ىلە ”ەكولوگيالىق وبلىس قۇرۋ“دى ءونىمدى ىلگەرىلەتتى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 07 - 30 11:38

باسقارۋ اناعۇرلىم جۇيەلى، زاڭ اتقارۋ اناعۇرلىم قاتاڭ، بۇقارا بارىنشا ىرىقتى بولدى −

ىلە ”ەكولوگيالىق وبلىس قۇرۋ“دى ءونىمدى ىلگەرىلەتتى


    قۇلجا قالاسى ىلە وزەنى كورىنىس بەلدەۋىنىڭ كەڭىستىكتەن تۇسىرىلگەن سۋرەتى (7 - ايدىڭ 22 - كۇنى تۇسىرىلگەن) سۋرەتتى گازەتىمىزدىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

رەداكتوردان

جاڭا جۇڭگو قۇرىلعان 70جىلدان بەرى، اسىرەسە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت بۇكىل رايونىمىزداعى ءار ۇلت كادر - بۇقاراسىن ىنتىماقتاستىرىپ، باستاپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، شينجياڭنىڭ جاراسىمدى، ورنىقتى دامۋىن ىلگەرىلەتۋدە كورنەكتى ناتيجەلەرگە قول جەتكىزدى. بۇگىننەن باستاپ، گازەتىمىز ”ايبىندى 70جىل، كۇرەسكە تولى جاڭا ءداۋىر − دامۋ جەتىستىكتەرىنە شولۋ“ ايدارىن اشادى، جالپىلىق اقپارات قۇرالدارى ساپار ۇلگىسىندە تىلشىلىك ىستەۋ تاسىلىمەن شينجياڭنىڭ كەڭ - بايتاق دالاسىندا تۋىلىپ جاتقان تەرەڭ قاتپارلى، ءتۇبىرلى تاريحي وزگەرىستەردى حابارلايدى.

  شينجياڭ گازەتىنىڭ جالپىلىق اقپارات قۇرالدارىنىڭ تىلشىلەرى باي جىيۇي، جاۋ شييا، ءجازيرا نەسىپبەك 7 - ايدىڭ 24 - كۇنى قۇلجادان حابارلايدى. جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى جۋىقتا باسىپ تاراتقان «تابيعي ورماندى قورعاۋ، قالپىنا كەلتىرۋ ءتۇزىمى جوباسى»ندا: ەڭ قاتاڭ ءتۇزىم، ەڭ كەمەلدى زاڭمەن جونگە سالۋ ارقىلى تابيعي ورماندى قورعاۋ، قالپىنا كەلتىرۋ كەرەكتىگى ايقىن اتاپ كورسەتىلدى. ال ”ەكولوگيالىق وبلىس قۇرۋ“دى دامۋ ستراتەگياسى ەتكەن ىلە قازاق اۆتونوميالى وبلىسى مەيلى تابيعي ورماندى ۋاكىل ەتكەن تاۋ، سۋ، ورمان، ەگىستىك، كول، جايلىم ەكولوگيالىق جۇيەسىن جالپى تۇلعالىق قورعاۋدا بولسىن، الدە ءتۇرلى جاراتىلىستىق بايلىقتاردى ۇيلەسىمدى اشۋدا بولسىن، تۇگەلدەي پارمەندى، ءتارتىپتى، ءونىمدى ىلگەرىلەتتى.

  ولشەۋ - سىزۋ، بەلگى قازىق قويۋ، شەكارا تاسىن ورناتۋ... 7 - ايدىڭ 23 - كۇنى قۇلجا اۋدانىنا ورنالاسقان، جەر اۋدانى 9000 گەكتاردان اساتىن ىلە شەتەنى مەملەكەت دارەجەلى جاراتىلىستىق قورىق وڭىرىندە كاسىپتىك قىزمەتكەرلەر شەكارانى ولشەپ، بەلگى ورناتۋدا. قازىر قورىق رايونىنىڭ سەنترلى وڭىرىندەگى ورمان اعاشتارى ماۋەلەپ وسكەن شاق، ورمان اراسىندا نەشە ۇرپاق شەتەن بىرگە بوي سوزىپ ءوسىپ كەلەدى. بايىرعى اعاشتاردان جاڭا بۇتاقتار كوكتەپ، بيىگى، الاساسى بوي تالاسا ءوسىپ، كولەمدى شەتەن اعاشى اۋماعىن قالىپتاستىرعان.

  ءدال سول كۇنى تۇستە قورعاس ءتورت تۇياقتى قۇرلىق تاسباقاسى مەملەكەت دارەجەلى جاراتىلىستىق قورىق وڭىرىندە ءتورت تۇياقتى قۇرلىق تاسباقالارى ۇياسىنان شىعىپ، كوگالدا جايبىراقات كۇنگە قاقتالىپ جاتتى.

  ءتورت تۇياقتى قۇرلىق تاسباقاسى ورتا ازيا وڭىرىندە بولاتىن ەرەكشە ءتۇر، مەملەكەتتىك 1 − دارەجەلى ءتۇيىندى قورعالاتىن حايۋاناتقا جاتادى. سوڭعى جىلدارى ىلە وبلىسىنداعى قاتىستى تاراۋلار ءتورت تۇياقتى قۇرلىق تاسباقاسىن قورعاۋ جانە ونى ۇگىتتەۋ تەبىنىن ۇزدىكسىز كۇشەيتتى، ءسويتىپ، ءتورت تۇياقتى قۇرلىق تاسباقاسىنىڭ تىرشىلىك ورتاسى اناعۇرلىم جاقساردى. تاياۋدا عانا جەرگىلىكتى ورىن قورىقتىڭ ىشىندەگى 12 وتباسىن كوشىرىپ، 2 زاۆود -كەن كاسىپورنىنىڭ 5 جەردەگى زاۆود ۇيلەرىن شاقتى.

  ىلە وبلىسىندا قازىر 3 جەردە مەملەكەت دارەجەلى جاراتىلىستىق قورىق ءوڭىرى بار، ولار جەكە - جەكە ىلە شەتەنى مەملەكەت دارەجەلى جاراتىلىستىق قورىق ءوڭىرى، قورعاس ءتورت تۇياقتى قۇرلىق تاسباقاسى مەملەكەت دارەجەلى جاراتىلىستىق قورىق ءوڭىرى، باتىس تيانشان مەملەكەت دارەجەلى جاراتىلىستىق قورىق ءوڭىرى. بۇدان سىرت، توعىزتاراۋ جابايى جاڭعاق جاراتىلىستىق قورىق ءوڭىرى مەن شينجياڭ تيانشان ورتا بولەگى كۇنەس تاۋلى شالعىنى تۇرىندەگى جايلىم جاراتىلىستىق قورىق ءوڭىرى سىندى 2 اۆتونوميالى رايون دارەجەلى قورىق ءوڭىرى بار.

  پارتيا 18 - قۇرىلتايىنان بەرى، ىلە وبلىسى شي جينپيڭنىڭ ەكولوگيالىق وركەنيەت يدەياسىن ىشكەرىلەي امالياتتا ايگىلەپ، جاراتىلىستىق قورىق ءوڭىرىن قۇرۋ، باسقارۋ قىزمەتىن ەكولوگيالىق وركەنيەت قۇرىلىسى قىزمەتىنىڭ ماڭىزدى مازمۇنى رەتىندە ءبىر تۇتاس جوسپارلاپ، سايكەستى ىلگەرىلەتىپ، جاراتىلىستىق قورىق ءوڭىرىنىڭ ەكولوگيالىق ورتاسىن كورنەكتى جاقسارتتى.

  ”ءبىز جاراتىلىستىق قورىق ءوڭىرى قۇرىلىسىن ەكولوگيالىق وركەنيەت قۇرىلىسىنىڭ ماڭىزدى مازمۇنى رەتىندە قاراپ اتقارىپ، بەلگىلى ناقتى ناتيجەلەرگە قول جەتكىزدىك“. ىلە وبلستىق ورمانشىلىق جانە جايلىم مەكەمەسى جاراتلىستىق قورىقتى قورعاۋ باسقارماسىنىڭ باستىعى نۇرمات جايىرباي بىلاي دەدى: مەملەكەت، اۆتونوميالى رايون جانە جەرگىلىكتى ورىن جاراتىلىستىق قورىق وڭىرىنە بولعان قولداۋ مەن ۇسىنىلىمدى تىنباي ارتتىردى، تەك ىلە شەتەنى مەملەكەت دارەجەلى جاراتىلىستىق قورىق ءوڭىرى، قورعاس ءتورت تۇياقتى قۇرلىق تاسباقاسى مەملەكەت دارەجەلى قورىق ءوڭىرىنىڭ وزىنە سوڭعى 5 جىلدا 20 ميلليون يۋاننان استام قارجى قوسىلىپ، قورىق ءوڭىرىنىڭ قۋات قۇرىلىسىنا، عىلمي زەرتتەۋ نىساندارىنا جۇمسالدى. 2017 - جىلدان باستاپ، مەملەكەت دارەجەلى 3 جاراتىلىستىق قورىق وڭىرىندە بىردەي ارناۋلى باسقارۋ قۇرىلىمى قۇرىلىپ، بۇرىنعى باسقارۋ پۋنكتىنىڭ ورنىن باسىپ، جاراتىلىستىق قورىق ءوڭىرىن باسقارۋ اناعۇرلىم جۇيەلى دە كەمەلدى بولدى.

  جاراتىلىستىق قورىق ءوڭىرىنىڭ ەكولوگيالىق ورتاسى بارعان سايىن جاقسارۋمەن بىرگە، ىلە وبلىسىنىڭ تۇتاس تۇلعالىق ەكولوگيالىق ورتاسى دا كورنەكتى جاقساردى، بۇقارانىڭ بەلسەندىلىگى مەن ىرىقتىلىعىنىڭ بارعان سايىن ارتۋى ادامدى تىپتەن شاتتاندىرادى. ”جۋىقتاعى ءبىر ايدا ءبىز بۇقارا قۇتقارعان مەملەكەتتىك ءتۇيىندى قورعالاتىن جابايى حايۋاناتتان تورتەۋىن تاپسىرىپ الدىق.“، - دەدى نۇرمات تانىستىرىپ، بەلسەندى تۇردە ۇگىت جۇرگىزۋ، جەتەكشىلىك ەتۋ ارقىلى ءار ۇلت بۇقاراسىنىڭ ەكولوگيانى قورعاۋ قيمىلىنا ىرىقتلىقپەن ۇيىمداسىپ، قاتىناسۋى بارعان سايىن كوبەيدى.

  ”قۇلجا قالاسىنىڭ كوشەسىندە جۇرسەڭىز، جول جاعالاۋىنداعى جاسىلداندىرىلعان بەلدەۋدە اعاشقا ىرشىپ - شورشىپ جۇرگەن تيىندار ۇنەمى كوزگە شالدىعادى“. جەرگىلىكتى حالىق پەن تابيعاتتىڭ جاراسىمدى بىرگە ءومىر سۇرەتىن تاماشا كارتيناسىن تىلگە تيەك ەتكەن ىلە قازاق اۆتونوميالى وبلىسىنىڭ ورىنباسار باستىعى جاڭ ميڭحۋا ماقتانىش سەزىمىمەن بىلاي دەدى: ”ءبىز مەكەنىمىزدىڭ اسپانىنىڭ ءتىپتى دە كوك، جەرىنىڭ ءتىپتى دە جاسىل، سۋىنىڭ ءتىپتى دە تۇنىق بولۋى ءۇشىن كۇش سالىپ، ’ىرىستى مەكەن‘ جاڭا ىلە قۇرۋ جولىندا قۇلشىنامىز“.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى