اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسى اشىلدى

كەلۋ قاينارى: شينجياڭ گازەتى   |   جولدانعان ۋاقىتى:2021 - 02 - 03 13:08

چىن چۋانگو، شوكىرات زاكىر، شاۋكەت يمىن، ۋاڭ جۇنجىڭ ماجىلىسكە قاتىناسىپ قۇتتىقتادى

نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادى

چىڭ جىنشان باسقاردى، يىلحام سابىر ۇسىنىس جوبا قىزمەتى جاعدايىنان بايانداما جاسادى


  1 - ايدىڭ 31 - كۇنى اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسى شينجياڭ حالىق سارايىندا اشىلدى. سۋرەتتە: ءماجىلىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى حان لياڭ تۇسىرگەن

  انار بۇلت / شينجياڭ گازەتىنىڭ تىلشىلەرى لي ياڭ، ياۋ تۇڭ، ۋاڭ شيڭرۇي 1 - ايدىڭ 31 - كۇنى ۇرىمجىدەن حابارلايدى. 1 - ايدىڭ 31 - كۇنى تۇستەن بۇرىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ءماجىلىسى شينجياڭ حالىق سارايىندا اشىلدى.

  ءماجىلىس زالى دۋماندى، سالتاناتتى بەينەگە شومىپ، ءتوراعالار مىنبەسىنىڭ تورىنە ىلىنگەن جۇڭگو حالىق ساياسي ءماسليحات كەڭەسى گەربى نۇر شاشىپ تۇردى، ونىڭ ەكى جاعىنا بەستەن نارت قىزىل تۋ قويىلدى.

  چىن چۋانگو، شوكىرات زاكىر، شاۋكەت يمىن، ۋاڭ جۇنجىڭ، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، جاڭ چۇنلين، ۋاڭ ميڭشان ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

  اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن، ورىنباسار ءتوراعالارى چىڭ جىنشان، ءجۇرات يمىن، ماعاۋ سەيىتقامزا، جاڭ بو، ءمۇتالىپ وبۇل، كۇڭ شيڭلۇڭ، ياڭ يۇڭ، يىلحام سابىر، ما شيۇڭچىڭ، ابدۇرىقىپ ءتۇمۇرنياز ءتوراعالار مىنبەسىنىڭ الدىڭعى قاتارىنان ورىن الدى.

  اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 4 - ماجىلىسىنە قاتىناسۋعا ءتيىستى مۇشە 505 ادام، ناق قاتىناسقانى 443 ادام، بۇل بەلگىلەنگەن ادام سانىنا ۇيلەسەدى.

  ساعات 10نان 30 مينۋت وتكەندە چىڭ جىنشان ءماجىلىستىڭ اشىلعاندىعىن جاريالادى، بارلىق ادام ورىندارىنان تۇرىپ، مەملەكەت ءانىن شىرقادى.

  ءماجىلىس الدىمەن اۆتونوميالى رايوندىق ساياسي كەڭەس 12 - كەزەكتى كوميتەتى 4 - ءماجىلىسىنىڭ كەڭەستىك تارتىپتەرىن قاراپ ماقۇلدادى.

  نۇرلان ءابىلماجىن اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

  نۇرلان ءابىلماجىن وتكەن ءبىر جىلداعى قىزمەتتى 5 جاقتان قورىتىندىلادى. ول بىلاي دەدى: 2020 - جىل ايرىقشا وزگەشە، توتەنشە ەرەكشە ءبىر جىل بولدى. اۆتونوميالى رايوندىق ساياسي كەڭەس جانە ونىڭ تۇراقتى كوميتەتى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ىنتىماق جانە دەموكراتيا سىندى 2 ۇلكەن تاقىرىپقا تاباندى بولىپ، ارناۋلى كەڭەسۋ قۇرىلىمىندىق ەرەكشەلىگىن كورنەكتىلەندىرىپ، قوس باعىتتا كۇش سالۋ ابزالدىلىعىن ايگىلەپ، اۆتونوميالى رايوندىق پارتكومنىڭ وزەكتى قىزمەتىن ارقاۋ ەتىپ، كەڭەسۋ سىندى نەگىزگى جۇمىستى ناقتىلاندىرىپ، ورتاق تانىمنىڭ نەگىزىن بەكەمدەپ، شينجياڭنىڭ ورنىقتىلىق، دامۋ، رەفورما ىستەرىن ىلگەرىلەتۋ ءۇشىن ماڭىزدى ۇلەس قوستى.

  نۇرلان ءابىلماجىن بىلاي دەپ اتاپ كورسەتتى: بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى، ”14 - بەسجىلدىق“ باستالعان جىل. رايونىمىز ساياسي كەڭەس قىزمەتىن ويداعىداي ىستەۋدە شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسىنىڭ 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، ورتالىقتىڭ ەكونوميكالىق قىزمەت ءماجىلىسىنىڭ، ورتالىقتىڭ ساياسي كەڭەس قىزمەتى ءماجىلىسىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ جانە ماڭىزدى نۇسقاۋلارىنىڭ رۋحىن دايەكتىلەندىرىپ، تياناقتاندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا دامۋ كەزەڭىن دالمە - ءدال يگەرىپ، جاڭا دامۋ ۇستانىمىن ىشكەرىلەي امالياتتا ايگىلەپ، جاڭا دامۋ ارناسىن قالىپتاستىرۋعا دەم بەرىپ، جۇڭگوشا سوتسياليزمگە تاباندى بولۋدى جانە ونى دامىتۋدى ورتاق يدەيالىق - ساياسي نەگىزدى بەكەمدەۋدىڭ ارقاۋى ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋدى، شينجياڭ قىزمەتىنىڭ باس نىساناسىنا قىزمەت وتەۋدى قىزمەتتىڭ نەگىزگى جەلىسى ەتىپ، يدەيا - ساياسي جەتەكشىلىكتى كۇشەيتۋدى، كەڭىنەن ورتاق تانىم ۇيىستىرۋدى وزەكتى بۋىن ەتىپ، ىنتىماق جانە دەموكراتيا سىندى 2 ۇلكەن تاقىرىپقا تاباندى بولىپ، ارناۋلى كەڭەسۋ قۇرىلىمىندىق رولىن ساۋلەلەندىرىپ، نازاردى باس نىساناعا شوعىرلاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدى تىعىز بايلانىستىرا وتىرىپ، مىندەت اتقارىپ، بورىشتى ادا ەتىپ، تىلەك توعىستىرىپ، بىلەك بىرىكتىرىپ، شينجياڭدى زاڭمەن جونگە سالۋدىڭ، شينجياڭدى ىنتىماقتاسا ورنىقتىرۋدىڭ، شينجياڭدى مادەنيەتپەن نارلەندىرۋدىڭ، حالىقتى بايىتىپ شينجياڭدى گۇلدەندىرۋدىڭ، شينجياڭدى باياندى كوركەيتۋدىڭ ۇلى امالياتىنا بەلسەنە ارالاسۋ بارىسىندا تىڭ جاۋاپكەرشىلىك ارقالاپ، جاڭا جاعداي اشۋ كەرەك.

  نۇرلان ءابىلماجىن بىلاي دەپ باسا دارىپتەدى: باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ”ەكى كەلەلى جاعدايدى“ كوكەيدە ساقتاپ، ”مەملەكەتتىڭ ءىرى ىستەرىن“ يگەرىپ، حالىقتى وزەك ەتكەن دامۋ يدەياسىنا تاباندى بولىپ، باياندى تىنىشتىق اۋقىمىن ساقتاۋدىڭ، باياندى جونگە سالۋدىڭ قۋاتتى كۇشىن كەڭىنەن ۇيىستىرىپ، ساياسي ابزالدىلىقتى ساۋلەلەندىرىپ، پارتيانىڭ باسشىلىعىن ساياسي كەڭەستىڭ بارلىق قىزمەتىندە بۇلجىماي تياناقتاندىرىپ، سيپات پەن بەلگىلەنگەن ورىندى يگەرىپ، ارناۋلى كەڭەسۋ قۇرىلىمىنىڭ شينجياڭدى جونگە سالۋ جۇيەسىندەگى ماڭىزدى رولىن تولىق ساۋلەلەندىرىپ، وزەكتى بۋىندى مىقتاپ ۇستاپ، ءبىر نيەتپەن ىنتىماقتاسىپ جاڭا داۋىردەگى جۇڭگوشا سوتسياليستىك شينجياڭ قۇرىپ، شىنايى تۇردە ساياسي كەڭەس ءتۇزىمىنىڭ ابزالدىلىعىن شينجياڭدى جونگە سالۋدىڭ ونىمدىلىگىنە اينالدىرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن جازىپ، جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن ۇزدىك ناتيجەمەن قۇتتىقتاۋ كەرەك.

  يىلحام سابىر اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ تاپسىرۋىمەن، ماجىلىسكە اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 3 - ماجىلىسىنەن بەرگى ۇسىنىس جوبا قىزمەتى جاعدايىنان بايانداما جاسادى. ءبىر جىلدان بەرى قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ءارقايسى ارناۋلى كوميتەتتەر 767 ۇسىنىس جوبا تاپسىرىپ، تەكسەرۋ ارقىلى ونىڭ 668ى ەستەلىككە الىنىپ، بىتىرۋگە تاپسىرىلعان بارلىق ۇسىنىس جوبالار تۇگەلدەي ءبىتىرىلدى.

  اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، بيڭتۋانداعى باسشى جولداستار، مەملەكەتتىك حالىق قۇرىلتايىندا، مەملەكەتتىك ساياسي كەڭەستە مىندەت اتقاراتىن باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى باسشى جولداستار، ت.ب اشىلۋ ماجىلىسىنە قاتىناستى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى