انار بۇلت\شينجياڭ گازەتىنىڭ ٴتىلشىسى لۋ فىڭباۋ 1 ـ ايدىڭ 16 ـ كۇنى ۇرىمجىدەن حابارلايدى. 2024 ـ جىلعى شينجياڭ قاتىناس ـ تاسىمال قىزمەتى ماجىلىسىنەن ۇعىسۋىمىزشا، بيىل شينجياڭ تاس جول قاتىناس نەگىزدىك قۇرىلعىلارىنا 68 ميلليارد 500 ميلليون يۋاننان استام قارجى قوسىپ، جوعارى قارقىندى تاس جولدىڭ جالپى ۇزىندىعىن 7800 كيلومەتردەن اسىرىپ، جوعارى ساپالى قاتىناس نەگىزدىك قۇرىلعىلار جۇيەسىن تۇلعالايدى ەكەن.
اۆتونوميالى رايوندىق قاتىناس ـ تاسىمال مەڭگەرمەسى پارتكومىنىڭ ورىنباسار شۋجيى، مەڭگەرمە باستىعى ٴشىرالي ٴۋالي بىلاي دەپ تانىستىردى: 2024 ـ جىلى بۇكىل شينجياڭنىڭ قاتىناس ـ تاسىمال تاراۋلارى اۆتونوميالى رايوندىق 10 ـ كەزەكتى پارتكوم ونىنشى جالپى ٴماجىلىسىنىڭ رۋحىن مۇقيات دايەكتىلەندىرىپ، تياناقتاندىرىپ، تاس جول ٴتۇيىندى نىسان قۇرىلىستارىنا قاداعالاي نازار اۋدارادى، اسىرەسە، جوعارى قارقىندى تاس جول، اۋىل ـ قىستاق تاس جولى، جولاۋشى ـ جۇك الاڭى، بەكەتى سياقتىلاردى ارقاۋ ەتىپ، تاس جول قاتىناس نەگىزدىك قۇرىلعى نىساندارىنان ٴبىر توبىن تىڭنان سالىپ جانە قۇرىلىسىن جالعاستىرىپ، قاتىناس نەگىزدىك قۇرىلعىلارىنىڭ ۇلاسۋىن، تۇتاسۋىن جەدەل ىلگەرىلەتىپ، شينجياڭنىڭ وسىزاماندانعان امبەباپ ستەرەولدى قاتىناس تورىن جەدەل كەمەلدەندىرەدى.
بيىل شينجياڭ نىسان قۇرىلىسىنىڭ سەرپىنىن ۇزدىكسىز ارتتىرىپ، تۇتاس جىلدا 63 تاس جول قۇرىلىسى نىسانىن اتقارىپ، G0711 جەلىسىنىڭ ۇرىمجىدەن لوپنۇرعا دەيىنگى جوعارى قارقىندى تاس جول، G30 جەلىسىنىڭ شيڭشيڭشيادان تۇيىق سايعا دەيىنگى بولىگىندەگى جوعارى قارقىندى تاس جولدى كەڭەيتىپ سالۋ، جاڭالاۋ، G219 جەلىسىنىڭ موڭعۇلكۇرەدەن ونسۋعا دەيىنگى، G218 جەلىسىنىڭ ناراتتان بالعىنتايعا دەيىنگى قۇرىلىسى سياقتى جالعاستىرىلاتىن 52 نىساندى جەدەل سالادى. مەملەكەتتىك، ولكەلىك نەگىزگى جەلىلەردەگى 2 ـ دارەجەلى جانە ودان جوعارى 1200 كيلومەتر تاس جول جاڭادان سالىنىپ، جاڭالانىپ، G217 جەلىسىنىڭ التايدان بۋىرشىنعا دەيىنگى قۇرىلىسى سياقتى 22 نىساندى سالىپ بولۋعا كۇش سالىنىپ، ٴۇرىمجى قالاسىنىڭ قالانى اينالىپ وتەتىن جوعارى قارقىندى تاس جولى جاپپاي سالىنادى، باعراش، بۋىرشىن، قابا، جەمەنەي سياقتى 4 اۋدانعا تۇتاساتىن جوعارى قارقىندى (1 ـ دارەجەلى) تاس جول تىڭنان قوسىلادى.
بيىل ٴۇرىمجى _ لوپنۇر جوعارى قارقىندى تاس جولى تيانشان جەڭىس تۋنەلى ورتالىق تۋنەلىنىڭ تولىق تۇتاسۋىن جۇزەگە اسىرىپ، تيانشان جەڭىس تۋنەلى نەگىزگى ۇڭگىرىنىڭ تۇتاس جەلىسىن تۇتاستىرۋعا كۇش سالادى؛ شەكارا ىشىندەگى G331 جەلىسىنىڭ 2 ـ دارەجەلى جانە ودان جوعارى دارەجەلى تاس جولىنىڭ، نەگىزىنەن، تۇتاسۋىن جۇزەگە اسىرادى.
اۋىل ـ قىستاق تاس جولى ٴالى دە قۇرىلىس ٴتۇيىنى. بيىل شينجياڭ بويىنشا اۋىل ـ قىستاق تاس جول قۇرىلىسىنا 8 ميلليارد يۋان قارجى قوسۋ جوسپارلاندى، 5500 كيلومەتر اۋىل ـ قىستاق تاس جولى جاڭادان سالىنادى جانە جاڭالانادى، 3 ـ دارەجەلى جانە ودان جوعارى تاس جول تۇتاسقان اۋىل ـ قالاشىقتان بىرەۋى، قاتتىلاندىرىلعان جول تۇتاسقان جان سانى كولەمى ٴبىرشاما جوعارى 30 تابيعي قىستاق (گرۋپپا) تىڭنان كوبەيتىلەدى.
بيىل شينجياڭ تاعى G3033 جەلىسىندەگى كۇيتۇن _ مايتاۋ _ كۇشار جوعارى قارقىندى تاس جولى، G571 جەلىسىندەگى لاپەيچۋان _ باشقورعان سياقتى نىسانداردىڭ الدىڭعى مەرزىمدىك قىزمەتتەرىنىڭ قارقىنىن تەزدەتىپ، ونىمدىلىگىن ارتتىرۋدى ٴتۇيىندى ىلگەرىلەتەدى.
”جوعارى ساپالى قاتىناس نەگىزدىك قۇرىلعىلارىن، حالىقارالىق تاس جول تاسىمالىن، تاسىمالعا قىزمەت وتەۋمەن قامتاماسىز ەتۋ جۇيەسىن كۇش سالا قالىپتاستىرىپ، رايونىمىزدىڭ ەكونوميكاسىنىڭ، قوعامىنىڭ جوعارى ساپالى دامۋىنا پارمەندى تىرەك ازىرلەيمىز“، ـ دەدى ٴشىرالي ٴۋالي.