شاۋەشەكتىك كاريا سالىقجان ۇسىنىس بويىنشا بەيجيڭگە بارىپ تۋ شىعارۋدى كوردى

كەلۋ قاينارى: شينجياڭ گازەتى   |   جولدانعان ۋاقىتى:2021 - 06 - 07 09:48

ءوز اۋلاسىندا 12 جىل بويى تاباندىلىقپەن تۋ شىعاردى

شاۋەشەكتىك كاريا سالىقجان ۇسىنىس بويىنشا بەيجيڭگە بارىپ تۋ شىعارۋدى كوردى


  6 - ايدىڭ 1 - كۇنى تاڭەرتەڭ، سالىقجان يمىن اتالى - نەمەرەلى ءۇش ۇرپاق بەيجيڭ تيان - انمىن الاڭىندا مەملەكەت تۋىن شىعارۋ سالتىنا قاتىناستى. سول كۇنى شاۋەشەك قالاسى جاڭا قالا ءمالىسى قارا ءدوڭ الەۋمەتتىك اۋماعىنىڭ تۇرعىنى سالىقجان يمىن ۇسىنىس بويىنشا وتباسىنداعىلارمەن بىرگە بەيجيڭ تيان - انمىن الاڭىندا مەملەكەت تۋىن شىعارۋ سالتىنا قاتىناسادى ءارى مەملەكەت تۋىن قورعاۋشىلار اترەتىندەگى كوماندير - جاۋىنگەرلەرمەن ءوزارا پىكىر اۋىستىرادى.

□ سۋرەتتى انار بۇلت / شينجياڭ گازەتىنىڭ ءتىلشىسى لي رۇي تۇسىرگەن

  انار بۇلت / شينجياڭ گازەتىنىڭ ءتىلشىسى ليۋ شياڭ، ءرايدا 6 - ايدىڭ 1 - كۇنى بەيجيڭنەن حابارلايدى. 6 - ايدىڭ 1 - كۇنى ساعات 4تەن 48 مينۋت، بەيجيڭ تيان - انمىن الاڭى. شارىقتاعان مەملەكەت ءانى اۋەنىمەن بەس جۇلدىزدى قىزىل تۋ العاشقى تاڭ ارايىمەن باياۋ كوتەرىلدى. مەملەكەت تۋى باعاناسى استىندا ءبىر كاريا 2 وسپىرىممەن بىرگە مەملەكەت تۋىنا قاراپ جانارى جاسقا تولىپ تۇر.

  كاريانىڭ ەسىمى سالىقجان يمىن، بيىل 75 جاستا، شاۋەشەك قالاسى جاڭا قالا ءمالىسى قارا ءدوڭ الەۋمەتتىك اۋماعىنىڭ تۇرعىنى. ءوزىنىڭ شاعىن اۋلاسىندا ءار دۇيسەنبى سايىن نەمەسە كەلەلى مەرەكەلەردە سالىقجان نارت قىزىل بەس جۇلدىزدى قىزىل تۋدى شىعارادى. بۇعان 12 جىل بويى تاباندى بولىپ كەلدى.

  سالىقجاننىڭ مەملەكەت تۋىنا دەگەن سۇيىسپەنشىلىگى ەرەكشە. ”60 نەشە جىلدىڭ الدىندا ازاتتىق ارميانىڭ بەلگىلى پايى شاۋەشەككە كەلەدى. العاش كەلە سالعان كەزدە جاتىن ورىن قاجەت بولعاندا مەنىڭ اكە - شەشەم بوس ۇيلەرىن رەتتەپ تازالاپ، ازاتتىق ارميانىڭ جاتۋىنا بەردى“، - سالىقجان ەسكە الىپ، - ”سول مەزگىلدە كەلەلى مەرەكەلەردە نەمەسە ماڭىزدى قيمىلداردا ازاتتىق ارميا اۋلادا مەملەكەت تۋىن شىعاراتىن“، - دەدى.

  كوزى ۇيىرلەسىپ، قۇلاعى ۇيرەنە كەلە، مەملەكەت تۋى سالىقجاننىڭ جۇرەگىندە شەكسىز قاسيەتتى سەزىلدى. سونان بىلايعى كۇندەرى بارعان سايىن جاقسارىپ، مەملەكەتكە دەگەن العىس سەزىمى بارعان سايىن ارتقان سالىقجاندا وتباسىنداعىلارىن باستاپ، مەملەكەت تۋىن شىعارۋ ويى تۋىندايدى.

  2009 - جىلى 10 - ايدىڭ 1 - كۇنى سالىقجان وتباسى قايتا - قايتا ماشىقتانۋ ارقىلى كورشى - قولاڭدارىمەن بىرگە ءوز اۋلاسىندا تۇڭعىش رەت مەملەكەت تۋىن شىعارۋ سالتىن وتكىزدى. جىلدار جىلجىپ، قىس اينالىپ جاز كەلدى، شاعىن اۋلاداعى مەملەكەت تۋىن شىعارۋ سالتى 12 جىل بويى توقتاپ كورگەن ەمەس.

  بۇل كۇندەرى سالىقجان وتباسىنىڭ شاعىن اۋلاسى شاۋەشەك قالا تۇرعىندارىنىڭ ۇلتتار ىنتىماعى تاربيە بازاسىنا، جاستار مەن وسپىرىمدەردىڭ وتانشىلدىق تاربيە بازاسىنا اينالدى. وسى اراعا كەلىپ مەملەكەت تۋىن شىعارۋ سالتىنا قاتىناساتىن كادر - بۇقارا 230 مىڭ ادام - رەتكە جەتتى.

  بيىل 5 - ايدىڭ باسىندا سالىقجاننىڭ 2 نەمەرەسى سابيدەن سالايىدىن مەن الايىدىن سالايىدىن اتالارىنىڭ مەملەكەت تۋىن شىعارۋ حيكاياسى تۋرالى حات جازىپ، تيان - انمىن الاڭىندا مەملەكەت تۋىن شىعارۋعا جاۋاپتى جۇڭگو حالىق ازاتتىق ارمياسى قۇرمەت قاراۋىل ۇلكەن اترەتىنىڭ مەملەكەت تۋىن قورعاۋشىلار اترەتىنە ۇستازى ارقىلى جولداتادى. كەزىندە شاعىن اۋلادا شىعارىلعان مەملەكەت تۋى حاتپەن قوسا جولدانادى.

  بىرنەشە كۇننىڭ الدىندا سالىقجان وتباسى ۇسىنىس بويىنشا جۇڭگو حالىق ازاتتىق ارمياسى قۇرمەت قاراۋىل ۇلكەن اترەتى مەملەكەت تۋىن قورعاۋشىلار اترەتىنىڭ 6 - ايدىڭ 1 - كۇنى بەيجيڭگە كەلىپ، تيان - انمىن الاڭىنداعى مەملەكەت تۋىن شىعارۋ سالتىنا قاتىناسادى ءارى مەملەكەت تۋىن قورعاۋشىلار اترەتىندەگى كوماندير - جاۋىنگەرلەرمەن ءوزارا پىكىر اۋىستىرادى.

  ”اتامىزدىڭ ەڭ ۇلكەن ارمانى − ءبىزدى تيان - انمىن الاڭىنا ەرتىپ بارىپ تۋ شىعارۋدى كورۋ بولاتىن، قازىر ارمانى اقىرى ورىندالدى!“، - دەدى سالىقجاننىڭ قاسىندا تۇرعان سابيدەن مەن الايىدىن تەبىرەنە.

  تۋ شىعارۋ سالتى اياقتاعاننان كەيىن، سالىقجاننىڭ وتباسىنداعىلار مەملەكەت تۋىن قورعاۋشىلار اترەتىنىڭ داڭق بولمەسىنە كەلدى، مەملەكەت تۋىن قورعاۋشىلار اترەتىندەگى جاۋىنگەر الىستان كەلگەن ولارعا بولمەگە تىزىلگەن مەملەكەت تۋلارىنىڭ وزىندىك وزگەشە ءمانىن ءتۇسىندىردى. مۇقيات تىڭداپ تۇرعان سالىقجاننىڭ جانارىنا جاس ىركىلدى.

  سول كۇنى حاتپەن بىرگە جولدانعان، كەزىندە سالىقجان وتباسىنىڭ شاعىن اۋلاسىندا شىعارىلعان مەملەكەت تۋى دا رەسمي تۇردە مەملەكەت تۋىن قورعاۋشىلار اترەتىنىڭ داڭق بولمەسىنە قابىلداندى.

  ”بۇل ءبىزدىڭ وتباسىمىز جونىنەن العاندا ەڭ ۇمىتىلماس ءسات، جۇڭگولىق بولعانىمدى ەرەكشە ماقتانىش ەتەمىن، ابىروي سانايمىن!“، سالىقجاننىڭ سوزدەرى ەكپىندى ەستىلدى، ”اۋىلعا قايتقاننان كەيىن، وتانشىلدىق رۋحتى جالعاستىرىپ، بەس جۇلدىزدى قىزىل تۋدى شاعىن اۋلامدا ماڭگى جەلبىرەتەمىن“.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى