جۇڭحۋا ۇلتىنىڭ بەرەكەلى شاڭىراعىندا قول ۇستاسىپ، جاڭا داۋىردە اتويلاي العا باستى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 09 - 10 18:17

شينحۋا اگەنتتىگىنىڭ تىلشىلەرى گۋ ليلين، ليۋ حۋايپي

  9 - ايدىڭ 8 - كۇنى از ۇلتتاردىڭ 11 - كەزەكتى مەملەكەتتىك ءداستۇرلى سپورت جارىسى حىناننىڭ جىڭجوۋىندا باستالىپ، 56 ۇلتتىڭ اعا - باۋىر، اپەكە - سىڭلىلەرى ورتا جازىق دالاسىندا قۋانىشپەن باس قوسىپ، 4 جىلدا ءبىر كەلەتىن ۇلتتىق سپورت جينالىسىنىڭ سالتاناتىن اسىردى. 66 جىل گۇلدەي قاۋلاعان از ۇلتتاردىڭ مەملەكەتتىك سپورت جارىسى ”تەڭ، ىنتىماقتى بولۋ، ەرلىكپەن سايىسۋ، اتويلاي العا باسۋ“ باس ماقساتىنا تاباندى بولىپ، ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ سالتانات داستانىن جازىپ، جۇڭگونىڭ قۇرىلىس، رەفورما، دامۋ ىستەرىنىڭ ۇلى بارىسىنا كۋا بولدى. جىڭجوۋ وليمپيك سپورت ورتالىعىندا وتكىزىلگەن اشىلۋ سالتاناتىندا ءار ۇلت باۋىرلاستاردىڭ شاتتىق ءان، شادىمان ءۇنى ءبىر اۋىز ءسوز بولىپ توعىستى: جۇڭحۋا ۇلتىنىڭ بەرەكەلى شاڭىراعىندا قول ۇستاسىپ، جاڭا داۋىردە اتويلاي العا باسىپ، ءبىر نيەتپەن جۇڭگو ارمانىنا قاتار قانات قاعامىز.

  ”كەڭىستىك حانزاداسى“ ادىلدىڭ ۇدايى 10 كەزەك از ۇلتتاردىڭ مەملەكەتتىك سپورت جارىسىنا قاتىناسۋىنان 20 نەشە ۇلتتىڭ ءبي ەلەمەنتىن توعىستىرعان ۇلتتىق گيمناستيكانىڭ جاپپاي قارسى الۋىنا، ونان شىعىس سولتۇستىكتەگى مانزۋ حالقى ايرىقشا ۇناتاتىن مارجان دوپ ءتۇرىنىڭ باتىس وڭتۇستىك وڭىردە تەرەڭ تامىر تارتۋىنا دەيىن... تالاي - تالاي جاندى اڭگىمەلەر، تالاي - تالاي اسەرلى كورىنىستەر از ۇلتتاردىڭ مەملەكەتتىك سپورت جارىسىنىڭ وزگەشە كەرەمەتىن بەينەلەپ، ۇلتتار ىنتىماعى گۇلىنىڭ قۇلپىرا اشىلعانىن كورسەتىپ، جۇڭحۋا ۇلتىنىڭ ءبىر ءۇيلى جانداي بەرەكەلى شاڭىراعىن ايگىلەدى.

  از ۇلتتاردىڭ سپورت جارىسى ءار ۇلت سپورتىنىڭ قىرى مەن سىرىن كورسەتەتىن جارقىراعان ساحناعا اينالدى ءارى ءار ۇلت باۋىرلاستاردىڭ مادەنيەت اۋىس - كۇيىسىن كۇشەيتىپ، ءوزارا تۇسىنىستىكتى تەرەڭدەتەتىن ماڭىزدى دانەكەرى بولدى. ءار ۇلت باۋىرلاستار از ۇلتتاردىڭ مەملەكەتتىك سپورت جارىسى سىندى كوپىر ارقىلى ءبىر جەردە باس قوسىپ، ءبىر ساحنادا ونەر سىناسىپ، ءبىر الاڭدا بىرلەسىپ شاتتىق - دۋمانعا بولەنىپ، وزگەشە كەرەمەتى كوپ سپورتتىق باسەكە - ويىن بارىسىندا جۇڭحۋا ۇلتىنىڭ كوپ نەگىزدى، ءبىر تۇلعالى باي مادەنيەت مايەگىن تولىق كورسەتىپ، جۇڭحۋا ۇلتىنىڭ ۇلى ىنتىماعىن بىرگە ىلگەرىلەتىپ، جۇڭحۋا ۇلتى ورتاق تۇلعا تانىمىن ۇزدىكسىز بەكەمدەي ءتۇستى.

  مىڭداعان جىلداردان بەرى، ەلىمىزدەگى ءار ۇلت تارالۋ جاعىندا ءوزارا كىرىگىپ، ارالاس قونىستاسىپ، مادەنيەت جاعىندا ءبىر - بىرىنەن قابىلداپ، ەكونوميكا جاعىندا ءوزارا يەك سۇيەپ، سۇيىسپەنشىلىك جاعىندا ءوزارا جاقىن، ەتەنە بولىپ كەلەدى. ۇزاق ۋاقىت بىرگە ىنتىماقتاسىپ كۇرەس جۇرگىزۋ بارىسىندا، ءار ۇلت باۋىرلاستار اعا - باۋىرداي ەتەنە جاقىن بولىپ، ءبىر - بىرىنە قارايلاسىپ، ءوزارا كومەكتەسىپ، ايىرماشىلىققا قۇرمەت ەتىپ، كوپ تۇرلىلىكتى سيىسىمدىلىقپەن قابىلداپ، حانزۋلار از ۇلتتاردان ايرىلا المايتىن، از ۇلتتار حانزۋلاردان ايرىلا المايتىن، از ۇلتتار دا ءبىر - بىرىنەن ايرىلا المايتىن ەتەنە قاتىناس قالىپتاستىرىپ، اناردىڭ دانىندەي تىعىز ۇيىستى.

  ”اسقار تاۋ، شالقار تەڭىز، كەڭ ساحارا − ءبىزدىڭ جارىس الاڭىمىز، ءبىر نيەتكە جۇمىلىپ، جۇڭگو ارمانىنىڭ الاۋ وتىن جاعامىز، بىرلەسە كۇرەس جۇرگىزىپ، ارشىندى قاداممەن العا باسامىز...“ جۇڭگو ارمانى − 56 ۇلتتىڭ ورتاق ارمانى، از ۇلتتاردىڭ 11 - كەزەكتى مەملەكەتتىك سپورت جارىسىنىڭ «ارمانعا تالپىنۋ» اتتى ارقاۋ انىندە ءار ۇلت حالقىنىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنا دەگەن اڭساۋى مەن تىلەگى جىرلاندى.

  جاڭا داۋىردە اتويلاي العا باسۋدا، بىردە - ءبىر از ۇلتتىڭ قاتاردان قالۋىنا بولمايدى. پارتيا ورتالىق كوميتەتىنىڭ پارمەندى باسشىلىعىندا، ءار ۇلت حالقى ىنتىماقپەن العا باسۋ جولى جونىندە ءسوز قوزعاپ، كەدەيلىكتەن ارىلۋ، بايۋ جولىنا ءتۇسۋ ءادىسىن اقىلداسىپ، گۇلدەنۋ - دامۋ شاراسىن بىرگە قاراستىردى؛ ءار ۇلت باۋىرلاستار ءبىر ءۇيلى جانداي ەتەنە بولىپ، ءبىر ماقساتتا ويلاپ، بىرگە كۇش شىعارىپ، قول ۇستاسا كۇرەس جۇرگىزىپ، ءبىر نيەتپەن ارمانعا بىرگە قانات قاعىپ، جۇڭحۋا ۇلتىنىڭ ۇلى گۇلدەنۋىندە تەڭدەسسىز شۇعىلالى بولاشاق جارىققا شىقتى.

  (شينحۋا اگەنتتىگىنىڭ 9 - ايدىڭ 8 - كۇنى جىڭجوۋدان بەرگەن حابارى)

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى