ءۇرىمجى: زەردەلى قالا تۇرمىسقا اناعۇرلىم ءسان قوستى

كەلۋ قاينارى: شينجياڭ گازەتى تورابى   |   جولدانعان ۋاقىتى:2019 - 04 - 18 13:06

 ءتىلشى جاۋ يۋە

  ”ءبىر ەسىكتەن تالاي جۇمىس بىتەدى“، قازىر ءۇرىمجى قالا تۇرعىندارىنىڭ ءارقايسى رايونداعى، اۋدانداعى ۇكىمەتتىك قىزمەت وتەۋ ورتالىقتارىندا جۇمىس ءبىتىرۋى تەز دە قولايلى بولدى، اۋەلى، ۇيدەن شىقپاي - اق، قول تەلەفوندا، كومپيۋتەردە ءىس بىتىرە بەرەتىن بولدى؛ ۇيدەن شىعاردىڭ الدىندا قول تەلەفونىنا قاراپ، كولىك جۇرگىزگەندە جول جاعدايىنان الدىن الا حابار تاباتىن بولدى، كولىككە شىعاتىندار دا الەۋمەتتىك قاتىناس كولىگىنىڭ ەندى قانشا مينۋتتا ايالداماعا جەتەتىندىگىن انىق بىلە الاتىن بولدى؛ شيپاگەرگە ناۋقاسىن كورسەتۋدە قول تەلەفون ارقىلى الدىن الا كەلىسىپ، ءنومىر الۋ ءۇشىن قاتارعا از تۇراتىن بولدى، سونداي - اق بەيجيڭدەگى مامانداردىڭ الىس ارالىقتان ەكراننان دياگنوز قويىپ، ەمدەۋ جۇرگىزۋىنەن يگىلىكتەنە الاتىن بولدى ...

  زەردەلى قالا قۇرىلىسى ورىستەتىلگەننەن بەرى، زەردەلى ۇكىمەتتىك قىزمەت وتەۋى، زەردەلى قاتىناس، زەردەلى قورشاعان ورتا، زەردەلى ەمدەلۋ سياقتىلار ۇرىمجىدە كەڭ كولەمدە جالپىلاسىپ، قالا تۇرعىندارىنىڭ تۇرمىسىنا بىرتىندەپ وزگەرىس اكەلدى. سونىمەن بىرگە، قالانىڭ الەۋمەتتىك قىزمەت وتەۋ قۋاتى ۇزدىكسىز كۇشەيىپ، قالانى باسقارۋ اناعۇرلىم جوعارى ءونىمدى بولىپ، قالانىڭ جوعارى ساپالى دامۋ اياق الىسى كورنەكتى تەزدەپ، قالا تۇرعىندارىنىڭ باقىت سەزىمى، تابىس سەزىمى جانە حاۋىپسىزدىك سەزىمى ۇزدىكسىز كۇشەيدى.

ۇكىمەتتىك قىزمەت وتەۋ جوعارىءونىمدى، قولايلى بولدى 

  4 - ايدىڭ 10 - كۇنى ءۇرىمجى جوعارى، جاڭا تەحنيكا كاسىپتەرىن اشۋ رايونى (جاڭا قالا رايونى) ۇكىمەتتىك قىزمەت وتەۋ ورتالىعىندا، شينجياڭ كۇنلۇن جۇڭتيان جارنا ۇقىعى ارقىلى قارجى قوسۋدى باسقارۋ شەكتى سەرىكتەستىگىنىڭ ءىس ءبىتىرۋشى قىزمەتكەرى حان ياليڭ قول قويعاننان كەيىن، بىرنەشە مينۋتتا - اق جارنا ۇقىعىن وزگەرتكەننەن كەيىنگى جاڭا تيجارات كۋالىگىن الدى. سول كۇنى تۇستەن بۇرىن ماتەريالداردى توردا تاپسىرعان، تۇستەن كەيىن حابار كەلىپ، كۋالىگىن الدى، ۇكىمەتتىك قىزمەت وتەۋ ورتالىعىنىڭ جوعارى ونىمدىلىگى ونى قاتتى ءتانتى ەتتى.

  ”قىزمەت وتەۋ ورتالىعىندا جالپى ءىس تۇرلەرىنىڭ %96ىندە، ياعني 438 كاسىپتە ’ەڭ كوپ بولعاندا ءبىر رەت بارۋ‘دى جۇزەگە اسىردىق، مۇنىڭ ىشىندە ’ءبىر رەتتە دە بارماۋ‘ ءىس تۇرلەرى التى ۇلەستى ۇستايدى!“، - دەدى ءۇرىمجى جوعارى، جاڭا تەحنيكا كاسىپتەرىن اشۋ رايونى (جاڭا قالا رايونى) ۇكىمەتتىك قىزمەت وتەۋ ورتالىعىنىڭ مەڭگەرۋشىسى لين چيڭشيا ماقتانىشتى سەزىممەن.

  بۇقارانىڭ از بارىپ، اۋەلى، ۇيلەرىنەن شىقپاي - اق كاسىپتىك جۇمىستارىن بىتىرە الۋى، كاسىپورىنداردىڭ ساپالى قىزمەت وتەۋگە قول جەتكىزىپ، دامۋعا بار زەيىنىن سالۋى ءۇرىمجىنىڭ ۇكىمەتتىڭ جالپىلىق قىزمەت وتەۋ تۇعىرى (ۇكىمەت ىستەرى بۇلت تۇعىرى) ساندى مالىمەت قويماسى قۇرىلىسىن، تاراۋلاردىڭ ساندى مالىمەتىن بىرىكتىرۋ ارناسىن جەدەلدەتۋىنىڭ، سونداي - اق ۇزدىكسىز ساپالىلاندىرۋىنىڭ، دارەجەسىن كوتەرۋىنىڭ ارقاسىندا كەلدى.

  ءتىلشىنىڭ ءۇرىمجى قالالىق ونەركاسىپ جانە ينفورماتسيالاندىرۋ مەكەمەسىنەن (ۇلكەن ساندى مالىمەتتى دامىتۋ مەكەمەسى) ۇعىسۋىنشا، ”نەگىزدى الدىمەن بەكەمدەۋ، ۇيلەسىمدى العا ءوتۋ“ پرينسيبىن نەگىز ەتكەن ءۇرىمجى قالاسى ءبىر توپ جەتەكشى، نەگىزدىك قالا ينفورماتسياسى نەگىزگى نىسانىن ىلگەرىندى - كەيىندى قۇردى، تامامدادى، مىسالى، ۇكىمەتتىك جالپىلىق قىزمەت وتەۋ تۇعىرى (ۇكىمەت ىستەرى بۇلت تۇعىرى)، زەردەلى قالا الەۋمەتتىك ينفورماتسيا تۇعىرى جانە سىمسىز قالا قۇرىلىسى سياقتىلار ينفورماتسيا نەگىزدىك قۇرىلعىسى جاعىندا زەردەلى قالا قۇرىلىسىنا پارمەندى تىرەك ازىرلەدى. قالا بويىنشا كوپ تاراۋلارداعى تەرەزەلىك ورىنداردىڭ سيستەما جۇمساق بولشەكتەرىن جوعارى جيىلىكتى بۇلت تۇعىرىنا شوعىرلاندىرىپ، ءۇرىمجى قالاسىنىڭ ۇكىمەتتىك جالپىلىق قىزمەت وتەۋ تۇعىرىنىڭ قىزمەت وتەۋ يقۋاتى بارعان سايىن كەمەلدەندى، سونىمەن بىرگە 30 مىڭنان استام سىمسىز جالعانۋ ءتۇيىنى ورنالاستىرىلىپ، نەگىزگى قالا رايونىنداعى مەكتەپتەر، ساۋدا سارايلارى جانە قالا ماڭى ساياحات كورىنىس وڭىرلەرى سياقتى الەۋمەتتىك ورىنداردا wi-fiتورى قامتىلدى، قالا تۇرعىندارىنىڭ ينتەرنەتتەن پايدالانۋىنا اناعۇرلىم جەڭىلدىك، قولايلىلىق تۋىلدى.

  ”تۇعىر جاقسى ورناتىلسا، ينفورماتسيانىڭ ’اياق الىسى تەزدەيتىن‘ بولادى. بۇل ۇكىمەتتىڭ قىزمەت وتەۋ ونىمدىلىگىن جوعارىلاتۋ، قالانىڭ جوعارى ساپالى دامۋ تىرەگىن بەكەمدەۋ، قالا وبرازىن سومداۋ جونىنەن ماڭىزدى ءمان الادى“، -دەدى ءۇرىمجى قالالىق ونەركاسىپ جانە ينفورماتسيالاندىرۋ مەكەمەسىنىڭ (ۇلكەن ساندى مالىمەتتى دامىتۋ مەكەمەسى) ورىنباسار باستىعى لي نيڭ.

زەردەلىلەندىرۋدىڭ پايداسى حالىققا قولايلىلىق اكەلدى، حالىققا تيىمدىلىك جاسادى

  تاياۋدا ءۇرىمجى قالاسىنىڭ سولتۇستىك جولاۋشى تاسىمال بەكەتىنىڭ ماڭىندا تۇراتىن قالا تۇرعىنى يىن مەي ءار كۇنى قىزمەتكە شىققان، قىزمەتتەن تۇسكەن كەزدە الەۋمەتتىك قاتىناس كولىگىنە وتىرعاندا قول تەلەفونىمەن اقشا تاپسىرادى. ”كولىككە شىققاندا قول تەلەفون ىستەتۋ وتە قولايلى، اقشا دا ۇنەمدەلەدى!“ ول ءوزى عانا ىستەتىپ قالماستان، دوستار شەڭبەرىندە دوستارىنا دا تانىستىردى.

  3 ميلليون دانا ”قالا تۇرعىنى ي - كاتۇڭ“ىن تاراتۋدان قازىرگى ”حۇڭشانتۇڭ APP“ىن تىركەۋگە الۋعا دەيىن كارتچكاسىز ءجۇرىپ - تۇرۋدى ىسكە اسىرۋدا قول تەلەفوننىڭ رولى بارعان سايىن زورايدى، كيىم - كەشەك، اس - سۋ، جاتىن ورىن، ءجۇرىس - تۇرىستى قامتىعان كوپ ءتۇرلى قىزمەت وتەۋدىڭ قول تەلوفوندا شەشىلۋى قالىپتى كۇيگە اينالدى.

  ”ي - كاتۇڭ“نىڭ ساپاسىنىڭ جوعارلاپ، دارەجەسىنىڭ وسۋىنە جانە سوڭعى كاسىپتەردە كەڭەيگەن سالانىڭ كوپتەن توعىسۋىنا ىلەسە، ءۇرىمجى قالاسىنىڭ زەردەلى قاتىناسى جان - جاقتى، ستەرەولدى بەتالىسقا قاراي ۇزدىكسىز كەڭەيدى.

  زەردەلى قاتىناس عانا ەمەس، زەردەلى ەمدەلۋ دە ءۇرىمجى قالاسىنىڭ قالا تۇرعىندارىن اناعۇرلىم كوپ، جوعارى ءونىمدى الەۋمەتتىك قىزمەت وتەۋمەن قامدادى. كەزەكتە ءۇرىمجى قالاسى جالپى حالىقتىڭ سالاماتتىق ينفورماتسيا تۇعىرى، شينجياڭ شەكارا اتتاعان الىس ارالىقتى ەمدەۋدەن قىزمەت وتەۋ تۇعىرى، الەۋمەتتىك دەنساۋلىق ساقتاۋدى باسقارۋ جانە قىزمەت ناتيجەسىن باعالاۋ قولدانىلمالى جۇيەسى، بالالارعا ساقتىق ۆاكسيناسىن قويۋ ينفورماتسيا تۇعىرى سياقتىلار الدەقاشان قۇرىلىپ، قالانىڭ ەمدەۋدەن قىزمەت وتەۋى ينفورماتسيالانۋدى جۇزەگە اسىرىپ، شيپاحانانىڭ دياگنوز قويۋ، ەمدەۋ ونىمدىلىگىن ۇتىمدى جوعارىلاتۋدا.

  قازىر ءۇرىمجى قالاسى شينجياڭ بويىنشا ەڭ الدىمەن ساقتىق ۆاكسيناسىن قويۋداعى سيفرلانعان امبولاتوريانى قۇردى، سونداي - اق شىنايى اتى - ءجونىن قولدانىپ ساقتىق ۆاكسيناسىن قويۋ قىزمەتىن ورىستەتتى، وسى ارقىلى ءار ءتۇرلى ۆاكسينا قويىلاتىنداردىڭ ينفورماتسياسىن، ۆاكسينانىڭ بەكىتىلۋ ءنومىرىن، ۆاكسينانىڭ قامبادا ساقتالۋ جاعدايىن دەر كەزىندە تەكسەرىپ، ۆاكسينانى جالپى بارىستا تۋ باستان باسقارۋدى جۇزەگە اسىرۋعا بولاتىن بولدى. تىلگە الۋعا تاتيتىنى، شەكارا اتتاعان الىس ارالىقتى ەمدەۋدەن قىزمەت وتەۋ تۇعىرى وڭىردەگى 29 شيپاحانانى جانە توڭىرەكتەگى ەلدەردەگى 24 شيپاحانانى بايلانىستىرىپ، ەمدەۋ - ساياحات تانىستىرۋ تۇعىرى شەتەلدىك ناۋقاستارعا اۋەجايدان كۇتىپ الۋ، شيپاحاناعا الۋ، ەمدەۋ سياقتى ءبىر تۇلعالانعان ەمدەۋ قىزمەتىن وتەدى، بۇل جىبەك جولى ەكونوميكالىق بەلدەۋى وزەكتى رايونىنىڭ ەمدەۋدەن قىزمەت وتەۋ ورتالىعىن قۇرعان ءۇرىمجىنىڭ دامۋ ارىنىن ءتىپتى كۇشەيتە ءتۇستى.

  ءۇرىمجى قالاسى زەردەلى قالا قۇرىلىسىن باستاعاننان بەرى، 14 ”زەردەلى“ نىسان سالىنىپ ىسكە قوسىلدى. زەردەلى ەمدەۋ، زەردەلى قوعامدىق قامتاماسىزداندىرۋ، قالا تۇرعىندارىنىڭ ي - كاتۇڭى سياقتى نىساندار، سونداي - اق قالانىڭ نەگىزدىك تورى جانە زات تورى (سىمسىز قالا)، زەردەلى ساۋدا، زەردەلى باقشا رايونى سياقتى نىساندار حالىققا قولايلىلىق جاساۋدىڭ، حالىققا يگىلىك جەتكىزۋدىڭ زور پايداسىن بىرتىندەپ جەتكىزىپ، قالا تۇرعىندارىنىڭ ىشەر اس، كيەر كيىم، جاتار ورىن، ءجۇرىس - تۇرىس، ساياحات، زات ساتىپ الۋ، كوڭىل اشۋ سياقتى ىستەرىنە جەڭىلدىك ءارى قولايلىلىق اكەلۋدە.

زەردەلى جۇيە ۇزدىكسىز كەڭەيدى 

  2018 - جىلى ءۇرىمجى قالاسىندا اۋا ساپاسى تاڭداۋلى بولعان كۇن سانى سايكەس مەزگىلدەگىدەن 3.9پايىز ارتتى، 5.PM2تىڭ جىلدىق ورتاشا قويۋلىعى سايكەس مەزگىلدەگىدەن %21.4ازايدى. ەكولوگيالىق ورتانىڭ ۇزدىكسىز جاقسارۋىنا دەم بەردى، ءۇرىمجى قالالىق ەكولوگيالىق ورتا مەكەمەسىنىڭ ءتۇيىندى لاستاۋشى كوزدەردى اۆتوماتتى باقىلاۋ جۇيەسى قالانىڭ قورشاعان ورتاسىن باسقارۋدا، لاستانۋدان ساقتانۋ مەن ونى جونگە سالۋدا ماڭىزدى رول اتقاردى.

  ”بولات - تەمىر، حيميا ونەركاسىبى، سەمەنت، مۇناي حيميا، لات سۋدى ءبىر جاقتى ەتۋ سياقتى ءتۇيىندى لاستاۋشى كاسىپورىندارعا مەڭزەس، باقىلاۋ جۇيەسى ۋاعىندا باقىلادى، كاسىپورىنداردىڭ ولشەمنەن اسىرىپ جاراقسىز زات شىعارۋىن دەر كەزىندە بايقايتىن ءارى ءبىر جاقتى ەتەتىن بولدى. باقىلاۋ ساندى مالىمەتى ءۇرىمجى قالاسىنىڭ، اۆتونوميالى رايوننىڭ جانە مەملەكەتتىڭ جۇيەسىنە كىرىپ، ءبىر تۇتاس باقىلاپ - باسقارىپ، بىردەي ولشەم قولدانىپ، قاشىقتان باقىلاپ، باسقارىپ، كاسىپورىنداردىڭ قورشاعان ورتا تانىمىن كۇشەيتتى، سونىمەن قاتار زاڭ اتقارۋدىڭ وزىندىك قۇنىن تومەندەتتى“. 4 - ايدىڭ 12 - كۇنى ءۇرىمجى قالالىق قورشاعان ورتانى باقىلاۋ - تەكسەرۋ بولىمشە اترەتىنىڭ قاتىستى جاۋاپتىسى العاشقى كەزدە 27 ءتۇيىندى كاسىپورىن، 43 باقىلاۋ ءتۇيىنى قۇرىلعاننان قازىرگە دەيىن ءتۇيىندى كاسىپورىن 38گە، باقىلاۋ ءتۇيىنى 74كە جەتكەنىن، ءۇرىمجى قالاسىنىڭ لاستاۋشى كوزدەردى باقىلاۋ - باسقارۋ كولەمى ۇزدىكسىز كەڭەيىپ، ەكولوگيالىق ورتانى قورعاۋداعى زەردەلى ءتاسىلدىڭ اناعۇرلىم اشالانىپ، ءونىمدى بولا تۇسكەنىن ايتتى.

  زەردەلى قورشاعان ورتانى قورعاۋدا، ءۇرىمجى قالاسىنىڭ لاستاۋشى كوزدەردى باقىلاۋ جۇيەسى 7 رايون، ءبىر اۋداندى، سونداي - اق گانچۋانباۋ ونەركاسىپ باقشا رايونىن قامتىپ، قالا بويىنشا ءتۇيىندى لاستاۋشى كوزدەردى %100 دەر كەزىندە باقىلاپ وتىردى.

 ءۇرىمجى قالالىق ونەركاسىپ جانە ينفورماتسيالاندىرۋ مەكەمەسىنىڭ (ۇلكەن ساندى مالىمەتتى دامىتۋ مەكەمەسى) ورىنباسار باستىعى لي نيڭ مىنانى ءبىلدىردى: زەردەلى قالا قۇرىلىسى قالا تۇرعىندارىنىڭ تالاپ - تىلەگىن ءونىمدى تۇردە شەشۋدىڭ، الەۋمەتتىك قىزمەت وتەۋدىڭ قامداۋ ساپاسىن ءوسىرۋدىڭ قاجەتتى جولى عانا ەمەس، سونداي - اق قالانىڭ ءمان - مازمۇنىن بايىتۋدىڭ، باياندى دامۋدىڭ سەرپىنىنە يە بولۋدىڭ پارمەندى تىرەگى. زەردەلى قۇرىلىس جۇيەسىنىڭ ۇزدىكسىز كەڭەيۋىنە بايلانىستى، ءۇرىمجى قالاسى قالانىڭ ءوندىرىس، تۇرمىس ساپاسىن جوعارىلاتۋعا، ەكونوميكانى، قوعامدى جوعارى ساپامەن دامىتۋعا ارشىندى قادام تاستادى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى