ءتوراعا شي جينپيڭ 2 - كەزەكتى جۇڭگو حالىقارالىق يمپورت كورمەسىنە قاتىناسادى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 11 - 01 10:56

ساۋدا مينيسترلىگى جۇڭگولىق، شەتەلدىك اقپارات قۇرالدارىنا قۇلاق قاعىس ەتۋ ءماجىلىسىن وتكىزىپ، قاتىستى جاعدايلاردى تانىستىردى

  شينحۋا اگەنتتىگىنىڭ 10 - ايدىڭ 29 - كۇنى بەيجيڭنەن بەرگەن حابارى (تىلشىلەر چىن ۋيۋي، يۇي جياشين). ساۋدا مينيسترلىگى 10 - ايدىڭ 29 - كۇنى جۇڭگولىق، شەتەلدىك اقپارات قۇرالدارىنا قۇلاق قاعىس ەتۋ ءماجىلىسىن وتكىزدى. جۇڭگو حالىقارالىق يمپورت كورمەسىن ۇيىمداستىرۋ كوميسسياسى كەڭسەسىنىڭ مەڭگەرۋشىسى، ساۋدا مينيسترلىگىنىڭ ورىنباسار مينيسترى ۋاڭ بيڭنان ءتوراعا شي جينپيڭنىڭ 2 - كەزەكتى جۇڭگو حالىقارالىق يمپورت كورمەسىنە قاتىناسۋىنا قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

  ۋاڭ بيڭنان مىنالاردى ءبىلدىردى: 2 - كەزەكتى جۇڭگو حالىقارالىق يمپورت كورمەسى 11 - ايدىڭ 5 - كۇنىنەن 10 - كۇنىنە دەيىن شاڭحايدا وتكىزىلەدى. مەملەكەت ءتوراعاسى شي جينپيڭ 11 - ايدىڭ 5 - كۇنى شاڭحايدا وتكىزىلەتىن 2 - كەزەكتى جۇڭگو حالىقارالىق يمپورت كورمەسىنە جانە حۇڭچياۋ حالىقارالىق ەكونوميكالىق تالقى مىنبەرىنىڭ اشىلۋ سالتىنا، سونداي - اق قاتىستى قيمىلدارعا قاتىناسادى ءارى ارقاۋ ءسوز جاريالايدى. اشىلۋ سالتىنان كەيىن، ءتوراعا شي جينپيڭ ءار ەل باسشىلارىمەن بىرگە مەملەكەت سارايىن ارالايدى. كورمە كەزىندە، ءتوراعا شي جينپيڭ قاتىستى ەلدەردىڭ مەملەكەت باسشىلارىمەن جانە ۇكىمەت جەتەكشىلەرىمەن كەزدەسەدى. ءتوراعا شي جينپيڭ مەن حانىمى پىڭ لييۋان تاعى ءار ەل باسشىلارىنا جانە سيلى قوناقتارعا ارناپ قارسى الۋ قوناعاسىن وتكىزەدى. قازىرگە دەيىن 170تەن استام مەملەكەت پەن رايوننىڭ ساياسي، ساۋدا، عىلىم سالاسىنىڭ قايراتكەرلەرى جانە حالىقارالىق ۇيىمداردىڭ ۋاكىلدەرى ۇسىنىس بويىنشا كورمەگە قاتىناساتىندىعى بەلگىلى بولدى.

  ۋاڭ بيڭنان مىنالاردى ءبىلدىردى: مەملەكەت كورمەسىنىڭ جالپى كورمە اۋدانى 30 مىڭ شارشى مەتر، ءارقايسى مەملەكەتتىڭ دامۋ جەتىستىكتەرى، تيجارات - ساۋدا ورتاسى جانە ەرەكشە كاسىپتەرى شوعىرلى كورسەتىلەدى. ءارقايسى مەملەكەت سارايلارىنىڭ بەينە جوباسى ءوز ەلدەرىنىڭ ەرەكشەلىگىنە يە، جالپى 64 مەملەكەت (جۇڭگونى قامتيدى)، 3 حالىقارالىق ۇيىم كورمەگە قاتىناسادى. 15 نەگىزگى قوناق ەل (اعىلشىن جازۋىنىڭ الفاۆيت ءتارتىبى بويىنشا) جەكە - جەكە − كامبودجا، چەحيا، فرانسيا، گرەتسيا، ءۇندىستان، يتاليا، يامايكا، يوردانيا، قازاقستان، مالايزيا، پەرۋ، رەسەي، تايلاند، وزبەكستان جانە زامبيا.

  ۋاڭ بيڭنان مىنالاردى ءبىلدىردى: مەملەكەت كورمەسىندەگى جۇڭگو سارايى (شياڭگاڭ، اۋمىن، تايۋان كورمە رايونىن قامتيدى) اشىق، تىنىستى، جالىندى، ۇعىنىقتى جوبالانعان، شىعىستىڭ سالتاناتى مەن وسى زامان لەبىن ايگىلەگەن، ول كورىكتى ”جۇڭگو تانىسقىسى“، جاڭا جۇڭگو قۇرىلعاندىعىنىڭ 70 جىلدىعىن قۇتتىقتاۋدى نەگىزگى تاقىرىپ، جوعارى ساپالى دامۋدى نەگىزگى جەلى ەتىپ، جۇڭگونىڭ ەكونوميكالىق، قوعامدىق دامۋىنىڭ تاريحي سيپاتتى جەتىستىكتەرىن جانە جاڭا ءداۋىردى، جاڭا ورايدى ءتۇيىندى تۇردە كورسەتەدى.

  ۋاڭ بيڭنان مىنالاردى ءبىلدىردى: كاسىپورىندار كورمەسىنىڭ جالپى كورمە اۋدانى 330 مىڭ شارشى مەتر، ءارقايسى مەملەكەتتىڭ كورمەگە قاتىناسقان كاسىپورىندارى تاۋارىن، تەحنيكاسىن جانە قىزمەت وتەۋىن كورسەتىپ، ”بۇكىل الەمنەن ساتىپ الۋ، بۇكىل الەمگە تيىمدىلىك جاساۋ“دى جۇزەگە اسىرادى. جابدىق، تۇتىنۋ، ازىق - تۇلىك، سالاماتتىق، قىزمەت وتەۋ سياقتى 5 ۇلكەن بولىكتى، 7 كورمە رايونىن قامتيدى، 150 نەشە مەملەكەت پەن رايوننان كەلگەن 3000نان استام كاسىپورىن كورمەگە قاتىناسۋ كەلىسىمىنە قول قويدى، 500 مىڭ كاسىپتىك ساتىپ الۋشى جانە كورەرمەن تىركەلىپ تىزىمدەلدى.

  ۋاڭ بيڭنان مىنالاردى اتاپ كورسەتتى: ءتوراعا شي جينپيڭ تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ سوزىندە بىلاي دەپ اتاپ كورسەتتى: جۇڭگو حالىقارالىق يمپورت كورمەسىن ءار جىلى وتكىزىپ قانا قالماستان، دەڭگەيىن جوعارىلاتىپ، ونىمدىلىگىن كورسەتىپ، بارعان سايىن جاقسى وتكىزۋ كەرەك. ءبىز وسى نەگىزگى تالاپتى مىقتاپ ارقاۋ ەتىپ، 2 - كەزەكتى يمپورت كورمەسىن اناعۇرلىم جاقسى وتكىزۋگە قۇلشىنامىز.

  ءبىرىنشى، كولەمى بۇرىنعىدان دا ۇلكەن بولادى، باۋراۋ قۋاتى ونان ارى كۇشەيەدى. تۇڭعىش كەزەكتى كاسىپورىن كورمەسى مەن مەملەكەت كورمەسىنىڭ جالپى اۋدانى 300 مىڭ شارشى مەتر بولاتىن، بيىل 360 مىڭ شارشى مەترگە جەتتى. مۇنىڭ ىشىندە كاسىپورىن كورمەسى 270 مىڭ شارشى مەتردەن 330 مىڭ شارشى مەترگە ارتتى، 2 رەت كەڭەيتىلسەدە، تاعى دا ”ءبىر كورمە ورنىن الۋ قيىنعا سوقتى“. قاتىناساتىن مەملەكەت، رايون، حالىقارالىق ۇيىمدار جانە كورمەگە قاتىناساتىن ساۋداگەرلەر تۇگەلدەي تۇڭعىش كەزەكتەگىدەن اسىپ ءتۇستى.

  ەكىنشى، ساپاسى اناعۇرلىم جوعارىلاپ، ناتيجەسى ونان ارى بيىكتەيدى. دۇنيە جۇزىندەگى 500 مىقتى جانە كاسىپ سالاسىنداعى باستاماشى كاسىپورىندار سانى تۇڭعىش كەزەكتەگىدەن اسىپ ءتۇستى، ”كومەسكى اعا جۇلدەگەر“ كاسىپورىن سياقتى ساپالى ورتا، شاعىن كاسىپورىندار تالاسا - تارماسا بوي كورسەتتى. ءتىپتى دە كوپ جاڭا ءونىم، جاڭا تەحنيكا، جاڭا قىزمەت وتەۋ ”بۇكىل الەمدە العاش رەت جارىققا شىعادى، جۇڭگودا العاش رەت كورسەتىلەدى“، كاسىپتىك، سارا، وزىق، ەرەكشە ونىمدەردىڭ جاۋھارى توپتالادى. ەل ءىشى - سىرتىنداعى ساتىپ الۋشى ساۋداگەرلەر جانە كاسىپتىك كورەرمەندەر 500 مىڭ ادامنان اسۋى مۇمكىن.

  ءۇشىنشى، قيمىل اناعۇرلىم باي، جالپىلىق اسەرى ونان ارى ۇلعايادى. كورمە كەزىندە ءتۇرلى سايكەستى قيمىلدار 300 رەتتەن اسىپ، ەل ءىشى - سىرتىنىڭ ەكونوميكالىق، مادەنيەتتىك اۋىس - كۇيىسى ارتتىرىلادى. يمپورت كورمەسىن جاريالاۋ تۇعىرى قۇرىلىپ، جۇڭگونىڭ ماڭىزدى ساياساتىن قۇزىرلى تۇسىندىرەدى، حالىقارالىق ۇيىمداردىڭ ەڭ جاڭا زەرتتەۋ جەتىستىكتەرى، ت. ب جاريالانادى. 18 ولكە، اۆتونوميالى رايون، قالا 140 نەشە مايدان بەيزاتتىق مادەنيەت مۇرالارى جانە ”جۇڭحۋانىڭ ايتۋلى ونىمدەرى“ اۋىس - كۇيىس كورمە قيمىلىن وتكىزەدى. يمپورت كورمەسى كورمە، ساۋدا، تالقى مىنبەرى، گۋمانيتارلىق، ديپلوماتيا سياقتى قيمىلداردى ءبىر تۇلعالاندىرىپ، جالپىلىق اسقىن اسەرىن ۇزدىكسىز ۇلعايتادى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى