ۇدەرە العان تارتقان 5 جىل: كوكتەمنىڭ جاۋابى

كەلۋ قاينارى: شينجياڭ گازەتى تورابى   |   جولدانعان ۋاقىتى:2019 - 04 - 29 11:36

 − باس شۋجي شي جينپيڭنىڭ شينجياڭدا تەكسەرۋدە بولعاندىعىنىڭ 5 جىلدىعى بايلانىسىمەن

  رەداكتوردان

  باس شۋجي شي جينپيڭ 2014 - جىلى 4 - ايدىڭ 27 - كۇنىنەن 4 - ايدىڭ 30 - كۇنىنە دەيىن شينجياڭدا قىزمەت تەكسەرگەندە، شينجياڭ قىزمەتىن جاقسى ىستەۋ جونىندە ماڭىزدى ءسوز سويلەپ، ماڭىزدى نۇسقاۋ بەردى. 5 جىلدان بەرى، شينجياڭداعى ءار ۇلت پەرزەنتتەرى باس شۋجيدىڭ تاپسىرماسىن ەستە بەرىك ساقتاپ، قوعام ورنىقتىلىعى مەن باياندى تىنشتىق باس نىساناسىن تىعىز ارقاۋ ەتىپ، ءىس جۇزىندىك ارەكەتتەرى ارقىلى باس شۋجيدىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىردى، تياناقتاندىردى، تيانشاننىڭ وڭتۇستىگى مەن سولتۇستىگىندە جويقىن وزگەرىستەر تۋىلدى. بۇگىننەن باستاپ، گازەتىمىز ”ۇدەرە العا تارتقان 5 جىل − باس شۋجيدىڭ شينجياڭداعى ىزدەرى“ ارناۋلى ستونىن اشىپ، باس شۋجيدىڭ شينجياڭدا قىزمەت تەكسەرگەن كەزدەگى ىزدەرىن قايتا ارالاپ، جەلىلەس حابارلار ارقىلى 5 جىلدان بەرى شينجياڭداعى ءار ۇلت حالقىنىڭ قايراتتانا كۇرەسىپ، حالىق تۇرمىسىن جاقسارتۋ، قوعامنىڭ جاراسىمدىلىعى، ورنىقتىلىعى، ەكونوميكالىق، قوعامدىق دامۋ، ۇلتتار ىنتىماعى سياقتى جاقتارداعى شاتتانارلىق تابىستارىن جاندى بەينەلەيدى، نازار سالىڭىزدار.

  تىلشىلەر ۋاڭ شيڭرۇي، ياۋ تۇڭ

  كوكتەم سامالى ەسىپ، بۇتاقتار بۇرشىك اشتى. 4 - ايدا شينجياڭنىڭ بايتاق دالاسىندا كوكتەم لەبى ەسىپ، تىرشىلىك تىنىسى جالىن اتتى. 5 جىلدىڭ الدىنداعى ءدال وسى كوكتەم ماۋسىمى شينجياڭداعى ءار ۇلت پەرزەنتتەرىنىڭ كوڭىل تۇكپىرىندە ماڭگى ۇمىتىلماس باقىتتى ەستەمەگە اينالدى.

  2014 - جىلى 4 - ايدىڭ 27 - كۇنىنەن 30 - كۇنىنە دەيىن شينجياڭداعى ءار ۇلت حالقىنا دەگەن تەرەڭ سۇيىسپەنشىلىكپەن باس شۋجي شي جينپيڭ شينجياڭعا كەلىپ، قىزمەت تەكسەردى. بۇل پارتيا 18 - قۇرىلتايىنان كەيىن باس شۋجي شي جينپيڭنىڭ شينجياڭعا تۇڭعىش رەت قىزمەت تەكسەرە كەلۋى. 4 كۇندە باس شۋجي تيانشاننىڭ تۇستىگى مەن تەرىستىگىن ارالاپ، ءار ۇلت كادرلارىمەن، بۇقاراسىمەن ورنىقتىلىقتى اڭگىمەلەپ، دامۋدى تىلگە تيەك ەتىپ، ىنتىماقتى اڭگىمەلەپ، شينجياڭ قىزمەتىن ويداعىداي ىستەۋ جونىندە شىنايى ءۇمىتىن العا قويدى.

  ىقىلاستى تاپسىرما العا باسۋعا دەم بەرىپ، تيانشان پەرزەنتتەرى تاعى دا اتتاندى. 5 جىلدان بەرى، بۇكىل رايوندا جوعارىدان تومەنگە دەيىن باس شۋجي شي جينپيڭنىڭ تاپسىرماسىن ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز ارقاۋ ەتىپ، ءبىر نيەتپەن ىنتىماقتاسىپ، قۇلشىنا كۇرەس جۇرگىزىپ، كەلەلى كەزەڭدىك ناتيجەلەرگە قول جەتكىزدى. شينجياڭنىڭ جالپى جاعدايى ءۇرتىس ورنىقتى بولىپ، جاعداي ءۇرتىس جاقسى جاققا بەت الىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ءۇرتىس كۇشەيىپ، شينجياڭ قىزمەتىنىڭ باس نىساناسىن جۇزەگە اسىرۋعا بەرىك نەگىز قالاپ، بۇكىل ەلدىڭ جالپى جاعدايىنىڭ ورنىقتىلىعىن ساقتاۋعا بەلسەنە ۇلەس قوستى.

  5 جىلدان كەيىنگى وسى كوكتەمدە ءار ۇلت پەرزەنتتەرى تولىق سەنىممەن جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازۋدىڭ ۇلى ساپارىندا ۇزدىكسىز ارشىنداي العا ىلگەرىلەدى.

  - جاڭا تاريحي بەلەستە تۇردى

  قوعام ورنىقتىلىعى مەن باياندى تىنىشتىق باس نىساناسى ارقىلى شينجياڭ قىزمەتىنە ءبىر تۇتاس جەتەكشىلىك ەتىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىنىڭ تەرەڭ تامىر تارتۋىن ىلگەرىلەتتى

  ماڭىزدى تاريحي ساتتەر ۋاقىتتىڭ ساراپتاۋىندا ۇنەمى ءوز قۇنىن ايگىلەيدى.

  ”جاڭا جاعدايدا شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن قوعام ورنىقتىلىعى مەن باياندى تىنىشتىق جاعىنا قويۋ كەرەك. بۇل كەزەكتەگى شينجياڭ قىزمەتىن ويداعىداي ىستەۋدىڭ باس نىساناسى.“ باس شۋجي شي جينپيڭنىڭ شينجياڭدا تەكسەرۋدە بولعان كەزدە بەرگەن ماڭىزدى نۇسقاۋى كوڭىلدە سايراپ تۇر.

  ءبىر ايدان كەيىن، 2014 - جىلى 5 - ايدىڭ 28 - كۇنى اشىلعان ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى ”قوعام ورنىقتىلىعى مەن باياندى تىنىشتىق شينجياڭ قىزمەتىنىڭ باس نىساناسى“ ەكەندىگىن قايتالاي ايقىندادى.

  تۋ ۇستاپ، باعداردى تۇراقتاندىردى، تىزگىن ۇستاپ، جول نۇسقادى. شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باعامداي ءبىلىپ، جاڭا جاعدايدا بەلگىلەگەن شينجياڭدى جونگە سالۋ جالپى جوباسى تارازىنىڭ تاسى سياقتى شينجياڭ قىزمەتىن ويداعىداي ىستەۋگە العا باسۋ بەتالىسىن كورسەتىپ، ءتۇبىرلى بويسۇنۋ ولشەمىن ازىرلەدى.

  5 جىلدان بەرى شينجياڭنىڭ بارلىق قىزمەتى باس نىسانانى ارقاۋ ەتە وتىرىپ جوسپارلانىپ، ىلگەرىلەتىلىپ، شينجياڭنىڭ بارلىق تابىسى باس نىسانانى دايەكتىلەندىرۋدەن، تياناقتاندىرۋدان كەلدى.

  5 جىلدان بەرى بۇكىل رايوندا جوعارىدان تومەنگە دەيىن يدەيا مەن ارەكەتتى پارتيا ورتالىق كوميتەتىنىڭ شينجياڭدى جونگە سالۋ جالپى جوباسىمەن شىنايى بىرلىككە كەلتىرىپ، قوعام ورنىقتىلىعى مەن باياندى تىنىشتىق باس نىساناسىنىڭ جەتەكشىلىگىندە ۇستىنەن وڭاپ جانە تۇبىرىنەن وڭاپ، كەشەندى شارالار قولدانىپ، ورنىقتىلىقتىڭ، دامۋدىڭ ءتۇرلى ىستەرى پارمەندى ىلگەرىلەدى.

  − نازاردى قاشاندا باس نىساناعا شوعىرلاندىرىپ، كەشەندى شارالاردى ويداعىداي قولدانىپ، پارتيا، ۇكىمەت، ارميا، ساقشى، بيڭتۋان، حالىق سايكەسە ارەكەتتەنىپ، لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قورعانىن سالدى.

  − ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن ىشكەرىلەي ورىستەتىپ، ءار دارەجەلى كادرلار نەگىزگى ساتىعا ىشكەرىلەي ارالاسىپ، شارۋا وتباسىلارىن ارالاپ، بار پەيىلىمەن حالىققا قىزمەت ەتىپ، ءار ۇلت بۇقاراسىن تىعىز ىنتىماقتاستىردى، ۇيىستىردى.

  − يدەولوگيا سالاسىنىڭ حاۋىپسىزدىگىنە باتىل تۇردە شىنايى كەپىلدىك ەتىپ، باتىل ءۇن قاتىپ، ايقىن پوزيتسيا ءبىلدىرۋ قيمىلىن ءۇرتىس ىشكەرىلەي ورىستەتىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ قۇدىرەتتى وڭ ەنەرگياسىن توپتادى.

  ...

  جاپا - ماشاقات شىڭدالۋعا، تابىسقا جەتەلەيدى.

  5 جىلدان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭ پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تاباندىلىقپەن تياناقتاندىرىپ، جالپى جاعداي ورنىقتى بولعان، اۋقىم مەڭگەرىلگەن، بەتالىس جاقسى جاققا بەت العان اۋقىم جارىققا شىقتى.

  5 جىلدىڭ الدىندا باس شۋجي حالىق ونەرپازدارى ورىنداعان مۋزيكانى تىڭداعاننان كەيىن، كوپشىلىكتىڭ تۇرمىسىنىڭ جاڭا ورىنداعان ”ەڭ كورىكتى جەر − ءبىزدىڭ شينجياڭ!“ اتتى مۋزيكا سياقتى تاماشا بولۋىن ءۇمىت ەتكەن بولاتىن.

  5 جىلدان كەيىن شينجياڭ ءتىپتى دە كوركەم بولا ءتۇستى!

  - دامۋ بارىسىندا جاڭا جاعداي اشتى

  دامۋدى بارلىق ماسەلەنى شەشۋدىڭ تەتىگى ەتىپ، جاڭا دامۋ ۇستانىمىن باتىل دايەكتىلەندىردى

  تاريح جانە شىندىق ورنىقتىلىق پەن دامۋدىڭ ءبىرىن - ءبىرى كەمەلدەندىرەتىندىگىن قايتا - قايتا دالەلدەدى. ورنىقتىلىق بولماسا، دامۋ قاينارسىز سۋ؛ دامۋ بولماسا، ورنىقتىلىقتىڭ باياندى بولۋى قيىن.

  شينجياڭدا قىزمەت تەكسەرگەن كەزدە باس شۋجي شي جينپيڭ دامۋدى تىلگە تيەك ەتىپ، حالىق تۇرمىسىن ۇعىسىپ، رەفورمانى اڭگىمەلەپ، باستان - اياق شينجياڭنىڭ دامۋىنا كوڭىل ءبولىپ، ءار ۇلت جۇرتشىلىعىنىڭ اماندىعى مەن حال - جاعدايىن ەسىندە ساقتادى.

  ”دامۋ ءالى دە شينجياڭنىڭ بارلىق ماسەلەسىن شەشۋدىڭ تەتىگى، ءسوز جوق، شىنايى مىقتى يگەرۋ كەرەك“.

  ”دامۋدى حالىق تۇرمىسىن جاقسارتۋ جاعىندا تياناقتاندىرۋ، جەرگىلىكتى ورىنعا تيىمدىلىك جەتكىزۋ جاعىندا تياناقتاندىرۋ، ىنتىماقتى كۇشەيتۋ جاعىندا تياناقتاندىرۋ كەرەك“.

  ءاربىر اۋىز ءسوز سونشاما سالماقتى.

  5 جىلدا قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسى شينجياڭنىڭ رەفورما، دامۋ جالپى بارىسىنا ءسىڭىرىلدى، جاڭا دامۋ ۇستانىمى جۇرت جۇرەگىنە تەرەڭ ۇيالادى، جوعارى ساپالى دامۋدىڭ جەمىستەرى مولايىپ، شينجياڭنىڭ وڭىرلىك ىشكى ءوندىرىس جالپى ءونىم قۇنى 2017 - جىلى تۇڭعىش رەت ءبىر تريلليون يۋاننان استى.

  5 جىلدا شينجياڭنىڭ ءتۇرلى رەفورمالارى ورنىقتى ىلگەرىلەپ، ماڭىزدى سالالار مەن شەشۋشى بۋىنداردىڭ رەفورماسىندا تىڭ ىلگەرىلەۋشىلىككە قول جەتتى. ءداستۇرلى كاسىپ سالالارىندا ىركىندى رەتتەلىپ، ارتۋ مولشەرى ساپالىلانىپ، شارۋاشىلىق - ساۋدا ورتاسى ۇزدىكسىز ساپالىلانىپ، رەفورمانىڭ پايداسى ونان ارى ىسكە اسىرىلدى.

  5 جىلدا حالىق تۇرمىسىن الدىمەن ويلاستىرۋعا تاباندى بولىپ، اۆتونوميالى رايون قازىناسىنىڭ %70 تەن استام شىعىسى حالىق تۇرمىسىن قامتاماسىز ەتۋگە جانە جاقسارتۋعا جۇمسالىپ، جۇمىستاندىرۋ، وقۋ - اعارتۋ، كەدەيلەردى سۇيەمەلدەۋ، ەمدەۋ، قوعامدىق قامتاماسىزداندىرۋ سىندى ءتۇرلى حالىققا تيىمدىلىك جاساۋ ينجەنەريالارىندا تىڭ تابىستارعا قول جەتتى.

  ءبىر قىدىرۋ ءتۇيىندى قىزمەتتەر جۇرت نازارىن ەرەكشە اۋداردى.

  − اۋىل - قىستاقتى گۇلدەندىرۋدەن جۇرتشىلىق يگىلىككە كەنەلدى. اۋىل - قىستاقتى گۇلدەندىرۋ ستراتەگياسىن بار كۇشپەن اتقارىپ، استىق ءوندىرىسىن ورنىقتىرۋدى، ماقتانى ساپالىلاندىرۋدى، مال شارۋاشىلىعىن جەبەۋدى، جەمىس شارۋاشىلىعىن كۇشەيتۋدى، ەرەكشە شارۋاشىلىقتى گۇلدەندىرۋدى كورنەكتىلەندىرىپ، اۋىل - قىستاق تۇرعىندارىنىڭ جان باسىندىق وزدەرى مەڭگەرەتىن كىرىسى 11 مىڭ يۋاننان استى.

  − كەدەيلىكتەن ارىلتۋدان قامال الۋدىڭ ناتيجەسى كورنەكتى بولدى. 2018 - جىلى تۇتاس رايوندا 537 مىڭ ادام كەدەيلىكتەن ارىلىپ، 513 كەدەي قىستاق كەدەيلىك تىزىمىنەن شىعىپ، كەدەيلىكتىڭ تۋىلۋ مولشەرى %6.51كە تومەندەپ، وڭتۇستىك شينجياڭنىڭ 4 ايماق، وبلىسىنداعى اۋىر كەدەي وڭىرلەردىڭ كەدەيلىكتەن ارىلتۋدان قامال الۋدىڭ العاشقى شايقاسىندا جەڭىسكە قول جەتتى.

  − ساياحات شارۋاشىلىعى قارىشتاپ دامىدى. 2017 - جىلى شينجياڭعا ساياحاتتاپ كەلگەندەر 100 ميلليون ادام - رەتتەن، 2018 - جىلى 150 ميلليون ادام - رەتتەن استى. فاكت دۇنيە ءجۇزى حالقىنا ”شينجياڭ جاقسى جەر“ اتى زاتىنا ساي ەكەندىگىن تالاسسىز ايگىلەدى.

  − بيڭتۋاننىڭ رەفورماسى ورنىقتى ىلگەرىلەتىلدى. ماڭىزدى سالالار مەن شەشۋشى بۋىنداردىڭ رەفورماسى جەدەلدەتىلىپ، بيڭتۋان مەن جەرگىلىكتى ورىننىڭ توعىسۋى ۇزدىكسىز تەرەڭدەتىلىپ، بيڭتۋان ءتۇزىلىسىنىڭ ەرەكشە ابزالدىلىعى مەن دامۋ قوزعاۋشى كۇشى تولىق ىسكە اسىرىلىپ، ورنىقتىرعىش، دومنا پەش، ۇلگى كورسەتۋ رايونى رولى ءتىپتى دە ويداعىداي ساۋلەلەندىرىلدى.

  ...

  بۇل شينجياڭدا ورنىقتىلىقتىڭ پايداسىن ۇزدىكسىز ىسكە اسىرۋدىڭ قۋاتتى دالەلى.

  الىسقا كوز جىبەرسەك، جۇڭگو - ەۆروپا كەزەكشى پويەزى بەينە يرەلەڭدەگەن ۇزىن ايداعار سەكىلدى كەڭ - بايتاق ازيا - ەۆروپا دالاسىندا جۇيتكىپ، شينجياڭنىڭ باتىسقا ەسىك اشقان اسقان ءدۇبىرى جەر جاردى؛

  ءتۇس توقتاتىپ قاراساق، ”ءبىر پورت“ ”ەكى رايون“ ”بەس ۇلكەن ورتالىق“ ”وتكەل ەكونوميكالىق بەلدەۋى“ قۇرىلىسى جەدەلدەتىلىپ، شينجياڭ جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋدىڭ ايقىن نوبايى ايشىقتالا باستادى.

  باس شۋجي شي جينپيڭ تەرەڭ سەزىممەن: ”ەگەر جىبەك جولى ەكونوميكالىق بەلدەۋى قۇرىلاتىن بولسا، شينجياڭ گۇلدەنگەن ورتالىققا اينالۋى مۇمكىن. باسقانى ايتپايىق، ءۇرىمجى قازىر 1500 كيلومەتر كەلەتىن اۋماقتاعى ەڭ ۇلكەن قالا، سول كەزدە قانداي كورىنىس قالىپتاسادى دەسەڭىزشى؟“ دەپ سۋرەتتەگەن بولاتىن.

  شينجياڭ ”ءبىر بەلدەۋ، ءبىر جول“ قۇرىلىسى ورايىن يگەرىپ، ابدەن ايشىقتاپ، كەلىستى دە جۇيەلى نازىك كارتينا سىزۋدا.

  - ىنتىماقتاسا ەكپىندەي ىلگەرىلەۋدىڭ ۇلى كۇشى ۇيىستى

  ءار ۇلتتىڭ ارالاسۋىن، ىشتەسۋىن، توعىسۋىن جەبەدى، اناردىڭ دانىندەي تىعىز ۇيىستى

  قاناس كولىنىڭ بويىنان كۇنلۇن تاۋىنىڭ باۋرايىنا، تۇرپان - قۇمىل ويپاتىنان پامير ۇستىرتىنە دەيىن قۇربان تۇلىمنىڭ حيكاياسى توقتاۋسىز تارالدى. كوپشىلىكتە مىناداي ءبىر ورتاق تانىم بار: كەشەگى كوركەم ەستەمە، بۇگىنگى باقىتتى تۇرمىس، ەرتەڭگى كوركەم بولاشاق بارلىعى دا، ءسوز جوق، ۇلتتار ىنتىماعىنا سۇيەنۋدەن كەلەدى.

  ”حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار دا ءبىر - بىرىنەن ايرىلا المايدى“. 5 جىلدىڭ الدىندا قاشقار كونە ءشار اۋدانى تۇققۇزاق اۋىلى اياقمانگەن قىستاعىنىڭ تۇرعىنى ابدۇقيۇم روزىنىڭ اۋلاسىندا باس شۋجي شي جينپيڭ كوپشىلىككە ۇلتتار ىنتىماعىن ويداعىداي قورعاۋدى قاداعالاعان بولاتىن.

  2017 - جىلدىڭ باسىندا باس شۋجي شي جينپيڭ قۇربان اتايدىڭ ۇرپاقتارىنا جازعان حاتىندا: ”وتباسىڭىزداعىلاردىڭ قۇربان اتاي سەكىلدى، ... ءار ۇلت جۇرتشىلىعىنىڭ اناردىڭ دانىندەي تىعىز ۇيىسۋىن جەبەۋىن ءۇمىت ەتەمىن“...، - دەپ شىن ىقىلاسپەن تاپسىردى.

  كەز كەلگەن گۇل قارلى تاۋدا قۇلپىرىپ وسە المايدى، ءبىراق قارعالداق ءوستى؛ اعاشتىڭ ءبارى جارتاسقا تامىر تارتا المايدى، ءبىراق جاسىل قاراعاي تامىر تارتتى. باس شۋجيدىڭ تاپسىرماسىن ەستە بەرىك ساقتاپ، شينجياڭداعى ءار ۇلت جۇرتشىلىعى تيانشان قاراعايى سەكىلدى تامىرى ءبىر - بىرىنە تۇتاسىپ، جۇرەكتەر جالعاسىپ، ۇلتتار ىنتىماعىنىڭ اسەرلى اڭگىمەلەرى قارعالداق سەكىلدى تيانشاننىڭ وڭتۇستىگى مەن سولتۇستىگىندە قۇلپىرا جايقالدى.

  2017 - جىلى 3 - ايدىڭ 25 - كۇنى شالىنعان گۋدەك داۋىسىنا ىلەسە تۇڭعىش كەزەكتى ”ۇلتتار ىنتىماعىنىڭ بەرەكەلى شاڭىراعى“ اتتى پويەز اقىرىن جىلجىپ ءۇرىمجى ۆوكزالىنان شىقتى، 900 گە تاياۋ كادر، جۇمىسشى - قىزمەتكەر پويەزگە وتىرىپ وڭتۇستىك شينجياڭداعى 4 ايماق، وبلىسقا جۇپ قۇراپ، تۋىستاسۋعا اتتاندى. سودان باستاپ ”ۇلتتار ىنتىماعىنىڭ بەرەكەلى شاڭىراعى“ پويەزى مول مەيىرىم ارقالاپ، وڭتۇستىك، سولتۇستىك شينجياڭ اراسىندا جۇيتكىپ، ءار ۇلتتىڭ ارالاسۋىنىڭ، ىشتەسۋىنىڭ، توعىسۋىنىڭ جۇرەكتەس كوپىرىن جالعادى.

  تەڭىز تامشىدان، ورمان اعاشتان قۇرالادى. كەزەكتە شينجياڭدا ءبىر ميلليون 120 مىڭ كادر، جۇمىسشى - قىزمەتكەر ءبىر ميلليون 690 مىڭ وتباسىنداعى ءار ۇلت جۇرتشىلىعىمەن جۇپ قۇراپ، تۋىس بولىپ، بىرگە تاماقتانىپ، بىرگە تۇرىپ، بىرگە ەڭبەك ىستەپ، بىرگە ۇيرەندى. كەڭ - بايتاق شينجياڭ جەرىندە مەيىرىم تاسقىنداپ، ءار ۇلتتىڭ ىنتىماقتاسىپ، ەكپىندەي ىلگەرىلەگەن ەرەن كۇشىن ۇيىستىردى.

  ”ۇلتتار ىنتىماعىن كوز قاراشىعىمىزدى ايالاعانداي ايالاپ، ۇلتتار ىنتىماعىن جانىمىزدى قاستەرلەگەندەي قاستەرلەپ، اناردىڭ دانىندەي تىعىز ۇيىسايىق“ شينجياڭداعى ءار ۇلت حالقى شىن ىقىلاسىن، شىن نيەتىن امالياتتا ايگىلەپ، ۇلتتار ىنتىماعى گۇلىن سولدىرماي بىرگە سۋارىپ، قوعام ورنىقتىلىعى مەن باياندى تىنىشتىقتى جۇزەگە اسىرۋدىڭ بەرىك نەگىزىن بىرگە بەكەم قالادى.

  كوتەرىلسە كوك تولقىن كەڭەيەدى جاعالار،كوتەرىلسە سامال جەل جايادى جەلكەن كەمەلەر. بۇگىنگى شينجياڭداعى ءار ۇلت حالقى شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە قايراتتانا ۇمتىلىپ، ۇدەرە العا تارتىپ، كورىكتى شينجياڭ قۇرىپ، وتان ارمانىن بىرگە ىسكە اسىرۋدا.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى