انار بۇلت \ شينجياڭ گازەتىنىڭ ٴتىلشىسى شيە حۇيبيان 1 ـ ايدىڭ 13 ـ كۇنى ۇرىمجىدەن حابارلايدى. اۆتونوميالى رايوندىق عىلىم ـ تەحنيكا مەڭگەرمەسىنەن ۇعىسۋىمىزشا، 2023 ـ جىلى 12 ـ ايدىڭ سوڭىنا دەيىن شينجياڭنىڭ عىلىم ـ تەحنيكالىق ورتا، شاعىن كاسىپورنى 2256عا جەتىپ، سايكەس مەزگىلدەگىدەن %80تەن استام ارتىپ، ەلەكترون جانە ينفورماتسيا، بيولوگيا جانە ٴدارى ـ دارمەك، جاڭا ماتەريال، بايلىق جانە قورشاعان ورتا، جاڭا ەنەرگيا جانە جوعارى ٴونىمدى ەنەرگيا ۇنەمدەۋ سياقتى سالالاردى قامتىعان.
عىلىم ـ تەحنيكالىق ورتا، شاعىن كاسىپورىنداردى تۇراقتاندىرۋدا عىلىم ـ تەحنيكا مينيسترلىگى شىعارعان ”عىلىم ـ تەحنيكالىق ورتا، شاعىن كاسىپورىنداردى باعالاۋ ادىسىنە“ نەگىزدەلىپ، شارتقا ۇيلەسەتىن كاسىپورىنداردى ”مەملەكەتتىك عىلىم ـ تەحنيكالىق ورتا، شاعىن كاسىپورىندار ينفورماتسيا قامباسىنا“ ەنگىزىپ، تەكسەرىپ ماقۇلداعاننان كەيىن بىردەن ـ ٴبىر قامباعا ەنگىزۋ نومىرىنە يە بولىپ، عىلىم ـ تەحنيكالىق ورتا، شاعىن كاسىپورىن دەپ تۇراقتاندىرىلادى. عىلىم ـ تەحنيكالىق ورتا، شاعىن كاسىپورىنداردىڭ كۇشكە يە مەرزىمى ٴبىر جىل بولادى، مەرزىمى تولعاننان كەيىن قامباعا كىرۋگە قايتادان ٴوتىنىش ەتەدى.
اۆتونوميالى رايوندىق عىلىم ـ تەحنيكا مەڭگەرمەسى جوعارى، جاڭا تەحنيكا باسقارماسىنىڭ باستىعى چىڭ گۇڭ بىلاي دەدى: تۇراقتاندىرۋدان وتكەن عىلىم ـ تەحنيكالىق ورتا، شاعىن كاسىپورىندار زەرتتەۋ ـ اشۋ قاراجاتىن قوسىپ ەسەپتەپ تارتىپ قالۋ، عىلىم ـ تەحنيكا نىساندارىن الدىمەن ويلاستىرۋ سياقتى قاتىستى ساياساتتاردان يگىلىكتەنەدى، سونىمەن بىرگە جوعارى، جاڭا تەحنيكالىق كاسىپورىندار ٴتۇيىندى جەتىلدىرۋ وبيەكتىسى رەتىندە جەتىلدىرىلەدى.
شينجياڭدا عىلىم ـ تەحنيكالىق ورتا، شاعىن كاسىپورىندار سانىنىڭ تەز ارتۋى سوڭعى جىلدارى شينجياڭنىڭ جاڭالىق اشۋ تۇلعالارىن ساتىلى جەتىلدىرۋدى مىقتى يگەرۋ، عىلىم ـ تەحنيكا جەتىستىكتەرىن ويىستىرىپ كادەگە جاراتۋدى ىلگەرىلەتۋ سياقتى جاقتاردا قول جەتكىزگەن كورنەكتى تابىستارىن ايگىلەدى.
2023 ـ جىلدان بەرى عىلىم ـ تەحنيكالىق ورتا، شاعىن كاسىپورىنداردى جەتىلدىرۋ تەبىنىن ارتتىرۋ ٴۇشىن، اۆتونوميالى رايوندىق عىلىم ـ تەحنيكا مەڭگەرمەسى عىلىم ـ تەحنيكالىق ورتا، شاعىن كاسىپورىنداردىڭ اۆتونوميالى رايوننىڭ ٴتۇرلى عىلىم ـ تەحنيكا جوسپارىنا باستاماشىلدىقپەن ٴوتىنىش ەتۋىنە قولداۋ كورسەتتى جانە جەتەكشىلىك ەتتى. جوعارى، جاڭا تەحنيكالىق كاسىپ سالالارىن اشۋ رايونى، عىلىم ـ تەحنيكالىق كاسىپورىن ينكۋباتورى، جالپى قاۋىم جاڭالىق اشۋ كەڭىستىگى، شينچۋاڭ ٴورىسى سياقتى جاڭالىق اشۋ دانەكەرلەرىنە سۇيەنىپ، اۆتونوميالى رايوندىق عىلىم ـ تەحنيكا مەڭگەرمەسى عىلىم ـ تەحنيكالىق كاسىپورىنداردى ساتىلى تۇردە جەتىلدىرۋ، دامىتۋ جۇيەسىن ورناتىپ، كاسىپورىنداردىڭ دەڭگەيىن عىلىم ـ تەحنيكالىق ورتا، شاعىن كاسىپورىندارعا، جوعارى، جاڭا تەحنيكالىق كاسىپورىندارعا ٴوسىرۋىن ارنايىلانعان، كۇتۋشى فورماسىنداعى قىزمەت وتەۋمەن قامدادى.
سونىمەن بىرگە اۆتونوميالى رايوندىق عىلىم ـ تەحنيكا مەڭگەرمەسى فينانس قۇرىلىمدارىمەن سەلبەستىكتى كۇشەيتىپ، بانكە مەن كاسىپورىنداردىڭ ۇشتاسۋ ٴماجىلىسىن اشۋ ارقىلى ٴتۇرلى فينانستىق قىزمەت وتەۋ قۇرىلىمدارىنا عىلىم ـ تەحنيكا نىساندارىن بەلسەنە جەتكىزىپ، عىلىم ـ تەحنيكالىق ورتا، شاعىن كاسىپورىندارعا فينانس ونىمدەرىن ۇگىتتەپ، كاسىپورىنداردى زەرتتەۋ ـ اشۋعا ۇسىنىلىم تەبىنىن ۇزدىكسىز ارتتىرۋعا جەتەكتەدى.
مۇنان سىرت، اۆتونوميالى رايوندىق عىلىم ـ تەحنيكا مەڭگەرمەسى تاعى ينتەرنەت جەلىسىندە، ينتەرنەت جەلىسىنەن تىس ٴوزارا ۇشتاستىرۋ ٴتاسىلى ارقىلى كاسىپورىندارعا كاسىپورىندارعا تيىمدىلىك جاساۋ ساياساتى جونىندە ۇگىت لەكسيا جاساپ، عىلىم ـ تەحنيكالىق ورتا، شاعىن كاسىپورىنداردىڭ سالىق جيناۋداعى ٴتۇرلى ٴتيىمدى ساياساتتارى، بانكە سالاسىنىڭ، فينانس قۇرىلىمدارىنىڭ كاسىپورىنداردىڭ قيىنشىلىعىن شەشۋ ساياساتى، سونداي ـ اق كاسىپورىنداردى باعالاۋدى قامباعا ەنگىزۋدى باسقارۋ قىزمەتىندە جولىققان جالپىلىق ماسەلەلەر جونىندە ۇگىت جۇرگىزدى، جيىنى 5000نان استام ادام (رەت) تاربيەلەندى.
چىڭ گۇڭ بىلاي دەدى: اۆتونوميالى رايوندىق عىلىم ـ تەحنيكا مەڭگەرمەسى شينجياڭنىڭ ”8 ٴىرى كاسىپ سالاسى شوعىرى“ قۇرىلىسىن ارقاۋ ەتىپ، اناعۇرلىم كوپ عىلىم ـ تەحنيكالىق ورتا، شاعىن كاسىپورىنداردىڭ اۆتونوميالى رايوننىڭ عىلىم ـ تەحنيكا جوسپارى مىندەتىن ارقالاۋىن قولداپ، جاڭالىق اشۋ فاكتورلارىنىڭ كاسىپورىندارعا شوعىرلانۋىنا جەتەكشىلىك ەتەدى؛ عىلىم ـ تەحنيكالىق ورتا، شاعىن كاسىپورىنداردىڭ تەحنيكا اشۋ، تەحنيكانى وتكەرمەلەۋ، تەحنيكالىق رۇقسات ەتۋ، تەحنيكالىق قىزمەت وتەۋ، تەحنيكالىق كەڭەس بەرۋ توقتامىن تانۋدى، تىركەۋگە الۋدى كۇشەيتىپ، كاسىپورىنداردىڭ ٴبىلىم مەنشىك ۇقىعىن جەتىلدىرۋ، قورعاۋ، قولدانۋ قابىلەتىن جوعارىلاتادى؛ بىرلەسىپ قيمىلداۋ، جەتىلدىرۋ مەحانيزمىن ورناتىپ، ۇگىتتەۋدى، جەتەكتەۋدى كۇشەيتىپ، اناعۇرلىم كوپ عىلىم ـ تەحنيكالىق ورتا، شاعىن كاسىپورىنداردى قامباعا كىرۋگە باۋراپ، شينجياڭنىڭ وڭىرلىك عىلىم ـ تەحنيكادا جاڭالىق اشۋ بيىگىن تۇلعالاۋىنا قاينار جانە قوزعاۋشى كۇش ازىرلەيدى.