شي جينپيڭ يسپانيانىڭ باس ءۋازىرى سانچەسپەن تەلەفوندا سويلەستى

كەلۋ قاينارى:  شينجياڭ گازەتى تورى   |   جولدانعان ۋاقىتى:2020 - 03 - 19 16:17

شينحۋا اگەنتتىگىنىڭ 3 - ايدىڭ 17 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 3 - ايدىڭ 17 - كۇنى كەشتە ۇسىنىس بويىنشا يسپانيانىڭ باس ءۋازىرى سانچەسپەن تەلەفوندا سويلەستى.

  شي جينپيڭ بىلاي دەپ اتاپ كورسەتتى: جۋىقتان بەرى يسپانيادا جاڭا تيپتى ايدارشا ۆيرۋس وكپە قابىنۋ ىندەتىنىڭ ءورشۋ جاعدايى جارىققا شىقتى، مەن جۇڭگو ۇكىمەتى مەن جۇڭگو حالقى اتىنان يسپانيا ۇكىمەتى مەن حالقىنان شىنايى حال سۇرايمىن.

  شي جينپيڭ بىلاي دەپ باسا دارىپتەدى: بۇكىل ەل بويىنشا جوعارىدان تومەنگە دەيىن قاجىرلى قۇلشىنۋدىڭ ارقاسىندا، جۇڭگو جاقتىڭ ساقتانۋ - تىزگىندەۋ شارالارى بەلسەندى ونىمدىلىككە قول جەتكىزىپ، ەڭ ماشاقاتتى، ەڭ جاپالى كەزەڭنەن ءوتتى. قازىر ىندەت كوپ ەلدە، كوپ جەردە تۋىلۋدا، جۇڭگو جاق ءار ەلمەن حالىقارالىق سەلبەستىك ورىستەتۋدى قالايدى ءارى مۇمكىندىگى كەلگەنشە كومەك كورسەتەدى. حالىقارالىق قوعامنىڭ تىزە قوسا وتىرىپ قاتەردى ورايعا اينالدىرۋعا قۇلشىنىپ، اشىق سەلبەستىك جاساۋ ءىس جۇزىندىك ارەكەتىمەن ىندەت سوققىسىنا قارسى تۇرىپ، حالىقارالىق دەنساۋلىق ساقتاۋ حاۋىپسىزدىگىن بىرگە قورعاۋىن ءۇمىت ەتەمىن.

  شي جينپيڭ بىلاي دەپ باسا دارىپتەدى: جۇڭگو جاق يسپانيا ۇكىمەتى قولدانعان ىندەتكە قارسى اتتانۋ شارالارىن قولدايدى، يسپانيا كەزەكتە ءدوپ كەلگەن قاتاڭ جاعدايدى تۇسىنەدى، يسپانيانىڭ ءزارۋ ىستەرىنە كوڭىل ءبولىپ، مۇمكىندىكتىڭ بارىنشا قولداۋ كورسەتىپ جانە كومەكتەسىپ، ساقتانۋ - تىزگىندەۋ جانە ەمدەۋ تاجىريبەلەرىن ورتاق پايدالانىپ، جۇڭگو مەن يسپانيا ەلدەرى حالىقتارىنىڭ سالاماتتىعى، ىرىس - قۇتى جانە بۇكىل الەمنىڭ الەۋمەتتىك دەنساۋلىق ساقتاۋ حاۋىپسىزدىگى ءۇشىن ۇلەس قوسۋدى قالايدى. ىندەتتەن كەيىن، ەكى جاق كەڭ سالاداعى اۋىس - كۇيىستى، سەلبەستىكتى جەدەل ىلگەرىلەتۋى قاجەت. جۇڭگو جاق يسپانيانىڭ ساپالى ەرەكشە ونىمدەرىن يمپورت ەتۋدى ۇزدىكسىز كەڭەيتۋدى قالايدى. ”جاۋىن - شاشىننان كەيىن كۇن كۇلىمدەپ شىعادى“، ىندەتكە بىرگە قارسى اتتانۋ سىناعىن باستان كەشىرگەن جۇڭگو مەن يسپانيا دوستىعىنىڭ ءتىپتى دە بەكەمدەلەتىندىگىنە، ەكى ەل قارىم - قاتىناسىنىڭ اناعۇرلىم نۇرلى بولاشاقتى قارسى الاتىندىعىنا سەنەمىن.

  سانچەس مىنالاردى ءبىلدىردى: يسپانيا مەن جۇڭگو بۇرىننان ءوزارا قولداۋ كورسەتىپ، ءوزارا قارايلاسىپ كەلەدى، بۇل ىندەتكە بىرگە قارسى اتتانۋ بارىسىندا تولىق ايگىلەندى. كەزەكتە يسپانيادا ىندەت جاعدايى اۋىر، جۇڭگو جاقتىڭ يسپانيانى شۇعىل قاجەتتى ەمدەۋ زاتتىق ماتەريالدارىمەن دەر كەزىندە قامداۋى يسپانيا حالقىنا دەگەن دوستىق سۇيىسپەنشىلىگىن تولىق ايگىلەدى، يسپانيا حالقى بۇعان شىنايى العىس ايتادى. يسپانيا ۇكىمەتى يسپانياعا قونىستانعان جۇڭگو ازاماتتارىنىڭ سالاماتتىعىن، حاۋىپسىزدىگىن بار كۇشىن سالا ويداعىداي قورعايدى. ىندەت حالىقارالىق قوعام ءدوپ كەلگەن ورتاق سىن - سايىس، ءار ەل كۇش بىرىكتىرىپ توتەپ بەرۋى قاجەت. يسپانيا جۇڭگو جاقتىڭ اشىق پوزيتسيا ۇستانىپ، حالىقارالىق سەلبەستىكتى جەبەگەندىگىن القايدى، جۇڭگو جاقپەن ءار سالاداعى اۋىس - كۇيىستى، سەلبەستىكتى كۇشەيتۋدى قالايدى. ىندەتتەن كەيىن ەكى ەل قارىم - قاتىناسىنىڭ اناعۇرلىم داميتىندىعىنا سەنەمىن. ۇلى جۇڭگو حالقىنىڭ ساۋ - سالامات، امان - ەسەن بولۋىن تىلەيمىن!

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى