شي جينپيڭ سالۆادوردىڭ زۇڭتۇڭى بۇكەلمەن كەڭەستى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 12 - 05 11:56

شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى (ءتىلشى باي جيە). مەملەكەت ءتوراعاسى شي جينپيڭ 12 - ايدىڭ 3 - كۇنى حالىق سارايىندا سالۆادوردىڭ زۇڭتۇڭى بۇكەلمەن كەڭەستى.

  شي جينپيڭ بۇكەلدىڭ جۇڭگوعا تۇڭعىش رەت مەملەكەت ىستەر ساپارىندا بولعاندىعىن قارسى الدى. شي جينپيڭ مىنانى اتاپ كورسەتتى: جۇڭگو مەن سالۆادوردىڭ ديپلوماتيالىق قارىم - قاتىناس ورناتۋى جانە ونى دامىتۋى ەكى ەلدىڭ بارىس - كەلىس تاريحىنداعى ءىرى ءىس، ەكى جاقتىڭ سەلبەسۋ ۇلكەن قاقپاسىن اشتى، تاريحتىڭ دامۋ اعىمىنا ۇيلەستى، ەكى ەل حالقىنىڭ ءتۇبىرلى مۇددەسىنە ساي كەلەدى. ديپلوماتيالىق قارىم - قاتىناس ورناتقان ءبىر جىلدان بەرى، ەكى جاقتىڭ ءتۇرلى سالاداعى اۋىس - كۇيىسى كۇننەن - كۇنگە نىعايىپ، ەكونوميكا - ساۋدا سەلبەستىگى ءۇرتىس كەڭەيىپ، ءوزارا ءتۇسىنىسۋى ۇزدىكسىز تەرەڭدەدى. زۇڭتۇڭ مىرزانىڭ جۇڭگو مەن سالۆادوردىڭ قارىم - قاتىناسىن قورعاۋ جانە دامىتۋ جونىندە دۇرىس شەشىم جاساۋى ساياساتشىنىڭ ستراتەگيالىق كورەگەندىگى مەن ارقالاعان تاريحي جاۋاپكەرشىلىگىن ايگىلەدى. ءسىز جۇڭگو مەن سالۆادور قارىم - قاتىناسىنىڭ ”كەلەشەگى زور، بولاشاعى نۇرلى“ ەكەندىگىن ايتتىڭىز، مۇنى مەن قۇپتايمىن. جۇڭگو جاق سالۆادور جاقپەن بىرگە، ءوزارا قۇرمەت ەتۋ، ءبىر - ءبىرىنىڭ ىشكى ىسىنە كيلىكپەۋ نەگىزىندە، ءوزارا سەنىمدىلىكتى نىعايتىپ، بارىس - كەلىستى كەڭەيتىپ، سەلبەستىكتى كۇشەيتىپ، ەكى ەل قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋدى قالايدى.

  شي جينپيڭ مىنانى باسا دارىپتەدى: ەكى جاق نەگىزدىك قۇرىلعى، اۋىل شارۋاشىلىعى، ساپا تەكسەرۋ، ەنەرگيا، سۋ يگىلىگى، عىلىم - تەحنيكا سياقتى سالالاردا سەلبەستىكتى كۇشەيتىپ، حالىق تۇرمىسىندا جارقىن تۇيىندەر اشىپ، ەكى ەل حالقىن باقىتقا كەنەلدىرۋى كەرەك. جۇڭگو جاق سالۆادور جاققا شاماسىنىڭ جەتىسىنشە كومەك كورسەتۋدى قالايدى. سالۆادور جاقتىڭ ”ءبىر بەلدەۋ، ءبىر جول“دى بىرگە قۇرۋعا ات سالىسىپ، ەكى ەلدىڭ ابزالدىلىقتارى مەن ءبىرىن - ءبىرى تولىقتاۋىن سەلبەستىك جەمىسىنە اينالدىرۋىن قارسى الادى. جۇڭگو سالۆادور جاقتان ازىقتىق قانت، كوفە سياقتى ءتىپتى دە كوپ ساپالى ەرەكشە ونىمدەردى يمپورت ەتۋدى بەلسەندىلىكپەن كەڭەيتۋدى قالايدى. ەكى جاق ۇكىمەت، زاڭ شىعارۋ قۇرىلىمى، ساياسي پارتيا، جەرگىلىكتى ورىن، ونەركاسىپ - ساۋدا، جاستار، پاراسات قويماسى، اقپارات قۇرالدارى سياقتى ءار سالانىڭ بارىس - كەلىسىن ورىستەتۋى قاجەت. جۇڭگوعا ساپارلاي كەلگەن كوپتەگەن سالۆادورلىق دوستار جۇڭگوعا كەلۋدەن بۇرىن جۇڭگو ولارعا سىرلى سەزىلەتىندىگىن؛ جۇڭگوعا كەلگەننەن كەيىن جۇڭگوعا ىنتىق بولىپ قالعاندىقتارىن ايتتى. ءبىز ءتىپتى دە كوپ سالۆادورلىق ءار سالاداعى دوستاردىڭ جۇڭگوعا كەلىپ ارالاپ كورۋىن، ەكى ەل حالقىنىڭ اۋىس - كۇيىسى مەن ءوزارا ءتۇسىنىسۋىن كۇشەيتىپ، جۇڭگو مەن سالۆادور قارىم - قاتىناسىنا اناعۇرلىم كەڭ قوعامدىق جانە حالىق رايى نەگىزىن قالىپتاستىرىپ، جۇڭگو مەن سالۆادور قارىم - قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتۋىن قارسى الامىز.

  بۇكەل مىنالاردى ءبىلدىردى: سالۆادور حالقى مەنىڭ وسى رەت جۇڭگوعا ساپارلاي كەلۋىمە وسكەلەڭ نازار اۋدارۋدا ءارى زور ءۇمىت كۇتىپ وتىر. جۇڭگو − ۇلى ەل، حالىقارالىق ساحنادا اسا ماڭىزدى ورنى بار، مەن جۇڭگونىڭ شۇعىلالى تاريحي مادەنيەتى مەن ۇلى دامۋ تابىستارىنا ايرىقشا ءتانتىمىن. سالۆادور مەن جۇڭگونىڭ ديپلوماتيالىق قارىم - قاتىناس ورناتقاندىعىنا ۇزاق ۋاقىت بولماعانىمەن، كومەسكى كۇشى وراسان زور، ەكى جاق ءبىر - ءبىرىنىڭ جاقسى سەرىگى، جاقسى دوسى بولۋعا قۋاتى ابدەن جەتەدى. مەن جۇڭگو سىندى ۇلى ەلمەن جانە ادال دوسپەن قارىم - قاتىناستى دامىتۋ سالۆادوردىڭ مەملەكەتتى دامىتۋىنا وراي اپەرەتىندىگىنە، سالۆادور حالقىن ناقتى باقىتقا كەنەلدىرەتىندىگىنە سەنەمىن. مەن ءتوراعا شي جينپيڭنىڭ ەل باسقارۋ تاجىريبەلەرىنەن ۇيرەنىپ، ۇلگى الىپ، جۇڭگومەن ۇزاق ۋاقىتتىق دوستىق قارىم - قاتىناستى دامىتۋعا كۇش سالىپ، سالۆادور - جۇڭگو قارىم - قاتىناسى مەن باسقا دا ماڭىزدى ەكى جاقتى قارىم - قاتىناستىڭ ءبىر - بىرىنە كەدەرگى بولماي دامۋىن قۇلشىنا جۇزەگە اسىرىپ، لاتىن امەريكاسى وڭىرىندەگى وزگە ەلدەرگە ءبىر ونەگە بولۋدى ءۇمىت ەتەمىن. سالۆادور جاق ءبىر جۇڭگو پرينسيبىنە بۇكىلدەي بويسۇنادى، جۇڭگونىڭ بەيبىت بىرلىككە كەلۋدى جۇزەگە اسىرۋىن قولدايدى. جۇڭگو جاقتىڭ سالۆادوردىڭ ەكونوميكاسىنىڭ دامۋىنا كورسەتكەن كومەگىنە العىس ايتادى، سالۆادور جاق جۇڭگو جاقپەن قارجى قوسۋ، ساۋدا، نەگىزدىك قۇرىلعى، اۋىل شارۋاشىلىعى، ساياحات، مادەنيەت، عىلىم - تەحنيكا سياقتى سالالاردا سەلبەستىك جاساۋدى كۇشەيتىپ، ”ءبىر بەلدەۋ، ءبىر جول“دى بىرگە قۇرۋدى ءۇمىت ەتەدى. وسى رەتكى ساپارىمنىڭ سالۆادور - جۇڭگو قارىم - قاتىناسىنىڭ تىڭ باستاماسىنا اينالاتىندىعىنا، ەكى ەل قارىم - قاتىناسىنىڭ نۇرلى بولاشاعىن اشاتىندىعىنا سەنەمىن.

  كەڭەستەن كەيىن، ەكى ەلدىڭ مەملەكەت باسشىلارى كوپ ءتۇرلى ەكى جاقتى سەلبەستىك حۇجاتتارىنا قول قويۋعا بىرگە كۋا بولدى.

  ەكى ەل «جۇڭحۋا حالىق رەسپۋبليكاسى مەن سالۆادور رەسپۋبليكاسىنىڭ بىرلەسكەن مالىمدەمەسىن» بىرگە جاريالادى.

  كەڭەستەن ىلگەرى، شي جينپيڭ حالىق سارايىنىڭ سولتۇستىك زالىندا بۇكەلدى قارسى الۋ سالتىن وتكىزدى. پىڭ لييۋان، ياڭ جيەچى، جاڭ چۇنشيان، ۋاڭ ي، ما بياۋ، حى ليفىڭ قاتارلىلار قاتىناستى.

كەلۋ قاينارى

  

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى