اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى اشىلدى

كەلۋ قاينارى: شينجياڭ گازەتى تورى   |   جولدانعان ۋاقىتى:2020 - 01 - 09 16:37

چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين ماجىلىسكە قاتىناسىپ قۇتتىقتادى

نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى

چىڭ جىنشان باسقاردى، مۇتالىپ وبۇل ۇسىنىس جوبا قىزمەتى جاعدايىنان بايانداما جاسادى


   1 - ايدىڭ 5 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى شينجياڭ حالىق سارايىندا اشىلدى. سۋرەتتە: ءماجىلىس زالى. سۋرەتتى شينجياڭ گازەتىنىڭ جالپىلىق اقپارات قۇرالدارىنىڭ ءتىلشىسى شيە لۇڭ تۇسىرگەن

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، لي ياڭ، ۋڭ شيڭرۇي 1 - ايدىڭ 5 - كۇنى ۇرىمجىدەن حابارلايدى. 1 - ايدىڭ 5 - كۇنى تۇستەن بۇرىن، اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ءماجىلىسى شينجياڭ حالىق سارايىندا اشىلدى.

  ءماجىلىس زالى دۋماندى، سالتاناتتى بەينەگە شومىپ، جۇڭگو حالىق ساياسي ءماسليحات كەڭەسى گەربى ءتوراعالار مىنبەسىنىڭ تورىنە ءىلىنىپ، ونىڭ ەكى جاعىنا بەستەن نارت قىزىل تۋ قويىلدى.

چىن چۋانگو، شوكىرات زاكىر، شاۋكەت يمىن، سۇن جينلۇڭ، لي پىڭشين، شۇي حايرۇڭ، ەركىن تۇنياز، ۋاڭ جۇنجىڭ، تيان ۋىن، سارقىت اقان، ياڭ شين ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامزا، جاڭ بو، مۇتالىپ وبۇل، كۇڭ شيڭلۇڭ، چيۋ شۋحۋا، ءيلھام سابىر، ما شيۇڭچىڭ، ابدۇرىقىپ ءتومۇرنياز ءتوراعالار مىنبەسىنىڭ الدىڭعى قاتارىنان ورىن الدى.

  اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىنە قاتىناسۋعا ءتيىستى مۇشە 513 ادام، ناق قاتىناسقانى 472 ادام، بۇل بەلگىلەمەدەگى ادام سانىنا ۇيلەسەدى.

  ساعات 10نان 30 مينۋت وتكەندە، چىڭ جىنشان ءماجىلىستىڭ اشىلعاندىعىن جاريالادى، بارلىق ادام ورىندارىنان تۇرىپ، مەملەكەت ءانىن شىرقادى.

  ءماجىلىس الدىمەن اۆتونوميالى رايوندىق ساياسي كەڭەس 12 - كەزەكتى كوميتەتى 3 - ءماجىلىسىنىڭ كەڭەس ءتارتىبىن قاراپ ماقۇلدادى.

  نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

  نۇرلان ءابىلماجىن وتكەن ءبىر جىلداعى قىزمەتتەردى 5 جاقتان قورىتىندىلادى. ول بىلاي دەدى: شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا، مەملەكەتتىك ساياسي كەڭەستىڭ پارمەندى جەتەكشىلىك ەتۋىندە، تۇتاس رايونىمىزداعى ءار دارەجەلى ساياسي كەڭەس شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ىنتىماق پەن دەموكراتيا سىندى 2 ۇلكەن نەگىزگى تاقىرىپقا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋدى، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ باسشىلىعىندا، نازاريامەن قارۋلانۋدى كۇشەيتىپ، پارتيا قۇرىلىسى ارقىلى جەتەكشىلىك ەتۋدى كورنەكتىلەندىرىپ، ساپانى كوتەرىپ، ونىمدىلىكتى ارتتىرۋعا باسا ءمان بەرىپ، جۇيە بويىنشا بىرگە ارەكەتتەنۋدى كۇشەيتىپ، ارناۋلى كەڭەسۋ قۇرىلىمىنىڭ رولىن تولىق ساۋلەلەندىرىپ، سىندارلى اقىل - كەڭەس بەرىپ، ۇسىنىس قويۋ جانە ورتاق تانىمدى ۇيىستىرۋ جاعىندا قوس باعىتتا كۇش سالىپ، تۇتاس رايونىمىزدىڭ ورنىقتىلىق، دامۋ، رەفورما ىستەرىن ىلگەرىلەتۋگە ماڭىزدى ۇلەس قوستى.

  نۇرلان ءابىلماجىن بىلاي دەپ اتاپ كورسەتتى: 2020 - جىل جاپپاي دوڭگەلەك داۋلەتتى قوعام ورناتاتىن جانە ”13 - بەسجىلدىق“ جوبانى تابىسپەن ورىندايتىن جىل، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزەتىن، ءبىرىنشى 100 جىلدىق كۇرەس نىساناسىن جۇزەگە اسىرۋدىڭ شەشۋشى جەڭىسىنە قول جەتكىزەتىن جىل. تۇتاس رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جۇڭگو كوممۋنيستىك پارتياسى 19 - قۇرىلتايى مەن 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن دايەكتىلەندىرىپ، تياناقتاندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ نەگىزگى ارقاۋى، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تياناقتاندىرۋعا، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا قىزمەت وتەۋدى قىزمەت نەگىزگى جەلىسى، يدەيالىق - ساياسي جەتەكشىلىكتى كۇشەيتۋدى، ورتاق تانىمدى كەڭ كولەمدى ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى 2 ۇلكەن نەگىزگى تاقىرىپقا تاباندى بولىپ، ساياسي كەڭەسۋ، دەموكراتيالىق باقىلاۋ، ۇكىمەت ىسىنە قاتىناسۋ، ۇكىمەت ءىسىن كەڭەسۋ دەڭگەيىن جوعارىلاتىپ، ورتاق تانىمدى اناعۇرلىم ويداعىداي ۇيىستىرىپ، جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىن، ورنالاستىرۋلارىن جانە حالىق ساياسي كەڭەس قىزمەتىنە قويعان تالاپتارىن تياناقتاندىرۋ، تۇتاس رايونىمىزداعى ءار ۇلت حالقىنىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى شىنايى ۇستىنە الۋ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشەتىن جۇڭگوشا ەرەكشەلىكتەگى سوتسياليستىك شينجياڭ قۇرۋعا ۇلەس قوسۋ كەرەك.

  نۇرلان ءابىلماجىن بىلاي دەپ باسا دارىپتەدى: تۇتاس رايونىمىزداعى ءار دارەجەلى ساياسي كەڭەس، ساياسي كەڭەسكە قاتىناسۋشى ورىندار جانە ءار ۇلت، ءار سالا مۇشەلەرى بورىش پەن مىندەتتى بەكەمدەپ، بىرلىكساپ ۇيىمىنىڭ يقۋاتىن كۇشەيتۋ ارقىلى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرۋدىڭ، تياناقتاندىرۋدىڭ جويقىن كۇشىن ۇيىستىرىپ، حالىق ساياسي كەڭەس ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ ارقىلى جۇڭگوشا سوتسياليزم ءتۇزىمىنىڭ باسىمدىعى مەن وزىقتىعىن ايگىلەپ، ارناۋلى كەڭەسۋ قۇرىلىمىنىڭ مەملەكەتتى جونگە سالۋ جۇيەسىندەگى ماڭىزدى رولىن ساۋلەلەندىرۋ ارقىلى سوتسياليستىك كەڭەستىك دەموكراتيانىڭ وزىندىك باسىمدىعىن ايگىلەپ، شينجياڭ قىزمەتى باس نىساناسىن جۇزەگە اسىرۋ ءۇشىن جۇرت تىلەگىن ۇيىستىرۋ، كومەكشى كۇش ۇستەۋ، بىرىككەن كۇشتى ارتتىرۋ كەرەك.

  مۇتالىپ وبۇل اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ تاپسىرۋىمەن، ماجىلىسكە اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ءبىر جىلدان بەرى قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ءارقايسى ارناۋلى كوميتەتتەر 758 ۇسىنىس جوبا تاپسىرىپ، تەكسەرۋ ارقىلى ونىڭ 540ى ەستەلىككە الىنىپ، ۇسىنىس جوبالاردىڭ ءبىر جايلى ەتىلىپ، جاۋاپ قايتارىلۋ مولشەرى %100كە جەتتى.

  اۆتونوميالى رايوندىق حالىق قۇرىلتايىنداعى، ۇكىمەتتەگى، بيڭتۋانداعى باسشى جولداستار، اۆتونوميالى رايونىمىزدىڭ دەمالىسقا، زەينەتكە شىققان ورىنباسار ولكە دارەجەدەن جوعارى ءبىر ءبولىم ساقا جولداستار اشىلۋ ماجىلىسىنە قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى