شي جينپيڭ حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى

كەلۋ قاينارى: شينجياڭ گازەتى تورابى   |   جولدانعان ۋاقىتى:2019 - 04 - 26 16:54

  

4 - ايدىڭ 23 - كۇنى جۇڭگو حالىق ازاتتىق ارمياسى تەڭىز ارمياسى قۇرىلعاندىعىنىڭ 70 جىلدىق مەرەي تويى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭداۋدا وتكىزىلگەن حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى. سۋرەتتە: شي جينپيڭ سوعىس كەمە قۇرامالارىن كوزدەن كەشىرۋدە. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن


  4 - ايدىڭ 23 - كۇنى جۇڭگو حالىق ازاتتىق ارمياسى تەڭىز ارمياسى قۇرىلعاندىعىنىڭ 70 جىلدىق مەرەي تويى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ چيڭداۋدا وتكىزىلگەن حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى. سۋرەتتە: شي جينپيڭ تەڭىز ارمياسىنىڭ قۇرمەت قاراۋىلىن كوزدەن كەشىرۋدە. سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن

  شينحۋا اگەنتتىگىنىڭ 4 - ايدىڭ 23 - كۇنى چيڭداۋدان بەرگەن حابارى (تىلشىلەر لي شۋەيۇڭ، لي شۋانلياڭ، مەي شىشيۇڭ). جۇڭگو حالىق ازاتتىق ارمياسى تەڭىز ارمياسىنىڭ 70 جىلدىق مەرەي تويى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 4 - ايدىڭ 23 - كۇنى چيڭداۋدا وتكىزىلگەن حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات قيمىلىنا قاتىناستى.

  چيڭداۋ ارالى كوكتەم مەرەيىنە بولەنىپ، حۋاڭحاي تەڭىزىندە كوكتەم تولقىنى تۋلادى. چيڭداۋ اۋفان ورتالىق كەمەتۇراعىندا، كوزدەن كەشىرۋ مىندەتىن ارقالاعان شينيڭ سوعىس كەمەسىنە تەڭىز ارمياسىنىڭ ەڭ جوعارى قۇرمەتى بويىنشا مەملەكەت تۋلارى، ارميا تۋلارى ءىلىندى، بەس جۇلدىزدى قىزىل تۋ، 1 - تامىز ارميا تۋى جەلبىرەدى. 61 مەملەكەتتەن كەلگەن تەڭىز ارميا ۋاكىلدەر ۇيىرمەلەرىنىڭ باستىقتارى كوزدەن كەشىرۋ كەمەسىنە جينالىپ، مەرەيلى ءساتتىڭ كەلۋىن كۇتتى.

  ساعات 12دەن 40 مينۋت مولشەرىندە، شي جينپيڭ چيڭداۋ اۋفان ورتالىق كەمەتۇراعىنا كەلدى. ايبىندى مۋزيكا ءۇنى ىشىندە، شي جينپيڭ تەڭىز ارمياسىنىڭ قۇرمەت قاراۋىلدارىن كوزدەن كەشىرىپ، ونان سوڭ كوزدەن كەشىرۋ كەمەسىنە شىقتى.

  ساعات 13 مولشەرىندە، كوزدەن كەشىرۋ كەمەسى گۋدوك شالىپ، ورنىنان قوزعالىپ، پارات وتەتىن تەڭىز ايدىنىنا قاراي ءجۇزدى.

  وسى ساتتە، حالىق تەڭىز ارمياسىنىڭ 32 سوعىس كەمەسى ايبىندى قاتار تۇزەپ، سوعىس ۇشاقتارى ۇشۋعا ازىرلەندى، قۇتتىقتاۋ قيمىلىنا قاتىناسۋعا الىستان مۇحيت اسىپ كەلگەن 13 مەملەكەت تەڭىز ارمياسىنىڭ 18 سوعىس كەمەسى رەتتى قاتار تۇزەدى.

  ساعات 14تەن 30 مينۋت مولشەرىندە، كوزدەن كەشىرۋ كەمەسى بەلگىلەنگەن تەڭىز ايدىنىنا جەتتى. تەڭىز ارمياسىنىڭ سىليڭيۋانى شىن جينلۇڭ كوزدەن كەشىرۋدى قابىلدايتىن قوسىننىڭ ساقاداي سايلانىپ بولعانىن مالىمدەدى، شي جينپيڭ كوزدەن كەشىرۋدى باستاۋ بۇيرىعىن بەردى. تەڭىز ۇستىندە جىگەرلى ”سالتانات قاتارى مارشى“ مۋزيكاسىنىڭ اۋەنى كوتەرىلدى.

  كوزدەن كەشىرۋدى قابىلدايتىن سوعىس كەمەلەر سۇڭگۋىر كەمەلەر توبى، قۋعىنداۋشى كەمەلەر توبى، قورعاۋشى كەمەلەر توبى، جاعالىققا شىعۋشى كەمەلەر توبى، جاردەمشى كەمەلەر توبى، اۋياماتكا شوعىرى بولىپ ءبولىنىپ، تولقىن جارا ءجۇزىپ ءوتتى. كوزدەن كەشىرۋدى قابىلدايتىن ۇشاقتار گۇرىلدەپ اۋەدەن ۇشىپ ءوتتى.

  تەڭىز بۋىرقانىپ، كەمەلەر مەن ۇشاقتار اسقاق ايبىن ايگىلەدى. 1949 - جىلى 4 - ايدىڭ 23 - كۇنى جياڭسۋدىڭ تايجوۋىنداعى بايمامياۋدا جەلكەن كوتەرگەننەن بەرى، حالىق تەڭىز ارمياسى پارتيانىڭ جەتەكشىلىگىندە، تولقىن جارا العا تارتىپ، بىرتىندەپ دامىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن ءونىمدى قورعاي الاتىن تەڭىز قارۋلى كۇشىنە اينالدى.

  كوزدەن كەشىرۋدى قابىلدايتىن سوعىس كەمەلەر كوزدەن كەشىرۋ كەمەسىنىڭ الدىنان وتكەن كەزدە، ۇزاق گۋدوك شالىپ، كوماندير - جاۋىنگەرلەر سالتاناتتى قاتار تۇزەپ، باس شۋجي شي جينپيڭگە قۇرمەت ءبىلدىردى. ”جولداستار، سالەمەتسىزدەر مە!“، ”ءتوراعا، سالەمەتسىز بە!“، ”جولداستار، جاپا شەكتىڭىزدەر!“، ”حالىق ءۇشىن قىزمەت ىستەيمىز!“، اسكەري مۋزيكاعا تولقىن داۋىسى قوسىلىپ، شي جينپيڭنىڭ ىقىلاستى سالەمى مەن كوماندير - جاۋىنگەرلەردىڭ ايبىندى جاۋابى ءبىر - ءبىرىنىڭ ايبىنىن اسىرىپ، باس قولباسشى مەن كوماندير - جاۋىنگەرلەردىڭ جۇرەگى تىعىز توعىستى.

  جاڭا ءداۋىر، جاڭا ساپار. شي جينپيڭ حالىق تەڭىز ارمياسىنىڭ قۇرىلىسىنا ايرىقشا ءمان بەرىپ، ىلگەرىندى - كەيىندى كوپ رەت تەڭىز ارمياسى قوسىندارىندا قىزمەت تەكسەرىپ، ”حالىق تەڭىز ارمياسىن دۇنيە جۇزىندە بىرەگەي تەڭىز ارميا ەتىپ جاپپاي قۇرىپ شىعۋعا قۇلشىنۋ“ ۇندەۋىن تاستادى. حالىق تەڭىز ارمياسى جاڭا بەينەمەن ارشىنداي العا باسىپ، تەڭىز بەن كوكتە ارمان قۋدى.

  ساعات 15 مولشەرىندە كوزدەن كەشىرۋ كەمەسى باعىتىن بۇرىپ، قۇتتىقتاۋ قيمىلىنا قاتىناسۋ ماقساتىندا ساپارلاي كەلگەن سوعىس كەمەلەر قۇراماسىنا قاراي ءجۇزدى.

  حالىقارالىق سوعىس كەمەلەر قۇراماسىن كوزدەن كەشىرۋ − تەڭىز ارمياسى سىندى حالىقارالىق ارميا تۇرىنە ءتان تەڭىزدەگى قۇرمەت قيمىلى، دۇنيە جۇزىندەگى ءار ەل تەڭىز ارميالارىنىڭ دوستىق اۋىس - ءتۇيىسىنىڭ وزگەشە ءتاسىلى.

  رەسەي، تايلاند، ۆيەتنام، ءۇندىستان، جاپونيا، فيليپپين، بانگلادەش، برۋنەي، كورەيا، سينگاپۋر، اۆستراليا، مالايزيا، بيرما سياقتى مەملەكەتتەردىڭ سوعىس كەمەلەرىنە مەملەكەت تۋى، ارميا تۋى ءىلىنىپ، سوعىستىق كەمەلەر، جاردەمشى كەمەلەر ءتارتىبى بويىنشا، توننالىق ۇلكەن - كىشىلىگى بويىنشا قاتارلاسىپ، رەت - رەتىمەن كوزدەن كەشىرۋ كەمەسىنىڭ الدىنان ءوتتى.

  شي جينپيڭ ءار ەلدىڭ كوماندير - جاۋىنگەرلەرىنە قول بۇلعاپ، قۇرمەت ءبىلدىردى. ءار ەل تەڭىز ارميا ۋاكىلدەر ۇيىرمەلەرىنىڭ باستىقتارى كوزدەن كەشىرۋ كەمەسىنىڭ الاڭقىسىندا وتىرىپ، سالتتى تاماشالادى.

  ساعات 15تەن 30 مينۋت وتكەن مولشەرىندە ”دوستىق ماڭگىلىك“ اتتى مۋزيكا ءۇنى ىشىندە حالىق تەڭىز ارمياسى قۇرىلعاندىعىنىڭ 70 جىلدىعىن قۇتتىقتاۋعا ارنالعان تەڭىزدەگى پارات تولىق تابىسپەن اياقتادى.

  شۇي چيلياڭ، ديڭ شۋەشياڭ، ۋي فىڭحى، ۋاڭ ي قاتارلىلار قيمىلعا قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى