يارءمالى قىستاعى: شارۋالار سەحتا ىستەپ، كەدەيلىكتەن ارىلۋدىڭ جولىن تاپتى

كەلۋ قاينارى: شينجياڭ گازەتى تورابى   |   جولدانعان ۋاقىتى:2019 - 04 - 29 11:24

شينجياڭ گازەتىنىڭ جالپىلىق اقپارات قۇرالدارى تىلشىلەرى جياڭ رىحۇي، باي جىيۇي، ليۋ ي، جوۋ پىڭ، ياڭ ۋي


  4 - ايدىڭ 19 - كۇنى يارءمالى قىستاعىنىڭ تۇرعىنى اۋاحان ءانۋار (سولداعى) سەحتا جۇمىسشىلارمەن اڭگىمەلەسۋدە. قازىر ول قىستاق قۇرعان زاۆودتىڭ باستىعىنىڭ كومەكشىسى بولىپ جەتىلدى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن

  ءۇش جاعى قۇممەن قورشالعان، ادامى كوپ، جەرى از بولۋداي وبيەكتيۆ شارت - جاعداي سەبەبىنەن كەريا اۋدانى ويتوعىراق اۋىلى يارءمالى قىستاعى تۇرعىندارىنىڭ جەرگە سۇيەنىپ كەدەيلىكتەن ارىلۋدىڭ جولىن تابۋى قيىن بولدى. نەشە مارتە تالداۋ جاساۋ، تالقىلاۋ ارقىلى ادامداردىڭ نازارىنا باسقا سالاعا ويىسىپ كاسىپتەنۋ ىلىكتى، زاۆود سەحتارىندا جۇمىس ىستەۋ اۋىل - قىستاقتاعى كوپتەگەن ارتىق ەڭبەككۇشتەرگە ءۇمىت اكەلدى.

  2018 - جىلدان قازىرگە دەيىن، يارءمالى قىستاعىندا 295 ادام باسقا سالاعا ويىسىپ كاسىپتەنىپ، ”ءبىر ادام جۇمىسقا ورنالاسىپ، ءبىر وتباسى كەدەيلىكتەن ارىلۋ“ نىساناسى ءساتتى جۇزەگە استى. وسى رەتكى تەكسەرۋ - زەرتتەۋدە ءۇش ءتۇرلى جۇمىسكەرلەر ءبىزدىڭ نازارىمىزعا ءىلىندى، ولاردىڭ جۇمىس ىستەۋ كەشىرمەسى مەن جەكە اسەرلەرى دامۋ شارت - جاعدايى وسى قىستاققا جاقىنداۋ كەلەتىن باسقا وڭىرلەر ءۇشىن تاجىريبە بولۋى مۇمكىن.

ورنىقتى جۇمىس ىستەپ، كىرىسى قامتاماسىز ەتىلدى 

  4 - ايدىڭ 17 - كۇنى كەريا اۋدانىنداعى گۇيمي بيولوگيالىق عىلىم - تەحنيكا جارنا شەكتى سەرىكتەستىگىنىڭ (قىسقارتىلىپ گۇيمي سەرىكتەستىگى دەلىنەدى) ءوندىرىس سەحىندا يارءمالى قىستاعىنىڭ تۇرعىنى ازەز ءيۇسۇپ راۋشانگۇلدى تازالاپ جاتتى. ول ءار كۇنى جەكە كولىگىمەن ۋاعىندا جۇمىسقا بارىپ - قايتىپ تۇرادى، قىزمەت ورتاسى جانعا جايلى ءارى دەمالىس ۋاقىتى قامتاماسىز ەتىلگەندىكتەن، ول رۋحى سەرگەك، كوڭىلى كوتەرىڭكى كورىنەدى.

  2007 - جىلى ورتالاۋ مەكتەپتى تاۋىسقاننان قازىرگە دەيىن، ازەزدىڭ جۇمىس ىستەگەنىنە 10 نەشە جىل بولدى. بۇل قىزمەتتىڭ بۇرىنعى قىزمەتپەن نەندەي ۇقساماستىعى بار ەكەنىن سۇراعانىمىزدا، ول: ”بۇرىنعى كەزدەگى كۇندىكشى بولىپ ىستەگەن ۋاقىتشا قىزمەتكە قاراعاندا، قازىرگى قىزمەتىم ءتىپتى تۇراقتى، وتباسىمنىڭ ەكونوميكالىق جاعدايى دا اجەپتاۋىر جاقساردى، كەلەر كۇنگە ءۇمىتىمىز ارتا ءتۇستى“، - دەدى تارتىنا.

  شىنتۋايتىندا، گۇيمي سەرىكتەستىگىندە جۇمىس ىستەگەن العاشقى 2 جىلدا ازەز دە ۋاقىتشا جۇمىسشىلىقتان باستاعان بولاتىن. ”ءار كۇنگى ەڭبەكاقىم 120 يۋان، بىلاي قاراعاندا ءتاۋىر بولعانىمەن، رەسمي جۇمىسشىلارعا قاتتى قىزىعاتىنمىن“، - دەدى ازەز. جۇمىستاعى بەينەسى ايتارلىقتاي بولعاندىقتان، 2017 - جىلى 6 - ايدان باستاپ، ول رەسمي قىزمەتكەرگە اينالىپ، اي سايىن 3300 يۋان ەڭبەكاقى الاتىن بولدى.

  گۇيمي سەرىكتەستىگىندە جۇمىس ىستەگەنىنە ءاپ - ساتتە 4 جىلدىڭ ءجۇزى بولدى، ازەز راۋشانگۇلىنەن ايىرىپ الىنعان زاتتى تەك ەفير مايى، شاي سياقتى ونىمدەردى جاساۋعا پايدالانۋدان باس جۋۋ سابىنى، بەت ماسكاسى، قولعا جاعاتىن ماي سياقتى ءتىپتى مول ونىمدەردى وندىرۋگە دەيىنگى وزگەرىستەردى باستان وتكەردى. بۇعان قوسا ءوندىرىس كولەمى مەن ءوندىرىس تەحنولوگياسى دا ۇزدىكسىز جوعارىلادى.

  راۋشانگۇلىنىڭ ايقارا گۇل اشۋ مەزگىلى دە تاياپ قالدى، بۇل ءبىر جىلداعى ەڭ قاربالاس مەزگىل ەسەپتەلەدى، سول شاقتا جاس گۇلدەر سەحقا توقتاۋسىز تاسىلادى، كوپتەگەن ماۋسىمدىق جۇمىسشىلار دا سەحقا كومەكتەسۋگە كەلەدى. ازەز”جۇمىستى مۇقيات ىستەۋىم كەرەك، ساقا قىزمەتكەرمىن، سەحتىڭ گرۋپپا باستىعى بولۋعا قۇلشىنامىن“ دەپ وي ءتۇيدى.

باسقا جەردە جۇمىسقا ورنالاسىپ، كوز اياسى اناعۇرلىم كەڭەيە ءتۇستى

  كورلا قالاسىندا جۇمىس ىستەيتىن كۇيەۋى ابدۇازەز حوجابلانى تىلگە العاندا، قىستاق تۇرعىنى رۋحيام مامەترايىمنىڭ جانارى جايناپ كەتتى. 4 - ايدا عانا كۇيەۋىنە بارىپ قايتقان رۋحيامنىڭ ويىنان كورلا قالاسىندا كورگەن - بىلگەن جاڭا دۇنيەلەر ءالى شىعا قويماپتى. ”قالا، راسىندا، ۇقسامايدى!“، - دەدى ول.

  2017 - جىلى 5 - ايدا ابدۇازەز كورلا قالاسىنداعى ءبىر توقىماشىلىق كاسىپورنىنا جۇمىس ىستەۋگە باردى. ”اسحاناداعى تاماقتىڭ ءتۇرى مول“، ”سەحتىڭ تەمپەراتۋراسى ۇيلەسىمدى، قىستا دا قىسقا جەڭدى كيىممەن جۇرە بەرۋگە بولادى“، ”زاۆود اۋماعىنىڭ ورتاسى وتە ادەمى، شاڭ - توزاڭ، قوقىر - قوقسىقتى كورمەيسىڭ“... ءار جولى كۇيەۋىن كورىپ قايتۋعا بارعاندا رۋحيام ءوزىنىڭ دە ول جەردەن قايتقىسى كەلمەي قالاتىنىن ايتتى.

  قىزمەت شارت - جاعدايى جاقسى، ەڭبەكاقى يگىلىگى دە تومەن ەمەس. رۋحيامنىڭ ايتۋىنشا، قازىر ابدۇازەز ايىنا 4600 يۋان ەڭبەكاقى الىپ، ايىنا ۇيگە 3000 يۋان جىبەرەدى ەكەن. ”ءبىراق ءبىز دە بەتالدى اقشا جۇمساعان جوقپىز، ءبىزدىڭ تۇرمىسىمىز بۇرىنعىدان دا جوسپارلى بولا ءتۇستى“، - دەيدى رۋحيام. ابدۇازەزدىڭ بويىنداعى ەڭ ۇلكەن وزگەرىس ۇلكەن قالادا تۇرمىس كەشىرۋدەن تۋىنداعان يدەيالىق بۇرىلىس ەكەن.

  ”بۇرىن ول ۇنەمى بۇگىنگى كۇندى جاقسى وتكىزسەك بولدى، ەرتەڭنىڭ ۋايىمىن ەرتەڭ كورەيىك دەيتىن“، - دەيدى رۋحيام، ال قازىر ابدۇازەز بۇگىنگى ءىسىن جاقسى تىندىرۋمەن قويماي، ەرتەڭگى جۇمىستارىن دا جاقسى جوسپارلاۋدى ويلايتىن بولىپتى. ”ءبىز ۇنەمى بەينە ەكرانمەن سويلەسىپ تۇرامىز، ول ماعان كورلا قالاسىندا بولعان ىستەردى ايتىپ، قالالىقتاردىڭ تۇرمىس ءتاسىلى مەن تۇرمىس ادەتتەرىن قىستاقتاعىلارمەن سالىستىرادى، سوندىقتان ول قازىر’ ءسانشىل‘ بولىپ كەتتى“.

  ”ول گرۋپپانىڭ تەحنيكالىق جەتەكشىسى، جۇمىسشىلاردىڭ اراسىندا اقشانى دا ەڭ كوپ تابادى. ءبىز تاعى بىرنەشە جىل ىستەپ، ونان سوڭ ءوزىمىز اسحانا نەمەسە دۇكەن اشساق دەپ جوسپارلاپ وتىرمىز“، - دەيدى رۋحيام بولاشاققا ۇلكەن ۇمىتپەن قاراپ.

باسقارۋدى ۇيرەنىپ، جەتىلۋ ءورىسى كەڭەيدى

  4 - ايدىڭ 19 - كۇنى قىستاق اشقان 154 تىگىن ماشيناسى بار زاۆود سەحىندا جۇمىس ءتارتىپتى ءجۇرىپ جاتتى.

  اۋاحان ءانۋار الاسا بويلى، ءسوزدى بايىپپەن سويلەيتىن جان ەكەن، ونىڭ 110نان استام تۇراقتى جۇمىسشىسى بار، قىستاق اشقان زاۆودتىڭ باستىعىنىڭ كومەكشىسى بولىپ ىستەيتىنىن بىردەن ەلەستەتۋ قيىن. زاۆود باستىعى ۇنەمى سىرتتا بولاتىندىقتان، 23 جاستاعى ول ءار كۇنى قاربالاس جۇمىس ىستەپ، تاپسىرىستاردى قابىلداۋعا، ءوندىرىستى سايكەستىرۋگە جاۋاپتى بولىپتى، بۇكىل زاۆودتىڭ جۇمىسى سونىڭ قولىنا قاراپ وتىر دەسەڭىز دە بولادى.

  ءبىراق 3 جىلدىڭ الدىندا اۋاحان ورتالاۋ مەكتەپتى تاۋىسقان، ەگىس جۇمىستارىمەن شۇعىلدانىپ، ءۇي شارۋاسىنان اسا المايتىن وتباسى ايەلى ەدى. 2016 - جىلى قىستاق اشقان زاۆود جۇمىس باستاعاندا، ارحيۆ تۇرعىزىلىپ، كارتچكا بەرىلگەن كەدەي رەتىندە ول زاۆودقا الدىمەن ورنالاستىرىلىپ، تىگىنشى ايەل جۇمىسشى بولدى.

  ەگەر ءبارى باستا ويلاعانداي بولسا، بۇگىندە اۋاحان ۇزدىك تىگىنشىگە اينالعان بولار ەدى. الايدا 2018 - جىلى 3 - ايدا زاۆود باستىعىنىڭ اۋدارماشىسى كەنەت جۇمىستان كەتىپ، ءتىل بىلمەيتىن زاۆود باستىعىنىڭ دەگبىرى قاشادى. ءدال وسى كەزدە بىرەۋ وعان زاۆودتا پۋتۇڭحۋانى جاقسى سويلەيتىن ءبىر جۇمىسشى بار، سىناپ كورسەڭ قايتەدى دەيدى.

  ءسويتىپ، اۋاحان زاۆود باستىعىنا اۋدارماشى بولادى، جارتى جىلدان كەيىن، تولىق مويىنداۋعا يە بولعان ول زاۆود باستىعىنىڭ كومەكشىسىنە اينالدى. تاعى بىرنەشە اي باسقارۋشى قىزمەت ورنىندا شىنىققان اۋاحان قازىر زاۆود باستىعىنان قىزمەتشىلەرگە دەيىن جاپپاي قۇپتاۋىنا يە بولدى. ”زاۆود باستىعىنىڭ جاسى ۇلعايىپ قالدى، زاۆودتى جاقسى باسقارا السام، مەنى زاۆود باستىعى ەتەمىن دەگەن“. وسىلاردى ايتقاندا، اۋاحاننىڭ جۇزىنەن كەنەت ىڭعايسىزدانعان راي ءبىلىندى، دەسە دە ونىڭ جانارىنان كۇشتى سەنىم ءبىلىنىپ تۇردى.

  ءىس جۇزىندە، اۋاحاندى مازالايتىن ىستەر دە جوق ەمەس ەدى. ”زاۆودتى باسقارۋ قىزمەتى، شىنىمەن، وتە قاربالاس ەكەن“، - دەدى ول بىزگە، بۇرىن حوتان ايماعى نەشە مارتە سىرتقا بارىپ ەكسكۋرسيالاۋ - ۇيرەنۋ قيمىلىن ۇيىمداستىرسا دا زاۆود قىزمەتىنىڭ قاربالاستىعى سەبەپتى ورايلاردى امالسىزدان قاراپ تۇرىپ وتكىزىپ الىپتى.

  ايتسە دە جۋىقتان بەرى اۋاحان ىشتەي ۇمىتتەنىپ تە ءجۇر ەكەن. زاۆودپەن ۇزاقتان بەرى سەلبەستىك جاساسىپ كەلە جاتقان ءۇرىمجى قالاسىنداعى ءبىر توقىماشىلىق، كيىم - كەشەك كاسىپورنىنىڭ جاۋاپتىسى ونى 5 - ، 6 - ايلاردا ۇرىمجىگە بارىپ ەكسكۋرسيالاپ قايتۋعا شاقىرىپتى. ەجەلدەن حوتاننان شىعىپ كورمەگەن ول قولىنداعى تاپسىرىستى ساپا مەن سانعا كەپىلدىك ەتە وتىرىپ ورىنداپ، ونان كەيىن ۇرىمجىگە بارىپ كوزاياسىن كەڭەيتىپ قايتۋدى ويلاپ ءجۇر ەكەن.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى