مەملەكەت ءتوراعاسى شي جينپيڭ 2021 - جىلعى جاڭا جىلدى قۇتتىقتاۋ ءسوزىن سويلەدى

كەلۋ قاينارى: شينجياڭ گازەتى   |   جولدانعان ۋاقىتى:2021 - 01 - 05 11:43

جاڭا جىل قارساڭىندا، مەملەكەت ءتوراعاسى شي جينپيڭ ورتالىق راديو - تەلەۆيزيا باس ستانسياسى جانە ينتەرنەت ارقىلى 2021 - جىلعى جاڭا جىلدى قۇتتىقتاۋ ءسوزىن سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 12 - ايدىڭ 31 - كۇنى بەيجيڭنەن بەرگەن حابارى. جاڭا جىل قارساڭىندا، مەملەكەت ءتوراعاسى شي جينپيڭ ورتالىق راديو - تەلەۆيزيا باس ستانسياسى جانە ينتەرنەت ارقىلى 2021 - جىلعى جاڭا جىلدى قۇتتىقتاۋ ءسوزىن سويلەدى. ءسوزدىڭ تولىعى تومەندەگىدەي:

كوپشىلىك، سالەمەتسىزدەر مە! 2021 - جىلدىڭ قادامى بارعان سايىن تاياپ كەلەدى، مەن بەيجيڭدە كوپشىلىككە جاڭا جىل بايلانىسىمەن ىزگى تىلەك تىلەيمىن!

   2020 - جىل وزگەشە جىل بولدى. توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا، ءبىز حالىقتى بارىنەن جوعارى قويىپ، ءومىردى بارىنەن جوعارى قويىپ، ادامدار اراسىنداعى ۇلى سۇيىسپەنشىلىكتى ءتۇسىندىرىپ، ەل بىرلىگىنەن بەرىك قامال تۇرعىزىپ، قاجىماس قايسارلىقپەن ىندەتكە قارسى اتتانۋدىڭ تاريحي داستانىن جازدىق. قيىندىقتاردى بىرگە جەڭگەن كۇندەردە، كەرەعار جاعدايدا ساپارعا اتتانعان ايبىندى ارىن، مويىماس تاباندىلىق كورسەتتىك، بەينەتتى دە، زەينەتتى دە بىرگە وتكەرەتىن جاۋاپكەرشىلىك ارقالادىق، ەشتەڭەدەن تايسالمايتىن قاھارماندىق قۇرباندىق بەردىك، ءوزارا قارايلاساتىن اسەرلى ىستەر ىستەدىك. اق حالاتتى پەرىشتەلەردەن حالىق پەرزەنت اسكەرلەرىنە، عىلمي زەرتتەۋ قىزمەتكەرلەرىنەن الەۋمەتتىك اۋماق قىزمەتكەرلەرىنە، ەرىكتىلەردەن ينجەنەريا قۇرىلىسشىلارىنا، اق سامايلى قارتتاردان ”90 - جىلداردىڭ تۇلەكتەرى“، ”2000 - جىلداردىڭ تۇلەكتەرى“ سىندى جاس بۋىندارعا دەيىن، سانسىزداعان ادام ومىرلەرىمەن بورىش ارقالاپ، سۇيىسپەنشىلىكتەرىمەن ءومىردى قورعاپ، زارەدەي كۇش ارقىلى تەلەگەي كۇش توپتاپ، ءومىردى قورعاۋدىڭ قۇرىش قورعانىن تۇرعىزدى. ادىلەت جولىندا ەشتەڭەدەن تايىنبايتىن جاندار، جۇرەكتەر مەن تىلەكتەر جالعاسقان كۇش ۇلاۋلار، ەرەك اسەرلى كورىنىستەر ىندەتكە قارسى اتتانۋ ۇلى رۋحىن جاندى تۇردە ايگىلەدى. قاراپايىمدىلىق ۇلىلىقتى سومدايدى، قاھارمان حالىقتان شىعادى. بارلىق ادام كەرەمەت! باقىتقا قارسى جۇعىمدالعان بارلىق ناۋقاستاردان حال سۇرايمىن! بارلىق قاراپايىم قاھارماندارعا قۇرمەت بىلدىرەمىن! ۇلى وتانىم مەن حالقىمدى ماقتانىش ەتەمىن، تالماي الۋەتتەنەتىن ۇلت رۋحىمەن ماقتانامىن!

  قيىندىق بولسا، قايسارلىق ايگىلەنەدى؛ شىڭدالۋ بولسا، بارلىعى ورىندالادى. ءبىز ىندەتتىڭ ىقپالىن جەڭىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋدا كەلەلى تابىستارعا قول جەتكىزدىك. ”13 - بەسجىلدىق“ تولىق اياقتالدى، ”14 - بەسجىلدىق“ جالپى بەتتىك كەسكىندەلدى. جاڭا دامۋ ارناسى جەدەل قالىپتاسۋدا، جوعارى ساپالى دامۋ ىشكەرىلەي اتقارىلۋدا. ەلىمىز دۇنيە جۇزىندەگى نەگىزگى ەكونوميكالىق تۇلعالار اراسىندا وڭ ارتۋدى الدىمەن جۇزەگە اسىردى، 2020 - جىلى ىشكى ءوندىرىس جالپى ءونىم قۇنىنىڭ 100 تريلليون يۋاندىق جاڭا ساتىعا كوتەرىلەتىندىگى كۇتىلۋدە. استىق وندىرىسىندە ءۇرتىس 17 جىل مول ونىمگە قۋانىشپەن قول جەتكىزدىك. ”تيانۋىن − 1“، ”چاڭ - ى − 5“، ” كۇرەسكەر“ سياقتى عىلمي بارلاۋلاردا كەلەلى سەرپىلىستەر بولدى. حاينان ەركىن ساۋدا پورتىنىڭ قۇرىلىسى قارىشتاپ ورىستەتىلدى. ءبىز اۋىر تاسقىن اپاتىنا قارسى تۇردىق، قالىڭ ارميا مەن حالىق جاپا - ماشاقات، حاۋىپ - قاتەردەن قورىقپاي، ءبىر نيەتپەن سەلبەسىپ تاسقىنعا قارسى اتتانىپ، اپاتتان قۇتقارىپ، زياندى ەڭ تومەنگى شەككە قۇلشىنا ءتۇسىردى. مەن 13 ولكە، رايون، قالادا قىزمەت تەكسەرگەندە كوپشىلىكتىڭ ىندەتتەن ساقتانۋ شارالارىن مۇقيات، ەگجەي - تەگجەيلى تياناقتاندىرىپ، ۋاقىت ۇتا جۇمىستى، ءوندىرىستى قالپىنا كەلتىرىپ، بار كۇشپەن جاڭالىق اشىپ جاسامپازدىق جاراتقاندىعىن، جۇڭحۋانىڭ بايتاق دالاسى وزىنە سەنىپ، ءوزىن الۋەتتەندىرىپ، ارىنى ارتىپ، ۋاقىتپەن جارىسقان، تىرشىلىك تىنىسى جالىنداعان كورىنىس جارىققا شىققاندىعىن سۇيىنە كوردىم.

  2020 - جىلى جاپپاي دوڭگەلەك داۋلەتتى قوعام ورناتۋدا ۇلى تاريحي جەتىستىكتەرگە قول جەتتى، كەدەيلىكتەن ارىلتۋدان قامال الۋدىڭ شەشۋشى شايقاسىندا شەشۋشى سيپاتتى جەڭىسكە قول جەتتى. ءبىز اۋىر كەدەيلىك قامالىنا جالپى شابۋىل جاساپ، ەڭ ماشاقاتتى تۇيىندەردى شەشتىك. 8 جىل ۋاقىتپەن قازىرگى ولشەمدەگى 100 ميلليونعا تاياۋ اۋىل - قىستاقتاعى كەدەي حالىقتىڭ بارلىعى كەدەيلىكتەن ارىلدى، 832 كەدەي اۋداننىڭ بارلىعى كەدەيلىك قالپاعىن الدى. وسى جىلداردا مەن بۇكىل ەلدەگى 14 شوعىرلى تۇتاسقان ەرەكشە كەدەي وڭىرگە باردىم، اۋىلداستاردىڭ يۇيگۇڭنىڭ تاۋدى كوشىرگەن جىگەرلى ارىنى، كەدەيلەردى سۇيەمەلدەۋشى قالىڭ كادرلاردىڭ ىقىلاستى ۇلەسى ءار ۋاق وي - سانامدا ءجۇردى. ءبىز العان بەتتەن قايتپاي، تىڭعىلىقتى تۇردە قايراتتانا ىستەپ، اۋىل - قىستاقتى گۇلدەندىرۋدىڭ كوركەم كارتيناسىن قۇلشىنا سالىپ، بىرگە بايۋ نىساناسىنا قاراي نىق قاداممەن العا ىلگەرىلەۋىمىز كەرەك.

  بيىل ءبىز شىنجىن قاتارلى ەكونوميكالىق ەرەكشە رايوندار قۇرىلعاندىعىنىڭ 40 جىلدىعىن، شاڭحاي پۋدۇڭدى يگەرۋ، اشۋدىڭ 30 جىلدىعىن سالتاناتپەن قارسى الدىق. كوكتەم سامالى ەسكەن نانحاي جاعاسىندا، كورىكتى حۋاڭپۋجياڭ بويىندا تۇرىپ بويىمدى سان الۋان اسەر بيلەدى، الدىمەن جۇرگىزىپ، الدىمەن سىناق ەتۋ ۇلگى كورسەتىپ جەتەكشىلىك ەتۋگە اينالدى، جاڭالىق اشۋ جونىندە ىزدەنىس جاساۋ جاڭالىق اشۋ ارقىلى جەتەكشىلىك ەتۋگە اينالدى. رەفورما جاساۋ، ەسىك اشۋ دامۋ كەرەمەتتەرىن جارىققا شىعاردى، الداعى ۋاقىتتا اناعۇرلىم كۇشتى ارىنمەن رەفورمانى تەرەڭدەتىپ، ەسىكتى ايقارا اشىپ، اناعۇرلىم كوپ ”كوكتەم حيكايالارىن“ جازۋىمىز كەرەك.

  اقيقات جولى كوپكە ورتاق، الەم اياسى ءبىر شاڭىراق. ءبىر جىلدان بەرگى بوران - شاشىندى باستان وتكەرىپ، ءبىز ادامزات تاعدىرلاس ورتاق تۇلعاسىنىڭ ءمانىن ءارقانداي مەزگىلدەگىدەن دە اناعۇرلىم شىنايى سەزىندىك. مەن حالىقاراداعى جاڭا، كونە دوستارمەن تالاي رەت تەلەفوندا سويلەسىپ، تالاي رەت ”بۇلت ماجىلىستەرگە“ قاتىناستىم، سوندا ەڭ كوپ تىلگە العانىم ءبىر جاعادان باس، ءبىر جەڭنەن قول شىعارۋ، ىنتىماقتاسىپ ىندەتكە قارسى اتتانۋ بولدى. ىندەتتەن ساقتانۋ - تىزگىندەۋدىڭ مىندەتى اۋىر، جولى الىس. دۇنيە جۇزىندەگى ءار ەل حالىقتارى قول ۇستاسىپ، قيىندىقتى بىلەك بىرىكتىرە جەڭىپ، ىندەتتىڭ تۇنەگىن ەرتەرەك سەيىلتىپ، اناعۇرلىم كوركەم جەر شارى مەكەنىن قۇلشىنا قۇرىپ شىعۋى كەرەك.

   2021 - جىل − جۇڭگو كوممۋنيستىك پارتياسى دۇنيەگە كەلگەندىگىنىڭ 100 جىلدىعى. 100 جىلدىق ساپار قۇلاشىن كەڭگە جايدى، 100 جىلدىق اۋەلگى ماقسات بەكەمدەلە ءتۇستى. شاڭحايداعى شىكۋمىننان جياشيڭداعى نانحۋ كولىنە دەيىن، كىشكەنتاي قىزىل قايىق حالىقتىڭ ماڭىزدى تاپسىرماسىن، ۇلتتىڭ ءۇمىتىن الىپ، قاتەرلى قايراڭ، اساۋ تولقىنداردان ءوتىپ، جۇڭگونى نىق قاداممەن الىستارعا جەتۋگە باستايتىن ايبىندى الىپ كەمەگە اينالدى. ماڭگىلىك ۇلى ءىس مۇراتى ءدال 100 جىلدىق كەمەل شاققا تۋرا كەلدى. ءبىز حالىقتى وزەك ەتۋگە تاباندى بولىپ، اۋەلگى ماقساتتى ماڭگى ساقتاپ، بورىشتى ەستە بەرىك ساقتاپ، تولقىن جارا ىلگەرىلەپ، جەلكەن جايا الىسقا اتتانساق، ءسوز جوق، جۇڭحۋا ۇلتىنىڭ ۇلى گۇلدەنۋىن جۇزەگە اسىرا الامىز.

  ”قوس 100 جىلدىقتىڭ“ تاريحي توعىسۋ تۇيىنىندە تۇرمىز، جاپپاي سوتسياليستىك وسىزاماندانعان مەملەكەت قۇرۋ جاڭا ساپارى باستالۋ الدىندا. ساپار ۇزاق، تەك كۇرەس قانا بار. ءبىز كۇرەس ارقىلى تار جول، تايعاق كەشۋلەردەن، قيىن - قىستاۋ جاعدايلاردان وتتىك. ءبىز تاعى دا ۇزدىكسىز كۇرەسىپ، ەرلىكپەن العا ىلگەرىلەپ، اناعۇرلىم نۇرلى بولاشاق جاراتۋىمىز كەرەك!

  ءدال وسى ساتتە اشەكەيلى شامدار جايناپ، سان مىڭ وتباسى باس قوسىپ وتىر. جاڭا جىل كىرۋ الدىندا تۇر، تاۋ - وزەندەرىمىز كورىكتى، ەل امان، جۇرت تىنىش بولسىن! تىنىش تىرشىلىك، باي - باقىتتى زامان بولسىن!

  كوپشىلىككە راقىمەت!

كەلۋ قاينارى

 

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى