مامەت جانە ونىڭ حۋناندىق قارىنداسى تاڭ ۋىنبيننىڭ حيكاياسى

كەلۋ قاينارى: شينجياڭ گازەتى تورابى   |   جولدانعان ۋاقىتى:2018 - 10 - 18 13:13

  «يلىمحان اپايدىڭ جۋىقتان بەرى دەنساۋلىق جاعدايى قالاي؟ مامەت اعاي ۋاقىتىندا دەنساۋلىعىن قايتا تەكسەرتتى مە؟». 10 - ايدىڭ 12 - كۇنى شينجياڭعا كومەكتەسۋ مىندەتىن تابىسپەن تامامداپ، تۇرپان قالالىق حالىق شيپاحاناسىنان اۋىلىنا قايتقان جۇڭنان داشۋەسى شياڭيا شيپاحاناسى بۇيرەك ىشكى اۋرۋلار ءبولىمىنىڭ تەتە اعا شيپاگەرى، مەديتسينا عىلىمىنىڭ دوكتورى تاڭ ۋىنبين سول اراداعى ناۋقاستارىنان الاڭداپ، وزىمەن بىرگە قىزمەت ىستەگەن قىزمەتتەستەرىنەن ولاردىڭ حال - جايىن سۇراپ جاتتى.

  وتكەن جىلى 2 - ايدا تاڭ ۋىنبين تۇرپان قالالىق حالىق شيپاحاناسىنا كەلىپ شينجياڭعا كومەكتەسۋ قىزمەتىن باستادى. ءبىر جارىم جىل ۋاقىتتا ول وسىنداعى ناۋقاستارمەن قويۋ دوستىق سۇيىسپەنشىلىك ورناتادى.

  «قارىنداسىم ماعان 10 جىلدان كەيىن امانداسا كەلەمىن دەپ ۋادە بەردى. بۇل قارىنداسىمنىڭ مەنى جاقسىراق ەمدەلسىن دەپ شابىتتاندىرعاندىعى ەكەندىگىن بىلەمىن. مەن، ءسوزسىز، دەنساۋلىعىمدى كۇتىپ، ونىمەن جۇزدەسۋدى توسامىن». تاڭ ۋىنبيندى اۋىزعا العاندا تۇرپان قالاسى گاۋچاڭ رايونىندا تۇراتىن مامەت ناجيم كوزىنە ىستىق جاس الدى.

  تۇرپان قالالىق حالىق شيپاحاناسىنا العاش كەلگەندە بۇل شيپاحانانىڭ بۇيرەك ىشكى اۋرۋلار ءبولىمىنىڭ ەمدەۋ قىزمەتكەرلەرى وتە كەمشىل بولاتىن. تاڭ ۋىنبين قيىنشىلىقتاردى جەڭىپ، قاجىرلىلىقپەن قىزمەت ىستەپ، كەزەكشىلىك وتەۋ، ەمحانادا ناۋقاس كورۋ، وپەراتسيا جاساۋ، ناۋقاستار بولمەسىن ارالاۋ سياقتى قىزمەتتەرگە قاتىناسىپ، ۇنەمى ۇستەمەلەپ قىزمەت ىستەيتىن.

  بىلتىر 8 - ايدىڭ باسىنداعى ءبىر كۇنى تاڭعا جاقىن بۇيرەك اۋرۋىنا شالدىققان ءبىر ناۋقاس كەۋدەسى قىسىلىپ، تىنىس الۋى جيىلەگەندىگى سەبەپتى وتباسىنداعىلارى ونى تىزگىن ۇشىمەن تۇرپان قالالىق حالىق شيپاحاناسىنا جەتكىزەدى.

  ءدال سول كەزدە كەزەكشى بولىپ جاتقان تاڭ ۋىنبين تەكسەرۋ ارقىلى ناۋقاس شۇعىل حاراكتەرلى سول جاق جۇرەكتىڭ السىرەۋى ناۋقاسىنا شالدىققانىن، شۇعىل قۇتقارۋ كەرەك دەگەن تۇجىرىمدايدى، ءىشىنارا دارىلەردى ناۋقاستىڭ قان قىسىم وزگەرىسىنە قاراي رەتتەپ وتىرۋعا تۋرا كەلەتىندىكتەن تاڭ ۋىنبين تاڭ اتقانشا ناۋقاستىڭ قاسىندا بولىپ، ونىڭ ناۋقاس جاعدايىن باقىلاپ، ىستەتەتىن دارىلەرىن رەتتەپ وتىردى. بىرتە - بىرتە ناۋقاستىڭ تىنىس الۋى قالىپقا ءتۇسىپ، ءوڭى جاقسارىپ، وعان كۇلىمدەي قاراعاندا عانا تاڭ ۋىنبيننىڭ كوڭىلى ورنىنا تۇسەدى.

  بۇل ناۋقاس ادام ءدال مامەت ەدى. كەيىن كەلە تاڭ ۋىنبين مامەتتىڭ ءىس جۇزىندىك جاعدايىنا قاراي وعان ارزان دا ءونىمدى ەمدەۋ جوسپارىن جاساپ بەرەدى ءارى ونىڭ قان ءسۇزۋ ەمدەلۋىن جاساتۋىنا سابىرلىلىقپەن جەتەكشىلىك ەتەدى. تاڭ ۋىنبين مەن مامەت وتباسى وسىلايشا تۋىسقاندارداي سۇيىسپەنشىلىك ورناتادى. «سەن مەنىڭ قارىنداسىمسىڭ، ءبىز ماڭگىلىك تۋىسپىز»، - دەيدى مامەت العىسقا تولى سەزىممەن.

  بيىل 2 - ايدا تاڭ ۋىنبيننىڭ حۋنانعا تۋىسشىلاي بارماقشى بولعاندىعىنان حابار تاپقان مامەت پەن جۇبايى وزدەرى جاساعان ساڭزىنى الىپ، تاڭ اتپاي تۇرپان قالالىق حالىق شيپاحاناسىنا كەلەدى. «سول كۇنى كۇن سۋىق بولاتىن، مامەت اعاي ءۇش دوڭگەلەكتى موتوتسيكلىن ءمىنىپ ماعان ساڭزى اكەلىپ بەردى، بۇدان توتەنشە اسەرلەندىم. مۇنداي شىنايى سۇيىسپەنشىلىك ءارقانداي ءبىر تارتۋ - تارالعىدان دا قىمبات»، - دەيدى تاڭ ۋىنبين 10 - ايدىڭ 13 - كۇنى تەلەفوندا تىلشىگە.

  يىلىمعان نياز دا تاڭ ۋىنبين جانىن اجالدان اراشالاپ قالعان ناۋقاستاردىڭ ءبىرى. ونى مەن تاڭ ۋىنبين اراسىندا دا 10 جىلدىڭ ۋادەسى بار. يىلىمعان بۇيرەك ناۋقاسىنا شالدىققان، ەمدەۋ بارىسىندا تاڭ ۋىنبين وعان ايرىقشا قامقورلىق جاسايدى. يىلىمعاننىڭ نازارىندا تاڭ ۋىنبين وعان ءوز قىزىنداي كوڭىل بولگەن. «قىزىم اتتانار شاعىندا ماعان 10 جىلدان كەيىن تاعى دا باس قوسامىز دەپ ۋادە بەردى. مەن جاقسىراق ەمدەلىپ، ونىڭ كەلۋىن توسامىن»، - دەيدى يىلىمعان.

  شينجياڭعا كومەكتەسۋ قىزمەتى اياقتالىپ، تۇرپاننان اتتانار شاعىندا تاڭ ۋىنبين قيماس سەزىممەن ناۋقاستاردى ويلاپ جىلاپ تا الاتىن. كەتۋدەن بۇرىن ناۋقاستارمەن 10 جىلدان كەيىن باس قوسۋ جونىندە ۋادەلەسەدى. ول ناۋقاستارعا: جاقسى ەمدەلىپ، 10 جىلدان كەيىنگى باس قوسۋدى كۇتىڭىزدەر، - دەيدى.

  «شينجياڭعا كومەكتەسۋ ساپارىمدا كوپتەگەن سۇيىسپەنشىلىككە بولەندىم، ءبارى دە اسا ارداقتى، وتە - موتە، ناۋقاستارمەن اراداعى شىنايى سۇيىسپەنشىلىك ەڭ قىمباتتى سەزىلەدى»، - دەيدى تاڭ ۋىنبين.

جالعانىم:

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى