يدەيانى بىرلىككە كەلتىرىپ، ارىننان قايتپاي، قايتپاس قايسارلىقپەن شايقاس جاساپ، شايقاسقان سايىن قايراتتانىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشۋ كەرەك

كەلۋ قاينارى: شينجياڭ گازەتى تورابى   |   جولدانعان ۋاقىتى:2019 - 04 - 22 13:01

شي جينپيڭ چۇڭچيڭدە قىزمەت تەكسەرگەندە جانە ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ءماجىلىستى باسقارىپ اشقاندا بىلاي دەپ باسا دارىپتەدى

  يدەيانى بىرلىككە كەلتىرىپ، ارىننان قايتپاي، قايتپاس قايسارلىقپەن شايقاس جاساپ، شايقاسقان سايىن قايراتتانىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشۋ كەرەك


  4 - ايدىڭ 15 - كۇنىنەن 17 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چۇڭچيڭدە قىزمەت تەكسەردى ءارى ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ءماجىلىستى باسقارىپ اشتى. سۋرەتتە: 4 - ايدىڭ 16 - كۇنى تۇستەن كەيىن شي جينپيڭ ”ەكىدەن تارىقتىرماۋ، ۇشتە قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن



  4 - ايدىڭ 15 - كۇنىنەن 17 - كۇنىنە دەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چۇڭچيڭدە قىزمەت تەكسەردى ءارى ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ءماجىلىستى باسقارىپ اشتى. سۋرەتتە: 4 - ايدىڭ 15 - كۇنى تۇستەن كەيىن شي جينپيڭ شىجۋ تۋجيازۋ اۆتونوميالى اۋدانى جۇڭي اۋىلىنىڭ حۋاشي قىستاعىندا كەدەي وتباسى تان دىڭجوۋدىڭ ۇيىنە امانداسا باردى. سۋرەتتى شينحۋا اگەنتتىگىنىڭ ءتىلشىسى ليۋ بين تۇسىرگەن

   شينحۋا اگەنتتىگىنىڭ 4 - ايدىڭ 17 - كۇنى چۇڭچيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 15 - كۇنىنەن 17 - كۇنىنە دەيىن چۇڭچيڭدە قىزمەت تەكسەردى، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ تۋرالى اڭگىمە ءماجىلىستى باسقارىپ اشتى ءارى ماڭىزدى ءسوز سويلەدى. ول بىلاي دەپ باسا دارىپتەدى: كەدەيلىكتەن ارىلتۋدان قامال الۋ شايقاسى شەشۋشى جەڭىسكە جەتۋدىڭ شەشۋشى كەزەڭىنە ءوتتى، وڭىرلەر، تاراۋلار، ءسوز جوق، بارىنشا ءمان بەرىپ، يدەيانى بىرلىككە كەلتىرىپ، تياناقتاندىرۋدى ويداعىداي يگەرىپ، ارىننان قايتپاي، قايتپاس قايسارلىقپەن شايقاس جاساپ، شايقاسقان سايىن قايراتتانىپ، ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى كۇش سالا شەشىپ، بيىلعى جانە كەلەر جىلعى 2 جىلداعى كەدەيلىكتەن ارىلتۋدان قامال الۋ قىزمەتىن تىڭعىلىقتى ويداعداي ىستەپ، كەدەيلىكتەن ارىلتۋدان قامال الۋ شايقاسىنىڭ جاپپاي جەڭىسىنە دەر كەزىندە قول جەتكىزۋگە، دەر كەزىندە جاپپاي دوڭگەلەك داۋلەتتى قوعام قۇرۋعا جاڭا ءارى اناعۇرلىم زور ۇلەس قوسۋى كەرەك.

  تاۋ قالاسىنداعى 4 - ايدا كوكتەم سامالى ەسىپ، بارلىق الاپ جاسىل جەلەك جامىلىپ، جالىندى تىرشىلىك لەبى ەستى. 4 - ايدىڭ 15 - كۇنى شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، چۇڭچيڭ قالالىق پارتكومنىڭ شۋجيى چىن مين - ىردىڭ جانە قالا باستىعى تاڭ لياڭجىنىڭ سەرىك بولۋىمەن، شىجۋ تۋجيازۋ اۆتونوميالى اۋدانىنىڭ مەكتەپتەرىنە، اۋىل - قىستاقتارىنا بارىپ، كەدەيلىكتەن ارىلتۋدان قامال الۋ قىزمەتىنىڭ جاعدايىن ۇعىستى.

  ۋليڭشانداعى شوعىرلى تۇتاسقان ەرەكشە كەدەي وڭىرگە ورنالاسقان شىجۋ تۋجيازۋ اۆتونوميالى اۋدانى − مەملەكەتتىڭ كەدەيلەردى سۇيەمەلدەۋ، وركەندەتۋ قىزمەتىندەگى ءتۇيىندى اۋدان. 4 - ايدىڭ 15 - كۇنى تۇستە شي جينپيڭ ۇشاقتان تۇسە سالا پويەزگە وتىرىپ، ونان اۆتوموبيلگە وتىرىپ شىجۋ اۋدانىنا جول الدى. تىك بەتكەيلى، تەرەڭ شاتقالدى، يرەلەڭدەگەن تاۋ جولىندا 3 ساعاتتان استام ۋاقىت ءجۇرىپ، تاۋ قويناۋىنداعى شىجۋ اۋدانى جۇڭي اۋىلىنىڭ حۋاشي قىستاعىنا جەتتى.

  شي جينپيڭ الدىمەن جۇڭي اۋىلدىق باستاۋىش مەكتەپكە كەلدى. مەكتەپتىڭ الاڭىندا وقۋشىلار ساباقتان سىرتقى مادەنيەت دەنە تاربيە قيمىلدارىن وتكىزىپ جاتقان ەدى. باس شۋجيدىڭ كەلگەنىن كورىسىمەن، وقۋشىلار قاۋمالاي كەلىپ، ”شي جينپيڭ اتا سالەمەتسىز بە“، - دەدى. باس شۋجي كوپشىلىكپەن قۋانا شۇيىركەلەسىپ، ولاردىڭ ۇيرەنۋ جانە تۇرمىس جاعدايىن سۇرادى. تاۋ قويناۋىنداعى جۇڭي اۋىلىنىڭ تۇرعىندارى ءبىرشاما بىتىراي قونىستانعاندىقتان، بالالاردىڭ وقۋى قيىن ماسەلە ەدى. شي جينپيڭ بىلاي دەپ اتاپ كورسەتتى: ”ەكىدەن تارىقتىرماۋ، ءۇشتى قامتاماسىز ەتۋ“دەگى اسا ماڭىزدى ءتۇيىن − مىندەتتى وقۋ - اعارتۋدى قامتاماسىز ەتۋ. قانشا جاپا شەكسەك تە، بالالار بەينەت كورمەسىن، قانشا كەدەي بولساق تا تاربيەدەن كەندە بولماسىن. كەدەي تاۋلى وڭىرلەردەگى بالالاردىڭ وقۋعا ءتۇسىپ ءبىلىم الىپ، بالالىق شاعىنىڭ باقىتتى، كوڭىلدى بولۋىنا كەپىلدىك ەتۋ كەرەك. شي جينپيڭ وقىتۋشى - وقۋشىلار اسحاناسىنا كىرىپ، اسحانانى، تاماق ىستەيتىن ءۇيدى كورىپ، كەدەي وقۋشىلارعا تاماق قوسىمشا قاراجاتىنىڭ بەرىلۋى جانە ازىق - تۇلىك حاۋىپسىزدىگى، تازالىعى جاعدايىن ۇعىستى. شي جينپيڭ مەكتەپ پەن وقىتۋشىلارعا مىنانى تاپسىردى: وقىتۋشىسى دا ءارى ۋاقىتشا اتا - اناسى دا بولىپ، وقۋشىلاردى ويداعىداي تاربيەلەۋ، باسقارۋ كەرەك. حاۋىپسىزدىكتى ءبىرىنشى ورىنعا قويىپ، وقۋشىلاردىڭ مەكتەپتەگى ۇيرەنۋىنىڭ، جاتۋىنىڭ، تاماقتانۋىنىڭ تۇگەلدەي حاۋىپسىز بولۋىنا كەپىلدىك ەتىپ، اتا - انالاردى الاڭسىز ەتۋ كەرەك. ول وقىتۋشىلاردىڭ تاۋلى وڭىرگە تامىر تارتىپ، اۋىل - قىستاقتىڭ وقۋ - اعارتۋ ىسىنە وزدەرىن ارناپ، بۇقارانىڭ كەدەيلىكتەن ارىلۋىنا ەسە قوسۋىن ءۇمىت ەتتى.

  حۋاشي قىستاعىندا ادام كوپ، جەر از، جەرى قۇنارسىز، قىستاق بويىنشا ارحيۆ تۇرعىزىلىپ، كارتچكا بەرىلگەن 85 وتباسى، 302 ادام بار، مۇنىڭ ىشىندە 8 وتباسى، 19 ادام ءالى كەدەيلىكتەن ارىلماعان. شي جينپيڭ تىك بەتكەيگە تايعاناق باسپالداقپەن شىعىپ، كەدەي وتباسى تان دىڭجوۋدىڭ ۇيىنە كەلدى. ءۇيدىڭ ءىشى - سىرتىن كورىپ، ەكى قاريادان تۇرمىس، دەنساۋلىق جاعدايىن تاپتەشتەي سۇرادى. تان دىڭجوۋ مەن ايەلى باس شۋجيگە جارالانىپ اۋىرىپ قالعاندىقتان ەڭبەك قۋاتىنان ۋاقىتشا ايرىلعانىن، تۇرمىستارىندا ءبىرشاما قيىنشىلىق بار ەكەنىن، ءبىراق جەردى اينالىمعا سالۋدان پايدا العانىن، ەمدەلۋ جاعىندا كومەككە يە بولىپ وتىرعانىن، ەڭ تومەنگى تۇرمىستارىنىڭ قامتاماسىز ەتىلگەنىن، 3 بولمەلى ءۇيىنىڭ جوندەلىپ بەرىكتەتىلگەنىن، اسىرەسە، ەمدەۋ قاراجاتىنىڭ كوبى ەسەپتەن كوتەرتىلگەنىن، ءوزى ازعانتاي بولىگىن تولەگەنىن، نەگىزگى تۇرمىسىنىڭ قامتاماسىز ەتىلىپ وتىرعانىن ايتتى. شي جينپيڭ بىلاي دەپ اتاپ كورسەتتى: نەگىزگى ەمدەۋ قامسىزداندىرۋى، سالماقتى ناۋقاس قامسىزداندىرۋى، ەمدەلۋ جاعىنداعى كومەك − بۇقارانىڭ اۋرۋ سەبەبىنەن قايتا كەدەيلەسۋىنەن ساقتانۋدىڭ ماڭىزدى كەپىلى. تومەنگى شەكتەن تۇسىرمەي قامتاماسىز ەتۋدىڭ رولى توتەنشە شەشۋشى ماڭىزعا يە. كەدەيلىكتەن ارىلتۋدان قامال الۋ كەلەر جىلى اياقتالادى، قىزمەتتى ىشكەرىلەي، تىڭعىلىقتى ىستەپ، كەدەيلىكتەن ءالى ارىلماعان نەمەسە اۋرۋ سەبەبىنەن، جارالانۋ سەبەبىنەن قايتا كەدەيلەسكەن بۇقارانىڭ قىزمەتىن ءتۇيىندى تۇردە جاقسى ىستەپ، ەڭ تومەنگى تۇرمىستى قامتاماسىز ەتۋ، ەمدەۋ قامسىزداندىرۋى، ەمدەلۋ جاعىنداعى كومەك سياقتى قاتىستى سۇيەمەلدەۋ جانە قامتاماسىز ەتۋ شارالارىن جەدەل كەمەلدەندىرىپ، كەدەيلەر قاۋىمىنىڭ كەدەيلىكتەن شىنايى ارىلۋىن، كەدەيلىكتەن ورنىقتى تۇردە ارىلۋىن ءتۇزىم جۇيەسى ارقىلى قامتاماسىز ەتۋ كەرەك.

  ىلە - شالا شي جينپيڭ ساقا پارتيا مۇشەسى، كەدەيلىكتەن ارىلعان ما پەيچيڭنىڭ ۇيىنە بەت الدى، اۋىلدىڭ جولىمەن اياڭداپ، تابيعاتتى، قىستاق كەلبەتىن كورىپ، وسى قىستاقتىڭ جۇڭگوشا ءدارى ماتەريالى − سيىر سىلەكەي ءشوبى سياقتى ەرەكشە ەكونوميكالىق داقىلداردى ەگىپ، قىستاق تۇرعىندارىن كەدەيلىكتەن ارىلتۋعا باستاعانىن ۇعىستى. ما پەيچيڭنىڭ ۇيىندە قامباعا تولعان استىقتى، اس ۇيدەگى سۇرىلەنگەن ەتتى كورىپ، ىشەر اس پەن كيەر كيىمنەن تارىقپاعانىن ءبىلىپ، ولاردىڭ وتباسىنىڭ سيىر سىلەكەي ءشوبى جۇڭگوشا ءدارى ماتەريالى كاسىبىن دامىتۋ جانە جەردى جارناعا قوسىپ پايداسىن الۋ، ءدارى ماتەريالى بازاسىن قورعاۋ سياقتى تاسىلدەر ارقىلى كەدەيلىكتەن ورنىقتى تۇردە ارىلعانىن ۇعىسىپ، شي جينپيڭ ءسۇيىنىشىن ءبىلدىردى.

  ما پەيچيڭنىڭ اۋلاسىندا شي جينپيڭ قىستاق تۇرعىندارىنىڭ ۋاكىلدەرىمەن، نەگىزگى ساتى كادرلارىمەن، كەدەيلەردى سۇيەمەلدەۋشى كادرلارمەن، اۋىل - قىستاق شيپاگەرلەرىمەن بىرگە قورالانا وتىرىپ، ساياساتتى ايتىپ، وزگەرىستەردى تىلگە الىپ، دامۋدى قاراستىردى. كوپشىلىك كەزەكپەن سويلەپ، ءوز ويلارىن ايتىپ، قىزۋ اڭگىمەگە كىرىستى. شي جينپيڭ اۋىلداستارعا بىلاي دەدى: كەدەيلىكتەن ارىلتۋدان قامال الۋ − مەنىڭ كوكەيىمنەن كەتپەيتىن ءىرى ءىس. وسى جولى مەنىڭ سىزدەرگە ارنايى امانداسا كەلۋدەگى ماقساتىم − ”ەكىدەن تارىقتىرماۋ، ءۇشتى قامتاماسىز ەتۋ“دىڭ شىنايى تياناقتانعان - تياناقتانباعانىن، تاعى قانداي ماسەلەلەر بار ەكەنىن ۇعىسۋ. دوڭگەلەك داۋلەتكە جەتكەن - جەتپەگەندى بىلۋدە اۋىلداستارعا قاراۋ كەرەك، كەدەيلىكتەن ارىلتۋدان قامال الۋ قىزمەتىنىڭ قالاي ىستەلگەنىنە قاراۋ كەرەك. جاپپاي دوڭگەلەك داۋلەتكە جەتۋ جولىندا بىردە - بىرەۋى قاعىس قالسا بولمايدى. دامىعاندا عانا سوتسياليزم بولادى، دامۋدا، ءسوز جوق، بىرگە اۋقاتتانۋعا كۇش سالۋ كەرەك. مەملەكەت نەعۇرلىم دامىعان سايىن، كەدەي بۇقارانىڭ نەگىزگى تۇرمىسىن سولعۇرلىم ويداعىداي قامتاماسىز ەتۋ كەرەك. ءار دارەجەلى پارتكومدار مەن ۇكىمەتتەر ”ەكىدەن تارىقتىرماۋ، ءۇشتى قامتاماسىز ەتۋ“ شارالارىن قىستاقتارعا، وتباسىلارىنا، ادامدارعا دەيىن تياناقتاندىرۋ كەرەك. اۋىل، قىستاق − ەكى دارەجەلى نەگىزگى ساتى پارتيا ۇيىمى قۇرىلىسىن كۇشەيتىپ، كەدەيلىكتەن ارىلتۋدان قامال الۋداعى جاۋىنگەر قامالدىق رولىن اناعۇرلىم جاقسى ساۋلەلەندىرىپ، پارتيانىڭ نەگىزگى ساتىداعى جونگە سالۋ قابىلەتى مەن بۇقاراعا قىزمەت وتەۋ قابىلەتىن جوعارىلاتۋ كەرەك. پارتيالى كادرلار كەدەيلىكتەن ارىلتۋدان قامال الۋدىڭ ءبىرىنشى شەبىنە بارىپ، بۇقارانى باستاپ كەدەيلىكتەن ارىلىپ اۋقاتتانۋدىڭ جالىندى امالياتىندا شىنىعىپ، سىننان ءوتىپ، پارتيالىلىقتى شىڭاپ، بۇقاراعا سۇيىسپەنشىلىگىن كۇشەيتىپ، قىزمەتتى جاقسى ىستەۋ قابىلەتىن ارتتىرۋى كەرەك. شي جينپيڭ بىلاي دەپ باسا دارىپتەدى: باقىت كۇرەستەن كەلەدى. پارتيانىڭ ساياساتى بۇقارا ءۇشىن جاقسى بولعاندا عانا، ناعىز جاقسى بولادى. پارتيانىڭ حالىققا تيىمدىلىك جاساۋ ساياساتتارىن ويداعىداي تياناقتاندىرۋ ءۇشىن، اۋىلداستار بىرگە كۇرەس جۇرگىزىپ، قۇلشىنا العا ۇمتىلىپ، ەرتەرەك كەدەيلىكتەن ارىلىپ، اۋقاتتانىپ، دوڭگەلەك داۋلەتكە جەتۋگە قۇلشىنۋى كەرەك.

  قىستاقتان اتتاناردا، قىستاق تۇرعىندارى قىستاقتىڭ شەتىنە جينالىپ، باس شۋجيگە سالەم دەپ اسقاق داۋىستادى. شي جينپيڭ كوپشىلىكپەن ىقىلاسپەن قول الىسىپ، اۋىلداستاردىڭ مۇنان دا باقىتتى تۇرمىسقا كەنەلۋىن تىلەدى.

  4 - ايدىڭ 16 - كۇنى تۇستەن كەيىن شي جينپيڭ چۇڭچيڭدە ”ەكىدەن تارىقتىرماۋ، ءۇشتى قامتاماسىز ەتۋ“دەگى كورنەكتى ماسەلەلەردى شەشۋ جونىندە اڭگىمە ءماجىلىستى باسقارىپ اشتى. اڭگىمە ماجىلىستە گۋاڭشي، چۇڭچيڭ، سىچۋان، گۇيجوۋ، يۇننان، شانشي، گانسۋ، شينجياڭ قاتارلى جەرلەردىڭ پارتكوم شۋجيلەرى جازباشا مالىمەت بەردى، چۇڭچيڭ قالاسى شىجۋ تۋجيازۋ اۆتونوميالى اۋداندىق پارتكومنىڭ شۋجيى جيان زىشي، فىڭجيە اۋدانى پيڭ - ان اۋىلدىق پارتكومنىڭ شۋجيى زوۋ يۋانجىن، چىڭكوۋ اۋدانى جوۋشي اۋىلى لياڭفىڭ قىستاعى پارتيا ياچەيكاسىنىڭ شۋجيى ۋ دۇڭ، وقۋ - اعارتۋ مينيسترلىگى، تۇرعىن ءۇي جانە قالا، اۋىل قۇرىلىسى مينيسترلىگى، سۋ يگىلىگى مينيسترلىگى، مەملەكەتتىك دەنساۋلىق ساقتاۋ، سالاماتتىق كوميتەتى، مەملەكەتتىك ەمدەۋدى قامتاماسىز ەتۋ مەكەمەسى قاتارلى تاراۋلارداعى نەگىزگى جاۋاپتى جولداستار، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى حۋ چۇنحۋا ىلگەرىندى - كەيىندى لەبىز ءبىلدىردى.

 كوپشىلىكتىڭ ءسوزىن تىڭداعان سوڭ، شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: 2020 - جىلعا دەيىن اۋىل - قىستاقتاعى كەدەيلەردى ىشەر استان، كيەر كيىمنەن تارىقتىرماۋدى، مىندەتتى اعارتۋدى، نەگىزدىك ەمدەلۋدى، تۇرعىن ءۇي حاۋىپسىزدىگىن قامتاماسىز ەتۋدى ورنىقتى جۇزەگە اسىرۋ − كەدەيلەردى كەدەيلىكتەن ارىلتۋدىڭ نەگىزگى تالابى جانە وزەكتى كورسەتكىشى، ول قامال الۋ شايقاسىنىڭ ساپاسىنا تىكەلەي سايادى. جالپى العاندا، ”ەكىدەن تارىقتىرماۋ“ نەگىزىنەن شەشىلدى، ”ءۇشتى قامتاماسىز ەتۋ“دە ءالى دە ءبىرتالاي ءالسىز بۋىندار بار. وڭىرلەر، تاراۋلار بارىنشا ءمان بەرىپ، يدەيانى بىرلىككە كەلتىرىپ، تياناقتاندىرۋدى ويداعىداي يگەرۋى كەرەك. نەگىزگى سانىن انىقتاپ، نازاردى كورنەكتى ماسەلەلەرگە شوعىرلاندىرىپ، ۋاقىت كەستەسىن، باعدار كارتاسىن ايقىنداپ، قىزمەت سەرپىنىن كۇشەيتىپ، ەرەكشە ۇتىمدى شارالار مەن ادىستەردى قولدانىپ، مىندەتتىڭ ۋاعىندا ورىندالۋىنا شىنايى كەپىلدىك ەتۋ كەرەك.

  شي جينپيڭ مىنالاردى باسا دارىپتەدى: كەدەيلىكتەن ارىلتۋدان قامال الۋ شايقاسى شەشۋشى جەڭىستىڭ شەشۋشى كەزەڭىنە ءوتتى، ءسوز جوق، ارىنداي ءتۇسىپ، قايسارلىقپەن شايقاس جۇرگىزۋ، تولىق جەڭىسكە جەتپەي استە شەپتەن قايتپاۋ كەرەك. ولكەلەردىڭ، اۆتونوميالى رايونداردىڭ، قالالاردىڭ پارتيا، ۇكىمەت ورىندارىنداعى نەگىزگى جاۋاپتى جولداستار ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، ساياسي جاۋاپكەرشىلىكتى كۇشەيتىپ، كەدەيلىكتەن ارىلتۋدان قامال الۋدى ءوزى تىكەلەي كىرىسە وتىرىپ ويداعىداي يگەرۋ كەرەك. كەدەيلەردى سۇيەمەلدەۋگە جاۋاپتى ولكە دارەجەلى جاۋاپتى جولداستار قىزمەتتەردى تياناقتاندىرۋدى ويداعىداي يگەرۋ كەرەك. سالالار، تاراۋلار كەدەيلىكتەن ارىلتۋدان قامال الۋدىڭ نىسانا - مىندەتتەرىن ارقاۋ ەتىپ، سايلاۋىت كۇشپەن شايقاسقا شىعۋ تالابى بويىنشا شىنايى تۇردە مىندەت اتقارىپ، جاۋاپكەرشىلىكتى ادا ەتىپ، كۇش بىرىكتىرە وتىرىپ قامال الۋ، جاۋاپكەرشىلىكتى تياناقتاندىرماي، ساياساتتى تياناقتاندىرماي، قىزمەتتى تياناقتاندىرماي مىندەتتىڭ ورىندالۋىنا ىقپال جاساعانداردى جاۋاپقا تارتۋ كەرەك. پارتيا ورتالىق كوميتەتى اۋىر كەدەي وڭىرلەردىڭ كەدەيلىكتەن ارىلتۋدان قامال الۋىنا قولداۋ كورسەتۋ جونىندە اتقارۋ پىكىرىن جاساپ، ءار جاق تۇگەلدەي سەرپىندى ارتتىردى، ءبىراق بوساڭسۋعا بولمايدى. قامال الۋ شارالارىن ىشكەرىلەي زەرتتەپ، اشالاپ، ناقتىلاپ، كەدەرگىلەردى اتوي سالا الاستاپ، كەدەيلىكتەن ارىلتۋ مىندەتىنىڭ ورىندالۋىنا كەپىلدىك ەتۋ كەرەك. بۇل رەتكى كەدەيلىكتەن ارىلتۋدان قامال الۋ جونىندەگى ارناۋلى شارلاۋدا جانە ناتيجەسىن باعالاۋدا كوپتەگەن كورنەكتى ماسەلەلەر مەن ورتاق سيپاتقا يە ماسەلەلەر بايقالدى. وڭىرلەر، تاراۋلار جاپپاي اداقتاپ، تەكسەرىپ، سالالاپ، ءتۇرلى ماسەلەلەردىڭ شىنايى رەتتەلۋىنە - تۇزەتىلۋىنە كەپىلدىك ەتىپ، كەلەر جىلعى قىزمەتكە تاماشا نەگىز قالاۋ كەرەك.

  شي جينپيڭ مىنالاردى اتاپ كورسەتتى: كەدەيلىكتەن ارىلتۋدا سانعا قاراۋ، ونان دا ماڭىزدىسى، ساپاسىنا قاراۋ كەرەك. كەدەيلىك تىزىمىنەن شىعارۋ وتكەلىن قاتاڭ يگەرىپ، تىزىمنەن شىعارۋدىڭ ولشەمى مەن ءتارتىبىن قاتاڭ اتقارىپ، ناعىز كەدەيلەردى كەدەيلىكتەن ارىلتۋعا، كەدەيلىكتەن شىنايى ارىلتۋعا كەپىلدىك ەتۋ كەرەك. قايتا كەدەيلەسۋدەن ساقتانۋدى ماڭىزدى ورىنعا قويىپ، لايىقتى ۋاقىتتا كەدەيلىكتەن ارىلعان ادامدارعا ”قايتا قاداعالاۋ“ جۇرگىزۋ كەرەك. كەدەيلىكتەن ورنىقتى ارىلتۋدىڭ باياندى مەحانيزمىن ورناتۋ جونىندە ىزدەنىس جاساپ، كاسىپ سالاسى ارقىلى كەدەيلەردى سۇيەمەلدەۋدى كۇشەيتىپ، تۇتىنۋ ارقىلى كەدەيلەردى سۇيەمەلدەۋگە ۇيىمداستىرىپ، تاربيەلەۋ سەرپىنىن ارتتىرىپ، باسقا سالاعا ويىسىپ جۇمىسقا ورنالاسۋدى جەبەپ، كەدەي بۇقارانىڭ تۇراقتى جۇمىس ورنى بولۋىنا مۇمكىندىك جاساۋ كەرەك. وزگە جەرگە كوشىرىپ كەدەيلەردى سۇيەمەلدەۋدىڭ سايكەستى كومەكتەسۋ - سۇيەمەلدەۋ ىستەرىن ويداعىداي ىستەۋ كەرەك. كەدەيلەردى سۇيەمەلدەۋدى ەرىك - جىگەر جاعىنان سۇيەمەلدەۋمەن، اقىل - پاراسات جاعىنان سۇيەمەلدەۋمەن بىرلەستىرۋدى كۇشەيتىپ، كەدەيلىكتەن ارىلتۋدى باياندى ىشكى قوزعاۋشى كۇشكە يە ەتۋ كەرەك.

  شي جينپيڭ مىنالاردى باسا دارىپتەدى: كەدەي اۋدانداردىڭ كەدەيلىك قالپاعى الىنىپ تاستالعان سوڭ، قالعان كەدەي بۇقارانى كەدەيلىكتەن ارىلتۋ مىندەتىن ۇزدىكسىز ورىنداپ، كەدەيلىكتەن ارىلعان بۇقارانىڭ كەدەيلىكتەن ورنىقتى ارىلۋىن جۇزەگە اسىرۋ كەرەك. كەدەي اۋدانداردىڭ پارتيا، ۇكىمەت ورىندارىنداعى ءبىرىنشى باسشىنىڭ تۇراقتىلىعىن ساقتاۋ، قالپاق الىنعانمەن، جاۋاپكەرشىلىكتى تاستاماۋ كەرەك. كەدەيلىكتەن ارىلتۋدان قامال الۋعا قاتىستى باستى ساياساتتاردى ۇزدىكسىز اتقارىپ، قالپاق الىنعانمەن، ساياساتتى توقتاتپاۋ كەرەك. كەدەيلەردى سۇيەمەلدەۋ قىزمەت اترەتتەرىن شەگىندىرمەۋ، قالپاق الىنعانمەن، كومەكتەسۋ - سۇيەمەلدەۋدى توقتاتپاۋ كەرەك. قايتا كەدەيلەسۋدەن ساقتانۋدى ماڭىزدى ورىنعا قويىپ، قالپاق الىنعانمەن، باقىلاۋ - باسقارۋدى توقتاتپاۋ كەرەك. ساياساتتىڭ تۇراقتىلىعىن، ۇلاسپالىلىعىن ساقتاۋ كەرەك.

  شي جينپيڭ مىنالاردى اتاپ كورسەتتى: پارتيانى جاپپاي قاتاڭ جونگە سالۋ تالابىن كەدەيلىكتەن ارىلتۋدان قامال الۋدىڭ جالپى بارىسىنا ءسىڭىرىپ، ستيل قۇرىلىسىن كۇشەيتىپ، پارتيا قۇرىلىسىن مىقتى ۇستاي وتىرىپ كەدەيلىكتەن ارىلتۋدى جەبەۋ ءتۇزىلىس - مەحانيزمىن كەمەلدەندىرىپ جانە تياناقتاندىرىپ، نەگىزگى ساتى پارتيا ۇيىمدارىنىڭ بۇقارانى كەدەيلىكتەن ارىلۋعا، اۋقاتتانۋعا باستايتىن جاۋىنگەر قامالدىق رولىن ساۋلەلەندىرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتۋگە قاتىستى شەشىمدەردى ناقتى تياناقتاندىرۋ كەرەك. كەدەيلىكتەن ارىلتۋدان قامال الۋدىڭ ءبىرىنشى شەبىندە جىگەرلەنە شايقاس جاساپ جاتقان جولداستاردىڭ تۇرمىسىنا، دەنساۋلىعىنا، حاۋىپسىزدىگىنە كوڭىل ءبولىپ، قۇربان بولعان كادرلاردىڭ وتباسىنداعىلارعا دەر كەزىندە قامقورلىق قاراجات بەرىپ، ولاردى ۇزاق ۋاقىت سۇيەمەلدەۋ، ولاردان حال سۇراپ تۇرۋ كەرەك. نەگىزگى ساتى ءبىرىنشى شەبىندە ىستەپ ناتيجە شىعارعان، بۇقارا قارسى العان كادرلاردى باۋلۋعا، ىستەتۋگە ءمان بەرۋ كەرەك. كەدەيلەردى سۇيەمەلدەۋدە جاپا - ماشاقاتتان قورقىپ، قيىنشىلىقتان تايساقتاعان، قول ۇشىمەن ىلەكەرلەپ ىستەي سالعان، وتىرىك ىستەپ، كوز بوياۋشىلىق جاساعان كادرلارعا تاربيە بەرۋدى، باسقارۋدى كۇشەيتىپ، مىندەت ورنىنان الىپ تاستاۋعا، اۋىستىرۋعا تيىستىلەرىن دەر كەزىندە الىپ تاستاپ، اۋىستىرىپ، جاۋاپقا تارتۋعا تيىستىلەرىن باتىلدىقپەن جاۋاپقا تارتۋ كەرەك.

  4 - ايدىڭ 17 - كۇنى تۇستەن بۇرىن شي جينپيڭ چۇڭچيڭ قالالىق پارتكوم مەن قالالىق ۇكىمەتتىڭ قىزمەتىنەن مالىمەتتى تىڭداپ، چۇڭچيڭنىڭ ءتۇرلى قىزمەتتە قول جەتكىزگەن تابىستارىن تۇراقتاندىرىپ، چۇڭچيڭنەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن جاپپاي تياناقتاندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىن مىقتى ۇستاپ، جاڭا دامۋ ۇستانىمىنا تاباندى بولىپ، ارتۋدى ورنىقتىرۋ، رەفورمانى جەبەۋ، قۇرىلىمدى رەتتەۋ، حالىق تۇرمىسىنا تيىمدىلىك جاساۋ، حاۋىپ - قاتەردەن ساقتانۋ، ورنىقتىلىقتى ساقتاۋ قىزمەتتەرىن ءبىر تۇتاس جوسپارلاپ ويداعىداي ىستەۋدى، ستيلى پاك، سالتى دۇرىس ساياسي ەكولوگيانى ۇزدىكسىز قالىپتاستىرىپ، ءبىر ءوڭىردى جالپى جاعداي تۇرعىسىنان جوسپارلاۋعا، ءبىر ءوڭىر ارقىلى جالپى جاعدايعا قىزمەت ەتۋگە اناعۇرلىم ءمان بەرىپ، جاڭا داۋىردەگى باتىس بولىكتى جاپپاي اشۋدى ىلگەرىلەتۋدە تىرەكتىك رول اتقارۋعا، ”ءبىر بەلدەۋ، ءبىر جول“دى بىرگە قۇرۋدى ىلگەرىلەتۋدە جەتەكشىلىك رول اتقارۋعا، چاڭجياڭ ەكونوميكالىق بەلدەۋىنىڭ جاسىل دامۋىن ىلگەرىلەتۋدە ۇلگىلىك رول اتقارۋعا قۇلشىنۋدى ءۇمىت ەتتى.

  شي جينپيڭ مىنالاردى باسا دارىپتەدى: پارتيا ورتالىق كوميتەتى «جاڭا داۋىردەگى باتىس بولىكتى قاۋىرت اشۋدى ىلگەرىلەتىپ، جاڭا جاعداي قالىپتاستىرۋ جونىندەگى جەتەكشى پىكىر»دى ماقۇلدادى. بۇل پارتيا ورتالىق كوميتەتىنىڭ جالپى جاعدايدى شىعار ءتۇيىن ەتە وتىرىپ جاساعان كەلەلى شەشىمى، ورنالاستىرۋى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتىپ، جاپپاي سوتسياليستىك وسىزاماندانعان مەملەكەت قۇرىپ شىعۋدىڭ جاڭا ساپارىن باستاۋدا كەلەلى ءارى تەرەڭ مانگە يە. چۇڭچيڭ دايەكتىلەندىرۋدى، تياناقتاندىرۋدى مىقتى ۇستاپ، باتىس بولىكتى قاۋىرت اشۋدى ىلگەرىلەتۋ، جاڭا جاعداي قالىپتاستىرۋ بارىسىندا تىڭ ىسكەرلىك كورسەتىپ، تىڭ سەرپىلىستى جۇزەگە اسىرۋ كەرەك. جوعارى ساپالى دامۋدى مىزعىماستان ىلگەرىلەتىپ، قامداۋ جاعىنداعى قۇرىلىمدىق رەفورمانى تەرەڭدەتۋ سىندى ارقاۋدى مىقتى ۇستاپ، جاساۋ كاسىبىنىڭ جوعارى ساپالى دامۋىن اناعۇرلىم كورنەكتى ورىنعا قويىپ، بازارداعى باسەكەلىك قۋاتى كۇشتى، باياندى وسى زامانعى كاسىپ سالاسى جۇيەسىن جەدەل ورناتۋ كەرەك. جاڭالىق اشۋعا قولداۋ كورسەتۋ سەرپىنىن ارتتىرىپ، رەفورما جاساۋدى، ەسىك اشۋدى مىزعىماستان ىلگەرىلەتىپ، باتىس بولىكتە ەسىك اشۋعا باستاماشى بولۋعا، ەسىك اشۋعا جەتەكشى بولۋعا قۇلشىنۋ كەرەك. قالا مەن اۋىلدىڭ توعىسپالى دامۋىن جەدەل ىلگەرىلەتىپ، قالا مەن اۋىل ءبىر تۇلعالانا توعىسىپ داميتىن ءتۇزىلىس - مەحانيزم جانە ساياسات جۇيەسىن ورناتىپ، اقاۋسىزداندىرىپ، وڭىرلەردىڭ سايكەسە دامۋىن ىلگەرىلەتۋ كەرەك. ەكولوگيالىق وركەنيەت قۇرىلىسىن ونان ارى ويداعىداي يگەرىپ، جوعارعى، ورتاڭعى، تومەنگى اعاردى سايكەستىرۋگە تاباندى بولىپ، ەكولوگيانى قورعاۋدى جانە قالپىنا كەلتىرۋدى كۇشەيتىپ، چاڭجياڭنىڭ جوعارعى اعارىنداعى ماڭىزدى ەكولوگيالىق قالتقىنى بەكەمدەۋ كەرەك.

  شي جينپيڭ مىنالاردى اتاپ كورسەتتى: پارتيا ورتالىق كوميتەتىنىڭ جالپىلىق ورنالاستىرۋى بويىنشا، ءوز ءىس جۇزىندىك جاعدايلارىمەن بىرلەستىرىپ، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋعا قاتىستى ءتۇرلى قىزمەتتەردى دەن قويا جوسپارلاۋ، اتقارۋ كەرەك. جۇڭگو كوممۋنيستىك پارتياسى نە ءۇشىن ”ىسكەر“، ماركسيزم نە ءۇشىن ”ىسكە اسادى“، جۇڭگوشا سوتسياليزم نە ءۇشىن ”جاقسى“ سياقتى كەلەلى ماسەلەلەردى ارقاۋ ەتىپ، ۇگىت - تاربيەنى كەڭىنەن ورىستەتىپ، يدەيالىق قوعامدىق پىكىردى جەتەكتەۋدى كۇشەيتىپ، قالىڭ كادرلار مەن بۇقارانىڭ جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن بەكەمدەپ، جالپى حالىقتىڭ پارتيانى سۇيەتىن، وتاندى سۇيەتىن، سوتسياليزمدى سۇيەتىن اسا زور ىنتاسىن ونان ارى قاۋلاتۋ كەرەك.

  شي جينپيڭ مىنالاردى باسا دارىپتەدى: قيىنشىلىعى ەڭ اۋىر بۇقارادان باستاپ كىرىسىپ، ەڭ كورنەكتى ماسەلەلەردى كوزدەپ، ەڭ ناقتى قىزمەتتەن باستاپ مىقتى ۇستاپ، بوگەۋ تۇيىندەرىن ارشىپ، تالماۋ تۇيىندەردى ارىلتىپ، قالتارىس تۇيىندەردى جويىپ، بۇقارانىڭ تۇرمىسىمەن تىعىز بايلانىستى وقۋ - اعارتۋ، جۇمىسقا ورنالاستىرۋ، قوعامدىق قامسىزداندىرۋ، ەمدەۋ، تۇرعىن ءۇي، قورشاعان ورتانى قورعاۋ، قوعام اماندىعى سياقتى ماسەلەلەردى جاپپاي ويداعىداي شەشىپ، بار كۇشتى شوعىرلاندىرا وتىرىپ جالپىعا ءتيىمدى، نەگىزدىك، تومەنگى شەكتەن تۇسىرمەۋ سيپاتتى حالىق تۇرمىسى قۇرىلىسىن جاقسى ىستەۋ كەرەك. ءوندىرىس حاۋىپسىزدىگى، ازىق - تۇلىك، ءدارى - دارمەك حاۋىپسىزدىگى، اۋىر، ەرەكشە، ءىرى جاراتىلىستىق اپاتتاردان ساقتانۋ، قوعام ورنىقتىلىعىن قورعاۋ قىزمەتتەرىن كۇش سالا مىقتى يگەرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

  شي جينپيڭ مىنالاردى اتاپ كورسەتتى: پارتيا ورتالىق كوميتەتىنىڭ شەشىمدەرىن دايەكتىلەندىرىپ، پارتيانىڭ ساياسي قۇرىلىسىن شىنايى كۇشەيتىپ، ادال، كىرشىكسىز، جاۋاپكەرلىك ارقالايتىن جوعارى ساپالى كادرلار قوسىنىن جەتىلدىرىپ، جاڭا داۋىرگە ۇلەس قوساتىن، جاڭا ناتيجە جاراتاتىن كۇشتى راي جانە تاماشا ورتانى بەلسەنە قالىپتاستىرىپ، دۇرىس يدەيامەن، تاماشا ستيلمەن، جاقسى بەتالىسپەن، ۇنامدى تيپتەرمەن پاك ستيلدى، دۇرىس سالتتى ۇزدىكسىز اسقاقتاتۋ كەرەك. پارتيانىڭ نەگىزگى ساتى ۇيىمدارىنىڭ قۇرىلىسىن كۇشەيتىپ، نەگىزگى ساتى پارتيا ۇيىمدارىنىڭ جاپپاي العا باسۋىن، جاپپاي توتەنشە مىعىم بولۋىن ىلگەرىلەتۋ كەرەك. فورماشىلدىقتى، تورەشىلدىكتى باتىلدىقپەن رەتتەپ - جونگە سالىپ، نەگىزگى ساتى كادرلارىن باسى ارتىق ىستەردەن، حۇجات باستىلىق پەن ءماجىلىس باستىلىقتان، كۇتىپ الۋلار مەن ۇزاتىپ سالۋلاردان ازات ەتۋ كەرەك. شىرىكتەسۋدى جازالاۋدىڭ تەگەۋرىندى كۇيىن ساقتاپ، شىرىكتەسۋگە قارسى تۇرۋ كۇرەسىنىڭ ۇستەم جەڭىسىن بەكەمدەۋ كەرەك.

 ديڭ شۋەشياڭ، ليۋ حى، حۋ چۇنحۋا، حى ليفىڭ قاتارلىلار اتالعان قيمىلدارعا قاتىناستى، چىن چۋانگو، چىن مين - ىر اڭگىمە ماجىلىسكە قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى