انار بۇلت \ شينجياڭ گازەتىنىڭ ٴتىلشىسى شى شين 1 ـ ايدىڭ 13 ـ كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، 2023 ـ جىلدىڭ سوڭىنا دەيىن، وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسىنىڭ تارباعاتاي ايماعى، التاي ايماعى، ىلە قازاق اۆتونوميالى وبلىسى، بۇراتالا موڭعۇل اۆتونوميالى وبلىسى، اقسۋ ايماعى سىندى 5 نىسانى جۇمىس باستاپ، جالپى 322 كيلومەتر ۇزىندىقتاعى قۇبىر دانەكەرلەنىپ، جىلدىق قۇرىلىس مىندەتى %18 اسىرا ورىندالعان.
وڭتۇستىك، سولتۇستىك شينجياڭدا تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسى _ اۆتونوميالى رايوننىڭ ٴتۇيىندى حالىق تۇرمىسى نىسانى، قۇبىردىڭ جالپى ۇزىندىعى 5000 كيلومەترگە تايايدى. نىسان سالىنىپ بىتكەننەن كەيىن 24 اۋدان، قالاداعى جانە شينجياڭ ٴوندىرىس ـ قۇرىلىس بيڭتۋانىنىڭ 52 تۋان ـ الاڭىنداعى 11 ميلليون حالىققا تيىمدىلىك جەتكىزەدى، شينجياڭنىڭ ەكونوميكالىق، قوعامدىق دامۋىن ىلگەرىلەتۋ، حالىق تۇرمىسىن جاقسارتۋ جانە ەكولوگيالىق ورتانى قورعاۋ جونىنەن ماڭىزدى مانگە يە.
2023 ـ جىلى اۆتونوميالى رايوندىق دامۋ جانە رەفورما كوميتەتى، ەنەرگيا مەكەمەسى قاتىستى ايماق ـ وبلىستارمەن، تاراۋلارمەن جانە جۇڭگو مۇناي ـ تابيعي گاز توبى شەكتى سەرىكتەستىگىنىڭ قۇرىلىسقا قاتىناسقان ورىندارىمەن بىرگە تۇتاس شينجياڭنىڭ ”ٴبىر تور“ جوبا ورنالاسىمىن جۇيەلى جوسپارلاپ، ينجەنەريا قۇرىلىسى جانە جۇمىستى سايكەستىرۋ مەحانيزمىن ورناتىپ، قىزمەت ادىسىندە جاڭالىق اشىپ، كوپ نەگىزدى قارجى قوسۋ تۇلعالارىن ەنگىزىپ، وزەندەردەن كوكتەي وتەتىن تىزگىندەۋ سيپاتتى ينجەنەريانى الدىن الا جوسپارلاپ، نىسانداردى قاداعالاي ىڭعايلاۋدى كۇشەيتىپ، ينجەنەريانى سول جىلى جوسپارعا ەنگىزۋدى، سول جىلى تەكسەرىپ بەكىتۋدى، سول جىلى جۇمىس باستاپ قۇرىلىس جۇرگىزۋدى ىسكە اسىردى.
اۆتونوميالى رايوندىق دامۋ جانە رەفورما كوميتەتى مۇناي ـ تابيعي گاز باسقارماسىنىڭ قاتىستى جاۋاپتىسى بىلاي دەپ تانىستىردى: 2024 ـ جىل نازاردى وڭتۇستىك، سولتۇستىك شينجياڭنىڭ تابيعي گاز جاعىندا حالىققا پايدالى قۇبىردى كەڭەيتىپ سالۋ ينجەنەرياسى قۇرىلىسىنىڭ نىسانا ـ مىندەتتەرىنە ونان ارى شوعىرلاندىرىپ، ٴار جاقتىڭ جاۋاپكەرشىلىگىن ناقتىلاندىرىپ، تارباعاتاي، التاي سياقتى 5 نىساندى سالىپ ٴبىتىپ، وندىرىسكە قوسىپ، جوعارى ساپالى دامۋ جەتىستىكتەرىنىڭ اناعۇرلىم ويداعىداي حالىق تۇرمىسىنا تيىمدىلىك جاساۋىن، جۇرت تىلەگىن ۇيىستىرۋىن ىلگەرىلەتەمىز.