ما شيڭرۇي حوتان ايماعىندا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

　　دامۋ مەن حاۋىپسىزدىكتى ٴبىر تۇتاس جوسپارلاۋ قابىلەتىن، ساپا ـ ونىمدىلىگىن ٴۇرتىس جوعارىلاتىپ، نەگىزگى ساتىنى جاپپاي يگەرۋدى كۇشەيتىپ، حالىق تۇرمىسىنا تىعىز جاناسا وتىرىپ جوعارى ساپالى دامۋدى ىلگەرىلەتۋ كەرەك

　　3 ـ ايدىڭ 30 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي حوتان ايماعىنا بارىپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي قاراقاش اۋدانى زاۋا قالاشىعى باشاقچي قىستاعىندا پارتيا مۇشەلەرىنە، بۇقاراعا قىزمەت وتەۋ ورتالىعىنىڭ جۇمىس جۇرگىزۋ، باسقارۋ جاعدايىن ۇعىسۋدا.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

　　انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 3 ـ ايدىڭ 30 ـ كۇنى حوتاننان حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 3 ـ ايدىڭ 30 ـ كۇنى حوتان ايماعىنا كەلىپ، قوعام حاۋىپسىزدىگى ورگانىن جانە اۋىل ـ قىستاق، كاسىپورىنداردى، ت. ب ىشكەرىلەي ارالاپ، قوعام ورنىقتىلىعىن قورعاۋ، نەگىزگى ساتىنى باسقارۋدى كۇشەيتۋ، ەرەكشەلىككە يە كاسىپ سالاسىن دامىتۋ جانە بۇقارانى جۇمىستاندىرىپ، كىرىسىن ارتتىرۋ قىزمەتتەرىنە تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ورنىقتىلىقتى يگەرۋ مەن دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاپ ۇشتاستىرۋدى اناعۇرلىم كۇشەيتىپ، نەگىزگى ساتىنى يگەرۋدى، نەگىز قالاۋدى، نەگىزدى بەكەمدەۋدى ٴۇرتىس كۇشەيتىپ، حالىق تۇرمىسىنا جاناسىپ، جۇرت تىلەگىن توعىستىرا وتىرىپ وڭتۇستىك شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋگە كۇش سالىپ، ٴار ۇلت بۇقاراسىنا اناعۇرلىم كوپ، اناعۇرلىم ويداعىداي تيىمدىلىك جاساۋ كەرەك.

　　ما شيڭرۇي حوتان ايماقتىق قوعام حاۋىپسىزدىگى مەكەمەسىنە كەلىپ، ورنالاستىرۋ، قولباسشىلىق ەتۋ، ورنىقتىلىقتى قورعاپ، كۇزەتتە تۇرۋ جاعدايىن تەكسەرىپ كورىپ، قاتىستى جاۋاپتى جولداستاردان ورنىقتىلىق قىزمەتىنىڭ شارالارىن جانە ناتيجەسىن تاپتەشتەي سۇراپ ۇعىستى. ول بىلاي دەپ باسا دارىپتەدى: لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدىڭ، ۇدايىلاندىرۋدىڭ ٴتۇرلى شارالارىن اناعۇرلىم عىلمي، دالمە ـ ٴدال تياناقتاندىرىپ، قوعامدىق باسقارۋدىڭ ٴتۇيىنىن نەگىزگى ساتىعا ويىستىرۋدى ىلگەرىلەتىپ، اۋدان، اۋىل سىندى نەگىزگى ساتىنىڭ زاڭ اتقارۋ كۇشىن ٴونىمدى تولىقتاپ، ارنايىلانعان ٴبىر جاقتى ەتۋ قابىلەتىن ۇزدىكسىز جوعارىلاتىپ، قوعامدىق كەلەلى جاعدايدىڭ ٴۇرتىس ورنىقتى بولۋىنا شىنايى كەپىلدىك ەتۋ كەرەك.

　　قاراقاش اۋدانى زاۋا قالاشىعى باشاقچي قىستاعىنا كەلىپ، ما شيڭرۇي پارتيا مۇشەلەرىنە، بۇقاراعا قىزمەت وتەۋ ورتالىعىنىڭ جۇمىس جۇرگىزۋ، باسقارىلۋ جاعدايىن ۇعىسىپ، نەگىزگى ساتى كادرلارىمەن، ٴبىرىنشى شۋجيلەرىمەن، قىستاقتا تۇراتىن قىزمەت اترەتىنىڭ مۇشەلەرىمەن اڭگىمەلەسىپ، قىستاق اشقان كاسىپورىنداردىڭ ەرەكشەلىككە يە شاي ٴوندىرۋ جانە ساتۋ قىزمەتىن تەكسەرىپ كوردى. ول بىلاي دەپ باسا دارىپتەدى: نەگىزگى ساتىنى جاپپاي يگەرۋدىڭ ايقىن باعدارىن بەرىك ورناتىپ، اۋىل ـ قىستاق پارتيا قۇرىلىسى قىزمەتىنىڭ ساپاسىن ۇزدىكسىز جوعارىلاتىپ، ٴبىرىنشى شۋجيلەر مەن قىستاقتا تۇراتىن قىزمەت اترەتتەرىنىڭ رولىن اناعۇرلىم ويداعىداي ساۋلەلەندىرىپ، قىستاق تۇرعىندارىنىڭ مەملەكەتتە ٴبىر تۇتاس قولدانىلاتىن ٴتىل ـ جازۋدى ۇيرەنۋدەگى ٴىس جۇزىندىك ونىمدىلىگىن جوعارىلاتۋ كەرەك. قىستاق تۇرعىندارىنىڭ كىرىسىن ارتتىرۋ شارالارىن ٴۇرتىس كۇشەيتىپ، كاسىپ سالاسى ارقىلى جۇمىستانۋعا دەم بەرۋ جانە سىرتقا شىعىپ جۇمىس ىستەۋ ارناسىن كەڭەيتىپ، بۇقارانىڭ كىرىسىنىڭ ٴۇرتىس ورنىقتى ارتۋىنا شىنايى كەپىلدىك ەتۋ كەرەك.

　　شينجياڭ ۋانجياڭ اۆتوموبيل شەكتى سەرىكتەستىگىندە ما شيڭرۇي اۆتوموبيل قۇراستىرۋ سەحىنا كىرىپ، كاسىپورىننىڭ اينالىم، بازارداعى ساتىلىمى، جۇمىستاندىرۋعا باۋراۋ سياقتى جاعدايلارىن ىشكەرىلەي ۇعىسىپ، ولاردىڭ شينجياڭعا كومەكتەسۋ ابزالدىلىعىنان ويداعىداي پايدالانىپ، كولەمدى زورايتۋدى، وزىندىك قۇندى تومەندەتۋدى، ونىمدىلىكتى ارتتىرۋدى تەزدەتىپ، ورتا ازياداعى ەلدەرگە باعىتتالعان ساتۋ جولىن بەلسەنە كەڭەيتىپ، تۇتىنۋ بازارىن ٴونىمدى كەڭەيتىپ، جەرگىلىكتى ورىننىڭ ەكونوميكالىق دامۋى مەن جۇمىستاندىرۋدى جەبەۋىنە اناعۇرلىم ويداعىداي كۇش ۇستەۋىن ٴۇمىت ەتتى. شينجياڭ شىڭشى حۋاچياڭ اۋىل شارۋاشىلىق عىلىم ـ تەحنيكا شەكتى سەرىكتەستىگى جەرگىلىكتى ورىننىڭ ٴىس جۇزىندىگىن تياناق ەتىپ، ٴشول ـ جازيرا قۇرىلعىلى اۋىل شارۋاشىلىعىن بار كۇشپەن دامىتىپ، جەرگىلىكتى ورىنداعى 1000نان استام بۇقارانىڭ ورنىقتى جۇمىستانۋىنا دەم بەردى. ما شيڭرۇي جىلىجايعا كىرىپ، سانگو، شيە، بايشياڭگو ەگىمشىلىگى جانە ”وسىمدىك زاۆودىنىڭ“ پىشەن ٴوندىرۋ جاعدايىن تەكسەرىپ كورىپ، ولاردىڭ وسى زامانعى اۋىل شارۋاشىلىعىن دامىتىپ، جۇمىستاندىرىپ، كىرىستى ارتتىرۋعا دەم بەرۋ ٴادىسىن تۇراقتاندىرىپ، كاسىپورىندى ٴشول ـ جازيرا بايلىعىنان ويداعىداي پايدالانىپ، ٴشول ـ جازيرا قۇرىلعىلى اۋىل شارۋاشىلىعىنىڭ كولەمىن عىلمي كەڭەيتىپ، ۇستەمە قۇنى جوعارى ونىمدەردى كوبىرەك ٴوندىرىپ، اناعۇرلىم كوپ شارۋانى مۇنان يگىلىكتەنۋگە جەتەكتەۋگە ىنتالاندىردى. ما شيڭرۇي تاعى شينجياڭ مەيشۇي توقىماشىلىق شەكتى سەرىكتەستىگىنە بارىپ، كاسىپورىننىڭ قۇرىلىس، دامۋ جاعدايى جونىندەگى تانىستىرۋدى تىڭداپ، سەحتىڭ ٴوندىرىس جاعدايىن تەكسەرىپ كورىپ، بىلاي دەپ باسا دارىپتەدى: نىسان قۇرىلىسىن تەزدەتىپ، جۇمىستاندىرۋ كولەمى زور، ەڭبەك شوعىرلانعان كاسىپ سالاسىن ساپالىلاندىرۋدى، كۇشەيتۋدى تەزدەتىپ، جەرگىلىكتى ورىننىڭ ەكونوميكالىق، قوعامدىق دامۋىنا جانە حالىق تۇرمىسىن جاقسارتۋىنا تىڭ ۇلەس قوسۋ كەرەك.

　　ما شيڭرۇي تەكسەرۋ ـ زەرتتەۋ بارىسىندا بىلاي دەپ باسا دارىپتەدى: باس شۋجي شي جينپيڭنىڭ ىقىلاستى تاپسىرماسىن باستان ـ اياق ەستە بەرىك ساقتاپ، قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولۋ كەرەك. شينجياڭدى جاپپاي زاڭمەن باسقارۋدى ٴۇرتىس تەرەڭدەتۋدى ارقاۋ ەتىپ، لاڭكەستىككە قارسى تۇرۋ، بولشەكتەۋشىلىككە قارسى تۇرۋ كۇرەسىن ورىستەتۋ مەن ورنىقتىلىقتى قورعاۋ قىزمەتىنىڭ زاڭمەن باسقارىلۋىن، ۇدايىلانۋىن ىلگەرىلەتۋدى ۇشتاستىرىپ، ۇستىنەن وڭاۋ مەن تۇبىرىنەن وڭاۋعا تەڭ ٴمان بەرۋدى، كەشەندى شارا اتقارۋدى، قاينارىنان جونگە سالۋدى كۇشەيتىپ، ورنىقتىلىق ارقىلى دامۋعا شىنايى كەپىلدىك ەتۋ، دامۋ ارقىلى ورنىقتىلىقتى جەبەۋ كەرەك. نەگىزگى ساتىنىڭ نەگىزدىك قىزمەتىن كۇشەيتۋ، نەگىزگى ساتىنى باسقارۋ قابىلەتىن جوعارىلاتۋ جاعىنا اناعۇرلىم زور كۇش جۇمساپ، ۇيىمدىق جۇيە مەن قىزمەت كۇشىنىڭ نەگىزگى ساتىعا تىكە جەتۋىن ٴۇرتىس ىلگەرىلەتىپ، قوعام اماندىعىنىڭ جان ـ جاقتى، ستەرەولدى، زەردەلى ساقتانۋ ـ تىزگىندەۋ جۇيەسىن ورناتىپ، ٴتۇرلى قوعامدىق قايشىلىقتاردى شەشۋ قىزمەتىن زاڭ بويىنشا، ەرەجە بويىنشا ويداعىداي ىستەۋ كەرەك. ٴتۇرلى سالالارداعى ەلەۋلى حاۋىپ ـ قاتەرلەردەن، كومەسكى كىناراتتاردان ساقتانۋدى جانە ونى جويۋدى ٴبىر تۇتاس جوسپارلاپ، جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ۇتىمدى ىقپالداستىعىن جۇزەگە اسىرۋ كەرەك.

　　ما شيڭرۇي بىلاي دەپ باسا دارىپتەدى: دامۋ مەن ورنىقتىلىقتىڭ، دامۋ مەن حالىق تۇرمىسىنىڭ، دامۋ مەن جۇرت تىلەگىنىڭ بايلانىسىن دۇرىس يگەرىپ جانە ويداعىداي ٴبىر جاقتى ەتىپ، ەكونوميكالىق، قوعامدىق دامۋ مەن حالىق تۇرمىسىن جاقسارتۋ تەبىنىن ارتتىرىپ، جوعارى ساپالى دامۋ جەتىستىگىنىڭ حالىق تۇرمىسىنا اناعۇرلىم ويداعىداي تيىمدىلىك جاساۋىن، جۇرت تىلەگىن توعىستىرۋىن ىلگەرىلەتۋ كەرەك. اۋدان اۋماعىنىڭ جوعارى ساپالى دامۋىن جۇزەگە اسىرۋدى جانە اۋىل ـ قىستاقتى جاپپاي گۇلدەندىرۋدى ارقاۋ ەتە وتىرىپ، كاسىپ سالاسىنىڭ دامۋى سىندى وسى تەتىكتى جانە جۇمىستاندىرۋدى ارتتىرۋ سىندى باعداردى مىقتاپ يگەرىپ، بايلىق ارتىقشىلىعى مەن دامۋ شارت ـ جاعدايىن تياناق ەتىپ، جەرگىلىكتى جاعدايعا قاراي ەرەكشەلىككە يە كاسىپ سالاسىن تۇلعالاپ، اۋىل ـ قىستاقتاردا حالىقتى بايىتۋ كاسىپ سالاسىن جەتىلدىرىپ، ەڭبەك شوعىرلانعان كاسىپ سالاسىن زورايتىپ، جەرگىلىكتى ەرەكشەلىك پەن ابزالدىلىققا يە وسىزاماندانعان كاسىپ سالاسى جۇيەسىن جەدەل قۇرۋ كەرەك. ەكونوميكالىق دامۋدىڭ جۇمىستاندىرۋعا دەم بەرۋ قۋاتىن ۇزدىكسىز جوعارىلاتىپ، قالا ـ قالاشىق تۇرعىندارى مەن ەگىنشى ـ مالشىلاردىڭ جان باسىندىق كىرىس دەڭگەيىن كوپ ٴتۇرلى شارانى قاتار قولدانىپ، نىق قاداممەن جوعارىلاتىپ، بۇقارا سەزىنە الاتىن، قولى جەتەتىن ناقتى ىستەردى كۇشتى شوعىرلاندىرا وتىرىپ ٴبىتىرۋدى ويداعىداي يگەرىپ، جوعارى ساپالى دامۋ بارىسىندا ٴار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.

　　قادەن كابەن، تيان يۇڭ تەكسەرۋ ـ زەرتتەۋگە قاتىناستى.

جالعانىم