جۇڭگو كوممۋنيستىك پارتياسى 100 جىلدىق ۇلى بارىستا ۇزدىكسىز دامىدى، زورايدى

كەلۋ قاينارى: شينجياڭ گازەتى   |   جولدانعان ۋاقىتى:2021 - 07 - 02 02:51

 پارتيا مۇشەسى 95 ميلليون 148 مىڭ نەگىزگى ساتى پارتيا ۇيىمى 4 ميلليون 864 مىڭ بولدى

  جۇڭگو كوممۋنيستىك پارتياسى 100 جىلدىق ۇلى بارىستا ۇزدىكسىز دامىدى، زورايدى

  باستان - اياق قاۋلاعان جالىندى تىرشىلىك تىنىسى مەن ومىرشەڭدىك كۇشىن ساقتادى

  شينحۋا اگەنتتىگىنىڭ 6 - ايدىڭ 30 - كۇنى بەيجيڭنەن بەرگەن حابارى. ورتالىق كوميتەت ۇيىمداستىرۋ ءبولىمىنىڭ ەڭ جاڭا پارتيا ىشىندەگى ساناق ساندى مالىمەتىندە كورسەتىلۋىنشە، 2021 - جىلى 6 - ايدىڭ 5 - كۇنىنە دەيىن، جۇڭگو كوممۋنيستىك پارتياسىنىڭ پارتيا مۇشەلەرى جالپى سانى 95 ميلليون 148 مىڭ، پارتيانىڭ نەگىزگى ساتى ۇيىمدارىنىڭ جالپى سانى 4 ميلليون 864 مىڭ بولعان. 100 جىلدىق بوران - شاشىندى باستان كەشىرىپ، جۇڭگو كوممۋنيستىك پارتياسى شاعىننان زورايىپ، السىزدەن كۇشەيىپ، پارتيا قۇرىلعان كەزدەگى 50 نەشە پارتيا مۇشەسىنەن دامىپ، بۇگىنگى تاڭدا 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام جان سانى بار ءىرى ەلدە ۇزاق ۋاقىت بيلىك جۇرگىزگەن پارتياعا اينالدى.

  پارتيا مۇشەلەرىنىڭ جالپى سانى ورنىقتى ارتتى. بۇكىل مەملەكەتتەگى پارتيا مۇشەلەرىنىڭ جالپى مولشەرى 2019 - جىلدىڭ سوڭىمەن سالىستىرعاندا %3.5 ارتقان، 1949 - جىلى جاڭا جۇڭگو قۇرىلعان كەزدەگى 4 ميلليون 488 مىڭنان 20 ەسەگە جۋىق ارتقان. 2020 - جىلى 1 - ايدىڭ 1 - كۇنىنەن 2021 - جىلى 6 - ايدىڭ 5 - كۇنىنە دەيىن 4 ميلليون 739 مىڭ پارتيا مۇشەسى قابىلدانعان. جۇڭگو كوممۋنيستىك پارتياسىنىڭ 100 جىلدىعىن سالتاناتپەن قۇتتىقتاۋ قارساڭىندا، ءارقايسى جاقتاعى العاباسارلار پارتياعا كىرۋگە جابال ءوتىنىش بەرىپ، بيىل الدىڭعى جارتى جىلدا، بۇكىل ەل بويىنشا جاڭادان 2 ميلليون 312 مىڭ پارتيا مۇشەسىن قابىلداعان. پارتيانىڭ قوسىنىنا كوپتەگەن جاڭا قان قوسىلىپ، پارتيانىڭ قۋاتتى تىرشىلىك تىنىسى مەن ومىرشەڭدىگىن ايگىلەپ، پارتيا ىستەرىنىڭ تولىقسىعان، كوركەيىپ - گۇلدەنگەن جاعدايىن اڭعارتتى.

  پارتيا مۇشەلەرىنىڭ قوسىن قۇرىلىمى ۇزدىكسىز ساپالىلاندى. جاس پارتيا مۇشەلەرى ۇزدىكسىز ارتتى. 35 جاس جانە ودان تومەنگى پارتيا مۇشەسى 23 ميلليون 679 مىڭ بولىپ، جالپى پارتيا مۇشەسىنىڭ %24.9ىن ۇستاپ، 2019 - جىلدىڭ سوڭىمەن سالىستىرعاندا 0.7 پايىز جوعارىلاعان. مادەنيەت دەڭگەيى كورنەكتى جوعارىلادى. جوعارى تەحنيكۋم جانە ودان جوعارى وقۋ ماعلۇماتىنا يە پارتيا مۇشەسى 49 ميلليون 513 مىڭ بولىپ، جالپى پارتيا مۇشەسىنىڭ %52.0ىن ۇستاعان. ايەل پارتيا مۇشەلەرىنىڭ، از ۇلت پارتيا مۇشەلەرىنىڭ سالىستىرماسى ۇزدىكسىز جوعارىلادى. جاڭا جۇڭگو قۇرىلعان العاشقى مەزگىلمەن سالىستىرعاندا، ايەل پارتيا مۇشەلەرىنىڭ ۇستايتىن سالىستىرماسى %11.9تەن %28.8كە جوعارىلاپ، جالپى مولشەرى 27 ميلليون 450 مىڭ بولعان. از ۇلت پارتيا مۇشەلەرىنىڭ ۇستايتىن سالىستىرماسى %2.5تەن %7.5كە جوعارىلاپ، جالپى مولشەرى 7 ميلليون 135 مىڭ بولىپ، بۇكىل مەملەكەتتەگى 55 از ۇلتتىڭ بارىندە بەلگىلى مولشەردە پارتيا مۇشەلەرى بار بولعان. پارتيانىڭ تاپتىق نەگىزى مەن بۇقارالىق نەگىزى ۇزدىكسىز بەكەمدەلدى، زورايدى. جۇمىسشىلار مەن شارۋالار ءالى دە پارتيا مۇشەلەرى قوسىنىنىڭ نەگىزگى تۇلعاسى بولىپ، جالپى پارتيا مۇشەلەرىنىڭ %33.9ىن ۇستاپ، سانى جاڭا جۇڭگو قۇرىلعان كەزدەگىنىڭ 11.6 ەسەسىندەي بولعان. پارتيا مۇشەلەرى قوسىنىندا، كاسىپورىن، ءىسورىنداردىڭ، قوعامدىق ۇيىمداردىڭ باسقارۋشىلارى 10 ميلليون 612 مىڭ بولىپ، %11.2تى ۇستادى، كاسىپتىك، تەحنيكالىق قىزمەتكەرلەر 15 ميلليون 75 مىڭ بولىپ، %15.8تى ۇستادى.

  پارتيانىڭ ۇيىمدىق جۇيەسى كۇن سايىن بەكەمدەلدى. بۇكىل مەملەكەتتە پارتيانىڭ ءار دارەجەلى جەرگىلىكتى كوميتەتىنەن جالپى 3199ى بار، مۇنىڭ ىشىندە، ولكە (رايون، قالا) كوميتەتىنەن 31ى، قالا (وبلىس) كوميتەتىنەن 397سى، اۋدان (قالا، رايون، حوشۇن) كوميتەتىنەن 2771ى بار؛ پارتيا باسشىلىق گرۋپپاسىنان 125 مىڭ، قىزمەت كوميتەتىنەن 22 مىڭ بار. پارتيانىڭ نەگىزگى ساتى ۇيىمى جاڭا جۇڭگو قۇرىلعان كەزدەگى 195 مىڭنان 4 ميلليون 864 مىڭعا جەتىپ، 24 ەسەگە جۋىق ارتقان. بۇكىل مەملەكەتتە 8942 قالا ءمالى باسقارماسى، 30 مىڭ اۋىل - قالاشىق، 113 مىڭ الەۋمەتتىك اۋماق (تۇرعىندار كوميتەتى)، 492 مىڭ اكىمشىلىك قىستاق تۇگەلدەي پارتيا ۇيىمىن قۇرعان. بۇكىل مەملەكەتتە ورگان نەگىزگى ساتى پارتيا ۇيىمىنان جالپى 742 مىڭى، ءىسورىن نەگىزگى ساتى پارتيا ۇيىمىنان 933 مىڭى، كاسىپورىن نەگىزگى ساتى پارتيا ۇيىمىنان ءبىر ميلليون 513 مىڭى، قوعامدىق ۇيىمدارداعى نەگىزگى ساتى پارتيا ۇيىمىنان 162 مىڭى بار بولىپ، قۇرۋعا تيىستىلەرىن تۇگەلدەي قۇرۋدى نەگىزىنەن جۇزەگە اسىردى.

  نەگىزگى ساتى پارتيا ۇيىمدارىنىڭ جاۋىنگەر، قورعاندىق رولى مەن پارتيا مۇشەلەرىنىڭ اۆانگارد ۇلگىلىك رولى تولىق ساۋلەلەندى. 100 جىلدان بەرى جۇڭگو كوممۋنيستىك پارتياسى ۇقساماعان تاريحي مەزگىلدەگى وزەكتى مىندەتتى ارقاۋ ەتۋگە تاباندى بولىپ، ۇيىم قۇرىلىسىن كۇشەيتىپ، ۇيىمدىق باسىمدىقتى ساۋلەلەندىرىپ، پارتيا ىستەرى قاي جەرگە دەيىن دامىسا، ۇيىمدىق قۇرىلىستى سول جەرگە دەيىن جەتكىزۋگە، پارتيا ۇيىمى مەن پارتيا مۇشەلەرىنىڭ رولىن سول جەرگە دەيىن ساۋلەلەندىرۋگە شىنايى كەپىلدىك ەتتى. پارتيا 18 - قۇرىلتايىنان بەرى بۇكىل مەملەكەت بويىنشا جالپى 255 مىڭ قىستاقتا تۇراتىن قىزمەت اترەتىن، 3 ميلليوننان ارتىق قىستاق ءبىرىنشى شۋجيى مەن قىستاقتا تۇراتىن كادردى تاڭداپ جىبەرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋگە دەم بەردى؛ 3 ميلليون 306 مىڭ نەگىزگى ساتى پارتيا ۇيىمىن، 39 ميلليون 144 مىڭ پارتيالى كادردى جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋگە ات سالىسۋعا ۇيىمداستىرىپ، اتتانىسقا كەلتىردى. جەر سىلكىنىسىنە قارسى اتتانىپ، اپاتتان قۇتقارۋ، تاسقىننان ساقتانۋ، تاسقىنعا قارسى اتتانۋ، ورنىقتىلىقتى قورعاپ، توسىن جاعدايدى ءبىر جاقتى ەتۋ، توسىن تۋىلعان الەۋمەتتىك وقيعالارعا توتەپ بەرۋ سياقتى شۇعىل، قيىن، حاۋىپتى، اۋىر مىندەتتەر بارىسىندا، نارت قىزىل پارتيا تۋى باستان - اياق ەلەۋلى شايقاستىڭ نەگىزگى شەبى مەن نەگىزگى ساتىنىڭ ءبىرىنشى شەبىندە اسقاق جەلبىرەدى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى