بارلىق ادامنىڭ ىستەيتىن جۇمىسى، كۇن سايىن كىرىسى بار

كەلۋ قاينارى: شينجياڭ گازەتى   |   جولدانعان ۋاقىتى:2021 - 09 - 09 05:09

باقىتتى تۇرمىستى ەڭبەكشىل قوس قولىمەن جاراتتى، جايتەرەك قىستاعىندا −

  بارلىق ادامنىڭ ىستەيتىن جۇمىسى، كۇن سايىن كىرىسى بار

  انار بۇلت / شينجياڭ گازەتىنىڭ ءتىلشىسى حان چين - يان


  9 - ايدىڭ 5 - كۇنى جايتەرەك قىستاعىنداعى دوستىق شاڭىراعى شارۋالار شاتتىعى ساياجايىنىڭ داياشىلارى قوناقتارعا تاماق تاسۋدا. □ سۋرەتتى انار بۇلت / شينجياڭ گازەتىنىڭ ءتىلشىسى ازات يۇسۇپجان تۇسىرگەن

  جوسپارلى، رەتتى سالىنعان بەيقۇت ءۇي، قىستاققا، وتباسىلارعا دەيىن جەتكىزىلگەن اسفالت جول، ەمحانا، بالاباقشا، مادەنيەت ءۇيى ءبار - ءبارى تولىق... بۇگىنگى كۇندەگى جايتەرەك قىستاعىنىڭ كوركى كوز تارتىپ قالماستان، ءاربىر ارمان ارقالاعان قىستاق تۇرعىندارىنىڭ ءبارى ەڭبەكشىل قوس قولدارىمەن وزىنە ءتان باقىتتى تۇرمىستارىن جاراتۋدا.

  9 - ايدىڭ 5 - كۇنى ساعات 11 مولشەرىندە ياركەن اۋدانى ياركەن ءمالىسى جايتەرەك قىستاعىنىڭ جۇمىستاندىرۋ كۇشەسىندە ادامدار قايشالىسىپ، ساۋدا دۇكەندەرى قاربالاستىققا ءتۇستى.

  مەيليمىن تىگىنشىلىك دۇكەنىنىڭ ايەل قوجايىنى رابيحان ابىلەز جايراڭداعان جۇزبەن تولاسسىز كەلىپ جاتقان قاريدارلاردى قارسى الدى. ”قازىر تۇرمىسىمىز بارعان سايىن جاقسارۋدا“. 49 جاستاعى رابيحان كۇلىمسىرەپ بىلاي دەدى: ”كۇيەۋىم مەن ۇلىم تاياۋ ماڭدا كەزدەمە دۇكەنىن اشادى، ساۋدالارى دا وتە جاقسى“.

  ”وتباسىمىزداعى 3 جان بۇرىن تەك بىرنەشە مۋ جەرگە عانا سۇيەنىپ تۇرمىس كەشىرەتىنبىز. قازان باسىنان اينالىپ شىقپاۋشى ەدىك، قازىر مەنىڭ ءوزىم قىزىعاتىن جۇمىسىم بار“. تىگىن ماشيناسىنىڭ الدىندا وتىرعان دۇكەن قىزمەتكەرى رايحانگۇل مامەت بىلاي دەدى: ”مەن وسى جۇمىسىمنان اي سايىن ەڭ از بولعاندا 2000 يۋان اقشا تابامىن. پارتيانىڭ ابزال ساياساتى ءبىزدىڭ باقىتتى تۇرمىسقا تالپىنىسىمىزدى رەلدىققا اينالدىردى“.

  ءبىر ادامنىڭ بايۋى بايۋ ەمەس، كوپشىلىك تۇگەل بايىسا عانا بايۋ ەسەپتەلىنەدى. اتاعىن ەستىپ كەلگەن قاريدارلاردىڭ بارعان سايىن مولايۋىنا بايلانىستى، رابيحان قىستاقتاعى قىزمەتى جوق وتباسى ايەلدەرىن وزىمەن بىرگە جۇمىس ىستەۋگە شابىتتاندىردى، دۇكەندەگى تىگىن ماشيناسى العاشقى 5تەن قازىر 25كە جەتتى، قىزمەتكەرلەر دە العاشىنداعى 5 ادامنان 17 ادامعا كوبەيدى.

  ميليمىن تىگىنشىلىك دۇكەنىنەن ونشا الىس ەمەس جەردە ءتاباسسۇم اجارلاندىرۋ دۇكەنى بار. قاريدار كەلگەنىن بايقاپ، دۇكەن قوجايىنى ءابيبام مۇسا كۇلىمسىرەي تۇرىپ قارسى الدى.

  ءابيبام بارلىق قىزدار سياقتى جاراتىلىسىنان سۇلۋلىقتى سۇيەدى، ول وسى جىلدارى قىستاقتاعى بىرتىندەپ بايىپ كەلە جاتقان اپەكە - سىڭلىلەرىن كورىپ، قالاعا بارىپ اجارلاندىرۋ بۇيىمدارىن ساتىپ الۋ نەمەسە اجارلاندىرۋ ورنىنا بارىپ ءوزىن اجارلاندىرۋ بارىسىندا بۇعان قىزىعىپ، اجارلاندىرۋ دۇكەنىن اشۋ ويىنا كەلەدى.

  ءابيبام بۇرىن اۋدان قالاشىعىنداعى ءبىر اجارلاندىرۋ ورنىندا جۇمىس ىستەپ، ءبىر قىدىرۋ اجارلاندىرۋ تەحنيكاسىن يگەرىپ العان بولاتىن. بيىل 7 - ايدا قىستاق تۇرعىندار كوميتەتىنىڭ كومەگىندە ءابيبامنىڭ ءتاباسسۇم اجارلاندىرۋ دۇكەنى جۇمىس باستايدى.

  ”اۋىل - قىستاق ايەلدەرى دە اسەمدىككە ۇمتىلۋى ءتيىس، مەن اپەكە - سىڭلىلەرىمدى ءتىپتى دە ادەمى ەتىپ اجارلاندىرامىن!“. ءابيبام بىلاي دەدى: بۇل كۇندەرى اۋىل - قىستاق ايەلدەرى دە اجارلانۋعا اقشا شىعاراتىن بولدى، دۇكەنىمنىڭ ساۋداسىنىڭ بارعان سايىن جاقساراتىندىعىنا سەنىمدىمىن.

  ءدال تۇس مەزگىلىندە جۇمىستاندىرۋ كوشەسىندەگى دوستىق شاڭىراعى شارۋالار شاتتىعى ساياجايىنا قوناقتار لىق تولدى، قىزعىلت سارى جەيدە كيگەن داياشىلار تىنىم الماي ءجۇزىم سورەسى استىندا وتىرعان قوناقتارعا شاي قۇيىپ، تاماق جەتكىزىپ ءجۇر، شارۋالار شاتتىعى ساياجايىنىڭ قوجايىنى تۇرعۇن وسمان جايدارى بەينەمەن قوناقتارعا ءىلتيپات ەتۋدە.

  ”كۇندە وسىنداي دۋمان بولادى، مەن دە ىشتەي قۋانىشقا شومامىن“. قىزمەت ارەدىگىندە 33 جاستاعى تۇرعۇن كۇلىمسىرەگەن بەينەدە: ”ساۋدامىزدىڭ مۇنشالىق جاقسى بولۋى قىستاق تۇرعىندار كوميتەتىنىڭ كومەگىنەن ايرىلا المايدى“، - دەدى.

  2018 - جىلى تۇرعۇننىڭ دوستىق شاڭىراعى شارۋالار شاتتىعى ساياجايى جۇمىس باستاپ قوناق قابىلداعان بولسا دا، قوناقتاردىڭ كەلۋى سايابىر بولدى. قىستاق كادرلارى مۇنان حابار تاپقاننان كەيىن، ونى شاڭحايعا بارىپ كۋرسقا قاتىناسۋعا تانىستىرادى.

  ”ول جولعى ۇيرەنۋىڭ ناتيجەسى ەرەكشە جاقسى بولدى، مەن تيجارات جۇرگىزۋدىڭ، باسقارۋدىڭ وزىق ادىستەرىن ۇيرەندىم، وي ءورىسىم دە كەڭەيدى. قازىر ءۇيىمنىڭ ساۋداسى بارعان سايىن جاقساردى، ءبىر جىلدا 100 مىڭ يۋاننىڭ ۇستىندە اقشا تابامىن“. تۇرعۇن قۋانىشپەن بىلاي دەدى: ”ءوزىمنىڭ تۇرمىسىم جاقساردى، مەن اۋىلداستارىمدى بىرگە بايۋعا باستايمىن، قازىر 18 قىستاق تۇرعىنى دۇكەنىمدە جۇمىس ىستەيدى“.

  بۇل كۇندەرى جايتەرەك قىستاعى ”كاسىپ سالاسى +شارۋاشىلىق قۇرۋ + ساياحات“ توعىسپالى دامۋ ۇلگىسىن قولدانعاندىقتان، قىستاق تۇرعىندارىنىڭ بارلىعى جۇمىس ىستەيتىن بولدى، تۇتاس قىستاقتاعى 1800دەن استام ەڭبەككۇش ءۇيىنىڭ ماڭىنان ورنىقتى جۇمىستانۋدى جۇزەگە اسىردى. قىستاقتا ءار ءتۇرلى 220 ساۋدا دۇكەنى بار، ساۋداگەرلەردىڭ كۇن سايىن كىرگىزەتىن كىرىسى بار، بىلتىر وتباسىنا تۋرا كەلەتىن تازا كىرىس 30 مىڭ يۋاننان استى.

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى