پارتيانىڭ 100 جىلدىق كۇرەسىنىڭ تاريحي ماڭىزىن جەتە تانيىق

كەلۋ قاينارى: شينجياڭ گازەتى   |   جولدانعان ۋاقىتى:2021 - 11 - 15 11:52

− پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندە

□ حالىق گازەتىنىڭ شولۋشىسى

  100 جىلدان بەرى جۇڭگو كوممۋنيستىك پارتياسى باستان - اياق اۋەلگى ماقسات پەن بورىشتى امالياتتا ايگىلەپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ادامزاتتىڭ دامۋ تاريحىندا ايبىندى دا كوركەم كارتينا كەسكىندەدى، جۇڭحۋا ۇلتىنىڭ ۇلى گۇلدەنۋىندە بۇرىن بولماعان شۇعىلالى بولاشاق جارىققا شىقتى.

  پارتيا 19 - كەزەكتى ورتالىق كوميتەتىنىڭ التىنشى جالپى ءماجىلىسى قاراپ ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارى» پارتيانىڭ 100 جىلدىق كۇرەس بارىسى مەن كەلەلى جەتىستىكتەرىن جان - جاقتى ەسكە الۋ، قورىتىندىلاۋ نەگىزىندە، پارتيانىڭ 100 جىلدىق كۇرەسىنىڭ تاريحي ماڭىزىن اناعۇرلىم كەڭ كوز ايامەن 5 جاقتان قورىتىندىلادى، ياعني پارتيانىڭ 100 جىلدىق كۇرەسى جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتتى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن اشتى، ماركسيزمنىڭ قۇدىرەتتى ومىرشەڭدىك قۋاتىن ايگىلەدى، دۇنيە ءجۇزى تاريحىنىڭ ۇردىسىنە تەرەڭ اسەر ەتتى، ءداۋىردىڭ الدىڭعى لەگىندە جۇرگەن جۇڭگو كوممۋنيستىك پارتياسىن شىڭدادى. بۇل 5 جاقتاعى جيناقتاۋ جۇڭحۋانىڭ بايتاق دالاسىن تياناق ەتۋمەن بىرگە، ادامزاتتىڭ بولاشاعىنا دا كوز جىبەرىپ، جۇڭگو كوممۋنيستىك پارتياسى مەن جۇڭگو حالقىنىڭ، جۇڭحۋا ۇلتىنىڭ قاتىناسىن ايگىلەدى، جۇڭگو كوممۋنيستىك پارتياسى مەن ماركسيزمنىڭ، دۇنيە ءجۇزى سوتسياليزمىنىڭ، ادامزات قوعامىنىڭ دامۋ قاتىناسىن ايگىلەدى، جۇڭگو كوممۋنيستىك پارتياسىنىڭ 100 جىلدىق كۇرەسىنىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ۇلاستىردى.

  100 جىلدان بەرى پارتيا حالىققا باسشىلىق ەتىپ، قۇلاشىن كەڭ جايعان ۇلى كۇرەستى باسىپ ءوتتى، جۇڭگو حالقى قورلانعان، ەزىلگەن، قۇل بولعان تاعدىرىنان تۇبەگەيلى قۇتىلىپ، مەملەكەتتىڭ، قوعامنىڭ جانە ءوز تاعدىرىنىڭ قوجايىنىنا اينالدى، حالىق دەموكراتياسى ۇزدىكسىز دامىدى، ءبىر ميلليارد 400 ميلليوننان استام حالىق جاپپاي دوڭگەلەك داۋلەتتىلىكتى جۇزەگە اسىرىپ، جۇڭگو حالقىنىڭ تاماشا تۇرمىسقا تالپىنىسى ۇزدىكسىز رەالدىققا اينالدى. 100 جىلدان بەرى پارتيا حالىققا باسشىلىق ەتىپ قاجىماي - تالماي كۇرەس جۇرگىزىپ، ۇزدىكسىز العا ۇمتىلىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ دۇرىس جولىن ءساتتى اشتى، جۇڭگو توز - توزى شىعىپ، تارىداي شاشىلعان جاعدايدان وسكەلەڭ بىرلىككە، ۇلتتاردىڭ ىنتىماقتى بولۋىنا، جوقشىلىق پەن دارمەنسىزدىك جايلاۋدان، بىرىنشىدەن كەدەي، ەكىنشىدەن اق بولۋدان جاپپاي دوڭگەلەك داۋلەتتىلىككە، گۇلدەنىپ - كوركەيۋگە، بايىپ - قۇدىرەتتەنۋگە، ىرىقسىزدىقتان، سوققى جەۋدەن، ابدەن قورلىق كورۋدەن دەربەس، ءوز - وزىنە قوجايىن بولۋعا، باتىل دا وزىنە سەنىمدى بولۋعا دەيىن، دامىعان ەلدەر نەشە 100 جىل جۇرگەن ونەركاسىپتەنۋ بارىسىن تەك بىرنەشە 10 جىلدا باسىپ ءوتىپ، ەكونوميكانىڭ تەز قارقىنمەن دامۋى جانە قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتى جاراتتى. 100 جىلدان بەرى پارتيا ماركسيزمدى ءوز تۋىنا جازۋعا تاباندى بولىپ، ماركسيزمدى جۇڭگوشالاندىرۋدى، زامانالاندىرۋدى ۇزدىكسىز ىلگەرىلەتىپ، ادامزات جاراتقان بارلىق تاڭداۋلى وركەنيەت جەتىستىكتەرىن دارقان پەيىلمەن قابىلداپ، ماركسيزمدى جۇڭگوشالاندىرۋدىڭ عىلمي نازارياسى ارقىلى ۇلى امالياتقا جەتەكشىلىك ەتتى، ماركسيزمنىڭ عىلميلىعى مەن اقيقاتتىعى جۇڭگودا تولىق سىننان ءوتتى، ماركسيزمنىڭ حالىقتىق سيپاتى مەن امالياتتىق سيپاتى جۇڭگودا تولىق دايەكتىلەندى، ماركسيزمنىڭ اشىقتىق سيپاتى مەن داۋىرلىك سيپاتى جۇڭگودا تولىق ايگىلەندى. 100 جىلدان بەرى پارتيا جۇڭگو حالقىن باقىتقا كەنەلتۋدى، جۇڭحۋا ۇلتىن گۇلدەندىرۋدى كوزدەۋمەن بىرگە، ادامزاتتىڭ العا باسۋىن كوزدەپ، دۇنيە ءجۇزىنىڭ ۇلى بىرلىگىنە ۇمتىلىپ، ءوزىن تىنباي الۋەتتەندىرەتىن كۇرەسپەن دۇنيە ءجۇزى دامۋىنىڭ بەتالىسى مەن اۋقىمىندا تەرەڭ وزگەرىس تۋدىردى، پارتيا حالىققا باسشىلىق ەتىپ، جۇڭگوشا وسىزاماندانۋ جولىمەن ءساتتى ءجۇرىپ، ادامزات وركەنيەتىنىڭ جاڭا فورماتسياسىن جاراتىپ، وركەندەپ كەلە جاتقان ەلدەردىڭ وسىزاماندانۋعا بەت الۋ جولىن كەڭەيتتى، دامۋدى جەدەلدەتۋدى كوكسەپ وتىرعان ءارى ءوزىنىڭ دەربەستىگىن ساقتاعىسى كەلەتىن مەملەكەتتەر مەن ۇلتتارعا شىت جاڭا تالعام ۇسىندى. 100 جىلدان بەرى پارتيا سيپاتىنان، باس ماقساتىنان جازباي، مۇرات - سەنىمنەن اينىماي، اۋەلگى ماقسات پەن بورىشقا تاباندى بولىپ، جۇرەكتىلىكپەن ءوز - وزىنە توڭكەرىس جاساپ، ءولىم مەن ءومىر ارپالىسقان كۇرەس پەن ماشاقاتتى كۇرەس بارىسىندا ءتۇرلى حاۋىپ - قاتەرلەردىڭ سىناعىنان ءوتىپ، وراسان زور قۇرباندىق بەرىپ، ايقىن ساياسي قاسيەتىن شىڭداپ، پارتيا قۇرۋ ۇلى رۋحىن باستاۋ ەتكەن رۋحاني شەجىرەنى قالىپتاستىردى، پارتيانىڭ العاباسارلىعى مەن كىرشىكسىزدىگىن ساقتاپ، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن ۇزدىكسىز جوعارىلاتتى. «قارار» پارتيانىڭ جۇڭگو حالقىنا، جۇڭحۋا ۇلتىنا، ماركسيزمگە، ادامزاتتىڭ العا باسۋ ىستەرىنە، ماركسيزمدىك ساياسي پارتيا قۇرىلىسىنا قوسقان تاريحي ۇلەسىن جان - جاقتى، تەرەڭ، جۇيەلى بايىمداپ، پارتيانىڭ 100 جىلدىق كۇرەسىنىڭ كەلەلى ماڭىزى مەن قۇندىلىقتارىن تەرەڭ اشىپ كورسەتتى.

  جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قول جەتكىزگەن ۇلى جەڭىسى وسىزاماندانۋ ۇردىسىندە جۇڭحۋا وركەنيەتىنىڭ تىڭ دا جالىندى ومىرشەڭدىگىن قاۋلاتتى، عىلمي سوتسياليزمنىڭ 21 - عاسىرداعى تىڭ دا جالىندى ومىرشەڭدىگىن قاۋلاتتى. جۇڭحۋا ۇلتىنىڭ تىڭ دا جالىندى ومىرشەڭدىگىن قاۋلاتتى. بۇگىنگى تاڭدا جۇڭگو حالقى اناعۇرلىم وزىنە سەنىپ، ءوز كۇشىنە سۇيەنىپ، ءوزىن الۋەتتەندىرىپ، جىگەرىن، جالىنىن، ارىنىن بارىنشا كۇشەيتىپ، تاريحي ۇردىستە جيناعان قۋاتتى ەنەرگيانى تولىق ىسكە قوسىپ، بۇرىن بولماعان تاريحي ىرىقتىلىق رۋح، تاريحي جاسامپازدىق رۋح قاۋلاتىپ، جاڭا داۋىردەگى جۇڭگونىڭ دامۋىنىڭ ۇلى تاريحىن اسا مىعىم سەنىممەن جازۋدا. بۇگىنگى تاڭدا جۇڭحۋا ۇلتى دۇنيە جۇزىنە گۇلدەنىپ - كوركەيگەن كەلبەتىن ايگىلەپ، دۇنيەنىڭ شىعىسىندا اسقاق تۇلعاسىمەن بوي كوتەرىپ تۇر. بۇگىنگى تاڭدا ماركسيزمنىڭ جۇڭگوشالانۋى، زامانالانۋى ۇزدىكسىز تابىسقا قول جەتكىزىپ، ماركسيزم دۇنيە جۇزىنە شىت جاڭا وبرازبەن ايگىلەنىپ، دۇنيە ءجۇزى كولەمىندە سوتسياليزم مەن كاپيتاليزم سىندى ەكى ءتۇرلى يدەولوگيانىڭ، ەكى ءتۇرلى قوعامدىق ءتۇزىمنىڭ تاريحي وزگەرىسىندە جانە ولاردىڭ بەلدەسۋىندە سوتسياليزمگە ءتيىمدى ەلەۋلى بۇرىلىس تۋىلدى. بۇگىنگى تاڭدا جۇڭگو كوممۋنيستىك پارتياسى ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، ادامزاتتىڭ ماڭىزدى ماسەلەلەرىن شەشىپ، باياندى بەيبىت، جاپپاي حاۋىپسىز، بىرگە گۇلدەنەتىن، اشىق تا سيىسىمدى، كىرشىكسىز دە كورىكتى دۇنيە ءجۇزىن قۇرۋعا جۇڭگو پاراساتىن، جۇڭگو جوباسىن، جۇڭگو كۇشىن ارناپ، ادامزاتتىڭ دامۋىن، العا باسۋىن ىلگەرىلەتۋدىڭ ماڭىزدى كۇشىنە اينالدى. بۇگىنگى تاڭدا پارتيا 95 ميلليوننان استام پارتيا مۇشەسى بار، ءبىر ميلليارد 400 ميلليوننان استام حالقى بار ءىرى ەلگە باسشىلىق ەتكەن، كەلەلى الەمدىك ىقپالعا يە دۇنيە ءجۇزى بويىنشا ءبىرىنشى ۇلكەن بيلىك باسىنداعى پارتياعا اينالىپ، جۇڭگو حالقىنا باسشىلىق ەتىپ جۇڭگوشا سوتسياليزم جولىندا بوگەۋ بەرمەس ارىنمەن جۇڭحۋا ۇلتىنىڭ ۇلى گۇلدەنۋىنە قاراي قادام تاستاپ، اتى زاتىنا ساي ۇلى، داڭقتى، دۇرىس پارتيا بولدى. ماشاقاتتى دا شۇعىلالى كەشەگى كۇندەردەن ءوتىپ، كۇن سايىن جاڭارىپ، اي سايىن تۇلەجىگەن قازىرگى تاڭدا العا ۇمتىلىپ، جارقىن دا ۇلى بولاشاقتى بەتكە العان جۇڭگو كوممۋنيستىك پارتياسى جۇڭحۋا ۇلتىنىڭ ماڭگىلىك ۇلى ءىسىن ءوز مۇراتى ەتىپ، 100 جىلدىق كەمەل شاعىنا كەلدى!

  جاڭا تاريحي باستامادا وتكەن كۇندەردەگى كۇرەس جولدارىنا ءۇڭىلىپ، الداعى قايراتتانا ۇمتىلۋ جولىنا كوز سالعانىمىزدا، كوڭىلىمىز بۋىرقانا تولقىپ، كوكىرەگىمىزدى ايبىندى مۇرات، اسقاق سەزىم كەرنەيدى. جاڭا داۋىردە كۇرەس جاساپ، جاڭا جورىقتا قايراتتانا ىلگەرىلەگەن بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ءبىر نيەتپەن ىنتىماقتاسىپ، قايسارلىقپەن كۇرەس جۇرگىزىپ، بوران - شاشىنعا بوگەلمەي العا ۇمتىلسا، جاپپاي سوتسياليستىك وسىزاماندانعان قۇدىرەتتى ەل قۇرۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى!

  (شينحۋا اگەنتتىگىنىڭ 11 - ايدىڭ 13 - كۇنى بەيجيڭنەن بەرگەن حابارى)

كەلۋ قاينارى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى