋقىمىندا، جۇڭگو ساۋدانىڭ ەركىندەسۋىن، ەكونوميكانىڭ جاھاندانۋىن اناعۇرلىم باتىل قولدايدى. ءبىز حالىقارالىق ىستەردە قارىم - قاتىناستى، سەلبەستىكتى، تۇسىنىستىكتى، ءوزارا سەنىمدىلىكتى جيىلەتۋدى، كۇماننان، سىڭار جاقتىلىقتان، جاڭساقتىقتان ساقتانۋدى دارىپتەيمىز. جۇڭگو مەملەكەت كۇشەيسە زورەكەر بولاتىن جولمەن جۇرمەيدى. ءبىز دۇنيە ءجۇزى بەيبىتشىلىگىنىڭ باتىل قورعاۋشىسىمىز. جۇڭگو ادامزاتتىڭ تاعدىرلاس ورتاق تۇلعاسىن قۇرۋدى دارىپتەيدى، مەملەكەتتەر اراسىندا دوستىق قارىم - قاتىناستى دامىتۋدى دارىپتەيدى، جۇڭگو - ۇلى بريتانيا قارىم - قاتىناسىنىڭ «التىن ءداۋىرىن» قۇرۋعا كۇش سالادى.

  پەرري مىنانى ءبىلدىردى: اكەم «مۇز جارۋ ساپارىن» باستاعان كەزدە، جۇڭگو توتەنشە كەدەي مەشەۋ كۇيدە ەدى. 40 جىلدان بەرى، جۇڭگو دۇنيە ءجۇزىن تاڭ قالدىرعان وراسان زور دامۋ جەتىستىكتەرىنە قول جەتكىزدى. ج ك پ - نىڭ 19 - قۇرىلتايى جۇڭگونىڭ بولاشاقتاعى دامۋىنا اسا ايبىندى جوسپار جاسادى. جۇڭحۋا ۇلتىنىڭ ۇلى گۇلدەنۋى − وسى داۋىردەگى ۇلى ينجەنەريا. مەنىڭ جۇڭگوشا سوتسياليزم جولىنا بولعان اسەرىم تەرەڭ، جۇڭگونىڭ ءوز نىساناسىن، ءسوز جوق، ىسكە اسىراتىندىعىنا سەنەمىن. 48 توپ كلۋبى جۇڭگونىڭ سىرتقى دۇنيەمەن قارىم - قاتىناسىن نىعايتۋعا كۇش سالادى، جۇڭگونىڭ دامۋ، قايتا گۇلدەنۋ ۇردىسىنە بەلسەنە ات سالىسۋدى قالايدى. ءبىز ءتوراعا شي جينپيڭ ورتاعا قويعان «ءبىر بەلدەۋ، ءبىر جول» باستاماسىن جانە ادامزاتتىڭ تاعدىرلاس ورتاق تۇلعاسى ۇستانىمىن جوعارى باعالايمىز، «مۇز جارۋ ساپارى» رۋحىن ۇزدىكسىز نەگىز ەتىپ، جاھاندانۋدى، اشىق الەمدىك ەكونوميكا قۇرۋدى قولدايمىز، «ءبىر بەلدەۋ، ءبىر جول» اياسىندا ۇلى بريتانيا مەن جۇڭگونىڭ سەلبەستىگىن ىلگەرىلەتۋدى قولدايمىز.

  ياڭ جيەچى كەزدەسۋگە قاتىناستى.

جالعانىم:

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى