اۆتونوميالى رايوندىق تاڭداۋلى كوممۋنيستىك پارتيا مۇشەلەرىن جانە اۆتونوميالى رايوندىق وزات نەگىزگى ساتى پارتيا ۇيىمدارىن ماداقتاۋ - سيلاۋ جونىندەگى قارارى

كەلۋ قاينارى: شينجياڭ گازەتى   |   جولدانعان ۋاقىتى:2021 - 06 - 21 12:28

(2021 - جىلى 5 - ايدىڭ 21 - كۇنى)

  پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويىپ، باس شۋجي شي جينپيڭ ءوزى ورنالاستىرىپ، ءوزى باس بولىپ، ءوزى شايقاستى قاداعالاپ، ادامزات تاريحىنداعى كولەمى ەڭ زور، تەبىنى ەڭ كۇشتى، تيىمدىلىك جەتكىزەتىن حالىق سانى ەڭ كوپ كەدەيلىكتەن ارىلتۋدان قامال الۋ حالىقتىق شايقاسىن ۇيىمداستىرىپ اتقارىپ، مۇلدە كەدەيلىكتى جويۋ سىندى ماشاقاتتى مىندەتتى ورىنداپ، تاريح بەتىندە ايشىقتالعان دۇنيە كەرەمەتىن جاراتتى! باس شۋجي شي جينپيڭنىڭ شىنايى قامقورلىعىندا، تىكەلەي قولباسشىلىعىندا، پارتيا ورتالىق كوميتەتىنىڭ پارمەندى باسشىلىعىندا اۆتونوميالى رايوندىق پارتكوم بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى، بۇقارانى ىنتىماقتاستىرىپ جانە باستاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال ارىلتۋ نەگىزگى جالپى جوباسىن ىشكەرىلەي تياناقتاندىرىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، ”التى دالمە - دالگە“ تاباندى بولىپ، ”جەتى ءبىر توپتى“، ”ءۇش سەرپىندى ارتتىرۋدى“ تىڭعىلىقتى ىلگەرىلەتىپ، بار قايراتپەن شايقاسقا شىعىپ، قامال الۋعا بەل بۋىپ، ءبىر - بىرلەگەن كەدەيلىك ىشىندەگى كەدەيلىكتى، قامال ىشىندەگى قامالدى الىپ، بۇكىل رايونداعى قازىرگى اتقارىلىپ وتىرعان ولشەمنەن تومەنگى 3 ميلليون 64 مىڭ 900 اۋىل - قىستاق كەدەي حالقى تۇگەلدەي كەدەيلىكتەن ارىلىپ، 3666 كەدەي قىستاق تۇگەلدەي كەدەيلىك تىزىمىنەن شىعارىلىپ، 35 كەدەي اۋدان تۇگەلدەي كەدەيلىك قالپاعىن الىپ تاستاپ، كەدەيلىكتەن ارىلعان وڭىرلەردىڭ بارلىق جەرىندە تاۋلى اۋىلداردا وراسان زور وزگەرىس تۋىلعان، بايتاق ءوڭىر ماقپالداي تۇرلەنگەن ايبىندى ءداۋىر كارتيناسى جارىققا شىقتى!

  كەدەيلىكتەن ارىلتۋدان قامال الۋ سىندى ءتۇتىنسىز شايقاس مايدانىندا بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى پارتيانىڭ ۇندەۋىنە باتىل ءۇن قوسىپ، بورىشتارىن وتەۋگە جالىندى ارىنمەن اتتانىپ، ارەكەتتەرى ارقىلى ۋادەلەرىن ورىنداپ، شىن كوڭىلدەرىمەن بۇقارا ءۇشىن ىستەدى، بار ىنتالارىن سالىپ، توسقاۋىلداردان تايسالماي ءوتىپ، ەڭبەك ءسىڭىرىپ، ناتيجە شىعاردى. قالىڭ پارتيا مۇشەلەرى كەدەي بۇقارامەن جۇپ قۇراپ، تۋىس بولىپ، كەدەيلىكتەن ارىلتۋدان قامال الۋدىڭ ءبىرىنشى شەبىندەگى پارتيا مۇشەلەرى اۋىل - قىستاقتاردا تاپجىلماي تۇرىپ، ۇلكەن شاڭىراق ءۇشىن ءوز مۇددەلەرىن قيىپ، كەدەي بۇقارانى ەڭ جاقىن ادامى ساناپ، ولارمەن بىرگە تاماقتانىپ، بىرگە تۇرىپ، بىرگە ۇيرەنىپ، بىرگە ەڭبەك ىستەپ، قۇلشىنىستارى مەن اقىل - پاراساتتارى ارقىلى كەدەيلىكتىڭ تامىرىن قيىپ، كۇش - قۋاتتارى مەن اشتى تەرلەرى ارقىلى بايۋ جولىن جاسادى. نەگىزگى ساتى پارتيا ۇيىمدارى جاۋىنگەر قورعاندىق رولدارىن تولىق ساۋلەلەندىرىپ، پارتيا قۇرىلىسىن يگەرۋ ارقىلى كەدەيلىكتەن ارىلتۋدى جەبەدى، ماڭىزدى جاۋاپكەرشىلىكتى ءبىلىپ، ماڭىزدى جاۋاپكەرشىلىكتى ارقالاپ، دالمە - ءدال شارا قولدانىپ، قامال الىپ، قيىندىقتاردى جەڭىپ، ۇيىستىرۋ قۋاتى، جاۋىنگەرلىك قۋاتى، اتقارۋ قۋاتى كورنەكتى كۇشەيدى؛ پارتيا قۇرىلىسىن يگەرۋ ارقىلى جاڭا سالتقا جەتەكتەپ، كەدەيلىكتەن ارىلعان ءار ۇلت بۇقاراسىنىڭ رۋحاني بەت - بەينەسى مۇلدە جاڭارىپ، قوس قولىنا سۇيەنىپ باقىتتى تۇرمىسقا جەتۋ سىندى قايراتتانا العا باسۋ رۋحى داعدىعا اينالىپ، ”سۋ ىشكەندە قۇدىق قازۋشىنى ۇمىتپاۋ، كەدەيلىكتەن ارىلعاندا كوممۋنيستىك پارتيانى ۇمىتپاۋ“ سىندى العىس ايتۋ سۇيىسپەنشىلىگى الپەتتەرىنەن اڭعارىلدى.

  كەدەيلىكتەن ارىلتۋدان قامال الۋ بارىسىندا جارىققا شىققان تاڭداۋلى كوممۋنيستىك پارتيا مۇشەلەرى مەن وزات نەگىزگى ساتى پارتيا ۇيىمدارىن ماداقتاپ - سيلاپ، بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى، بۇقارانى كەدەيلىكتەن ارىلتۋدان قامال الۋ رۋحىن بار كۇشپەن اسقاقتاتىپ، العان بەتتەن قايتپاي، ەرلىكپەن العا ۇمتىلىپ، ۇزدىكسىز كۇرەس جاساۋعا شابىتتاندىرۋ ءۇشىن، اۆتونوميالى رايوندىق پارتكوم گۇلنار توقتاسىن قاتارلى 496 كوممۋنيستىك پارتيا مۇشەسىنە ”شينجياڭ ۇيعۇر اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن بەرۋدى، ما جيانپيڭ قاتارلى 4 كوممۋنيستىك پارتيا مۇشەسىنە ”شينجياڭ ۇيعۇر اۆتونوميالى رايوندىق تاڭداۋلى كوممۋنيستىك پارتيا مۇشەسى“ اتاعىن تولىقتاپ بەرۋدى، قۇلجا اۋدانى قاراعاش اۋىلى قازانشى قىستاعى پارتيا ياچەيكاسى سياقتى 500 نەگىزگى ساتى پارتيا ۇيىمىنا ”شينجياڭ ۇيعۇر اۆتونوميالى رايوندىق وزات نەگىزگى ساتى پارتيا ۇيىمى“ اتاعىن بەرۋدى ۇيعاردى. ماداقتالىپ - سيلانعان پارتيا مۇشەلەرى مەن پارتيا ۇيىمدارىنىڭ داڭقتى قاستەرلەپ، كۇش ۇستىنە كۇش قوسىپ، ۇلگىلىك، باستاماشىلدىق رولدارىن قاي - قاشان دا ساۋلەلەندىرىپ، پارتيا مەن حالىق ىستەرى ءۇشىن تىڭ دا اناعۇرلىم زور ۇلەس قوسۋىن ءۇمىت ەتەمىز. اۆتونوميالى رايوندىق پارتكوم مىناعان ۇندەدى: بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار، بۇقارا وزات تيپتەردى ۇلگى ەتىپ، ۇيرەنۋدە باسەكەلەسىپ جانە باسىپ وزىپ، جاقسىدان ونەگە الىپ، وزاتتاردان ۇيرەنۋ بارىسىندا ءوز دەڭگەيلەرىن جوعارىلاتىپ، وزاتتارعا تۋرالانۋ بارىسىندا ۇزدىكسىز كۇرەس جاساپ، وزاتتىققا ۇمتىلۋ بارىسىندا داڭققا قول جەتكىزۋلەرى كەرەك.

  كەدەيلىكتەن ارىلتىپ، كەدەيلىك قالپاعىن الىپ تاستاۋ سوڭعى كومبە ەمەس، قايتا جاڭا تۇرمىستىڭ، جاڭا كۇرەستىڭ باستاماسى. ءبىز جاڭا ءداۋىردىڭ جاڭا تاريحي باستاماسىندا تۇرمىز، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىنا ارشىندى قاداممەن اياق باسۋدامىز. بۇكىل رايونداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار، بۇقارا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ۇستاپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، كەدەيلىكتەن ارىلتۋدان قامال الۋ رۋحىن كەدەيلىكتەن ارىلتۋدان قامال الۋ جەتىستىكتەرىن بەكەمدەۋدەگى، كەڭەيتۋدەگى، اۋىل - قىستاقتى گۇلدەندىرۋدى جاپپاي ىلگەرىلەتۋدەگى ناقتى ارەكەتكە اينالدىرىپ، قولايلى جاعدايدان ۇتىمدى پايدالاناتىن، جالعاستىرا كۇرەس جاسايتىن بەرىك سەنىمگە اينالدىرىپ، جۇرت تىلەگىن جۇمىلدىراتىن، ەل رايىن ۇيىستىراتىن قۇدىرەتتى قوزعاۋشى كۇشكە اينالدىرىپ، اناعۇرلىم اسقاق جىگەرمەن، كوكىرەك كەرنەگەن ىنتامەن، تاسقىنداعان قايراتپەن ءورىس اشا العا ۇمتىلىپ، قايراتتانا ءىس تىندىرىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋ ءۇشىن قاجىماي كۇرەس جاساۋ كەرەك.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى