انار بۇلت \ شينجياڭ گازەتىنىڭ ٴتىلشىسى يۇي جياڭيان، ەرىكتى ٴتىلشى ۋاڭ چىڭكاي 3 ـ ايدىڭ 30 ـ كۇنى كۇشاردان حابارلايدى. 3 ـ ايدىڭ 29 ـ كۇنى تارىم مۇناي الابى تابيعي گازبەن قامداۋ تابيعي گاز قۇبىرى ينجەنەرياسىنىڭ ٴبىرىنشى توپتاعى نىسانى _ كىلا _ لۇننان قوسىمشا جەلىسىنىڭ 2 ـ ٴنومىرلى كلاپان بولمەسىنەن جاڭا ٴمالى تابيعي گاز قۇبىرى ينجەنەرياسىنىڭ تۇڭعىش دانەكەرلەۋ اۋزى كۇشار قالاسىندا دانەكەرلەۋدى باستادى، بۇل جالپى ۇزىندىعى 2108 كيلومەتر كەلەتىن وڭتۇستىك شينجياڭدى تابيعي گازبەن قامداۋ تابيعي گاز قۇبىرى ينجەنەرياسىنىڭ جاپپاي جۇمىس باستاعاندىعىن اڭعارتادى.

　　وڭتۇستىك شينجياڭدى تابيعي گازبەن قامداۋ تابيعي گاز قۇبىرى ينجەنەرياسى 3 توپقا ٴبولىنىپ اتقارىلادى. قازىر جۇمىس باستاعان ٴبىرىنشى توپتاعى نىساننىڭ جالپى ۇزىندىعى 616 كيلومەتر بولىپ، قۇبىر جەلىسى بويىنشا تابيعي گازبەن قامداۋ كولەمى كۇنىنە 31 ميلليون تەكشەمەتر تابيعي گاز جەتكىزۋ، شىعىس، باتىس ەكى جولعا ٴبولىپ ىلگەرىلەتۋ، 2025 ـ جىلى جاپپاي سالىپ بولۋ جوسپارلانۋدا.

　　مۇنىڭ ىشىندە قۇبىردىڭ باتىس جەلىسى كۇشار قالاسىنىڭ كىلا ـ لۇننان قوسىمشا جەلىسىنىڭ 2 ـ ٴنومىرلى كلاپان بولمەسىنەن باستالىپ، شينحى، ونسۋ، ارال، اقسۋ، كەلپىن سياقتى اۋدان، قالالاردان ٴوتىپ مارالباسى اۋدانىنا دەيىن بارادى؛ قۇبىردىڭ شىعىس جەلىسى لۇننان قالاشىعىنىڭ باتىستىڭ گازىن شىعىسقا جەتكىزۋ 1 ـ بەكەتىنەن شىعىپ، بۇگۇر سياقتى اۋدانداردان كورلا شاڭكۋ جوعارى، جاڭا تەحنيكا كاسىپ سالاسى اشۋ رايونى مۇناي، مۇناي حيميا كاسىپ سالاسى باقشاسىنا دەيىن تۇتاسادى.

　　تارىم مۇناي الابى مۇناي ـ تابيعي گاز تاسىمالداۋ، ساتۋ ىستەرى ٴبولىمى پارتكومىنىڭ شۋجيى، اتقارۋشى القاسى چاڭ گۇيچۋان بىلاي دەدى: ٴبىرىنشى توپتاعى نىسان سالىنىپ بولعاننان كەيىن، تابيعي گاز قۇبىر تورابى قاشقار ايماعى، اقسۋ ايماعى، بايىنعولين موڭعۇل اۆتونوميالى وبلىسى سياقتى ايماق، وبلىستارداعى 9 اۋدان، قالانى تۇتاستىرىپ، تابيعي گازبەن قامداۋ قۋاتى ٴار كۇنى ەڭ جوعارى بولعاندا قازىرگى 27 ميلليون تەكشەمەتردەن 58 ميلليون تەكشەمەترگە جوعارىلايدى، جاڭادان سالىنعان قۇبىر جانە وڭتۇستىك شينجياڭنىڭ تابيعي گاز ارقىلى حالىققا تيىمدىلىك جاساۋ ينجەنەرياسى سياقتى سالىنىپ بولعان گازبەن قامداۋ قۇبىرىنىڭ قوس جەلىسىندە گازبەن قامداۋدى جۇزەگە اسىرادى.

　　نىسان قۇرىلىسى جوباسىنا ساي، ٴبىرىنشى توپتاعى نىسان سالىنىپ بولعاننان كەيىن، مارالباسى اۋدانى سانچاكوۋ قالاشىعىنان پوسكام اۋدانىنا دەيىنگى قۇبىر تورابى قۇرىلىسىن قادامعا ٴبولىپ ىلگەرىلەتىپ، قاشقار ايماعى، حوتان ايماعى جانە بايىنعولين وبلىسىنىڭ چەرشەن، چارقىلىق سياقتى جەرلەرىندەگى قۇبىر قۇرىلىسىن دەر كەزىندە باستايدى.

　　وڭتۇستىك شينجياڭدى تابيعي گازبەن قامداۋ تابيعي گاز قۇبىرى ينجەنەرياسى _ وڭتۇستىك، سولتۇستىك شينجياڭنىڭ تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسىنىڭ ماڭىزدى قۇرامداس بولىگى. شينجياڭنىڭ تابيعي گاز قۇبىر تورابىنىڭ ”ٴبىر توراپ“ جوباسى بويىنشا، وڭتۇستىك، سولتۇستىك شينجياڭنىڭ تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋ ينجەنەرياسى قۇبىرىنىڭ جالپى ۇزىندىعى 5000 كيلومەترگە تايايدى. نىسان سالىنىپ بولعاننان كەيىن، وڭتۇستىك، سولتۇستىك شينجياڭداعى 24 اۋدان، قالا مەن شينجياڭ ٴوندىرىس ـ قۇرىلىس بيڭتۋانىنداعى 52 تۋان ـ الاڭداعى 11 ميلليون حالىقتى يگىلىككە كەنەلتەدى.

　　باتىستىڭ گازىن شىعىسقا جەتكىزۋدىڭ نەگىزگى تابيعي گاز قاينارى جانە وڭتۇستىك شينجياڭداعى باستى تابيعي گاز قاينارى رەتىندە، قازىرگە دەيىن تارىم مۇناي الابى جيىنى 4700 كيلومەتردەن استام تابيعي گاز قۇبىرىن سالىپ، وڭتۇستىك شينجياڭدى جالپى 59 ميلليارد تەكشەمەتردەن استام تابيعي گازبەن قامداپ، 42 اۋدان، قالاداعى، 46 تۋان ـ الاڭداعى، 8 ميلليوننان استام ٴار ۇلت بۇقاراسىن يگىلىككە كەنەلدىردى.

　　وڭتۇستىك شينجياڭدى تابيعي گازبەن قامداۋ تابيعي گاز قۇبىرى ينجەنەرياسى جاپپاي سالىنىپ بولعاننان كەيىن، وڭتۇستىك شينجياڭدى تابيعي گازبەن قامداۋ قۇبىر تورابى بۇرىنعى ”C“ فورماسىنان ”O“ فورماسىنداعى قۇبىر تورابىنا اينالادى. بۇل تارىم ويپاتىن اينالعان جوعارى قارقىندى تاس جولىنان، تارىم ويپاتىن اينالعان تەمىر جولىنان، تارىم ويپاتىن اينالعان ەلەكتر تورابىنان كەيىن قالىپتاسقان 4 ـ اينالما _ تارىم ويپاتىن اينالعان تابيعي گاز قۇبىر تورابى، ول شينجياڭنىڭ ەكونوميكاسى مەن قوعامىنىڭ جوعارى ساپالى دامۋىن جەبەۋدە ماڭىزدى مانگە يە.

جالعانىم