عاسىرلىق شۇعىلالى تابىستار جاراتىپ، بولاشاقتىق ۇلى ىستەردى جازايىق (باسماقالا)

كەلۋ قاينارى: حالىق تورابى   |   جولدانعان ۋاقىتى:2021 - 07 - 02 02:44

− جۇڭگو كوممۋنيستىك پارتياسى قۇرىلعانىنىڭ 100 جىلدىعىن قىزۋ قۇتتىقتايمىز

  ءبىر عاسىر بوران - شاشىندى باستان وتكەرىپ، سامۇرىق تاعى دا بيىككە سامعادى. جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارى ءساتتى باستالعان ماڭىزدى ساتتە ءبىز جۇڭگو كوممۋنيستىك پارتياسىنىڭ عاسىرلىق مەرەي تويىن قارسى الدىق. وسى كەلەلى تاريحي كەزەڭدە تۇرىپ، وتكەن كۇرەس جولىنا قايىرىلا قاراپ، الدىڭعى شەپتەگى العا باسۋ جولىنا كوز جىبەرسەك، كوڭىلىمىز تولقىپ، جىگەرىمىز تاسقىندايدى!

  1921 - جىلدان 2021 – جىلعا دەيىن، عاسىرلىق شۇعىلالى تابىستارعا قول جەتكىزدىك. پارتيا قۇرىپ جەر - كوكتى ءدۇر سىلكىندىرۋدەن جاڭا جۇڭگونى قۇرىپ جەر - كوكتى وزگەرتۋگە دەيىن، رەفورما جاساپ، ەسىك اشىپ جەر - كوكتى ءدۇر سىلكىندىرەرلىك ناتيجە جاراتۋعا دەيىن، ونان پارتيانىڭ 18 - قۇرىلتايىنان بەرى پارتيا مەن مەملەكەت ىستەرىندە تاريحي تابىستارعا قول جەتكىزىپ، تاريحي وزگەرىستەر تۋدىرعانعا دەيىن، جۇڭگو كوممۋنيستىك پارتياسى اۋەلگى ماقساتتان، بورىشتان جازباي، حالىقتى ىنتىماقتاستىرىپ جانە باستاپ، «دۇنيە ءجۇزىن تامساندىرعان» دامۋ جەتىستىكتەرىن جاراتىپ، ادامزاتتىڭ دامۋ تاريحىنداعى ۇلى حيكىمەتتەردى جازدى، سوتسياليستىك جۇڭگو اناعۇرلىم ايبىندى بەينەمەن دۇنيە ءجۇزىنىڭ شىعىسىندا ەڭسە كوتەرىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.

  1921 - جىلدان 2021 – جىلعا دەيىن، شۇعىلالى عاسىردى باسىپ ءوتتى. شىكۋمىننەن تيان - انمىنعا دەيىن، كاسىپتى وركەندەتۋ جولىنان گۇلدەنۋ جولىنا دەيىن، شاعىن قىزىل قايىقتان الىپ كەمەگە دەيىن، جۇڭگو كوممۋنيستىك پارتياسى جاپا - ماشاقاتتى، شۇعىلالى كۇندەردى باستان كەشىرىپ، كۇن سايىن جاڭالانعان قازىرگى تاڭعا كەلىپ، نۇرلى بولاشاققا بەت الىپ، ەڭ ۇلكەن سوتسياليستىك مەملەكەتتە 70 نەشە جىل بيلىك جۇرگىزگەن، 95 ميلليوننان استام مۇشەسى بار دۇنيە جۇزىندەگى ەڭ ۇلكەن ماركستىك بيلىكتى پارتياعا دامىپ، ءبىر ميلليارد 400 ميلليوننان استام جۇڭگو حالقىنىڭ ەڭ كەڭ كولەمدى قولداۋى مەن جاقتاۋىنا يە بولدى.

  1921 - جىلدان 2021 – جىلعا دەيىن، 100 جىل بويى قۇلاشىن كەڭ جايدى. جۇڭگو حالقىنىڭ باقىتىن كوزدەۋ ءارى ادامزاتتىڭ العا باسۋ ىستەرىن جەبەۋ جولىندا كۇرەس جۇرگىزگەن جۇڭگو كوممۋنيستىك پارتياسى دۇنيە ءجۇزىنىڭ ۇلى بىرلىگىن كوزدەۋ سىندى دۇنيە جۇزىلىك سۇيىسپەنشىلىكتەن جازباي، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتتىڭ ورتاق قۇندىلىقتارىنان جازباي، ادامزاتتىڭ تاعدىرلاس ورتاق تۇلعاسىن قۇرۋدى بەلسەنە ىلگەرىلەتىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، دۇنيە ءجۇزى دامۋىنىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، ادامزات ماسەلەسىن شەشۋگە جۇڭگونىڭ اقىل - پاراساتى مەن جۇڭگو جوباسىن ارناپ، ادامزات وركەنيەتى مەن العا باسۋ ىستەرىنە كورنەكتى ۇلەس قوستى.

  باس شۋجي شي جينپيڭ بىلاي دەپ ىشكەرىلەي اتاپ كورسەتكەن بولاتىن: پارتيامىزدىڭ تاريحى − جۇڭگونىڭ تاياۋ زاماننان بەرگى تاريحىنداعى ەڭ اسەرلى داستان، تاريح حالىقتىڭ ىزدەنىسى مەن كۇرەسى بارىسىندا جۇڭگو كوممۋنيستىك پارتياسىن سومدادى، پارتيامىز حالىقتى ىنتىماقتاستىرىپ جانە باستاپ، ۇزاق تاريحقا يە جۇڭحۋا وركەنيەتىنىڭ جاڭا تاريحي شۇعىلاسىن جاراتتى». 100 جىلدىق ۇزدىكسىز كۇرەس بارىسىندا جۇڭگو كوممۋنيستىك پارتياسى حالىقتى ىنتىماقتاستىرىپ جانە باستاپ، ۇلى جول اشىپ، ۇلى ەڭبەك ءسىڭىرىپ، ۇلى رۋحتى سومداپ، قۇندى تاجىريبەلەر توپتاپ، جۇڭحۋا ۇلتىنىڭ دامۋ تاريحىندا، ادامزات قوعامىنىڭ العا باسۋ تاريحىندا ادامدى تاڭ قالدىراتىن كەرەمەتتەر جاراتتى.

  بۇل − اسا ماشاقاتتى، جىگەرى اسقاق ايبىندى ەپوس. دۇنيە جۇزىندە ءبىز سياقتى وسىنشاما كوپ تار جول، تايعاق كەشۋلەرگە تاپ بولىپ، وسىنشاما كوپ ءومىر مەن ءولىم سىناقتارىن باستان كەشىرىپ، وسىنشاما كوپ ايانىشتى قۇرباندىق بەرگەن پارتيا جوق. 100 جىلدان بەرى ءتۇرلى قيىنشىلىقتار مەن سىن - سايىسقا توتەپ بەرۋ بارىسىندا پارتيامىز كۇشتى جاۋدان قورىقپاي، حاۋىپ - قاتەردەن تايسالماي، باتىلدىقپەن كۇرەس جۇرگىزىپ، باتىلدىقپەن جەڭىسكە جەتىپ، حالىقتى ىنتىماقتاستىرىپ جانە باستاپ، قاراماققا قامال الۋعا بولمايتىنداي قيىن وتكەلدەردەن قامال الىپ، قاراماققا مۇمكىن ەمەستەي ۇلى جەڭىستەرگە قول جەتكىزدى. 100 جىلدىق كۇرەس ارقىلى ءبىز نەشە مىڭ جىلدىق فەودالدىق قوعام تاريحىنا يە مەملەكەتتە ەڭ كەڭ كولەمدى حالىق دەموكراتياسىن جۇزەگە اسىردىق. حالىق شىن مانىندە مەملەكەتتىڭ، قوعامنىڭ جانە ءوز تاعدىرىنىڭ قوجاسىنا اينالدى؛ ءبىز بىرىنشىدەن كەدەي، ەكىنشىدەن اق بولۋ نەگىزىندە ەكونوميكا مەن قوعامنىڭ تەز قارقىنمەن دامۋ كەرەمەتىن جاراتتىق، نەشە ون جىل ۋاقىت جۇمساپ دامىعان ەلدەر نەشە ءجۇز جىلدا باسىپ وتكەن ونەركاسىپتەنۋ بارىسىن تامامدادىق، دۇنيە جۇزىندەگى ەكىنشى ۇلكەن ەكونوميكالىق تۇلعاعا اينالدىق، مەملەكەتتىڭ جالپىلىق قۋاتى، عىلىم - تەحنيكا قۋاتى، مەملەكەت قورعانىسى قۋاتى، مادەنيەت ىقپالى، حالىقارالىق ىقپالى كورنەكتى جوعارىلادى؛ ەلىمىز حالقىنىڭ تۇرمىسى ىشەر اس، كيەر كيىمگە جارىماۋدان جاپپاي دوڭگەلەك داۋلەتتى ورەگە جەتتى، تۇتاس تۇلعالىق جاقتان مۇلدەم كەدەيلىكتەن تۇبەگەيلى ارىلىپ، دۇنيە جۇزىندەگى ورتاشا كىرىستەگى حالىق سانى ەڭ كوپ مەملەكەتكە اينالدىق؛ ەلىمىز قوعامنىڭ ۇزاق ۋاقىت ورنىقتى بولۋ كەرەمەتىن جاراتتى، قوعامنىڭ جاراسىمدىلىعى مەن ورنىقتىلىعىن، حالىقتىڭ الاڭسىز تىرشىلىك ەتۋىن ۇزاق ۋاقىت ساقتاپ، حالىقارالىق قوعام جاپپاي مويىنداعان ەڭ حاۋىپسىز ەلدەردىڭ بىرىنە اينالدىق. بۇگىنگى تاڭدا پارتيانىڭ بەت - بەينەسىندە، مەملەكەتتىڭ بەت - بەينەسىندە، حالىقتىڭ بەت - بەينەسىندە، ارميانىڭ بەت - بەينەسىندە، جۇڭحۋا ۇلتىنىڭ بەت - بەينەسىندە بۇرىن بولماعان وزگەرىستەر تۋىلدى، ۇلى وتانىمىزدىڭ ورنىن شايقايتىن ەشقانداي كۇش، جۇڭگو حالقى مەن جۇڭحۋا ۇلتىنىڭ العا باسۋ اياق الىسىن بوگەي الاتىن ەشقانداي كۇش جوق.

  بۇل − پارتيانىڭ اۋەلگى ماقساتى مەن بورىشىن امالياتتا ايگىلەۋدىڭ شۇعىلالى تاريحى. جۇڭگونىڭ ساياسي ساحناسىنا شىققان ساتتەن باستاپ، پارتيامىز باستان - اياق جۇڭگو حالقىنىڭ باقىتىن، جۇڭحۋا ۇلتىنىڭ گۇلدەنۋىن كوزدەدى. سودان باستاپ جۇڭگو حالقى رۋحاني جاقتان ىرىقسىزدىقتان ىرىقتىلىققا بەت الا باستادى، جۇڭحۋا ۇلتى جاپا - ماشاقاتپەن ۇلى گۇلدەنۋگە بەت الدى. 100 جىلدان بەرى جاعداي مەن مىندەت قالاي وزگەرسە دە، قانداي اساۋ تولقىندارعا جولىقسا دا، پارتيامىز باستان - اياق تاريحي ىرىقتىلىقتى يگەرىپ، كۇرەس نىساناسىن ياكور ەتىپ، دۇرىس بەتالىستى بويلاپ، تاباندىلىقپەن العا باستى. حالىق − بيلىك، پارتيامىزدىڭ بيلىككە قول جەتكىزىپ، بيلىكتى ساقتاي الۋىنداعى تەتىك حالىقتىڭ جۇرەگىنەن ورىن الۋىندا، مۇنداعى ماقساتى − حالىقتى جاقسى تۇرمىسقا كەنەلتۋ. مەيلى قانشالىق ۇلكەن سىن - سايىس پەن قىسىمعا ءدوپ كەلسە دە، قانشالىق زور قۇرباندىق پەن بوداۋ بەرسە دە، بۇل تۇيىننەن تيتتەي دە اۋىتقۋعا بولمايدى. 100 جىلدىق كۇرەس ارقىلى پارتيامىز حالىققا سۇيەنىپ، تاريحي ۇلى ىستەردى جاراتىپ، جۇڭحۋا ۇلتىنىڭ ۇلى گۇلدەنۋىنىڭ نۇرلى بولاشاعىن قارسى الىپ، ءجۇز ميلليونداعان حالىقتى باستاپ اناعۇرلىم باقىتتى، تاماشا تۇرمىستى ۇزدىكسىز جاراتتى. باس شۋجي شي جينپيڭ بىلاي دەپ ىشكەرىلەي اتاپ كورسەتكەن بولاتىن: «پارتيا تاريحىنا قايىرىلا قارايتىن بولساق، نە ءۇشىن پارتيامىز سونشاما ءالسىز جاعدايدا بىرتىندەپ دامىپ، زورايا الدى، قان سۋداي اققان كەزدەردە بىرتە - بىرتە مۇشكىل حالدەن قايتا تىرشىلىككە يە بولا الدى، قيىندىقتان قامال الۋ بارىسىندا جەڭىستەن - جەڭىسكە قول جەتكىزە الدى، مۇنداعى ءتۇبىرلى سەبەپ مەيلى قولايلى جاعدايدا، الدە قولايسىز جاعدايدا بولسىن، پارتيامىز جۇڭگو حالقىن باقىتقا كەنەلتۋ، جۇڭحۋا ۇلتىنىڭ گۇلدەنۋىن جۇزەگە اسىرۋداي وسى اۋەلگى ماقسات پەن بورىشتا باستان - اياق تاباندى بولىپ، وسى نىسانانى بويلاي ادىلەت جولىندا ەشتەڭەدەن تايىنباي العا باسقانىندا، وسى ارقىلى حالىقتىڭ شىن جۇرەكتەن قۇپتاۋى مەن باتىل قولداۋىنا قول جەتكىزە الدى». 100 جىلدىق تار جول، تايعاق كەشۋلەردى باستان وتكەرگەن جۇڭگو كوممۋنيستەرى اۋەلگى ماقساتتان اينىماي، بورىش ارقالاپ، اسقاق جىگەرمەن جاڭا ۇلى جورىقتا ۇدەرە العا تارتتى!

  بۇل − ماركسيزمدى جۇڭگوشالاندىرۋدىڭ، داۋىرگە ۇيلەستىرۋدىڭ، جالپىعا بەيىمدەۋدىڭ ۇلى بارىسى. تاياۋ زامانعى جۇڭگونىڭ ەڭ قاتەرلى ساتىندە، جۇڭگو كوممۋنيستەرى ماركسيزم - لەنينيزمدى تاپتى ءارى ماركسيزم - لەنينيزمدى جۇڭگونىڭ ءىس جۇزىندىگىمەن ۇشتاستىرۋدا تاباندى بولىپ، ماركسيزم اقيقاتىنىڭ كۇشى ارقىلى جۇڭحۋا ۇلتىنىڭ نەشە مىڭ جىلدان بەرى جاراتقان ۇلى وركەنيەتىن جانداندىرىپ، جۇڭحۋا وركەنيەتىنىڭ تاعى دا قۇدىرەتتى رۋحاني كۇش جاراتۋىنا مۇمكىندىك جاسادى. 100 جىلدان بەرى ماركسيزم جۇڭگوعا تەرەڭ وزگەرىس جاسادى، جۇڭگو دا ماركسيزمدى بارىنشا بايىتتى. پارتيامىز يدەيانى ازات ەتۋ مەن شىندىقتى ءىس جۇزىنەن ىزدەۋدىڭ بىرلىگىندە، نەگىزدى بەكەمدەۋ مەن تۋراشىلدىقتى ساقتاپ، جاڭالىق اشۋدىڭ بىرلىگىندە تاباندى بولىپ، ماركسيزمنىڭ جاڭا ءورىسىن ۇزدىكسىز اشىپ، ماۋ زىدۇڭ يدەياسىن، دىڭ شياۋپيڭ نازارياسىن جاراتىپ، «ۇشكە ۋاكىلدىك ەتۋ» ماڭىزدى يدەياسىن، عىلمي دامۋ كوزقاراسىن قالىپتاستىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاراتىپ، پارتيا مەن حالىق ىستەرىنىڭ دامۋىنا عىلمي نازاريالىق جەتەكشىلىك ازىرلەدى. پارتيامىزدىڭ تاريحى − ماركسيزمنىڭ جۇڭگوشالانۋىن ۇزدىكسىز ىلگەرىلەتەتىن تاريح، نازاريادا جاڭالىق اشۋدى ۇزدىكسىز ىلگەرىلەتىپ، نازاريالىق جاسامپازدىق جاراتاتىن تاريح. بۇگىنگى تاڭدا ماركسيزم 21 - عاسىرداعى جۇڭگودا تىڭ ومىرشەڭدىك كۇشكە يە بولدى، 21 - عاسىرداعى جۇڭگونىڭ ماركسيزمى اناعۇرلىم قۇدىرەتتى، اناعۇرلىم يلاندىرارلىق اقيقات كۇشىن ايگىلەۋدە!

  بۇل − ىرگە قالاپ، شارۋاشىلىق قۇرىپ، بولاشاق اشۋدىڭ ايبىندى جورىعى. ۇلتتىڭ تاۋەلسىزدىگى مەن حالىقتىڭ ازاتتىعىن، مەملەكەتتىڭ قۇدىرەتتەنۋىن جانە حالىقتىڭ باقىتىن جۇزەگە اسىرۋ ءۇشىن، جۇڭگو كوممۋنيستەرى ادىلەت جولىندا ەشتەڭەدەن تايىنباي، العان بەتىنەن قايتپاي، ۇزدىكسىز كۇرەس جۇرگىزدى. 100 جىلدان بەرى پارتيامىز حالىقتى ىنتىماقتاستىرىپ جانە باستاپ، 30 جىلعا جۋىق ۋاقىتتا جاڭا دەموكراتيالىق توڭكەرىستى ورىنداپ، جاڭا جۇڭگو قۇردى، جۇڭگو حالقى سودان باستاپ ەڭسە كوتەردى؛ پارتيامىز حالىقتى ىنتىماقتاستىرىپ جانە باستاپ، سوتسياليستىك توڭكەرىس پەن قۇرىلىس نەگىزىندە 40 نەشە جىل ۋاقىت جۇمساپ رەفورما جاساپ، ەسىك اشىپ، جاپپاي دوڭگەلەك داۋلەتتى قوعام قۇرۋدا ۇلى تاريحي تابىستارعا قول جەتكىزىپ، كەدەيلىكتەن ارىلتۋدان قامال الۋ شايقاسىندا جاپپاي جەڭىسكە جەتىپ، ءبىرىنشى 100 جىلدىق كۇرەس نىساناسىن جۇزەگە اسىردى. بولاشاققا كوز جىبەرسەك، 2035 - جىلعا بارعاندا، پارتيامىز حالىقتى ىنتىماقتاستىرىپ جانە باستاپ، سوتسياليستىك وسىزامانداندىرۋدى نەگىزىنەن جۇزەگە اسىرادى، سونداي - اق وسى نەگىزدە تاعى دا 15 جىل كۇرەس جاساپ، وسى عاسىردىڭ ورتا شەنىنە بارعاندا سوتسياليستىك وسىزاماندانعان قۇدىرەتتى ەل قۇرىپ شىعادى. قازىر ەكىنشى 100 جىلدىق كۇرەس نىساناسىنا جورىق جاساۋ دابىلى قاعىلدى، بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا ءداۋىردىڭ ۇلى ساپارىندا بوران - شاشىنعا بوگەلمەي، قايسارلىقپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ سىندى تاريحي ۇلى ارمان جولىندا كۇرەس جۇرگىزۋدە.

  جۇڭگو كوممۋنيستىك پارتياسى قۇرىلعاننان بەرگى 100 جىل − جۇڭگو حالقىنىڭ تاريحي تاعدىرىن تۇبىرىنەن وزگەرتكەن 100 جىل، جۇڭحۋا ۇلتى ۇلى گۇلدەنۋگە قادام تاستاعان 100 جىل، جۇڭگو بۇكىل ادامزاتتىڭ دامۋىنا كورنەكتى ۇلەس قوسقان 100 جىل. جۇڭگو كوممۋنيستىك پارتياسىنىڭ جۇڭگو حالقىن ىنتىماقتاستىرىپ جانە باستاپ باسىپ وتكەن شۇعىلالى تاريحى ىستىق قانمەن، ماڭداي تەرمەن، كوز جاسىمەن جازىلعان، جۇڭحۋا ۇلتىنىڭ دامۋ تاريحىنداعى جاپا - ماشاقاتقا، شۇعىلالى تابىستارعا، بۇراڭدىقتار مەن جەڭىستەرگە، بوداۋلار مەن تابىستارعا تولى ايبىندى داستان. جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قول جەتكىزگەن ۇلى جەڭىسى جۇڭحۋا وركەنيەتىنىڭ وسىزاماندانۋ بارىسىندا قارىشتاپ داميتىن تىڭ ومىرشەڭدىك كۇشكە يە بولۋىنا، عىلمي سوتسياليزمنىڭ 21 - عاسىردا قارىشتاپ داميتىن تىڭ ومىرشەڭدىك كۇشكە يە بولۋىنا، جۇڭحۋا ۇلتىنىڭ قارىشتاپ داميتىن تىڭ ومىرشەڭدىك كۇشكە يە بولۋىنا مۇمكىندىك جاسادى، بۇل − جۇڭگو حالقى مەن جۇڭحۋا ۇلتىنىڭ بۇرىنعىعا مۇراگەر بولىپ، كەيىنگىگە جول اشىپ، ەرلىكپەن العا باسۋىنىڭ رەال نەگىزى.

  اماليات مىنانى تولىق دالەلدەدى: جۇڭگو كوممۋنيستىك پارتياسى − جۇڭگو حالقى مەن جۇڭحۋا ۇلتىنىڭ تىرەگى، تەك جۇڭگو كوممۋنيستىك پارتياسى عانا جۇڭگوعا باسشىلىق ەتە الادى، سوتسياليزم عانا جۇڭگونى قۇتقارا الادى، رەفورما جاساپ، ەسىك اشقاندا عانا جۇڭگونى، سوتسياليزمدى، ماركسيزمدى دامىتۋعا بولادى، جۇڭگوشا سوتسياليزم جولى عانا جۇڭگونى گۇلدەنىپ - كوركەيۋگە، قۇدىرەتتەنۋگە باستاپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرا الادى.

  بۇگىنگى دۇنيە ءجۇزى 100 جىلدا بولماعان زور وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى كەزەڭىندە تۇر، پارتيامىز حالىقتى باستاپ، كوپتەگەن جاڭا تاريحي ەرەكشەلىككە يە ۇلى كۇرەستەر جۇرگىزۋدە، جاعداي، ورتا وزگەرىسىنىڭ تەزدىگى، رەفورما، دامۋ، ورنىقتىلىق مىندەتىنىڭ اۋىرلىعى، قايشىلىق، حاۋىپ - قاتەر، سىن - سايىستىڭ كوپتىگى، پارتيامىزدىڭ ەل باسقارۋ سىناعىنىڭ زور بولۋى بۇرىن بولىپ كورىلمەگەن. ءبىز جۇڭحۋا ۇلتىنىڭ ۇلى گۇلدەنۋىنىڭ شۇعىلاسى الدا، بولاشاعى نۇرلى ەكەنىن ابدەن بىلەمىز، ءبىراق بۇل استە جەڭىلتەكتىكپەن، قۇر ايعاي - سۇرەنمەن جۇزەگە اسپايدى، ءبىز تاپتىرماس ورايعا دا، قاتاڭ سىنعا دا ءدوپ كەلىپ وتىرمىز. «ەكى 100 جىلدىق» تاريحي توعىسۋ تۇيىنىندە تۇرىپ، 100 جىلدىق كۇرەس بارىسىنا قايىرىلا قاراپ، ۇلى گۇلدەنۋدىڭ بولاشاعىنا كوز جىبەرسەك، ۋاقىت پەن جاعداي بىزگە ءتيىمدى، بۇل − ءبىزدىڭ تۇراقتىلىعىمىز بەن جىگەرىمىزدىڭ تياناعى، بەكىمىمىز بەن سەنىمىمىزدىڭ دە تياناعى.

  باس شۋجي شي جينپيڭ بىلاي دەپ اتاپ كورسەتكەن بولاتىن: « جاپپاي دوڭگەلەك داۋلەتتى قوعام ورناتۋ، ءبىرىنشى 100 جىلدىق كۇرەس نىساناسىن جۇزەگە اسىرۋ جۇڭگو كوممۋنيستىك پارتياسىنىڭ كۇرەس تاريحىندا، جاڭا جۇڭگونىڭ دامۋ تاريحىندا، جۇڭحۋا ۇلتىنىڭ وركەنيەت تاريحىندا بەلەستىك ماڭىز الادى. سونىمەن بىرگە، ءبىز، ءسوز جوق، مىنانى جىعا تانۋىمىز كەرەك، بۇل − ءبىزدىڭ جۇڭحۋا ۇلتىنىڭ ۇلى گۇلدەنۋىنە قاراي تاستاعان شەشۋشى ءبىر قادامىمىز عانا، ءبىز استە داندايسىماۋىمىز، توقمەيىلسىمەۋىمىز، العا باسپاي توقىراپ قالماۋىمىز، ۇزدىكسىز كىشپەيىل، بايسالدى بولىپ، داندايسۋدان، ۇشقالاقتىقتان ساقتانۋىمىز، ۇزدىكسىز قاجىرلىلىقپەن كۇرەس جۇرگىزىپ، قايتپاس قايسار جىگەرمەن العا ۇمتىلىپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ءۇشىن قايراتتانا، ايانباي شايقاسىپ، ادامزاتتىڭ بەيبىتشىلىگى مەن دامۋى سىندى اسقاق ىستەر ءۇشىن ۇزدىكسىز تىڭ، اناعۇرلىم زور ۇلەس قوسۋىمىز كەرەك!» جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ءورىس اشا ىلگەرىلەۋدە، ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ماركسيزمگە، كوممۋنيزمگە دەگەن سەنىمدى كۇشەيتىپ، جۇڭگوشا سوتسياليزم جونىندەگى سەنىمدى كۇشەيتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ سەنىمىن كۇشەيتىپ، اۋەلگى ماقساتتى، بورىشتى ەستە بەرىك ساقتاپ، «ەكى بولسىندا» تاباندى بولىپ، ستراتەگيالىق تۇراقتىلىقتى ساقتاپ، تاۋقىمەت تانىمىن كۇشەيتىپ، كۇرەس رۋحىن ساقتاپ، جۇمىلدىرۋعا بولاتىن بارلىق بەلسەندى فاكتوردى جۇمىلدىرىپ، ىنتىماقتاسۋعا بولاتىن بارلىق كۇشپەن ىنتىماقتاسىپ، داعدارىس بارىسىندا ورايدى الدىمەن يگەرىپ، وزگەرىس بارىسىندا جاڭا جاعداي جاراتىپ، ءوز ءىسىمىزدى بار كۇشپەن جاقسى ىستەپ، تاريحتىڭ دۇرىس جاعىندا تۇرىپ، ەكىنشى 100 جىلدىق كۇرەس نىساناسىنا قاجىماي - تالماي جەڭىسپەن جورىق جاساپ، «ەمتيحان بەرۋدىڭ» سەرگەكتىگى مەن تاباندىلىعى ارقىلى جاڭا ءداۋىردىڭ ەمتيحانىنا ويداعىداي جاۋاپ بەرىپ، دۇنيە ءجۇزىنىڭ جالپى اۋقىمىنا ۇيلەسۋ بارىسىندا جۇڭحۋا ۇلتىنىڭ بولاشاقتىق ۇلى ءىسىن جازۋ كەرەك.

  ۇزاق ساپاردا كۇرەس جۇرگىزۋگە عانا تۋرا كەلەدى. ءبىز كۇرەس جۇرگىزۋ ارقىلى بوگەتتەردى بۇزىپ، اسقار تاۋلاردى باسىپ وتتىك. ءبىز ۇزدىكسىز كۇرەس جاساپ، ەرلىكپەن العا باسىپ، اناعۇرلىم شۇعىلالى تابىستار جاراتۋىمىز كەرەك. بولاشاقتىق ۇلى ءىستى كوكەيدە ساقتاۋ عاسىرلىق كەمەل شاققا تۋرا كەلدى. پارتيامىز باستان - اياق ءداۋىر اعىمىنىڭ ەڭ الدىڭعى لەگىندە، قيىندىقتاردى جەڭۋدىڭ ەڭ الدىڭعى شەبىندە، قالىڭ حالىق اراسىندا تۇرسا بولعانى، ءسوز جوق، ماڭگى جەڭىلمەس ورىندا تۇرادى. جاڭا ۇلى جورىقتا بۇكىل پارتيا، بۇكىل ەلدەگى ءار ۇلت حالقى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، اۋقىمعا قاراي العا ۇمتىلىپ، ءورىس اشا ىلگەرىلەپ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا قاجىماي - تالماي كۇرەس جۇرگىزۋى كەرەك!

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى