باس شۋجي شي جينپيڭ شىعارماسىنىڭ كريليتسيا جازۋىنداعى موڭعۇلشا باسىلىمىنىڭ العاشقى تاراتىلۋ سالتى جانە جۇڭگو مەن موڭعۇليانىڭ ەل باسقارۋ جونىندەگى زەرتتەۋ - تالقى ءماجىلىسى ۇلانباتىردا وتكىزىلدى

كەلۋ قاينارى:  شينجياڭ گازەتى تورى   |   جولدانعان ۋاقىتى:2019 - 09 - 02 17:57

شينحۋا اگەنتتىگىنىڭ 8 - ايدىڭ 30 - كۇنى ۇلانباتىردان بەرگەن حابارى. جۇڭگو مەن موڭعۇليانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىن قۇتتىقتاۋ ءۇشىن، جۇڭگو مەملەكەتتىك كەڭەسىنىڭ اقپارات كەڭسەسى، موڭعۇليا سىرتقى ىستەر مينيسترلىگى، جۇڭگو شەتەل ءتىلى باسپا ءسوز، تاراتۋ ىستەرى مەكەمەسى، جۇڭگونىڭ موڭعۇليادا تۇراتىن باس ەلشىلىگى باسقارىپ وتكىزگەن «شي جينپيڭ ەل باسقارۋ جونىندە» 1 - تومىنىڭ، «كەدەيلىكتەن ارىلۋ»دىڭ كريليتسيا جازۋىنداعى موڭعۇلشا باسىلىمىنىڭ العاشقى تاراتىلۋ سالتى جانە جۇڭگو مەن موڭعۇليانىڭ ەل باسقارۋ جونىندەگى زەرتتەۋ - تالقى ءماجىلىسى موڭعۇليانىڭ استاناسى ۇلانباتىردا وتكىزىلدى. موڭعۇليانىڭ زۇڭتۇڭى باتتۇلعى قۇتتىقتاۋ حات جولدادى. ورتالىق كوميتەت ۇگىت ءبولىمىنىڭ ورىنباسار باستىعى جياڭ جيانگو، جۇڭگونىڭ موڭعۇليادا تۇراتىن باس ەلشىسى شيڭ حايميڭ، موڭعۇليانىڭ ورىنباسار زۇڭليى ەنكى تۇپشين، سىرتقى ىستەر مينيسترى سوكتۋ باتىر، زۇڭتۇڭنىڭ سىرتقى ىستەر اقىلشىسى تەگش جيرعل، موڭعۇل حالىق پارتياسىنىڭ شۋجيى بات ەنكى قاتارلى 260 نەشە ۋاكىل ماجىلىسكە قاتىناستى.

  باتتۇلعى زۇڭتۇڭ قۇتتىقتاۋ حاتىندا مىنالاردى ءبىلدىردى: ءتوراعا شي جينپيڭنىڭ شىعارماسىندا ونىڭ جۇڭگو مەن جۇڭگو حالقىنا باسشىلىق ەتىپ العا باسۋ جولىندا جيناقتاعان كوزقاراسى جانە تاجىريبەسى شوعىرلى بەينەلەنگەن. موڭعۇليا مەن جۇڭگو جالپى بەتتىك ستراتەگيالىق سەرىكتەستىك قارىم - قاتىناس ورناتقاننان بەرى، ەكى ەلدىڭ قارىم - قاتىناسى مەن سەلبەستىگى اناعۇرلىم بەلسەندى، ىشكەرىلەي دامىدى، ەكى ەل حالقىنىڭ دوستىعى ۇزدىكسىز تەرەڭدەدى. جۇڭگونىڭ ءتوراعا شي جينپيڭنىڭ باسشىلىعىندا اناعۇرلىم گۇلدەنىپ كوركەيۋىن، اناعۇرلىم زور ناتيجەگە قول جەتكىزۋىن تىلەيمىن.

  جياڭ جيانگو ارناۋ سوزىندە بىلاي دەپ اتاپ كورسەتتى: «شي جينپيڭ ەل باسقارۋ جونىندە» 1 - تومى جانە «كەدەيلىكتەن ارىلۋ» سىندى ەكى شىعارمادا شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ارقاۋى مەن امالياتتىق قاينارى شوعىرلى بەينەلەنگەن، ول جۇڭگونىڭ دامۋ جولىن، دامۋ بەتالىسىن تۇسىنۋدەگى قۇزىرلى وقۋلىق. ونىڭ ىشىندە حالىقتى بارىنەن جوعارى ورىنعا قويۋ، كەدەيلەردى سۇيەمەلدەۋدەن قامال الۋ، رەفورما جاساۋ، ەسىك اشۋ، پارتيانى قاتاڭ جونگە سالۋ سياقتىلار جونىندەگى تاماشا تاراۋلار ءتوراعا شي جينپيڭنىڭ ەل باسقارۋدا بۇلجىماي دايەكتىلەندىرگەن ماڭىزدى ۇستانىمىن جانە جالپى جوباسىن ايگىلەگەن. ەكى شىعارمانىڭ موڭعۇليادا باسپادان شىعۋى جۇڭگو مەن موڭعۇليانىڭ اۋدارما سالاسىنىڭ، باسپا سالاسىنىڭ جۇڭگو مەن موڭعۇليانىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعىنا ۇسىنعان سۇبەلى تارتۋى، ەكى ەلدىڭ ەل باسقارۋ تاجىريبەلەرى جونىندە اۋىس - كۇيىس جاساۋىنىڭ جاندى دانەكەرى.

  ەنكى تۇپشين، بات ەنكى ارناۋ سوزدەرىندە بىلاي دەدى: «شي جينپيڭ ەل باسقارۋ جونىندە» 1 - تومى جانە «كەدەيلىكتەن ارىلۋ»دىڭ كريليتسيا جازۋىنداعى موڭعۇلشا باسىلىمىنىڭ اۋدارىلىپ باسپادان شىعۋى موڭعۇليا ەلىندەگى وقىرمانداردىڭ جۇڭگونىڭ دامۋ اياق الىسىن اناعۇرلىم جاقسى تانۋىنا كومەكتەسىپ، ەكى ەل حالقىنىڭ ءوزارا ءتۇسىنىسۋىن جانە ءوزارا ءسۇيىنۋىن تەرەڭدەتىپ، ەكى ەلدىڭ ”ءبىر بەلدەۋ، ءبىر جول“ سياقتى سالالارداعى ناقتى ىستەر سەلبەستىگىنە باستاماشى بولادى.

  شيڭ حايميڭ ارناۋ سوزىندە بىلاي دەدى: جۇڭگو مەن موڭعۇليانىڭ ەل باسقارۋ جونىندەگى تاجىريبە اۋىس - كۇيىسىن كۇشەيتۋ − ەكى ەل باسشىلارى كەلىسكەن ماڭىزدى ورتاق تانىم. ءتوراعا شي جينپيڭنىڭ شىعارماسىنىڭ موڭعۇليادا باسىلىپ تاراتىلۋى، ءسوز جوق، ەكى ەلدىڭ وركەنيەت اۋىس - كۇيىسىن، ءوزارا ۇلگى الۋىن پارمەندى جەبەپ، ەكى ەلدىڭ بىرگە دامۋىنا، العا باسۋىنا كۇش ۇستەيدى.

  العاشقى تاراتىلۋ سالتىندا ەكى جاقتىڭ سيلى قوناقتارى بىرگە جاڭا كىتاپتىڭ شىمىلدىعىن اشتى، جۇڭگو جاق موڭعۇليا جاقتىڭ ساياسي قايراتكەرلەرىنە ەكى نۇسقا شىعارما تارتۋ ەتتى. زەرتتەۋ - تالقى ماجىلىسىندە ەكى ەلدىڭ وقىمىستىلارى ەكولوگيالىق وركەنيەت قۇرىلىسى، كەدەيلىكتەن ارىلتۋدان قامال الۋ، ادامزاتتىڭ تاعدىرلاس ورتاق تۇلعاسىن قۇرۋ سىندى نەگىزگى تاقىرىپتى ارقاۋ ەتىپ، ىشكەرىلەي اۋىس - كۇيىس ورىستەتتى ءارى بىرىككەن زەرتتەۋ جەتىستىگىن جاريالادى.

  8 - ايدىڭ 30 - كۇنىنەن 9 - ايدىڭ 2 - كۇنىنە دەيىن جۇڭگو جاق تاعى ۇلانباتىردا ”جۇڭگونى كورۋ - تىڭداۋ، الەمدىك قويىلىم“نىڭ موڭعۇليادا باستالۋى جانە «شي جينپيڭنىڭ مەملەكەتتى جونگە سالۋ جالپى جوباسى: جۇڭگونىڭ وسى 5 جىلى» اتتى حۇجاتتى فيلمنىڭ باستاپ قويىلۋ سالتى، ”جۇڭگونى سەزىنۋ“ اتىنداعى جەلىلەس مادەنيەت قيمىلى، ساڭسىر نىسانى جوعارى ايقىندىقتاعى تەلەۆيزيا سيگنالىنىڭ اشىلۋى جانە كەڭ بەلدەۋ كاسىبىنىڭ ىسكە قوسىلۋ سالتى سياقتىلاردى وتكىزەدى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى