انار بۇلت \ شينجياڭ گازەتىنىڭ ٴتىلشىسى چىن چياڭۋي 3 ـ ايدىڭ 9 ـ كۇنى ۇرىمجىدەن حابارلايدى. شينجياڭ ەلەكتر قۋاتى ساۋدا ورتالىعى شەكتى سەرىكتەستىگىنەن ۇعىسۋىمىزشا، بيىل الدىڭعى 2 ايدا شينجياڭنىڭ جاسىل ەلەكتر قۋاتىندا ساۋداعا سالىنعان ەلەكتر مولشەرى 650 ميلليون كيلوۆات ساعاتقا جەتىپ، 2023 ـ جىلعى تۇتاس جىلداعى ساۋداعا سالىنعان ەلەكتر مولشەرىنىڭ 1.5 ەسەسىنەن اسىپ، 2024 ـ جىلعى جاسىل ەلەكتر ساۋدا مىندەتى قۇنىنىڭ %65ىن ورىنداپ، تاماشا باستاما اشىلعان.

　　شينجياڭدا جەل ەلەكتر، فوتوۆولتتىق ەلەكتر بايلىعى مول بولىپ، جاسىل ەلەكتر قۋاتى بازارىن قۇرۋعا بەرىك نەگىز قالادى. 2022 ـ جىلدان باستاپ شينجياڭ ەلەكتر قۋاتى ساۋدا ورتالىعى شەكتى سەرىكتەستىگى جاسىل ەلەكتر ساۋداسى قىزمەتىن اتقارىپ، جاسىل ەلەكتر ساۋداسىن، جاسىل كۋالىك ساۋداسىن قامتىعان جاسىل ەلەكتر قۋاتى بازارى جۇيەسىن ورناتتى.

　　2022 ـ جىلى جاسىل ەلەكتر، جاسىل كۋالىك ساۋداسى جۇرگىزىلگەننەن قازىرگە دەيىن، شينجياڭ ىشىندە جاسىل ەلەكتر ساۋداسىنا سالىنعان ەلەكتر مولشەرى ٴبىر ميلليارد 90 ميلليون كيلوۆات ـ ساعات بولدى، شينجياڭ ىشىندەگى ەلەكتر كاسىپورىندارى 2 ميلليون 770 مىڭ جاسىل كۋالىك ساتىپ الدى، شينجياڭ ىشىندەگى جاڭا ەنەرگيا ەلەكتر تاراتۋ كاسىپورىندارى ٴبىر ميلليون 280 مىڭ جاسىل كۋالىك ساتىپ، شينجياڭنىڭ جاڭا ەنەرگيا ەلەكتر قۋاتىنىڭ تۇتىنۋىن پارمەندى جەبەدى.

　　بيىل جىل باسىنان بەرى شينجياڭ ەلەكتر قۋاتى ساۋدا ورتالىعى شەكتى سەرىكتەستىگى جاسىل ەلەكتر ساۋداسى ارقىلى ەلەكتر شىعاراتىن كاسىپورىنداردىڭ تىزىمدىگىن مەرزىم سايىن جاريالاپ، تۇتىنۋشىلاردىڭ ساتىپ الۋ ارناسىن كەڭەيتىپ، ٴتۇيىندى تۇتىنۋشىلاردىڭ جاسىل ەلەكتر قاجەتىن دەر كەزىندە قاداعالاپ، جاسىل ەلەكتر تۇتىنۋ كومەسكى كۇشىن ىشكەرىلەي اشىپ، ساۋداعا قىزمەت وتەۋ مەحانيزمىندە جاڭالىق اشىپ، جاسىل ەلەكتر ساۋداسىنىڭ كولەمىن ۇزدىكسىز كەڭەيتتى، جاسىل ەلەكتر ساۋداسىنىڭ ەلەكتر مولشەرىندە تىڭ تابىستارعا قول جەتكىزدى.

جالعانىم