شينيە سەرىكتەستىگى: قورشاعان ورتانى قورعاۋ مەن ەكونوميكالىق ونىمدىلىكتى ءوزارا سايكەستىردى

كەلۋ قاينارى: شينجياڭ گازەتى تورابى   |   جولدانعان ۋاقىتى:2018 - 10 - 24 13:39

 ءتىلشى ياۋ تۇڭ 10 - ايدىڭ 21 - كۇنى ۋجياچۇيدەن حابارلايدى. انادايدان قاز - قاتار ءتىزىلىپ، جاسىل ورمانمەن قورشالعان مۇنارالار مەن قوراپتار كورىنەدى؛ ىشىنە كىرسەڭىز، تازا اۋا مۇرىندى جارىپ، قۇستار سايراپ، گۇلدىڭ حوش ءيىسى اڭقيدى. 10 - ايدىڭ 12 - كۇنى، ءتىلشى ۋجياچۇي قالاسىنىڭ ماڭىنا ورنالاسقان شينيە توبىنا قاراستى شينجياڭ شينيە ەنەرگيا حيميا ونەركاسىپ شەكتى جاۋاپكەرلىك سەرىكتەستىگىنە باردى. «جاسىلمەن» كومكەرىلگەن وسى زامانعى كومىر حيميا ونەركاسىپ زاۆودى رەتىندەگى بۇل كاسىپورىن قورشاعان ورتانى قورعاۋعا ءبىر ميلليارد يۋاننان استام قارجى قوسقان، بۇل قوسىلعان جالپى قارجىنىڭ %10تەن استامىن يەلەگەن، جاراقسىز سۋدى، جاراقسىز گازدى، جاراقسىز زاتتاردى ىعىستىرۋى ءۇرتىس 7 جىل ولشەمگە جەتكەن.

  شينيە توبىنىڭ باسالقاسى ۋان جىڭ بىلاي دەدى: تەك «تۇنىق سۋ مەن جاسىل تاۋ − باعالى بايلىق» كوزقاراسىن جۇرەك تۇكپىرىنە ۇيالاتقاندا عانا، كومىر حيميا ونەركاسىپ نىساندارى جوعارى ساپالى دامۋدى ىسكە اسىرا الادى. وسى زامانعى كومىر حيميا ونەركاسىبى مەن ءداستۇرلى كومىر حيميا ونەركاسىبىنىڭ ەڭ ۇلكەن پارقى ونىڭ تازالىق دارەجەسىندە، اسىرەسە، «ءۇش جاراقسىزدى» ۇيىمدى تۇردە ءبىر جاقتى ەتىپ، ەكولوگيالىق ورتانى ويداعىداي قورعاۋىندا.

  قورشاعان ورتانى قورعاۋ ارەكەتىنىڭ ونىمدىلىگى باياندى بولدى. شينيە توبى قورشاعان ورتانى قورعاۋدىڭ ناقتى شارالارىن ورتاعا قويىپ، قورشاعان ورتانى قورعاۋدى «ءبىرىنشى تۇتقا» ينجەنەرياسى رەتىندە مىقتى ۇستاپ، نىسانداردىڭ تۇرعىزىلۋىندا، دامۋىندا تۇگەلدەي قورشاعان ورتانى قورعاۋدى جەتەكشى ەتىپ، ساتىلار بويىنشا جاۋاپكەرلىك حاتىنا قول قويىسىپ، اپتا سايىن، اي سايىن، ماۋسىم سايىن، جىل سايىن قاتاڭ باعالاپ، «ءبىر بەلەتپەن تەرىستەۋدى» اتقاردى. قازىر شينيە سەرىكتەستىگىنىڭ جاراقسىز گازدى ىعىستىرۋ كورسەتكىشى مەملەكەتتىك ولشەمنەن الدەقايدا تومەن، جاراقسىز سۋ زاۆود ىشىندە اينالىسقا ءتۇسىپ، جاراقسىز زاتتاردى جەرگىلىكتى ۇكىمەت ءبىر تۇتاس جيناپ، قۇرىلىس ماتەريالىن جاساپ وتىر؛ سونىمەن بىرگە، وندىرىسكە پايدالانىلاتىن كومىر، سۋ سياقتى نەگىزگى شيكىزاتتاردىڭ سارىپ بولۋى كاسىپ سالاسى بويىنشا شىعىندى ازايتۋ ولشەمىنەن تومەن بولدى.

  ونىمدىلىككە كەپىلدىك ەتىپ، قورشاعان ورتانى قورعاۋدا جەتىستىكتەرگە قول جەتكىزدى. قورشاعان ورتانى قورعاۋعا ۇسىنىلىم كەرەك. بۇل كاسىپورىننىڭ نىسان تاڭداعان كەزدە قورشاعان ورتانى قورعاۋ مەن ونىمدىلىكتى ءبىر تۇتاس جوسپارلاپ، تەڭ ءمان بەرۋىن، سايكەستىرە دامىتۋىن قاجەت ەتەدى. شينيە سەرىكتەستىگى نىسان بەلگىلەۋدەن بۇرىن، ەڭ اۋەلى، قورشاعان ورتانى قورعاۋ ۇسىنىلىمى مەن پايدا بولعان ونىمدىلىكتىڭ ءبىرىن - ءبىرى جەبەۋىن ويلاستىردى، ەڭ سوڭىندا «بۋتاندىديول - 4، 1» سىندى بازاردىڭ سۇرانىسى ۇلكەن، پايداسى تۇراقتى تەرمينال ءونىمدى تاڭدادى. سەرىكتەستىك پارتكومىنىڭ شۋجيى، باسالقاسى ما جينرۇڭ: ءبىز وندىرگەن ءتۇرلى كومىر حيميا ونەركاسىپ ونىمدەرى شينجياڭ بازارىندا قاجەتتى قامداي الماي وتىر، بيىل ساتىلىم سوماسى 3 ميلليارد 800 ميلليون يۋانعا جەتىپ، 300 ميلليون يۋان پايدا جاراتىپ، پايدا باجىسى 400 ميلليون يۋانعا جەتەدى دەپ مولشەرلەپ وتىرمىز، - دەدى تانىستىرا كەلىپ.

  اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ وسى كاسىپورىندى «مەملەكەت مەنشىگىندەگى ءىرى، ورتا تۇرپاتتى كومىر حيميا ونەركاسىپتەرىنىڭ وسىزاماندانۋىنان ۇلگى كورسەتەتىن كومىر حيميا ونەركاسىپ كاسىپورنى» دەپ تۇراقتاندىرۋىنا مەڭزەس، ۋان جىڭ: «ءىرى، ورتا تۇرپاتتى» جانە «وسىزاماندانۋ» كومىر حيميا ونەركاسىپ تەحنولوگيا ورەسىنە جانە قارجى قوسۋ ونىمدىلىگىنە انىق تالاپ قويدى، «ۇلگىلىك» دەگەنىمىز كاسىپورىننان قورشاعان ورتانى قورعاۋ مەن ەكونوميكالىق ونىمدىلىكتەن بىردەي مول ءونىم الۋدى تالاپ ەتەدى، - دەدى. «قورشاعان ورتانى قورعاۋدىڭ قاتاڭ ولشەمدەرىن اتقارۋ كاسىپورىنعا تابالدىرىق ورناتۋ ەمەس، قايتا باياندى، اقاۋسىز دامۋدىڭ جولىن سالۋ بولىپ تابىلادى. تۇنىق سۋ مەن جاسىل تاۋدى قورعاعاندا عانا، باعا جەتپەس بايلىققا يە بولامىز»، - دەدى ما جينرۇڭ تەبىرەنە.

 «شينيە سەرىكتەستىگى جاسىل دامۋعا تاباندى بولىپ، كاسىپورىننىڭ كولەمىن ۇزبەي زورايتىپ، ءونىمىن ورنىقتى ارتتىرىپ، ۋجياچۇي قالاسىنىڭ جوعارى ساپالى دامۋىنا بەلسەندى ۇلەس قوسىپ، قورشاعان ورتانى قورعاۋ مەن ەكونوميكالىق ونىمدىلىكتى ءبىر - بىرىنە سايكەستىرۋگە بولاتىندىعىن تولىق دالەلدەدى»، - دەدى شينجياڭ ءوندىرىس - قۇرىلىس بيڭتۋانى 6 - شىسى ۋجياچۇي قالالىق پارتكومنىڭ شۋجيى، ساياسي كوميسسارى چي شينپيڭ.

جالعانىم:

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى