19 - كەزەكتى ورتالىق كوميتەتتىڭ ءتورتىنشى جالپى ءماجىلىسىن اشۋدى ۇيعاردى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 09 - 02 18:01

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

  19 - كەزەكتى ورتالىق كوميتەتتىڭ ءتورتىنشى جالپى ءماجىلىسىن اشۋدى ۇيعاردى

  «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى جاساۋ ەرەجەسىن»، «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى جانە ولشەمدى حۇجاتتاردى ەستەلىككە الۋ، تەكسەرۋ بەلگىلەمەسىن»، «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى اتقارۋ جاۋاپكەرشىلىك ءتۇزىمى بەلگىلەمەسىن (سىناق رەتىندە اتقارىلادى)» قارادى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 8 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 8 - ايدىڭ 30 - كۇنى ءماجىلىس اشىپ، جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ ءتورتىنشى جالپى ءماجىلىسىن بيىل 10 - ايدا بەيجيڭدە اشۋدى ۇيعاردى، نەگىزگى كەڭەستىك ءتارتىبى مىناداي: جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ورتالىق كوميتەتكە قىزمەتتەن بايانداما جاسايدى، جۇڭگوشا سوتسياليزم تۇزىمىنە تاباندى بولۋدى جانە ونى كەمەلدەندىرۋدى، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدەگى ءبىرقانشا كەلەلى ماسەلەلەردى زەرتتەيدى. ءماجىلىس «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى جاساۋ ەرەجەسىن»، «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى جانە ولشەمدى حۇجاتتاردى ەستەلىككە الۋ، تەكسەرۋ بەلگىلەمەسىن»، «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى اتقارۋ جاۋاپكەرشىلىك ءتۇزىمى بەلگىلەمەسىن (سىناق رەتىندە اتقارىلادى)» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس بىلاي دەپ قارادى: جۇڭگو كوممۋنيستىك پارتياسى قۇرىلعاننان بەرى، حالىقتى ىنتىماقتاستىرىپ، باستاپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن ۇشتاستىرۋدان جازباي، جۇڭگو توڭكەرىسىنىڭ جەڭىسىنە قول جەتكىزدى ءارى ەل ءىشى - سىرتىنداعى ۇنامدى - ۇنامسىز ەكى جاقتاعى تاجىريبەلەردى ىشكەرىلەي قورىتىندىلاپ، ۇزدىكسىز ىزدەنىس جاساپ، ۇزدىكسىز امالياتتان وتكىزىپ، سوتسياليزم ءتۇزىمىن قۇرىپ جانە كەمەلدەندىرىپ، پارتيانىڭ باسشىلىعىن جانە ەكونوميكا، ساياسي، مادەنيەت، قوعام، ەكولوگيالىق وركەنيەت، اسكەري ىستەر، سىرتقى ىستەر سياقتى ءتۇرلى جاقتارداعى تۇزىمدەردى قالىپتاستىرىپ جانە دامىتىپ، مەملەكەتتى جونگە سالۋدى ۇزدىكسىز كەمەلدەندىرىپ، تاريحي جەتىستىكتەرگە قول جەتكىزدى. پارتيا 18 - قۇرىلتايىنان بەرى، پارتيامىز حالىققا باسشىلىق ەتىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جۇڭگوشا سوتسياليزم ءتۇزىمىنىڭ اناعۇرلىم كەمەلدەنۋىن ىلگەرىلەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ ورەسىن كورنەكتى جوعارىلاتىپ، ساياسي ورنىقتىلىققا، ەكونوميكانىڭ دامۋىنا، مادەنيەتتىڭ گۇلدەنۋىنە، ۇلتتار ىنتىماعىنا، قوعامنىڭ تىنىشتىعىنا، مەملەكەتتىڭ ءبىر تۇتاستىعىنا پارمەندى كەپىلدىك ەتتى.

  ءماجىلىس مىنانى باسا دارىپتەدى: جاڭا جۇڭگو قۇرىلعان 70 جىلدان بەرى، پارتيامىز حالىققا باسشىلىق ەتىپ، دۇنيە جۇزىندە سيرەك كەزدەسەتىن ەكونوميكالىق دامۋ كەرەمەتتەرىن جانە ساياسي ورنىقتىلىق كەرەمەتتەرىن جاراتتى، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋدى قارسى الدى. اماليات مىنانى دالەلدەدى: جۇڭگوشا سوتسياليزم ءتۇزىمى مەن مەملەكەتتى جونگە سالۋ جۇيەسى جۇڭگونىڭ بايتاق جەرىنە تامىر تارتىپ، قاتپارى تەرەڭ جۇڭحۋا مادەنيەتى ءتۇپ نەگىزىنە يە بولعان، حالىقتىڭ جاقتاۋىنا بولەنگەن ءتۇزىم جانە جونگە سالۋ جۇيەسى، قۋاتتى ومىرشەڭدىك كۇش پەن وراسان زور ارتىقشىلىعى بار ءتۇزىم جانە جونگە سالۋ جۇيەسى، ءبىر ميلليارد 400 ميلليونعا جۋىق جان سانى بار ءىرى ەلدىڭ ىلگەرىلەۋى مەن دامۋىن ءۇرتىس ىلگەرىلەتىپ، 5000 جىلدان استام وركەنيەت تاريحى بار جۇڭحۋا ۇلتىنىڭ ”قوس 100 جىلدىق“ كۇرەس نىساناسىن جۇزەگە اسىرۋعا شىنايى كەپىلدىك ەتىپ، ۇلى گۇلدەنۋدى جۇزەگە اسىرا الاتىن ءتۇزىم جانە جونگە سالۋ جۇيەسى بولىپ تابىلادى.

  ءماجىلىس بىلاي دەپ قارادى: قازىرگى دۇنيە ءجۇزى 100 جىلدا بولماعان ۇلى وزگەرىستەردى باستان كەشىرىپ وتىر، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر. ءداۋىر اعىمىنا بەيىمدەلىپ، ەلىمىز قوعامىنىڭ باستى قايشىلىعىنىڭ وزگەرىسىنە ۇيلەسىپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، حالىقتىڭ تاماشا تۇرمىسقا دەگەن جاڭا ارمان - تىلەگىن ۇزدىكسىز قاناعاتتاندىرىپ، العا ىلگەرىلەۋ جولىنداعى ءتۇرلى حاۋىپ - قاتەر، سىن - سايىستاردى جەڭۋدە، ءسوزسىز، كەلەلى ماسەلەلەردى زەرتتەۋدى كۇشەيتىپ، رەفورما جاساپ، جاڭالىق اشۋدان جازباي، جۇڭگوشا سوتسياليزم تۇزىمىنە تاباندى بولۋ جانە ونى كەمەلدەندىرۋ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىنا اناعۇرلىم زور كۇش سالىپ، ۇزدىكسىز قاجىرلىلىقپەن كۇرەس جۇرگىزىپ، ءورىس اشا العا ىلگەرىلەپ، پارتيا مەن مەملەكەت ىستەرىنىڭ قارىشتاپ دامۋىنا، باياندى تىنىشتىعىنا شىنايى كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋدە، ءسوزسىز، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، دۇرىس ساياسي بەتالىسقا تاباندى بولۋ، پارتيا ۋستاۆىن ءتۇبىرلى بويسۇنۋ ولشەمى ەتۋگە تاباندى بولۋ، دەموكراتيالىق ورتالىقتاندىرۋ ءتۇزىمىن دايەكتىلەندىرۋگە تاباندى بولۋ، پارتيا مەن مەملەكەت قىزمەتىنىڭ كەلەلى جاعدايىنا قىزمەت ەتۋگە تاباندى بولۋ، جۇيەلى ىلگەرىلەتۋگە تاباندى بولۋ، مەملەكەتتى زاڭ بويىنشا جونگە سالۋ مەن پارتيانى قاعيدا بويىنشا جونگە سالۋدىڭ ورگانيكالى بىرلىگىنە تاباندى بولۋ كەرەك. «جۇڭگو كوممۋنيستىك پارتياسىنىڭ پارتيا ىشىندەگى زاڭ - ەرەجەلەردى جاساۋ ەرەجەسى» سياقتى پارتيا ىشىندەگى زاڭ - ەرەجەلەرگە وزگەرىس ەنگىزۋ، جاساۋ − جاڭا داۋىردەگى پارتيا ىشىندەگى زاڭ - ەرەجە، ءتۇزىم قۇرىلىسىن كۇشەيتۋدەگى ماڭىزدى شارا، پارتيا 18 - قۇرىلتايىنان بەرى، پارتيانى جاپپاي قاتاڭ جونگە سالۋعا، پارتيانى قاعيدا بويىنشا جونگە سالۋعا تاباندى بولۋدىڭ امالياتتىق ناتيجەسىن، نازاريالىق ناتيجەسىن، تۇزىمدىك ناتيجەسىن بەينەلەدى.

  ءماجىلىس مىنالاردى باسا دارىپتەدى: پارتيا ىشىندەگى زاڭ - ەرەجەلەردى جاساۋ قىزمەتى جاڭادان وزگەرىس ەنگىزىلگەن «ەرەجە»نى بويسۇنۋ ولشەمى ەتىپ، پارتيانىڭ باسشىلىعى مەن پارتيا قۇرىلىسنداعى ءتۇرلى جاقتارداعى زاڭ - ەرەجە، تۇزىمدەردى ءوزارا سايكەستىرىپ، تومەن مارتەبەدەگى زاڭ - ەرەجە، ءتۇزىمدى جوعارى مارتەبەدەگى زاڭ - ەرەجە، تۇزىممەن ءوزارا ۇشتاستىرىپ، ناقتى سيپاتتى، باعدارلامالىق سيپاتتى، قامتاماسىزداندىرۋ سيپاتتى زاڭ - ەرەجە، ءتۇزىمدى ءوزارا سايكەستىرۋ كەرەك. جاڭادان وزگەرىس ەنگىزىلگەن «پارتيا ىشىندەگى زاڭ - ەرەجەلەردى جانە ولشەمدى حۇجاتتاردى ەستەلىككە الۋ، تەكسەرۋ بەلگىلەمەسىن» مۇقياتتىلىقپەن اتقارىپ، حۇجاتتى ەستەلىككە الۋعا، ەستەلىككە الىنعاندارىن تەكسەرۋگە، قاتەلىكتەرىن تۇزەتۋگە تاباندى بولىپ، پارتيا ىشىندەگى زاڭ - ەرەجەلەر مەن پارتيا ساياساتىنىڭ ءبىر تۇتاستىعىن جانە قۇزىرەتتىلىگىن شىنايى قورعاۋ كەرەك. «پارتيا ىشىندەگى زاڭ - ەرەجەلەردى اتقارۋ جاۋاپكەرشىلىك ءتۇزىمى بەلگىلەمەسىن (سىناق رەتىندە اتقارىلادى)» قاتاڭ تياناقتاندىرۋدا ءار دارەجەلى پارتيا ۇيىمدارى مەن پارتيالى باسشى كادرلار، ءسوز جوق، پارتيا ىشىندەگى زاڭ - ەرەجەلەردى اتقارۋدىڭ ساياسي جاۋاپكەرشىلىگىن شىنايى ارقالاۋ كەرەك.

كەلۋ قاينارى

 

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى