اۆتونوميالى رايون ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىن ىلگەرىلەتۋ ءماجىلىسىن اشتى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 11 - 01 11:27

نەگىزگى ساتىنىڭ اۋىرتپالىعىن جەڭىلدەتۋ قىزمەتىن تاباندىلىقپەن ۇزاق ۋاقىت مىقتى يگەرىپ، بوساڭسىتپاي ويداعىداي ىستەيىك

  ءتىلشى لي ياڭ 10 - ايدىڭ 29 - كۇنى ۇرىمجىدەن حابارلايدى. 10 - ايدىڭ 28 - كۇنى تۇستەن كەيىن اۆتونوميالى رايون ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىن ىلگەرىلەتۋ ءماجىلىسىن اشتى. ءماجىلىس باس شۋجي شي جينپيڭنىڭ پارتيانىڭ ستيل قۇرىلىسىن كۇشەيتىپ، فورماشىلدىقتان، تورەشىلدىكتەن اۋلاق بولۋ جونىندە جاساعان ءبىرسىپىرا ماڭىزدى نۇسقاۋلارىنىڭ رۋحىن ىشكەرلەي ۇيرەنىپ، دايەكتىلەندىرىپ، پارتيا ورتالىق كوميتەتىنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، اۆتونوميالى رايوننىڭ ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتىنە قايتالاي ورنالاستىرۋ جاسادى، قايتالاي ىلگەرىلەتتى، قايتالاي تياناقتاندىردى.

  اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ”نەگىزگى ساتىنىڭ اۋىرتپالىعىن جەڭىلدەتۋ جىلى“ قىزمەتى باسشىلىق گرۋپپاسىنىڭ ۇنەمىلىك ىستەرگە جاۋاپتى ورىنباسار گرۋپپا باستىعى لي پىڭشين ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى.

  ءماجىلىس مىنالاردى تالاپ ەتتى: يدەيالىق تانىمدى ونان ارى جوعارىلاتىپ، ”ءتورت تانىم“دى شىنايى كۇشەيتىپ، ”ءتورت سەنىم“گە تاباندى بولىپ، ”ەكىنى قورعاۋ“دى ورىنداپ، ساياسي جاۋاپكەرشىلىك سەزىم مەن رەال كوكەي تەستىلىك سەزىمدى ۇزدىكسىز كۇشەيتىپ، فورماشىلدىققا قارسى تۇرۋدى ماڭىزدى ساياسي قاعيدا، ساياسي ءتارتىپ رەتىندە قاراپ، تاپجىلماي قورعاپ، بويسۇنىپ، بۇلجىماستان مىقتى ۇستاپ، ۇزاق ۋاقىت بوساڭسىتپاي، باسىندا قاتاڭ، سوڭىندا بوساڭ بولۋدان ءوزىلدى - كەسىلدى ساقتانىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىندە ناقتى ناتيجەگە قول جەتكىزۋىنە كەپىلدىك ەتۋ كەرەك.

  ءماجىلىس مىنالاردى باسا دارىپتەدى: اۋىرتپالىقتى جەڭىلدەتۋدىڭ ءادىس - شارالارىن اناعۇرلىم تەرەڭدەتىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ شىنايى تياناقتانۋىن، تىڭعىلىقتى تياناقتانۋىن، ناقتى تياناقتانۋىن ىلگەرىلەتۋ كەرەك. قاتاڭ شەكتەمەنى باستان - اياق ساقتاپ، ۇنامسىز تىزىمدىكپەن مۇقيات سالىستىرىپ، مۇقيات رەتتەپ - وڭاپ، ىڭعايعا جىعىلۋدان ساقتانىپ، حۇجاتتاردى قىسقارتىپ، ماجىلىستەردى ازايتۋ قىزمەتىنىڭ ناتيجەسىن ونان ارى بەكەمدەۋ؛ جازۋ ستيلى مەن ءماجىلىس داعدىسىن جاقسارتىپ، ءماجىلىستىڭ ناقتى ونىمدىلىگىن جوعارىلاتىپ، نەگىزگى ساتى كادرلارىنىڭ زەيىن - زەردەنى بۇقاراعا قىزمەت وتەۋگە، ورنىقتىلىقتى قورعاۋعا، دامۋدى ىلگەرىلەتۋگە جۇمساۋىنا مۇمكىندىك جاراتۋ كەرەك. باقىلاۋدى، تەكسەرۋدى، تولىمدىلىعىن تەكسەرۋدى جاقسارتىپ، جۇيەلەندىرىپ، نەگىزگى ساتى قىزمەتىنىڭ تياناقتانۋىنا ءتىپتى دە ويداعىداي كومەكتەسۋ، جەتەكشىلىك ەتۋ، قۋزاۋشىلىق ەتۋ كەرەك. جىلدىق جوسپاردى باقىلاۋ - قاداعالاۋدى جانە اتقارۋدى ۇزدىكسىز كۇشەيتىپ، ءبىر تۇتاس باسقارۋدى كۇشەيتىپ، ىستەن بۇرىن ەستەلىك الۋ، ىستەن كەيىن مالىمەت بەرۋ ءتۇزىمىن قاتايتۋ؛ ءادىس - امالداردى جاقسارتىپ، ىستەن بۇرىن باۋلۋدى كۇشەيتىپ، قىزمەت ولشەمىن ايقىنداپ، ناتيجەنى باعدار ەتۋگە تاباندى بولىپ، بۇقارانىڭ باعاسىنا ءمان بەرىپ، قىزمەتتىڭ ساپاسى مەن ونىمدىلىگىن جوعارىلاتۋ كەرەك. ءتۇزىمدى، مەحانيزمدى كەمەلدەندىرىپ، ىقشام، جوعارى ءونىمدى نەگىزگى ساتىنى جونگە سالۋ جۇيەسىن ورناتۋعا ىزدەنىس جاساۋدى تەزدەتىپ، قىزمەت كۇشىنىڭ نەگىزگى ساتىعا قاراي تەرەڭدەۋىن، بايلىقتىڭ، قىزمەت وتەۋدىڭ، باسقارۋدىڭ نەگىزگى ساتىعا بەيىمدەلۋىن ىلگەرىلەتۋ؛ «جۇڭگو كوممۋنيستىك پارتياسى جاۋاپقا تارتۋ ەرەجەسىن» دايەكتىلەندىرۋدى، تياناقتاندىرۋدى ويداعىداي ۇستاپ، تۇزەتۋگە تيىستىلەرىن باتىلدىقپەن تۇزەتىپ، جاۋاپقا تارتۋعا تيىستىلەرىن باتىل جاۋاپقا تارتىپ، قالىڭ كادرلاردىڭ جاۋاپكەرشىلىك ارقالاۋىن، ىسكەرلىك كورسەتۋىن، جۇمىس تىندىرىپ، شارۋاشىلىق قۇرۋ بەلسەندىلىگىن، ىرىقتىلىعىن جانە جاسامپازدىعىن تولىق جۇمىلدىرۋ؛ ”ءبىر بەلەتپەن تەرىستەۋ“ جانە جاۋاپكەرشىلىك شارتىنا قول قويۋ جۇمىستارى، سونداي - اق قالالاردى سايلاۋعا، باعالاۋعا، ماداقتاپ - سيلاۋعا ساياتىن ءتۇرلى قۇرۋ - ورناتۋ قيمىلدارىن جاپپاي اداقتاپ، جۇيەلەندىرىپ، تۇزىلىستەن، مەحانيزمنەن تورەشىلدىكتىڭ، فورماشىلدىقتىڭ تامىرىنا بالتا شابۋ كەرەك. جوعارىنىڭ تومەندەگىلەرگە باستاماشى بولۋىنا تاباندى بولىپ، جوعارى دارەجەلى ورگاندار مەن باسشى كادرلاردان باستاپ كىرىسىپ، پىشاقتىڭ ءدۇزىن ىشكە قاراتىپ، ءبىرىنشى شەپكە بارىپ، جەتەكشىلىك ەتۋدى كۇشەيتىپ، قيىن ماسەلەردى شەشۋ؛ ناقتى ناتيجەگە، ناقتى ىستەۋگە ءمان بەرەتىن عىلمي دا ءونىمدى تولىمدىلىعىن باعالاۋ جۇيەسىن ورناتىپ، شىنايى يگەرىپ ناقتى ىستەۋدى، شىندىقتى ءىس جۇزىنەن ىزدەۋدى داعدىعا اينالدىرۋ؛ كادرلاردى باۋلۋدى كۇشەيتىپ، نەگىزگى ساتىداعى كادرلاردىڭ يدەياسىن ازات ەتۋگە، قابىلەتىن جوعارىلاتۋعا كومەكتەسىپ، جاۋاپكەرشىلىك ارقالاۋ، ىسكەرىلىك كورسەتۋ، ولاردىڭ ناقتى ىستەر تىندىرىپ، شارۋاشىلىق قۇرۋىنا مۇمكىندىك جاساۋ كەرەك.

  ءماجىلىس مىنالاردى باسا دارىپتەدى: قىزمەت جاۋاپكەرشىلىگىن اناعۇرلىم قاتايتىپ، قىزمەتتى ءبىر تۇتاس جوسپارلاۋدى كۇشەيتىپ، ۇگىتتەۋدى، جەتەكشىلىك ەتۋدى كۇشەيتىپ، فورماشىلدىق كورنەكتى بولۋ ماسەلەلەرىن شەشىپ، نەگىزگى ساتىنىڭ اۋىرتپالىعىن جەڭىلدەتۋ سىندى قامال الۋ شايقاسىنىڭ، ۇزاققا سوزىلاتىن سوعىستىڭ جەڭىسىنە قول جەتكىزۋ كەرەك.

  ماجىلىستە، اۆتونوميالى رايوندىق قازىنا مەڭگەرمەسىنىڭ، ەكولوگيالىق قورشاعان ورتا مەڭگەرمەسىنىڭ، بازار باقىلاۋ، باسقارۋ مەكەمەسىنىڭ، سانجى حۇيزۋ اۆتونوميالى وبلىسىنىڭ، بايىنعولين موڭعۇل اۆتونوميالى وبلىسىنىڭ، حوتان ايماعىنىڭ قاتىستى جاۋاپتى جولداستارى پىكىر اۋىستىرىپ ءسوز سويلەدى.

  اۆتونوميالى رايوننىڭ جانە بيڭتۋاننىڭ باسشىلارىنان سارقىت اقان، ۋاڭ يۇڭميڭ، جاڭ بو، لي جيدۇڭ ماجىلىسكە قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى