شي جينپيڭ سۋرينامنىڭ زۇڭتۇڭى باۋتەرسەمەن كەڭەستى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 12 - 02 12:16

شينحۋا اگەنتتىگىنىڭ 11 - ايدىڭ 27 - كۇنى بەيجيڭنەن بەرگەن حابارى (ءتىلشى سۇن ي). مەملەكەت ءتوراعاسى شي جينپيڭ 11 - ايدىڭ 27 - كۇنى حالىق سارايىندا سۋرينامنىڭ زۇڭتۇڭى باۋتەرسەمەن كەڭەستى. ەكى ەلدىڭ مەملەكەت باسشىلارى جۇڭگو مەن سۋرينامنىڭ ستراتەگيالىق سەلبەستىك سەرىكتەستىك قارىم - قاتىناس ورناتقاندىعىن بىرگە جاريالادى.

  شي جينپيڭ بىلاي دەپ اتاپ كورسەتتى: سۋرينام تۇڭعىش توپتا جاڭا جۇڭگومەن ديپلوماتيالىق قارىم - قاتىناس ورناتقان كارايب ەلى، ديپلوماتيالىق قارىم - قاتىناس ورناتقان 43 جىلدان بەرى، باستان - اياق ءوزارا قولداۋ كورسەتىپ، ءوزارا ءتۇسىنىسىپ، ءوزارا سەنىم ارتىپ كەلدى، جۇڭگو - سۋرينام قارىم - قاتىناسى ۇزاق ۋاقىت بويى جۇڭگونىڭ كارايب ەلدەرىمەن قارىم - قاتىناسىنىڭ الدىڭعى لەگىندە تۇردى، مۇنى ۇلكەن - كىشى ەلدەردىڭ دوس تاتۋ ءوتۋىنىڭ، تەڭ مامىلە جاساسۋىنىڭ ۇلگىسى دەۋگە بولادى. جۇڭگو - سۋرينام قارىم - قاتىناسىنىڭ دامۋى ماڭىزدى تاريحي كەزەڭدە تۇر، جۇڭگو جاق سۋرينام جاقپەن بىرگە قۇلشىنىپ، ”ءبىر بەلدەۋ، ءبىر جول“دى بىرگە قۇرۋدى وراي ەتىپ، جۇڭگو - سۋرينام قارىم - قاتىناسىنىڭ اناعۇرلىم جوعارى ورەگە كوتەرىلۋىن ىلگەرىلەتۋدى قالايدى.

  شي جينپيڭ بىلاي دەپ باسا دارىپتەدى: جۇڭگو مەن سۋرينام بەيبىت قاتار تۇرۋدىڭ 5 پرينسيبىنە تاباندى بولىپ ءارى ونى ساۋلەلەندىرىپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىر - ءبىرىن ۇزدىكسىز ءتۇسىنۋى جانە قولداۋى كەرەك. جۇڭگو ۇكىمەتى مەن جۇڭگو حالقىنىڭ مەملەكەتتىڭ يەلىك ۇقىعىن، حاۋىپسىزدىگىن قورعاۋ، مەملەكەتتىڭ تۇتاستىعىن جۇزەگە اسىرۋ بەكىمى مىزعىمايدى، سۋرينامنىڭ پارمەندى قولداۋ كورسەتكەندىگىنە العىس ايتامىز. جۇڭگو جاق تا سۋرينامنىڭ مەملەكەتتىڭ يەلىك ۇقىعىن قورعاۋداعى، ەكونوميكانىڭ، قوعامنىڭ دامۋىن جەدەلدەتۋدەگى قۇلشىنىسىنا ءباز - باياعىسىنداي قولداۋ كورسەتەدى. ەكى جاق نەگىزگى قۇرىلعى قۇرىلىسى، اۋىل شارۋاشىلىعى، ورمان شارۋاشىلىعى، بالىق شارۋاشىلىعى، حابارلاسۋ، ەنەرگيا سياقتى ءداستۇرلى سالالارداعى سەلبەستىكتى تەرەڭدەتىپ، جاڭا ەنەرگيا، سيفرلى ەكونوميكا، ساياحات، كوك ءتۇستى ەكونوميكا سياقتى جاڭا سالالارداعى سەلبەستىكتە ءورىس اشۋ كەرەك. جۇڭگو جاق ءتىپتى دە كوپ ناقتى قۋاتقا يە جۇڭگو قارجىلاندىرعان كاسىپورىنداردى سۋرينامعا بارىپ قارجى قوسىپ كاسىپتى گۇلدەندىرۋگە شابىتتاندىرادى. سۋرينام كارايب وڭىرىندەگى حۋاچياۋلار، حۋارىندار ەڭ كوپ ەلدەردىڭ ءبىرى، گۋمانيتارلىق اۋىس - كۇيىستى جەبەپ، ادامداردىڭ بارىس - كەلىسىنە قولايلىلىق تۋدىرىپ، وقۋ - اعارتۋ، زاڭ اتقارۋ سياقتى سالالارداعى سەلبەستىكتى كۇشەيتۋ كەرەك. جۇڭگو جاق سۋرينامعا ەمدەۋ ماماندارى گرۋپپاسىن جىبەرەدى. ەكى جاق الەمدىك سيپاتتى ماسەلەلەردە بايلانىستى، سايكەستىكتى ساقتاپ، كوپ جاقتىلىقتى امالياتتا ايگىلەپ، اشىق دۇنيە ءجۇزى ەكونوميكاسىن قۇرىپ، ەكى ەلدىڭ، سونداي - اق قالىڭ وركەندەپ كەلە جاتقان ەلدەردىڭ ورتاق مۇددەسىن قورعاۋ كەرەك. جۇڭگو جاق ۇزدىكسىز كوپ جاقتى ورىنداردا سۋرينام جاق ءۇشىن ادىلدىگىن ايتىپ، سۋرينام جاقتى قامتىعان حالىقارالىق قوعاممەن قول ۇستاسا سەلبەسىپ، الەمدىك كليمات جونىندەگى كوپ جاقتى ۇردىستەرگە ورەلى ات سالىسۋدى قالايدى.

  شي جينپيڭ بىلاي دەپ اتاپ كورسەتتى: جۇڭگو مەن لاتىن امەريكاسى جانە كارايب ەلدەرى تۇگەلدەي وركەندەپ كەلە جاتقان ەلدەر جانە حالىقاراداعى جاڭادان گۇلدەنگەن كۇشتەردىڭ ماڭىزدى قۇرامداس بولىگى. جۇڭگو جاق قاشاندا لاتىن امەريكاسى حالىقتارىنىڭ دامۋ جولىن ءوز - وزىنە قوجايىن بولا وتىرىپ تاڭداۋ ۇقىعىنا قۇرمەت ەتەدى، لاتىن امەريكاسىنىڭ ءبىر تۇلعالانۋ اياق الىسىن جانە وڭىرلىك ماسەلەلەردى تىلدەسۋ، اقىلداسۋ ارقىلى ءبىر جاقتى ەتۋدى قولدايدى. جۇڭگو - لاتىن امەريكاسى قارىم - قاتىناسى جۋىرداعى جىلداردان بەرى زور قاداممەن ىلگەرىلەپ دامىپ، ەكى جاققا ناقتى تيىمدىلىكتەر الا كەلدى، ءوڭىردىڭ گۇلدەنۋىن، ورنىقتىلىعىن جەبەۋگە دە پايدالى بولدى. جۇڭگو جاق لاتىن امەريكاسى جاقپەن بىرگە ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، تەپە - تەڭ مامىلەدە بولۋ، ءوزارا تيىمدىلىك جاساپ تەڭ يگىلىككە كەنەلۋ پرينسيبىن نەگىز ەتىپ، جۇڭگو مەن لاتىن امەريكاسى سەلبەستىگىنىڭ تەرەڭدەۋىن، ناقتىلانۋىن ىلگەرىلەتۋدى قالايدى.

  باۋتەرسە جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاپ، ءتوراعا شي جينپيڭنىڭ باسشىلىعىندا، جاڭا داۋىردەگى جۇڭگوشا سوتسياليزمنىڭ، ءسوز جوق، تابىسقا جەتەتىندىگىنە، جۇڭگو حالقى مەن بۇكىل دۇنيە ءجۇزى حالىقتارىنا باقىت جاراتاتىندىعىنا سەنەتىندىگىن ءبىلدىردى. باۋتەرسە مىنالاردى ءبىلدىردى: مەنىڭ وسى رەتكى جۇڭگوعا ساپارىم ماڭىزدى تاريحي جانە ساياسي مانگە يە. سۋرينام مەن جۇڭگونىڭ دوستىعى ارىدان جالعاسقان، سۋرينام جاق ءبىر جۇڭگو ساياساتىن باتىل اتقارىپ، جۇڭگونىڭ مەملەكەتتىڭ تۇتاستىعىن جۇزەگە اسىرۋ ۇلى ءىسىن قولدايدى. شياڭگاڭ ءىسى بۇكىلدەي جۇڭگونىڭ ىشكى ءىسى، سۋرينام جاق جۇڭگونىڭ ىشكى ىسىنە كيلىگەتىن ءارقانداي ارەكەتكە باتىل قارسى تۇرادى. جۇڭگو ۇكىمەتى لاڭكەستىككە قارسى تۇرۋ شارالارىن قولدانىپ، مەملەكەتتىڭ، اسىرەسە، شينجياڭ ءوڭىرىنىڭ حاۋىپسىزدىگىن، ورنىقتىلىعىن قورعاۋعا ۇقىقتى. سۋرينام جاق جۇڭگو جاقتىڭ سۋرينامنىڭ ەكونوميكانى، قوعامدى دامىتۋىنا كورسەتكەن كومەگىنە العىس ايتادى، جۇڭگو جاقپەن ءار جىكتەگىلەردىڭ بارىس - كەلىسىن ۇزدىكسىز كۇشەيتىپ، ساياسي ءوزارا سەنىمدىلىكتى ارتتىرىپ، ەكونوميكا - ساۋدا سەلبەستىگىن كەڭەيتىپ، گۋمانيتارلىق اۋىس - كۇيىستى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى وراي ەتىپ، ەكى ەلدىڭ قارىم - قاتىناسىنىڭ ستراتەگيالىق دەڭگەيىن جوعارىلاتۋدى قالايدى. سىڭار جاقتىلىق مەملەكەتتىڭ يەلىك ۇقىق تەڭدىگىن ءبۇلدىرىپ، لاتىن امەريكاسى قاتارلى وڭىرلەر مەن حالىقارالىق جاعدايعا اۋىر زارداپ اكەلدى، سۋرينام جاق جۇڭگو جاقپەن بىرگە كوپ جاقتىلىقتى قورعاۋعا تاباندى بولىپ، حالىقارالىق زاڭنىڭ جانە حالىقارالىق قارىم - قاتىناس نەگىزگى ولشەمىن قورعاۋدى قالايدى. سۋرينام جاق لاتىن امەريكاسى - جۇڭگو قارىم - قاتىناسىنىڭ دامۋىن جەبەۋدە بەلسەندى رول اتقارۋدى قالايدى.

  كەڭەستەن كەيىن، ەكى ەلدىڭ مەملەكەت باسشىلارى جۇڭگو مەن سۋرينامنىڭ ”ءبىر بەلدەۋ، ءبىر جول“ قۇرىلىسىن بىرگە ىلگەرىلەتۋ سەلبەستىك جوباسى، جاپپاي ءوزارا ۆيزاسىز بارۋ سياقتى كوپ ءتۇرلى سەلبەستىك حۇجاتتارىنا قول قويۋعا بىرگە كۋا بولدى.

  ەكى ەل «جۇڭحۋا حالىق رەسپۋبليكاسى مەن سۋرينام رەسپۋبليكاسىنىڭ بىرلەسكەن اقپاراتتىق مازمۇنداماسىن» بىرگە جاريالادى.

  كەڭەستىڭ الدىندا، شي جينپيڭ حالىق سارايىنىڭ سولتۇستىك زالىندا باۋتەرسەگە ارناپ قارسى الۋ سالتىن وتكىزدى. پىڭ لييۋان، ياڭ جيەچى، شىن يۋەيۋە، ۋاڭ ي، حى ليفىڭ، شاۋ حۇڭ قاتارلىلار قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى