ورتالىق كوميتەت كەڭسەسى، مەملەكەتتىك كەڭەس كەڭسەسى حابارلاندىرۋ باسىپ تاراتتى

كەلۋ قاينارى: شينجياڭ گازەتى تورى   |   جولدانعان ۋاقىتى:2020 - 03 - 18 12:33

29 قىزمەت گرۋپپاسىن ۇيىمداستىرىپ، جۇمىستى، ءوندىرىستى قالپىنا كەلتىرۋ جاعدايىنا تەكسەرۋ - زەرتتەۋ جۇرگىزەدى

  شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى. 3 - ايدىڭ 12 - كۇنى جۇڭگو كوممۋنيستىك پارتياسى ورتالىق كوميتەت كەڭسەسى، مەملەكەتتىك كەڭەس كەڭسەسى «جۇمىستى، ءوندىرىستى قالپىنا كەلتىرۋ جاعدايىنا تەكسەرۋ - زەرتتەۋ جۇرگىزۋگە ۇيىمداستىرۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىندى) باسىپ تاراتىپ، 3 - ايدىڭ ورتا شەنىندە 29 تەكسەرۋ - زەرتتەۋ قىزمەت گرۋپپاسىن ۇيىمداستىرىپ، ءبىر ءبولىم ولكەلەردىڭ (اۆتونوميالى رايون، قالا) جانە شينجياڭ ءوندىرىس - قۇرىلىس بيڭتۋانىنىڭ جۇمىستى، ءوندىرىستى قالپىنا كەلتىرۋ جاعدايىنا تەكسەرۋ - زەرتتەۋ جۇرگىزۋدى بەلگىلەدى.

  «حابارلاندىرۋدا» مىنالار اتاپ كورسەتىلدى: تەكسەرۋ - زەرتتەۋدىڭ ماقساتى − باس شۋجي شي جينپيڭنىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، جەر - جەردىڭ جۇمىستى، ءوندىرىستى قالپىنا كەلتىرۋ اياق الىسىنىڭ جاعدايىن ءبىلىپ، پىكىر - ۇسىنىستاردى ىشكەرىلەي تىڭداپ، جەرگىلىكتى ورىنداردىڭ جۇمىستى، ءوندىرىستى قالپىنا كەلتىرۋ بارىسىندا جولىققان قيىنشىلىقتار مەن ماسەلەلەردى شەشۋىنە جەتەكشىلىك ەتىپ، كومەكتەسىپ، تيپتىك تاجىريبەلەر مەن ادىستەردى قورىتىندىلاپ، جالپىلاستىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىنىڭ، ورنالاستىرۋلارىنىڭ ناقتى تياناقتانۋىن، ورىندالۋىن شىنايى ىلگەرىلەتىپ، تۇتاس جىلعى ەكونوميكالىق، قوعامدىق دامۋدىڭ نىسانالارىن، مىندەتتەرىن جۇزەگە اسىرۋعا قۇلشىنىپ، جاپپاي دوڭگەلەك داۋلەتتى قوعام ورناتۋعا جانە ”13 - بەسجىلدىق“ جوبانىڭ ورىندالۋىنا شىنايى كەپىلدىك ەتۋ.

  «حابارلاندىرۋدا» مىنالار ايقىندالدى: تەكسەرۋ - زەرتتەۋدىڭ ءتۇيىنى بەس جاقتى قامتيدى: ءبىرىنشى، جەرگىلىكتى پارتكومدار مەن ۇكىمەتتەردىڭ باس شۋجي شي جينپيڭنىڭ ماڭىزدى سوزدەرىنىڭ جانە ماڭىزدى نۇسقاۋلارىنىڭ، بەكىتۋلەرىنىڭ رۋحىن مۇقيات ۇيرەنۋ، دايەكتىلەندىرۋ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ، ىندەتتەن ساقتانۋ - تىزگىندەۋگە ۇيلەسەتىن ەكونوميكالىق، قوعامدىق اينالىم ءتارتىبىن جەدەل ورناتۋ جاعدايىن تەكسەرۋ - زەرتتەۋ، يگەرۋ. ەكىنشى، جەرگىلىكتى ورىنداردىڭ اۋدان ءوڭىرىن بىرلىك ەتىپ وڭىرگە، دارەجەگە ءبولىپ دالمە - ءدال، ءتارتىپتى تۇردە جۇمىستى، ءوندىرىستى قالپىنا كەلتىرۋ جاعدايىن تەكسەرىپ - زەرتتەپ، يگەرىپ، جەرگىلىكتى ورىنداردىڭ قىزمەت وتەۋدىڭ قولايلىلىعىن جوعارىلاتۋىنا جەتەكشىلىك ەتۋ، قولداۋ كورسەتۋ، كاسىپورىنداردىڭ ىندەتتىڭ سوققىسى اكەلگەن ەڭبەككۇش تاپشىلىعى، قارجىنىڭ جەتىسپەۋشىلىگى، شيكىزات ماتەريالدارىنىڭ تاپشىلىعى، قامداۋ تىزبەگىنىڭ ىركىلىسسىز بولماۋى سياقتى ناقتى قيىنشىلىقتاردى شەشۋىنە كومەكتەسۋ. ءۇشىنشى، قاتىناس، زات تاسىمالىنىڭ ىركىلىسسىزدىگىن قامتاماسىز ەتۋ، شارۋا جۇمىسكەرلەر سياقتىلاردىڭ جۇمىس ورىندارىنا ورالۋىن قامتاماسىز ەتۋ، كاسىپورىنداردىڭ وندىرىستىك قۋاتتى جەدەل قالپىنا كەلتىرۋىن جەبەۋ، سالىنۋ ۇستىندەگى جانە جاڭادان جۇمىس باستاعان نىساندار قۇرىلىسىنىڭ اياق الىسىن جەدەلدەتۋ، ەلەۋلى شەتەل قارجىسى نىساندارىنىڭ تياناقتانۋىن ويداعىداي يگەرۋ، ىندەت سەبەبىنەن كەدەيلىككە دۋىشار بولعان، قايتا كەدەيلەسكەن شارۋالارعا كومەكتەسۋ جانە ولاردى سۇيەمەلدەۋ، كوكتەمگى اۋىل شارۋاشىلىعى ءوندىرىسىن ويداعىداي يگەرۋ سياقتى جاعدايلاردى تەكسەرۋ - زەرتتەۋ، يگەرۋ. ءتورتىنشى، مەملەكەت شىعارعان كەزەڭدىك سيپاتتاعى كاسىپورىنداردىڭ قوعامدىق قامسىزداندىرۋ اقىسىن ازايتۋ، كەشىرىم ەتۋ، شاعىن كولەمدە سالىق تاپسىرۋشىلاردىڭ ارتقان قۇن سالىعىن ازايتۋ، كەشىرىم ەتۋ، ورتا، شاعىن، ۇساق كاسىپورىندار مەن جەكە كاسىپكەرلەردىڭ نەسيەلەرىنە ۋاقىتتىق سيپاتتا نەسيە سوماسىن قايتارۋدى، ءوسىمىن تولەۋدى كەشەۋىلدەتۋ، تومەن ءوسىمدى نەسيە بەرۋ سياقتى ساياسات - شارالاردىڭ تىڭعىلىقتى تياناقتانعان - تياناقتانباعاندىعىن تەكسەرۋ - زەرتتەۋ، يگەرۋ، ساياساتتاردى ءتۇسىندىرۋدى ويداعىداي ىستەپ، ساياساتتاردىڭ تياناقتانۋىن ىلگەرىلەتۋ. بەسىنشى، جەرگىلىكتى پارتكومدار مەن ۇكىمەتتەر، كاسىپورىندار، جەكە كاسىپكەرلەر، بۇقارا اڭىس ەتكەن جۇمىستى، ءوندىرىستى قالپىنا كەلتىرۋ بارىسىندا مەملەكەتتىك دەڭگەيدە شەشۋدى ىلگەرىلەتۋ قاجەت بولىپ وتىرعان ماسەلەلەر مەن پىكىر - ۇسىنىستاردى تەكسەرۋ - زەرتتەۋ، يگەرۋ، مۇنداعى ماڭىزدى ءتۇيىن − جەرگىلىكتى ورىندار شەشە المايتىن، ولكەلەر ارا سايكەستىرۋدى، كاسىپتىك تاراۋلار شەشۋگە قولداۋ كورسەتۋدى قاجەت ەتەتىن ىستەر.

  «حابارلاندىرۋدا» مىنالار تالاپ ەتىلدى: تەكسەرۋ - زەرتتەۋ كەزىندە قاتىستى جاقتار ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋدىڭ ناقتى ەرەجەسىنىڭ رۋحىن قاتاڭ تياناقتاندىرىپ، كىرشىكسىز، تارتىپشەڭ بولۋدىڭ قاتىستى بەلگىلەمەلەرىنە قاتاڭ بويسۇنۋ كەرەك. تەكسەرۋ - زەرتتەۋ گرۋپپالارى نەگىزگى ساتىعا ىشكەرىلەي ارالاسۋى، ءبىرىنشى شەپكە بارىپ ناقتى جاعدايدى ءبىلۋى، جالپى بەتتىك قىزمەتتەن مالىمەت تىڭداماۋى، 20 ادامنان ارتىق جينالىس اشپاۋى، ءتۇرلى فورماشىلدىق، تورەشىلدىك قىلىقتاردان قاتاڭ ساقتانۋى كەرەك. جەرگىلىكتى ورىندار اڭىس ەتكەن قيىنشىلىقتار مەن ماسەلەلەردىڭ سول جەردە شەشۋگە بولاتىندارىن تەكسەرۋ - زەرتتەۋ قىزمەت گرۋپپاسى سول جەردە سايكەستىرىپ شەشۋگە كومەكتەسەدى؛ مەملەكەتتىك دەڭگەيدە شەشۋدى قاجەت ەتەتىندەرىن دەر كەزىندە جۇڭگو كوممۋنيستىك پارتياسى ورتالىق كوميتەتى كەڭسەسىنە، مەملەكەتتىك كەڭەس كەڭسەسىنە مالىمدەيدى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى