وڭتۇستىك شينجياڭنان ەكسپورت ەتىلگەن زاتتار جۇڭگو - ەۆروپا كەزەكشى پويەزدەرىمەن ”باتىسقا شىعارىلدى“

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 09 - 10 17:50


 

9- ايدىڭ 4 - كۇنى وڭتۇستىك شينجياڭنىڭ ەكسپورت ەتىلەتىن زاتتارى تولتىرا تيەلگەن تۇڭعىش جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنان جولعا شىعۋ الدىندا. سۋرەتتى ءتىلشى چين مەيحۋا تۇسىرگەن

  تىلشىلەر چىن چياڭۋي، لۋ فىڭباۋ 9 - ايدىڭ 4 - كۇنى ۇرىمجىدەن حابارلايدى. 9 - ايدىڭ 4 - كۇنى وڭتۇستىك شينجياڭنىڭ ورىك قويمالجىڭى جۇڭگو - ەۆروپا كەزەكشى پويەزىمەن ءۇرىمجى شوعىرلاندىرۋ ورتالىعىنان جولعا شىعىپ، الاتاۋ وتكەلى ارقىلى شەكارادان شىعىپ، رەسەيدىڭ استاناسى ماسكەۋگە جول الدى. بۇل وڭتۇستىك شينجياڭنان ەكسپورت ەتىلگەن زاتتاردىڭ تۇڭعىش رەت جۇڭگو - ەۆروپا كەزەكشى پويەزدەرىنىڭ ”ۇلكەن شاڭىراعى“نا قوسىلۋى بولىپ، وڭتۇستىك شينجياڭنىڭ كەدەي وڭىرلەرىندەگى ونىمدەردىڭ ”باتىسقا شىعارىلۋى“نا تاعى دا قولايلى وتكەل ازىرلەدى.

  وسى كەزەكشى پويەزدىڭ 9 - ايدىڭ 1 - كۇنى تۇڭعىش رەت جولعا شىققان ”حوتان - قاشقار - ءۇرىمجى شوعىرلى تىركەۋ، شوعىرلى جەتكىزۋ جۇك تاسىمال كەزەكشى پويەزى“ قايتالاي قۇراستىرىلدى، كەزەكشى پويەز قاشقار ۆوكزالىنان جولعا شىعىپ، اقسۋدا، يانجيدە جول - جونەكەي جۇك جيناپ، 3 كۇندە جۇڭگو - ەۆروپا كەزەكشى پويەزى ءۇرىمجى شوعىرلاندىرۋ ورتالىعىنا جەتىپ، وزگە جۇكتەردى تىركەگەننەن كەيىن، الاتاۋ وتكەلى ارقىلى شەكارادان شىعىپ، ەۆروپا، ورتا ازيا سياقتى جەرلەرگە اپارىلادى.

  وڭتۇستىك شينجياڭ اۋىر كەدەي ءوڭىر، سوڭعى جىلدارى مەملەكەت پەن اۆتونوميالى رايوننىڭ ءتۇرلى شارالارىنىڭ سۇيەمەلدەۋىندە، وڭتۇستىك شينجياڭنىڭ كەدەيلىكتەن ارىلتۋدان قامال الۋى ەلەۋلى ىلگەرىلەۋشىلىكتەرگە قول جەتكىزدى، ءبىر توپ توقىماشىلىق، كيىم - كەشەك، اۋىل شارۋاشىلىق قوسىمشا ونىمدەرىن جىنتىكتەي مانەرلەۋ سياقتى ەڭبەك شوعىرلانعان كاسىپورىنداردى باۋلىپ قۇردى، ونىمدەرى رەسەي، فرانسيا، گەرمانيا، وزبەكستان، يتاليا قاتارلى مەملەكەتتەرگە ساتىلدى.

  وسىدان بۇرىن وڭتۇستىك شينجياڭ ءوڭىرىنىڭ ەۆروپا بازارىنا ەكسپورت ەتەتىن زاتتارىنىڭ دەنى تەڭىز جاعالاۋىنداعى كەمەجايلارعا تاسىپ اپارىلعاننان كەيىن، تەڭىز تاسىمالى ارقىلى تاسىلاتىن. قاعىلىق شينييۋان جەمىس شارۋاشىلىعى شەكتى سەرىكتەستىگى وندىرگەن ورىك قويمالجىڭى بۇرىن تەڭىز تاسىمالى ارقىلى رەسەي، نيدەرلاند، گەرمانيا قاتارلى ەلدەردىڭ بازارلارىنا جەتكىزىلەتىن، بۇل ولاردىڭ ورىك قويمالجىڭىنىڭ 1 - رەت جۇڭگو - ەۆروپا كەزەكشى پويەزىمەن شەتەلگە شىعارىلۋى. اتالعان سەرىكتەستىك وسى رەت 12 جۇك قوراپ زاتتى تاسىمالدادى، تاسىمال ۋاقىتى مولشەرمەن تەڭىز تاسىمالىنىڭ ۇشتەن ەكىسىندەي قىسقارادى.

  ”وڭتۇستىك شينجياڭ وڭىرىندەگى كاسىپورىندار ۇيىرمە قۇراپ، جۇك تاسىمال كەزەكشى پويەزىن قاتىناتىپ، بۇكىل شينجياڭداعى جۇكتىڭ ءۇرىمجى شوعىرلاندىرۋ ورتالىعىندا ءونىمدى توپتالۋىن جۇزەگە اسىرىپ، وڭتۇستىك شينجياڭ ءوڭىرىنىڭ جەر اۋدانى كەڭ بولۋ، جۇك قاينارى بىتىراڭقى بولۋ، تاسىمال وزىندىك قۇنى جوعارى بولۋ ماسەلەسىن شەشىپ، وڭتۇستىك شينجياڭ كاسىپورىندارىنىڭ سىرتقا باعىتتالعان باسەكەلىك قۋاتىن كۇشەيتتى“ دەدى شينجياڭ شينتيە حالىقارالىق زات اينالىمى شەكتى جاۋاپكەرلىك سەرىكتەستىگىنىڭ ورىنباسار باس ديرەكتورى نان جۇن، - ”حوتان - قاشقار - ءۇرىمجى شوعىرلى تىركەۋ، شوعىرلى جەتكىزۋ جۇك تاسىمال كەزەكشى پويەزى“ ءار اپتادا تۇراقتى كەزەك پەن ءار كۇنى سۇيرەتپە تىركەۋدى ءوزارا ۇشتاستىرۋ ءتاسىلىن قولدانىپ، ونى قالىپتى اينالىمعا تۇسىرەدى، ءار اپتادا ءبىر كەزەكشى پويەز قاتىنايدى.

  اۆتونوميالى رايوندىق ساۋدا ىستەرى مەڭگەرمەسىنىڭ ورىنباسار باستىعى حى گوچيڭ مىنالاردى ءبىلدىردى: وڭتۇستىك شينجياڭ وڭىرىندەگى شوعىرلى تىركەۋ، شوعىرلى جەتكىزۋ جۇك تاسىمال كەزەكشى پويەزىنىڭ قاتىناۋى − رايونىمىزدىڭ جىبەك جولى ەكونوميكالىق بەلدەۋى وزەكتى رايونىنداعى ساۋدا زات اينالىمى ورتالىعىن قۇرۋدى جەدەلدەتۋدەگى ناقتى شاراسى، وڭتۇستىك شينجياڭ كاسىپورىندارىنىڭ ”سىرتقا شىعۋىن“ جەدەلدەتۋگە، ورتا ازيا جانە ەۆروپا بازارىن اشۋعا باستاۋدا ەرەكشە ماڭىزدى مانگە يە، وڭتۇستىك شينجياڭنىڭ سىرتقى ساۋدا ونىمدەرىنىڭ ەكسپورت ارناسىن ىركىلىسسىزدەندىرۋگە ءتيىمدى، وڭتۇستىك شينجياڭ ءوڭىرىنىڭ كەدەيلىكتەن ارىلتۋدان قامال الۋ شايقاسىندا جەڭىسكە جەتىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدى دەمەيدى.

  ۇعىسۋعا قاراعاندا، قازىرگە دەيىن ءۇرىمجى شوعىرلاندىرۋ ورتالىعى جۇڭگو - ەۆروپا كەزەكشى پويەزىنەن جيىنى 2521دى قاتىناتقان، كەزەكشى پويەزىنىڭ 23 لەنياسىن اشقان، ورتا ازياداعى جانە ەۆروپاداعى 18 مەملەكەتتەگى 26 قالاعا بارعان.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى