كىتاپ وقۋ قيمىلى ”كىتاپ وقۋ مەرەيىنە شومعان تيانشان“دى ارلەي ءتۇستى

كەلۋ قاينارى: شينجياڭ گازەتى تورابى   |   جولدانعان ۋاقىتى:2019 - 04 - 26 16:48

 − رايونىمىزدىڭ جەر - جەرىندە ورىستەتىلگەن كىتاپ وقۋ كۇنىنەن كورگەن - بىلگەندەرىمىز

  تىلشىلەر گاۋ فاڭ، چىن چىن، جاڭ تيڭ، ەرىكتى تىلشىلەر چىڭ شىلين، جۇڭ چۇنچۇن، ۋاڭ يىڭ، دۇان جياڭشي، زىڭ شياۋفىڭ، جاڭ جيە


  4 - ايدىڭ 21 - كۇنى ءۇرىمجى قالاسى تيانشان رايونى ارداۋچياۋ اۋماعى باسقارۋ كوميتەتى فۋشوۋشياڭ الەۋمەتتىك اۋماعىنىڭ كادرلارى قاراستى وڭىردەگى وقۋشىلاردى كىتاپ ۇيىندە كىتاپ وقۋعا ۇيىمداستىردى. سۋرەتتى ءتىلشى وتكىر نيجات تۇسىرگەن

4 - ايدىڭ 23 - كۇنى − 24 - رەتكى دۇنيە جۇزىلىك كىتاپ وقۋ كۇنى. بىرنەشە كۇننەن بەرى، رايونىمىزدىڭ جەر - جەرى ”جالپى حالىق كىتاپ وقۋ. كىتاپ وقۋ مەرەيىنە شومعان تيانشان“ تاقىرىبىندا ءتۇرلى مادەنيەت كىتاپ وقۋ قيمىلدارىن ارت - ارتىنان وتكىزىپ، ”كىتاپ وقۋدى ۇناتۋ، جاقسى كىتاپ وقۋ، كىتاپ وقۋعا شەبەر بولۋ“داي تاماشا مادەنيەت رايىن قالىپتاستىردى.

  تۇتاس حالىق كىتاپ وقىپ، ساپانى جوعارىلاتتى

  4 - ايدىڭ 21 - كۇنى التاي ايماقتىق مادەنيەت - دەنە تاربيە - راديو - تەلەۆيزيا جانە ساياحات مەكەمەسى باس بولىپ وتكىزگەن ”كلاسسيك تۋىندىلاردى وقۋ، جاڭا ءبىلىم ۇيرەنۋ، تاماشا تۇرمىسپەن توعىستىرۋ“ اتىنداعى جالپى حالىق كىتاپ وقۋ قيمىلى رەسمي باستالدى. قيمىلدا جالپى حالىققا كىتاپ وقۋ جونىنەن ۇندەۋ شىعارىلىپ، كلاسسيك تۋىندىلاردى وقۋ، جاقسى كىتاپتاردى وقۋعا تانىستىرۋ ورىستەتىلدى. سونىمەن قاتار، وسى ايماق ”باس شۋجيدىڭ كىتاپتارىن وقۋ، باس شۋجي وقىعان كىتاپتاردى وقۋ“ تاقىرىبىندا جەلىلەس كىتاپ وقۋ قيمىلدارىن ۇيىمداستىرىپ وتكىزدى، تۇتاس ايماقتاعى ءار ۇلت بۇقاراسىن كىتاپتى كوپ وقيتىن، جاقسى كىتاپتاردى وقيتىن تاماشا ادەت قالىپتاستىرۋعا باستادى جانە شابىتتاندىردى.

  قاراستى رايونداعى تۇرعىنداردىڭ ”كىتاپ وقۋدى ۇناتاتىن، كىتاپتى كوپ وقيتىن، جاقسى كىتاپ وقيتىن“ كىتاپ وقۋ ادەتىن قالىپتاستىرۋعا جەتەكشىلىك ەتۋ ءۇشىن، 4 - ايدىڭ 22 - كۇنى ءۇرىمجى قالاسى ميدۇڭ رايونى سالىق مەكەمەسىنىڭ ميدۇڭ وڭتۇستىك جولى بولىمشە اۋماعىن باسقارۋ كوميتەتى تۇڭشين الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ”كىتاپ وقۋ ارقىلى تۇرمىسىمىزدى بايىتىپ، ءبىلىم ارقىلى جان دۇنيەمىزدى وياتايىق“ اتىنداعى دۇنيە جۇزىلىك كىتاپ وقۋ كۇنى تاقىرىپتىق كىتاپ وقۋ قيمىلىن وتكىزدى؛ ءۇرىمجى قالاسى شۇيموگوۋ رايونى شۇيتاشان اۋماعىن باسقارۋ كوميتەتى ىنتىماق الەۋمەتتىك اۋماعى ”كىتاپ وقۋمەن ءومىرىمىزدى ارلەپ، كلاسسيك شىعارمالاردى تۇرمىسىمىزعا ەنگىزەيىك“ اتىنداعى كىتاپ وقۋ اۋىس - ءتۇيىس قيمىلىن ورىستەتتى.

  4 - ايدىڭ 22 - كۇنى تۇستەن بۇرىن، سانجى قالاسى داشيچۇي قالاشىعى شيڭفۋ قىستاعى 24 - رەتكى دۇنيە جۇزىلىك كىتاپ وقۋ كۇنىن قارسى الۋ قيمىلىن ورىستەتتى. قيمىل بارىسىندا، ءار ۇلت قىستاق تۇرعىندارى مەن قىستاق كادرلارى، قىستاقتا تۇراتىن كادرلار قىستاق ”ەكى كوميتەتى“ دايىنداعان «شينجياڭ گازەتى»، «سانجى گازەتى» قاتارلى گازەت - جۋرنال جانە مادەنيەت - كوركەمونەر، زاڭ - زاڭ ەرەجە، ەگىنشىلىك، باعىمشىلىق تەحنيكاسى، دەنساۋلىق ساقتاۋ - كۇتىمدەلۋ قاتارلى مازمۇنداعى كىتاپتاردى بىرگە وقىدى.

  4 - ايدىڭ 23 - كۇنى ساۋان اۋداندىق پارتكومنىڭ ۇگىت ءبولىمى ساۋان اۋداندىق كىتاپحانا، اۋداندىق ايەلدەر بىرلەستىگى قاتارلى بىرنەشە مەكەمەمەن بىرلەسىپ ”جالپى حالىق كىتاپ وقۋ. كىتاپ وقۋ مەرەيىنە شومعان ساۋان“ جەلىلەس قيمىلىن ورىستەتتى، ”بۇل رەتكى قيمىلدىڭ ماقساتى − جالپى حالىقتىڭ كىتاپ وقۋدى ۇناتاتىن، جاقسى كىتاپتاردى وقيتىن قويۋ رايىن قوزعاپ، كىتاپ ارقىلى ساپانى ءوسىرىپ، تەحنيكا ۇيرەنىپ، بىلىمدەرىن جەتىلدىرۋ“، - دەدى ساۋان اۋداندىق پارتكوم ۇگىت ءبولىمىنىڭ ورىنباسار باستىعى لياۋ حايلۇڭ.

  كىتاپ ۇسىنىپ، ءبىلىم بەردى

  4 - ايدىڭ 18 - كۇنى اۆتونوميالى رايوندىق ساناق مەكەمەسىنىڭ مارالباسى اۋدانى اقساقمارال اۋىلى چىنلاۋچي قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق باستاۋىش مەكتەبىنە ءتۇرلى بالالار كىتابىنان 300دەن ارتىعىن ۇسىنىپ، بالالاردىڭ ساباقتان سىرتقى تۇرمىسىن بايىتتى.

  4 - ايدىڭ 19 - كۇنى شىحىزى قالاسى” تۇتاس حالىق كىتاپ وقۋ. كىتاپ وقۋ مەرەيىنە شومعان شىحىزى قالاسى“ اتىنداعى دۇنيە جۇزىلىك كىتاپ وقۋ كۇنى قيمىلى قارۋلى ساقشى بيڭتۋان باس اترەتى مىندەت اتقارۋ 4 - تارماق اترەتىندە باستالدى. شىحىزى قالالىق مادەنيەت - دەنە تاربيە مەكەمەسى، شىحىزى داشۋەسى كىتاپحاناسى قاتارلى 6 ورىن قوسىنداعى كوماندير - جاۋىنگەرلەرگە مۇقيات سۇرىپتاعان 2000نان ارتىق كىتاپ تارتۋ ەتتى. ەكى جاق جالپى حالىق كىتاپ وقۋ سەلبەستىگىن ىشكەرىلەي ىلگەرىلەتۋ جايلى نيەت كەلىسىمىنە قول قويىپ، اسكەري كازارمانىڭ كوشپەلى كىتاپ پۋنكتىنىڭ ماڭدايشالىعىن اشتى.

  4 - ايدىڭ 21 - كۇنى ”جالپى حالىق كىتاپ وقىپ ويلانۋ، يگىلىككە كەنەلۋ، ءبىلىم توپتاۋ“ كىتاپ وقۋ، مانەرلەپ وقۋ قيمىلى ءۇرىمجى قالاسى ەكونوميكالىق - تەحنيكالىق اشۋ رايونىنداعى (توۋتۇنحى رايونى) شياۋلۇيگۋدىڭ قاسىنداعى كىتاپ وقۋ مەرەيىنە شومعان تيانشان ەكولوگيالىق كىتاپ وقۋ ورنىندا وتكىزىلدى. قيمىل مايدانىندا وتكىزگەن ورىن شياڭشان جولى الەۋمەتتىك اۋماعىنان كەلگەن 11 وقۋشى جانە وتباسى ۋاكىلدەرىنە ”كىتاپ وقۋ مەرەيىنە شومعان تيانشان شاعىن كىتاپ ءۇيىنىڭ كىتاپ وقۋ كارتچكا“سىن ۇسىندى، جۋ زىمو اتتى بالا ناق مايداندا ”بۇلتتىق ەكراندى سيفرلى كىتاپ قارىز الىپ وقۋ جابدىعى“نان 3 بالالار سۋرەتتى كىتابىن جۇكتەپ الدى. بۇل رەتكى قيمىلدىڭ ماقساتى تۇتاس حالىقتى كىتاپ وقۋ قيمىلىنا ات سالىسۋعا باستاپ، كىتاپ وقۋ ارقىلى جان دۇنيەنى بايىتىپ، ءوز ومىرلەرىن ارلەۋ بولدى.

  تاقىرىپتىق قيمىلدار ورلەۋ كوتەردى

  4 - ايدىڭ 19 - كۇنى ”كىتاپ وقۋ كەلەشەكتى وزگەرتەدى، عىلىم - تەحنيكا ارمانعا دەم بەرەدى“ تاقىرىبىنداعى كىتاپ وقۋ تالقى مىنبەرى ۇرىمجىدەگى يەما حالىقارالىق عيماراتىندا وتكىزىلدى. سول كۇنى 13 مامان قيمىلعا قاتىناسقان وقىرماندارمەن كىتاپ وقۋ جانە وتباسى تاربيەسى، وتباسى مەن مەكتەپ كۇش بىرىكتىرىپ بالالاردىڭ كىتاپ وقۋ ادەتىن جەتىلدىرۋ سياقتى ماسەلەلەر جونىندە پىكىر اۋىستىرىپ، تالقى وتكىزدى.

  4 - ايدىڭ 20 - كۇنى 2019 - جىلدىق ءۇرىمجى قالاسى ”تيانشان كىتاپ وقۋ ايى“ جەلىلەس قيمىلدارىنىڭ باستالۋ سالتى ءۇرىمجى قالالىق كىتاپحانادا وتكىزىلدى. ءۇرىمجى قالالىق كىتاپحانانىڭ باستىعى جين يشيڭ بىلاي دەدى: كىتاپ وقۋ ايى قيمىلى باي مازمۇن، جاسامپاز فورمامەن قالا تۇرعىندارىنىڭ كىتاپ وقۋ ورلەۋىن كوتەردى، كىتاپ سۇيەتىن، كىتاپ ساتىپ الۋدى ۇناتاتىن ادامدار بارعان سايىن كوبەيىپ، ورتالىق قالانىڭ مادەنيەت ورەسىن جوعارىلاتتى.

  سول كۇنى ساعات 12دە، ءۇرىمجى شىداي الاڭىندا وتكىزىلگەن 100 ادام دەكلاماتسيا وقۋ كۋايشان قيمىلىن قالا تۇرعىندارى قىزىعا تاماشالادى. ءۇرىمجى قالالىق 12 - باستاۋىش مەكتەپ پيونەرلەر ۇلكەن اترەتىنىڭ جەتەكشىسى يۇي شانشان 34 وقۋشىنى باستاپ 100 ادامدىق دەكلاماتسيا وقۋ قيمىلىنا قاتىناستى.

  4 - ايدىڭ 20 - كۇنى كەشتە اۆتونوميالى رايوندىق پارتكوم بىرلىكساپ ءبولىمىنىڭ اقسۋ ايماعى كەلپىن اۋدانى يۇىرچي اۋىلى ارالايماق قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق پارتيا ياچەيكاسىمەن بىرلەسىپ ”ساۋىردەگى حوش ءيىس، كىتاپ مەنىڭ سەرىگىم“ تاقىرىبىندا قيمىل وتكىزىپ، كلاسسيك تۋىندىلاردى داۋىستاپ وقۋ، بالالار اندەرىنەن حور ايتۋ، ايگىلى شىعارمالاردى داۋىستاپ وقۋ سياقتىلار ارقىلى ءار ۇلت بۇقاراسىنىڭ جۇڭحۋانىڭ ءداستۇرلى مادەنيەتىنە، ۇلى وتانعا، كورىكتى مەكەنگە دەگەن قىزۋ سۇيىسپەنشىلىگىن تەرەڭ سەزىممەن بەينەلەدى. قىستاق تۇرعىنى ومەر امۇت قيمىلعا قاتىناسقاننان كەيىن: ”مەن پارتيانىڭ جاقسى ساياساتىنا العىس ايتىپ، قازىرگى تاماشا تۇرمىستى قاستەرلەيمىن، مۇنان كەيىن مۇقيات كىتاپ وقىپ، باي مازمۇندى تۇرمىس وتكىزۋمەن بىرگە، رۋحاني جاقتان تولىسۋعا تىرىسامىن“، - دەدى.

  4 - ايدىڭ 23 - كۇنى دۇنيە جۇزىلىك كىتاپ وقۋ كۇنى شينجياڭ قازىنا - ەكونوميكا داشۋەسى وسى زامانعى ايگىلى اقىن، سانۋىن جازۋشى جوۋ تاۋدى ”باستاپ وقۋشى“ بولۋعا ۇسىنىس ەتىپ، ”جۇرگىزۋشى + باستاپ وقۋشى + سارالاپ داۋىستاپ وقۋ + ىقپالداستىق“ ۇلگىسىندە وسى مەكتەپتىڭ عىلمي مالىمەت زالىندا كلاسسيكالىق ايگىلى شىعارمالاردى سارالاپ وقۋ قيمىلىن وتكىزىپ، ءتىپتى دە كوپ ادامدى كىتاپ وقۋدى سۇيۋگە، ۇيرەنۋدى سۇيۋگە باستايدى ەكەن.


4 - ايدىڭ 21 - كۇنى باي اۋداندىق كىتاپحانا 4 - باستاۋىش مەكتەپپەن، ىنتىماق باستاۋىش مەكتەبىمەن بىرلەسىپ كىتاپ وقۋ قيمىلىن ورىستەتتى. سۋرەتتە: بۇقارا كىتاپ وقۋدا. سۋرەتتى ۋي باينيڭ تۇسىرگەن

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى