شي جينپيڭ ارميانىڭ قارت كادرلار قىزمەتى جونىندە ماڭىزدى نۇسقاۋ بەردى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 12 - 13 16:54

شي جينپيڭ ارميانىڭ قارت كادرلار قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى

داڭقتى تاريحتى قاستەرلەپ، ساياسي قاسيەتتى ماڭگى ساقتاپ، مەملەكەتتى قۇدىرەتتەندىرۋدى، ارميانى كوركەيتۋدى ىلگەرىلەتۋ ءۇشىن قۇدىرەتتى وڭ ەنەرگيا توپتاۋ كەرەك

بۇكىل ارميانىڭ قارت كادرلار قىزمەتى جانە ”ءۇش وزات“تى ماراپاتتاۋ تەلەۆيزور - تەلەفون ءماجىلىسى بەيجيڭدە اشىلدى

  شينحۋا اگەنتتىگىنىڭ 12 - ايدىڭ 9 - كۇنى بەيجيڭنەن بەرگەن حابارى (ءتىلشى مەي شىشيۇڭ). ءتوراعا شي جينپيڭ مەن ورتالىق اسكەري ىستەر كوميتەتىنىڭ بەكىتۋىمەن بۇكىل ارميانىڭ قارت كادرلار قىزمەتى جانە وزات كادرلار دەمالىس ورنى، وزات دەمالىسقا، زەينەتكە شىققان كادرلار، وزات قارت كادرلار قىزمەتكەرلەرىن ماراپاتتاۋ تەلەۆيزور - تەلەفون ءماجىلىسى 12 - ايدىڭ 9 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، ءماجىلىستىڭ اشىلعاندىعىن قىزۋ قۇتتىقتادى، بۇكىل ارميادان دەمالىسقا، زەينەتكە شىققان كادرلارعا وسكەلەڭ قۇرمەت ءبىلدىردى، بۇكىل ارمياداعى قارت كادرلار قىزمەتكەرلەرىنە شىن ىقىلاستى سالەم جولدادى.

  شي جينپيڭ بىلاي دەپ باسا دارىپتەدى: ارميادان دەمالىسقا، زەينەتكە شىققان كادرلار پارتيا باسشىلىق ەتكەن توڭكەرىس، قۇرىلىس، رەفورما ىستەرى ءۇشىن ماڭىزدى ۇلەس قوسقان، بۇنى پارتيا مەن حالىق ماڭگى ۇمىتپايدى. قالىڭ دەمالىسقا، زەينەتكە شىققان كادرلاردىڭ اۋەلگى ماقساتتى ۇمىتپاي، بورىشتى ەستە بەرىك ساقتاپ، داڭقتى تاريحتى قاستەرلەپ، ساياسي قاسيەتتى ماڭگى ساقتاۋلارىن ءۇمىت ەتەمىن. ءار دارەجەلى پارتكوم، ورگان جانە قالىڭ قارت كادرلار قىزمەتكەرلەرى پارتيامىزدىڭ، ارميامىزدىڭ تاماشا ستيلىن جالعاستىرۋ، جۇڭحۋا ۇلتىنىڭ ءداستۇرلى ىزگى ءمورالىن اسقاقتاتۋ بيىگىنەن قارتتاردى قۇرمەتتەپ، ايالاپ، شىن پەيىلمەن ولارعا قىزمەت ەتىپ، ارميانىڭ قارت كادرلار قىزمەتىنىڭ جاڭالىق اشا دامۋىن ۇزدىكسىز ىلگەرىلەتىپ، مەملەكەتتى قۇدىرەتتەندىرۋدى، ارميانى كوركەيتۋدى ىلگەرىلەتۋ ءۇشىن قۇدىرەتتى وڭ ەنەرگيا توپتاۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا ماجىلىسكە قاتىناستى جانە ءسوز سويلەدى. ول بىلاي دەدى: ءتوراعا شي جينپيڭنىڭ ماڭىزدى نۇسقاۋى ارميانىڭ قارت كادرلارىنىڭ تاريحي ۇلەسىن تولىق تۇراقتاندىرىپ، ارميانىڭ قارت كادرلار قىزمەتىنىڭ ماڭىزدى ورنىن تەرەڭ بايىمدادى، نۇسقاۋدا قالىڭ قارت جولداستارعا دەگەن تەرەڭ سۇيىسپەنشىلىك، مول مەيىرىم قامتىلعان، جاڭا داۋىردەگى پارتيانىڭ قارت كادرلار قىزمەتى ءۇشىن ءتۇبىرلى بويسۇنۋ ولشەمىن ۇسىندى. ءبىز ىشكەرىلەي ۇيرەنىپ، دايەكتىلەندىرىپ، بورىشتىلىق سەزىمدى، جاۋاپكەرشىلىك سەزىمدى شىنايى كۇشەيتىپ، قارت كادرلار قىزمەتىن اناعۇرلىم دەن قويا، كۇش سالا جاقسى ىستەۋىمىز كەرەك.

  جاڭ يوۋشيا بىلاي دەپ اتاپ كورسەتتى: رەال قايشىلىق - ماسەلەلەردى ويداعىداي شەشىپ، قامتاماسىز ەتۋ شارت - جاعدايىن ويداعىداي جاقسارتىپ، ساياسات - تۇزىمدەردى ويداعىداي كەمەلدەندىرىپ، قارت كادرلاردىڭ باقىت سەزىمىن، تابىس سەزىمىن كۇشەيتۋ كەرەك. رەفورما جاساۋدى، جاڭالىق اشۋدى تەرەڭدەتىپ، قارت كادرلار قىزمەتىنىڭ تيبىنىڭ وزگەرىپ دامۋىن ىلگەرىلەتىپ، ءار جاقتىڭ كۇشى مەن بايلىعىن شوعىرلاندىرىپ ءتۇرلى قىزمەتتەردى تىڭعىلىقتى تياناقتاندىرۋدى ويداعىداي يگەرىپ، جاڭاشا قىزمەت ەتۋ، قامتاماسىز ەتۋ جۇيەسىن جەدەل ورناتىپ، قارت كادرلار قىزمەتىنىڭ جاڭا جاعدايىن قۇلشىنا اشۋ كەرەك. قالىڭ قارت كادرلاردىڭ ۇيتقىنى باتىل قورعاپ، قولباسشىلىققا بويسۇنىپ، ساياسيدى دارىپتەپ، كەلەلى جاعدايمەن ساناسىپ، ءتارتىپتى ساقتاپ، داڭقتى ءداستۇر مەن تاماشا ستيلدى اسقاقتاتىپ، مەملەكەتتى قۇدىرەتتەندىرۋ، ارميانى كوركەيتۋ ءۇشىن كۇش قوسۋلارىن ءۇمىت ەتەمىن.

  ءماجىلىس 5 جىلدان بەرگى، اسىرەسە، مەملەكەت قورعانىسى جانە ارميا رەفورماسىن تەرەڭدەتۋدەن بەرگى بۇكىل ارميانىڭ قارت كادرلار قىزمەتىن قورىتىندىلاپ، جاڭا تۇزىلىستەگى قارت كادرلار قىزمەتى ءدوپ كەلگەن جاڭا جاعدايلار مەن جاڭا ماسەلەلەردى شەشۋدى اقىلداسىپ، كەزەكتەگى جانە بۇدان كەيىنگى ءبىر مەزگىلدەگى قىزمەت مىندەتتەرىن ورنالاستىرىپ، بۇكىل ارمياداعى 19 وزات كادرلار دەمالىس ورنىن، 35 دەمالىسقا، زەينەتكە شىققان كادردى، 15 قارت كادرلار قىزمەتكەرىن ماراپاتتادى.

  ورتالىق اسكەري ىستەر كوميتەتىنىڭ مۇشەسى، اسكەري ىستەر كوميتەتى ساياسي قىزمەت ءبولىمىنىڭ مەڭگەرۋشىسى مياۋ حۋا ءماجىلىستى باسقاردى. اسكەري كوميتەت ورگانىنداعى قاتىستى تاراۋلاردىڭ باسشىلارى، ءار ارميا جانە اسكەر تۇرلەرىنىڭ، اسكەري ىستەر اكادەمياسىنىڭ، مەملەكەت قورعانىسى داشۋەسىنىڭ، مەملەكەت قورعانىسى عىلىم - تەحنيكا داشۋەسىنىڭ، قارۋلى ساقشى بولىمدەرىنىڭ باسشىلارى، ت.ب جەكە - جەكە نەگىزگى ءماجىلىس ورنىندا جانە بولىمشە ءماجىلىس ورنىندا ماجىلىسكە قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى