ءوز جاۋاپكەرشىلىگىن ءبىلۋ، ءوز جاۋاپكەرشىلىگىن شەبەرلىكپەن اتقارۋ كەرەك

كەلۋ قاينارى: شينجياڭ گازەتى تورى   |   جولدانعان ۋاقىتى:2020 - 03 - 19 16:22

حالىق گازەتىنىڭ شولۋشىسى

  ەر مايداندا، ادالدىق ارپالىستا سىنالادى. ىندەتتەن ساقتانۋ - تىزگىندەۋ كۇرەسىنىڭ جاپپاي جەڭىسىنە قول جەتكىزۋ قالىڭ پارتيا مۇشەلەرى، كادرلار جونىنەن ەلەۋلى سىن، باتىلدىقپەن كۇرەس جاسايتىن ەرلىكتى سىناۋمەن بىرگە، شەبەرلىكپەن كۇرەس جاسايتىن قابىلەتىن دە سىنايدى.

  جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدىڭ شەشۋشى ساتىندە، باس شۋجي شي جينپيڭ حۋبەي ولكەسىنىڭ ۋحان قالاسىنا بارىپ ىندەتتەن ساقتانۋ - تىزگىندەۋ قىزمەتىن تەكسەرىپ، كۇرەس جۇرگىزۋگە باتىل بولۋ، جەڭىسكە جەتۋگە باتىل بولۋ − جۇڭگو كوممۋنيستەرىنىڭ ايقىن ساياسي قاسيەتى ءارى ءبىزدىڭ ساياسي ابزالدىلىعىمىز ەكەندىگىن باسا دارىپتەپ، ءار دارەجەلى پارتيا ۇيىمدارى مەن قالىڭ پارتيا مۇشەلەرىنەن، كادرلاردان اۋەلگى ماقساتتى ۇمىتپاي، بورىشتى ەستە بەرىك ساقتاپ، جاۋاپكەرشىلىك ارقالاپ، سىننان سۇرىنبەي ءوتىپ، وسى رەتكى ۇلكەن سىناقتا جاۋاپكەرشىلىك ارقالايتىن باتىلدىقتى، عىلمي ساقتاناتىن - تىزگىندەيتىن پاراساتتى، ءبىر تۇتاس جوسپارلاپ تەڭ ءمان بەرەتىن ويدى، ۇيىمداستىرىپ اتقاراتىن قابىلەتتى شىنىقتىرىپ، ءوز جاۋاپكەرشىلىگىن ءبىلۋدى، ءوز جاۋاپكەرشىلىگىن شەبەرلىكپەن اتقارۋدى تالاپ ەتتى.

  وسى رەتكى قاتاڭ كۇرەستە ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار پارتيا ورتالىق كوميتەتىنىڭ ۇندەۋىنە ءۇن قوسىپ، اتويلاپ الدا ءجۇرىپ، ەرلىكپەن شايقاسىپ، جاۋىنگەر قورعاندىق رولى مەن اۆانگارد ۇلگىلىك رولىن تولىق ساۋلەلەندىرىپ، پارتيا تۋىن ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە اسقاق جەلبىرەتتى. ءارقايسىسى ءوز قىزمەت ورنىندا، ولار ەمدەۋ قىزمەتكەرلەرى، حالىق ازاتتىق ارمياسىنىڭ كوماندير - جاۋىنگەرلەرى، الەۋمەتتىك اۋماق قىزمەتكەرلەرى، قوعام حاۋىپسىزدىگى كادر - ساقشىلارى، نەگىزگى ساتى كادرلارى، ەرىكتىلەر، ت.ب. ولار شەشۋشى ساتتە كوكىرەك كەرىپ العا شىعىپ، قيىن - قىستاۋدا جان اياماي، ەرلىكپەن اتويشى بولىپ، باتىلدىقپەن الدا ءجۇرىپ، ىرىقتىلىقپەن جاۋاپكەرشىلىك ارقالاپ، بەلسەندىلىكپەن ىسكەرلىك كورسەتىپ، ارەكەتتەرىمەن كوممۋنيستەردىڭ ساياسي قاسيەتىن ايگىلەپ، جاڭا داۋىردەگى كوممۋنيستىك پارتيا مۇشەسىنىڭ تاماشا وبرازىن كورسەتتى. قازىر حۋبەي مەن ۋحاندا ىندەتتەن ساقتانۋ - تىزگىندەۋ جاعدايى بەلسەندى جاقسارۋدا، ءبىراق ىندەتتەن ساقتانۋ - تىزگىندەۋ مىندەتى ءالى دە جاپالى دا اۋىر، ەل ءىشى - سىرتىنداعى ادامداردىڭ جىلجۋى مەن توپتالۋىنىڭ كوبەيۋىنەن كەلەتىن ىندەتتىڭ تارالۋ حاۋىپ - قاتەرى ارتۋدا. ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار كەزەكتەگى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ جاعدايىنىڭ كۇردەلىلىگىن ايقىن تانىپ، قىزمەتتەردى ءبىر تۇتاس جوسپارلاپ ويداعىداي يگەرەتىن جاۋاپكەرشىلىك سەزىم مەن كوكەي تەستىلىك سەزىمدى كۇشەيتىپ، اناعۇرلىم قاتاڭ ستيلمەن، اناعۇرلىم ناقتى شارامەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن تىڭعىلىقتى تياناقتاندىرۋ كەرەك.

  ءوز جاۋاپكەرشىلىگىن ءبىلۋدى ورىنداۋدا، ءسوز جوق، جاۋاپكەرشىلىك ارقالاۋدى كۇشەيتۋ كەرەك. بيىل ەلىمىزدىڭ دامۋى ءدوپ كەلگەن حاۋىپ - قاتەر مەن سىن - سايىس ارتتى، بۇعان وسى رەتكى ىندەتتىڭ ىقپالىن قوسقاندا، ەكونوميكالىق، قوعامدىق دامۋ قىزمەتىن جاقسى ىستەۋدىڭ قيىندىعى اناعۇرلىم زورايدى. جوعارى حاۋىپ - قاتەرلى وڭىرلەر ۇزدىكسىز كۇش - قايراتتى شوعىرلاندىرىپ ىندەتتەن ساقتانۋ - تىزگىندەۋ قىزمەتىن جاقسى يگەرۋ، ورتاشا حاۋىپ - قاتەرلى وڭىرلەر ساقتانۋ - تىزگىندەۋ جاعدايىنا قاراي جۇمىستى، ءوندىرىستى تارتىپپەن قالپىنا كەلتىرۋ، تومەن حاۋىپ - قاتەرلى وڭىرلەر ءوندىرىس، تۇرمىس ءتارتىبىن جاپپاي قالپىنا كەلتىرۋ كەرەك، بارلىعى جاپالى مىندەتكە ءدوپ كەلىپ وتىر، استە جاۋاپكەرشىلىك ارقالاماۋعا، ءىس تىندىرماۋعا، جاۋاپكەرلىك ارقالاۋدى قالاماۋعا، كورىنگەننەن قورقىپ جالتاقتاۋعا بولمايدى، استە قوجىراپ بوساڭسۋعا، سوزبويدالاپ جايباسارلىق ىستەۋگە، جاعدايدى ايقىن تانىماۋعا، قىزمەت وي جەلىسى بولماۋعا بولمايدى، استە نەمقۇرايدىلىققا سالىنۋعا، ستيلى سولقىلداق بولۋعا، قىزمەتتى ەگجەي - تەگجەيلى يگەرمەۋىنە، ناقتى يگەرمەۋىنە بولمايدى. قالىڭ پارتيا مۇشەلەرى، كادرلار ”العان بەتىنەن قايتپايتىن“ قايسارلىقپەن، ”جاۋدى جەڭبەي قايىرىلمايتىن“ قايراتپەن زەيىن - زەردەنى شوعىرلاندىرىپ، بار ىنتا - جىگەرىمەن ىستەپ، ماسەلەنى باعدار ەتۋگە تاباندى بولىپ، بۇقارانىڭ اسىققان، ۋايىمداعان، باس قاتىرعان، ارمانداعان ىستەرىن دەر كەزىندە شەشىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى، ەگجەي - تەگجەيلى، تياناقتى يگەرۋ كەرەك. ءار دارەجەلى پارتكوم مەن ۇكىمەت شىندىقتى ءىس جۇزىنەن ىزدەۋگە تاباندى بولىپ، بارلىعىندا ءىس جۇزىندىكتى شىعار ءتۇيىن ەتىپ، فورماشىلدىقتى، تورەشىلدىكتى باتىل تۇزەتىپ، قالىڭ نەگىزگى ساتى كادرلارىنىڭ ءتىپتى دە كوپ قاجىر - قايراتىن ىندەتتەن ساقتانۋ - تىزگىندەۋدىڭ جانە جۇمىستى، ءوندىرىستى قالپىنا كەلتىرۋدىڭ الدىڭعى شەپ قىزمەتىنە ارناۋىنا مۇمكىندىك جاساۋ كەرەك.

  ءوز جاۋاپكەرشىلىگىن شەبەرلىكپەن اتقارۋدى ورىنداۋدا، ءسوز جوق، قىزمەت قابىلەتىن جوعارىلاتۋ كەرەك. يىعىڭ ءالسىز بولسا اۋىر جۇك كوتەرە المايسىڭ. باس شۋجي شي جينپيڭ ايتقانداي: ”مەيلى ءىس تىندىرىپ، ناتيجە شىعارۋدا بولسىن، الدە قامال الىپ، قيىندىقتى جەڭۋدە بولسىن، كەڭ يىقتى قاجەت ەتىپ قانا قالماستان، قۇرىش يىقتى دا قاجەت ەتەدى؛ ساياسيدا ىسىلعان بولۋدى قاجەت ەتىپ قانا قالماستان، جوعارى قابىلەتتى دە قاجەت ەتەدى“. وسى رەتكى ىندەتتەن ساقتانۋ - تىزگىندەۋ قىزمەتىندە كەيبىر باسشى كادرلاردىڭ جونگە سالۋ قابىلەتى مەن كاسىپتىك قابىلەتى كورنەكتى جەتكىلىكسىز بولدى، بۇعان، ءسوز جوق، وسكەلەڭ ءمان بەرۋ كەرەك. ءار دارەجەلى كادرلار، اسىرەسە، باسشى كادرلار جالپىلىق قابىلەتى مەن مەڭگەرۋ قابىلەتىن كۇشەيتىپ، ءوز باسقارۋىنداعى سالانىڭ كاسىپتىك بىلىمدەرىن ۇيرەنىپ، يگەرىپ، ءوزىن مامان باسشى ەتۋگە قۇلشىنۋ كەرەك. وسى رەتكى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونگە سالۋ جۇيەسى مەن جونگە سالۋ قابىلەتى جونىنەن ءبىر رەتكى ۇلكەن سىناق. ءار دارەجەلى پارتكوم مەن ۇكىمەت ۇزاق بولاشاققا كوز جىبەرىپ، جونگە سالۋ جۇيەسىندەگى ولقىلىقتار مەن ءالسىز تۇستاردى جەدەل تولىقتاپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتۋ ءۇشىن ءتۇزىم ساقتىق شەبىن سومداپ، وسى زامانعى قالانى جونگە سالۋدىڭ جانە قالا، اۋىل نەگىزگى ساتىسىن جونگە سالۋدىڭ جاڭا جولىن قۇلشىنا قاراستىرۋ كەرەك.

  تاريحقا قايىرىلا قاراساق، پارتيامىز ىشتەن تاۋقىمەت ءتونىپ، سىرتتان جاۋ انتالاعان جاعدايدا دۇنيەگە كەلگەن، قيىنشىلىقتار مەن ساتسىزدىكتەر بارىسىندا جەتىلگەن، قامال الىپ، قيىندىقتاردى ەڭسەرۋ بارىسىندا الۋەتتەنگەن. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى بولعاندىقتان، جۇڭگوشا سوتسياليزم ءتۇزىمىنىڭ ايقىن ابزالدىلىعى بولعاندىقتان، قۋاتتى جۇمىلدىرۋ قابىلەتى مەن مىعىم جالپىلىق ناقتى قۋات بولعاندىقتان، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىنتىماقتاسا ەرلىكپەن كۇرەس جاساۋى بولعاندىقتان، ءبىز، ءسوز جوق، وسى رەتكى ىندەتتى جەڭىپ، ءارى، ءسوز جوق، ەلىمىزدىڭ ەكونوميكاسىنىڭ، قوعامىنىڭ تاماشا دامۋ تەبىنىن ساقتاپ، جاپپاي دوڭگەلەك داۋلەتتى قوعام ورناتۋ شەشۋشى جەڭىسىنىڭ، كەدەيلىكتەن ارىلتۋدان قامال الۋ شەشۋشى شايقاسىنىڭ نىسانالارى مەن مىندەتتەرىن جۇزەگە اسىراتىن بولامىز!

  (شينحۋا اگەنتتىگىنىڭ 3 - ايدىڭ 15 - كۇنى بەيجيڭنەن بەرگەن حابارى)

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى