”قوس 11دە“ شينجياڭدا ساتىپ الۋ مەن ساتۋ ساۋداسى بىردەي كۇسەت بولدى

كەلۋ قاينارى: شينجياڭ گازەتى تورى   |   جولدانعان ۋاقىتى:2020 - 11 - 19 15:05

  شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 11 - ايدىڭ 11 - كۇنى ۇرىمجىدەن حابارلايدى. 11 - ايدىڭ 11 - كۇنى ساعات نولدەن كەيىن تيانماۋ، جيڭدۇڭ، سۋنيڭ سىندى 3 ءىرى تۇعىر ”ناقتى ناتيجەلەرىن“ دەر كەزىندە ىركەس - تىركەس جاريالاپ، ءارقايسىسى وزدەرىنىڭ ساتۋ رەكوردىن جاڭالادى. بۇكىل ەلمەن ءبىر ۋاقىتتا شينجياڭ بازارى دا ايتاقالسىن بەينە بايقاتىپ، ينتەرنەت جەلىسىندەگى تۇتىنۋدىڭ ارتۋ قارقىنى كورنەكتى بولدى.

  شينجياڭ سۋنيڭ يگوۋ ”ينتەرنەت + دۇكەندەردە بولشەك ساتۋ ۇلگىسىن“ قولدانىپ، تۇتىنۋدى جەبەدى، 11 - ايدىڭ 11 - كۇنى سۋنيڭ يگوۋ دۇكەندەرىن ارالاعان جالپى قاريدار %58 ارتىپ، ساعات 18گە دەيىن شينجياڭ سۋنيڭ يگوۋ دۇكەندەرىنىڭ 70 پايىزىندا ساتۋ كولەمى بىلتىرعى ”قوس 11“ كەزىندەگىدەن اسىپ ءتۇستى. ساعات 18دەن باستاپ، ءارقايسى دۇكەندەر قايتا اينالىپ كەلگەن قاريدارلاردى قارسى الىپ، ءۇي ەلەكتر جابدىقتارىنىڭ ساتىلۋى ۇزدىكسىز ارتتى. ساعات 19عا دەيىن، ءۇي ەلەكتر جابدىقتارى، ءۇي اشەكەيى، قول تەلەفون سياقتىلاردىڭ ساتىلۋى جاندانىپ، سۋنيڭ يگوۋدىڭ ينتەرنەت جەلىسىندەگى جانە جەلىدەن تىسقارعى تاپسىرىس توقتامى سايكەس مەزگىلدەگىدەن %237 ارتتى. سول كۇنگى زات تاسىمال مولشەرى ەڭ جوعارى بولعاندا 70 مىڭ نۇسقاعا جەتىپ، 400 تاسىمال اۆتوكولىگى، 1000نان استام زات جەتكىزۋشى تۇتاس تىزبەكتە سەلبەسىپ شايقاس جاسادى.

  اليبابا جاريالاعان ”قوس 11“ ساندى مالىمەتىندە كورسەتىلۋىنشە، 11 - ايدىڭ 11 - كۇنى شينجياڭدا تۇتىنۋدىڭ ارتۋى تەبىندى بولعان. ساعات 20دان 30 مينۋت وتكەنگە دەيىن ءارقايسى ايماق، وبلىس، قالالاردى تۇتىنۋ مولشەرىنە قاراي رەتكە تۇرعىزعاندا، ءۇرىمجى قالاسى، ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، حوتان ايماعى، بايىنعولين موڭعۇل اۆتونوميالى وبلىسى الدىڭعى 5 ورىندى يەلەدى.

  شينجياڭدىقتار جيڭدۇڭ تۇعىرىندا دا ءبىرتالاي زات ساتىپ الدى. جيڭدۇڭ تۇعىرىنىڭ ساندى مالىمەتىندە كورسەتىلۋىنشە، 11 - ايدىڭ 11 - كۇنى شينجياڭنىڭ ساتىپ الۋ قۋاتى بۇكىل ەل بويىنشا 27 - ورىندى يەلەپ، ساۋدا سوماسى سايكەس مەزگىلدەگىدەن كورنەكتى ارتىپ، ءوتىمدى تاۋارلار بويىنشا الدىڭعى 5 ورىندا قول تەلەفون، ءۇي ەلەكتر جابدىقتارى، كومپيۋتەر، كەڭسە بۇيىمدارى، ءۇي جيھازدارى، سيفرلى جابدىقتار تۇرعان. ساتىپ الۋ قۋاتى ەڭ كۇشتى ايماق، وبلىس، قالالار ءۇرىمجى قالاسى، سانجى وبلىسى، ىلە وبلىسى، بايىنعولين وبلىسى، شىحىزى قالاسى بولعان. ابونيتتەردىڭ باس سۋرەتىنە قاراعاندا، ابونيتتەردىڭ ىشىندە ايەلدەر %47تى، 35 جاستان تومەنگىلەر %67تى يەلەگەن.

  ساندى مالىمەتتە كورسەتىلۋىنشە، شينجياڭدىقتار جەرگىلىكتى تۇرمىستىق جانە ساياحاتتاۋ، جول جۇرۋگە ارنالعان تاۋارلاردى ەڭ كوپ ساتىپ الىپ، ساۋدا سوماسى سايكەس مەزگىلدەگىدەن 3 ەسە ارتقان. ەرەكشە اۋىل شارۋاشىلىق ونىمدەرىنىڭ سىرتقا ساتىلۋى جاعىندا تاۋىق ەتى، انار، سارىمساق، جەمجەمىل، ۋسارىمساق قاتارلىلار الدىڭعى ورىندى يەلەدى، مۇنىڭ ىشىندە تاۋىق ەتىنىڭ ساۋدا سوماسى سايكەس مەزگىلدەگىدەن 9.33 ەسە ارتتى، وزگە اۋىل شارۋاشىلىق ەرەكشە ونىمدەرىنىڭ ساتىلۋ مولشەرىنىڭ ارتۋى دا اسا كورنەكتى بولدى.

  سونىمەن بىرگە، شينجياڭنىڭ كونە تانىمال ماركالارى وتە قارسى الۋعا بولەندى. نييا قىزىل اراعىنىڭ ساۋدا سوماسى سايكەس مەزگىلدەگىدەن %200 ارتسا، تۇنحى ماركالى قىزاناق ونىمدەرىنىڭ ساۋدا سوماسى سايكەس مەزگىلدەگىدەن %176 ارتتى، حوتان شىلانى، مايچۇي - ىر سيىر ءسۇتى، بولكا، شيحۋ سىراسىنىڭ ساتىلۋ مولشەرى دە كورنەكتى ارتتى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى