شينجياڭنىڭ ورنىقتى، دامىعان اسا تاماشا جاعدايىن ويداعىداي قورعاۋعا سەنىمىمىز كامىل، قابىلەتىمىز جەتەدى

كەلۋ قاينارى: شينجياڭ گازەتى تورى   |   جولدانعان ۋاقىتى:2019 - 12 - 17 11:12

رايونىمىزداعى ءار ۇلت كادر - جۇرتشىلىعى ءبىر اۋىزدان مىنانى ءبىلدىردى، ءارقانداي ءبۇلدىرۋ قاسكۇنەمدىگى اتاۋلىنىڭ ءبارى ىسكە اسپايدى −

شينجياڭنىڭ ورنىقتى، دامىعان اسا تاماشا جاعدايىن ويداعىداي قورعاۋعا سەنىمىمىز كامىل، قابىلەتىمىز جەتەدى

  امەريكانىڭ ايتىلمىس شينجياڭعا ساياتىن ”زاڭ جوبا“سى اق پەن قارانى شاتاستىرىپ، اۋزىنا كەلگەندى كوكىپ، شينجياڭنىڭ لاڭكەستىككە قارسى تۇرۋ جانە ۇشقارىلىقتى الاستاۋ شارالارىنا ورشەلەنە جالا جاۋىپ جانە كۇيە جاعىپ، ءوزىنىڭ بارىنشا ارسىز زورەكەرلىك ارەكەتى مەن بارىپ تۇرعان قوس ولشەمىن تاعى ءبىر مارتە ايپاراداي اشتى. رايونىمىزداعى ءار ۇلت كادر - جۇرتشىلىعى مىنانى ءبىلدىردى: شينجياڭنىڭ گۇلدەنۋىن، ورنىقتىلىعىن بۇلدىرۋگە ۇرىنعان ءارقانداي قاسكۇنەمدىك اتاۋلىنىڭ ءبارى ىسكە اسپايدى. شينجياڭنىڭ ورنىقتى، دامىعان ۇدەرىسىن، شينجياڭداعى ءار ۇلت حالقىنىڭ ىنتىماقتاسا ەكپىندەي العا باسقان قادامىن ءارقانداي كۇش بوگەي المايدى، شينجياڭنىڭ جاراسىمدى، ورنىقتى، گۇلدەنگەن، دامىعان اسا تاماشا جاعدايىن ويداعىداي قورعاۋعا سەنىمىمىز كامىل، قابىلەتىمىز جەتەدى.

شينجياڭدى بىلىقتىرۋعا ۇرىنعان ءارقانداي قاسكۇنەمدىك اتاۋلىنىڭ بارلىعى، ءسوز جوق، جەڭىلىسپەن تىنادى

  ”شىندىق قاشاندا بۇلتارتپايدى، امەريكاداعى كەيبىر ساياساتپازداردىڭ شينجياڭعا قيسىنسىز جالا جاپقان، كۇيە جاققان ءىس - ارەكەتىنىڭ ادامداردىڭ نالەتىنە قالارى ءسوزسىز!“. اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى، زەرتتەۋشى ءابي سالام بىلاي دەدى: ”امەريكاداعى نيەتى جامان اناۋ ساياساتپازدار اق پەن قارانى نەعۇرلىم شاتاستىرىپ، شينجياڭدى بىلىقتىرۋعا قانشالىق ۇرىنعان سايىن، ءبىز بولشەكتەۋشىلىككە قارسى تۇرۋ كۇرەسىنىڭ ءبىرىنشى شەبىندە سولعۇرلىم بەكەم تۇرىپ، وتاننىڭ تۇتاستىعى مەن ۇلتتار ىنتىماعىن باتىل قورعاۋىمىز كەرەك“.

  اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى اسقار تۇرسىن مىنالاردى ءبىلدىردى: امەريكانىڭ ايتىلمىس شينجياڭعا ساياتىن ”زاڭ جوبا“سى شينجياڭنىڭ ورنىقتىلىعىن، دامۋىن كورمەسكە سالىپ، شينجياڭداعى ءار ۇلت حالقى ىنتىماقتى، جاراسىمدى، تىنىش ءومىر، شات - شادىمان تىرشىلىك كەشكەن وبيەكتيۆ شىندىقتى كورمەسكە سالىپ، شينجياڭنىڭ ورنىقتى، دامىعان جاعدايىن قيسىنسىز جازعىرۋى جانە قالاعانىنشا كۇيە جاعۋى لاڭكەستىكتىڭ جىرتىسىن جىرتقاندىق، قانىپەزەرگە جاقتاس بولعاندىق، ول ءتۇپتىڭ تۇبىندە ءوزىن دە، وزگەنى دە زياندايدى.

  ”شينجياڭ حالقىنىڭ قانداي تۇرمىس كەشىرىپ جاتقاندىعى جونىندە ءبىز ەڭ سويلەۋ ۇقىعىنا يەمىز“، - دەدى جەمسارى اۋداندىق ساياسي كەڭەستىڭ ورىنباسار ءتوراعاسى شايم ۇرايىم، - ”امەريكا جاقتىڭ بۇرمالاۋى، جالا جابۋى ءدىندى، ادامدىق ۇقىقتى جەلەۋ ەتىپ، جۇڭگونىڭ دامۋىن شاۋجايلاۋعا ۇرىنۋدان باسقا دانەڭە ەمەس. شينجياڭداعى ءار ۇلت حالقى زورلىقتى كۇش، لاڭكەستىكتىڭ جانە ءدىني ۇشقارىلىقتىڭ زاردابىن ابدەن تارتقان، تىنىشتىقتىڭ، جاراسىمدىلىقتىڭ قىمباتىن تەرەڭ تۇسىنەدى، شينجياڭنىڭ بەرەكەسىن كەتىرمەك بولعان ارامزالىقتىڭ ەشقايسىسى جۇزەگە اسپايدى“.

  امەريكاداعى كەيبىر ساياساتپازداردىڭ سۇرقيا قىلىقتارىنا حوتان اۋدانى قاستاسى اۋىلى نيسا قىستاعىنداعى قارت پارتيا مۇشەسى، 65 جاستاعى ابدۇللا نازي زىعىردانى قايناپ بىلاي دەدى: ”امەريكانىڭ ايتىلمىس شينجياڭعا ساياتىن ’زاڭ جوبا‘سى شينجياڭنىڭ قوعام ورنىقتىلىعىن ءبۇلدىرۋ، جۇڭگونىڭ ورنىقتىلىعى مەن دامۋىنا توسقاۋىل بولۋ ارام نيەتىن ايپاراداي اشتى. وسى جىلداردا، پارتيا مەن ۇكىمەتتىڭ ابزال ساياساتىنىڭ ارقاسىندا ءبىز جاڭا ۇيگە كوشىپ كىردىك، تۇرمىسىمىز كۇننەن - كۇنگە جاقسارىپ كەلەدى، وتان قۇشاعىندا ءومىر ءسۇرىپ جاتقان ءبىز ءوزىمىزدى ايرىقشا باقىتتى سەزىنەمىز، بۇل بولاتتاي شىندىق جالا جابۋعا، كۇيە جاعۋعا قايتارىلعان ەڭ پارمەندى سوققى“.

شينجياڭنىڭ لاڭكەستىككە قارسى تۇرۋىنىڭ جانە ۇشقارىلىقتى الاستاۋىنىڭ ناتيجەسى جالپاق جۇرتقا ايان

  جۇڭگو گومينداڭ توڭكەرىستىك كوميتەتى شينجياڭ رايوندىق كوميتەتىنىڭ ارناۋلى مىندەتتەگى ورىنباسار مەڭگەرۋشى مۇشەسى دىڭ حۇڭ مىنالاردى ءبىلدىردى: شينجياڭ قوعامىنىڭ كەلەلى جاعدايى ۇزدىكسىز ورنىقتى بولىپ، ۇدايى 3 جىل زورلىقتى كۇش، لاڭكەستىك دەلوسى (وقيعا) تۋىلمادى، ەكونوميكا ۇزدىكسىز دامىپ، حالىق تۇرمىسى ۇزدىكسىز جاقسارىپ، ءدىن تاتۋ، ۇيلەسىمدى بولىپ، ءار ۇلت حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى بارىنشا جوعارىلادى. اماليات مىنانى دالەلدەدى: شينجياڭنىڭ لاڭكەستىككە قارسى تۇرۋ، ۇشقارىلىقتى الاستاۋ شارالارى شينجياڭداعى ءار ۇلت حالقىنىڭ ءتۇبىرلى مۇددەسىنە ۇيلەسەدى، شينجياڭداعى ءار ۇلت حالقىنىڭ حالىق تۇرمىسى ىرىس - قۇتىن مولايتتى، ول حالىق تىلەگىنە ۇيلەسىپ، حالىق قالاۋىنا بولەنىپ، اسا ناتيجەلى بولدى.

  ”شينجياڭنىڭ كاسىپتىك شەبەرلىككە تاربيەلەۋ - باۋلۋ قىزمەتىن زاڭ بويىنشا ورىستەتۋى − ءار ۇلت بۇقاراسىنىڭ نەگىزگى ادامدىق ۇقىقتارىن قامتاماسىز ەتۋدىڭ ادىلەتتى شاراسى بولىپ تابىلادى“. شينجياڭ قوعامدىق عىلىمدار اكادەمياسىنىڭ اعا زەرتتەۋشىسى ابەن ءماۋلىتقان بىلاي دەدى: ”تاربيەلەۋ - باۋلۋ قىزمەتى ەشقانداي دا ءبىر باس بوستاندىقتى شەكتەۋ، ماقرۇم ەتۋ شاراسى ەمەس، قايتا تاربيەلەنۋشىلەردىڭ لاڭكەستىكتىڭ، ءدىني ۇشقارىلىقتىڭ شىرماۋىنان قۇتىلۋىنا كومەكتەسۋ ءۇشىن زاڭ بويىنشا قولدانىلعان ماڭىزدى شارا، ول ادامنىڭ يدەيادا ازات بولۋىن، ساپاسىن ءوسىرۋدى جانە اناعۇرلىم ويداعىداي دامۋىن جۇزەگە اسىراتىن شارا بولىپ تابىلادى“.

  ”تاربيەلەۋ - باۋلۋ ورتالىعىندا زاڭ بىلىمدەرىن ۇيرەنگەننەن كەيىن، مەن ءوزىمنىڭ ءىس - ارەكەتىمنىڭ مەملەكەتتىڭ زاڭىنا قايشى كەلگەندىگىن ءبىلدىم“. يىڭىسار اۋدانى تاربيەلەۋ - باۋلۋ ورتالىعىنان وقۋ تاۋىسقان تاربيەلەنۋشى وبۇلقاسىم بۇراۋدىن بىلاي دەدى:”وقۋ تاۋىسقان سوڭ، مەن ۇكىمەتتىڭ كومەگىندە ءۇي جاڭالاۋ قۇرىلىس اترەتىن قۇردىم، قازىر كۇندەرىم ءارى قاربالاس، ءارى ءماندى وتۋدە، ماعان شىت جاڭا ءومىر سيلاعان − تاربيەلەۋ - باۋلۋ ورتالىعى“.

ناقتى ارەكەتىمىزبەن اسا تاماشا جاعدايدى قورعايمىز

  مەملەكەتتىك حالىق قۇرىلتايىنىڭ ۋاكىلى، اقسۋ ايماعى ءۇشتۇرپان اۋدانى چيانجين قالاشىعى مەملەكەتتە ءبىر تۇتاس قولدانىلاتىن ءتىل باستاۋىش مەكتەبىنىڭ باستىعى قۇربان نياز ۇنەمى توڭىرەكتەگى اۋىل - قالاشىقتارعا، قىستاقتارعا بارىپ تەكسەرۋ - زەرتتەۋ جۇرگىزىپ تۇرادى. ول بىلاي دەدى: ”مەملەكەتتىڭ حالىق تۇرمىسىن جاقسارتۋ شارالارى جالپاق جۇرتقا ايان، ءبىز بارلىعىمىز باقىتتى ءومىردىڭ كۋاگەرىمىز، ءبىز اناردىڭ دانىندەي تىعىز ۇيىسىپ، ناقتى ارەكەتىمىزبەن شينجياڭنىڭ اسا تاماشا جاعدايىن قورعاۋىمىز كەرەك“.

  ”قازىر شينجياڭنىڭ قالا - قالاشىقتانۋ دەڭگەيى ۇزدىكسىز جوعارىلاپ، قونىس ورتاسى ۇزدىكسىز جاقسارىپ كەلەدى، قالا - اۋىلدىڭ بەت - بەينەسىندە وراسان زور وزگەرىس تۋىلدى“. اۆتونوميالى رايوندىق تۇرعىن ءۇي جانە قالا - اۋىل قۇرىلىسى مەڭگەرمەسى قالا قۇرىلىسى باسقارماسىنىڭ باستىعى ءمۇتاللىپ ءالي باتىل تۇردە مىنانى ءبىلدىردى: ”شينجياڭنىڭ دامۋى جالپاق جۇرتقا ايان، امەريكاداعى كەيبىر ساياساتپازداردىڭ قاساقانا كۇيە جاعۋىنا استە جول بەرمەيمىز، شينجياڭداعى ءار ۇلت حالقىنىڭ باقىتتى تۇرمىسىن ەشقانداي كۇش بۇلدىرە المايدى“.

  اۆتونوميالى رايوننىڭ ”مىڭ كاسىپورىننان مىڭ قىستاققا كومەك“ كەدەيلەردى دالمە - ءدال سۇيەمەلدەۋ ارەكەتى ورىستەتىلگەننەن بەرى، شينجياڭ جۇڭحى جارنا شەكتى سەرىكتەستىگى يىڭىسار اۋدانى ساعان اۋىلى شاپقورعان قىستاعىنا قاراتا كەدەيلەردى دالمە - ءدال سۇيەمەلدەۋ جۇرگىزىپ، 2 جىلعا جەتپەيتىن ۋاقىتتا وسى اۋىر كەدەي قىستاقتاعى كەدەي حالىق 246 وتباسىنان 9 وتباسىنا ازايدى. اتالعان سەرىكتەستىك پارتكومىنىڭ شۋجيى، القا باستىعى سۇن جيان بىلاي دەدى: ”بۇل شينجياڭنىڭ حالىق تۇرمىسىن كۇش سالا جاقسارتۋىنىڭ شاعىن ءبىر كارتيناسى. جۇمىلا كوتەرگەن جۇك جەڭىل، شينجياڭنىڭ جاراسىمدى، ورنىقتى، گۇلدەنگەن، دامىعان اسا تاماشا جاعدايىن جاقسى قورعاۋعا ءبىزدىڭ سەنىمىمىز كامىل، قابىلەتىمىز دە جەتەدى، شينجياڭنىڭ بولاشاعىنىڭ، ءسوز جوق، اناعۇرلىم نۇرلى بولاتىندىعىنا كامىل سەنەمىز“.

(تىلشىلەر شيە حۇيبيان، فان حۇڭ - ي، جاۋ جىيۇن، ياڭ شۋحان، ميھىرگۇل عۇپۋر، ۋاڭ يۇيجاۋ، حي حۇڭۋي، لياڭ ليحۋا، جىڭ جو، جاڭ جىلي، ەرىكتى ءتىلشى چىن جىڭ جازعان)

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى