انار بۇلت \ شينجياڭ گازەتىنىڭ ٴتىلشىسى شى شين 3 ـ ايدىڭ 30 ـ كۇنى قۇمىلدان حابارلايدى. 3 ـ ايدىڭ 28 ـ كۇنى بۇكىل شينجياڭداعى جەكە كولەمى ەڭ ۇلكەن جەل ەلەكترىن، ەنەرگيا ساقتاۋدى ٴبىر تۇلعالاندىرۋ نىسانى _ قۇمىل شىسانجيانفاڭ ٴبىر ميلليون كيلوۆاتتىق جەل ەلەكترىن، ەنەرگيا ساقتاۋدى ٴبىر تۇلعالاندىرۋ نىسانىنىڭ تۇڭعىش جەل ەلەكتر اگراگاتتارى تابىستى تۇردە تورعا قوسىلىپ ەلەكتر تاراتتى.
جۇڭگو كەمە توبىنىڭ جەل ەلەكتردى دامىتۋ شەكتى سەرىكتەستىگى قۇمىل قالاسىندا قارجى قوسىپ قۇرعان بۇل نىسان _ شينجياڭداعى تۇڭعىش ٴوڭىر اتتاپ تۇتاستىرىلعان جاڭا ەنەرگيا نىسانى. نىساننىڭ يەلەگەن جەر اۋدانى شامامەن 231 شارشى كيلومەتر، جۇڭگو كەمە توبى حايجۋاڭ جەل ەلەكتر شەكتى جارنا سەرىكتەستىگىنىڭ H176 _ 6.7 مەگاۆاتتىق تومەن تەمپەراتۋرالى 150 جەل ەلەكتر اگراگاتى ورناتىلىپ، جۇڭگو كەمە توبىنىڭ قاراستىلىعىنداعى فىڭفان شەكتى جاۋاپكەرشىلىك سەرىكتەستىگى وندىرگەن 300 مىڭ كيلوۆاتتىق \ ٴبىر ميلليون 200 مىڭ كيلوۆات ساعاتتىق ەنەرگيا ساقتاۋ ەلەكتر ستانسياسى سايكەستى سالىنىپ، جەل ەلەكترىن، ەنەرگيا ساقتاۋدى سايكەستى مەڭگەرۋ تەحنيكاسى قولدانىلىپ، جەل بايلىعىن ەڭ جوعارى شەكتە قابىلداۋ، پايدالانۋ جۇزەگە اسىرىلدى. سونىمەن بىرگە ەنەرگيا ساقتاۋ جۇيەسى ەلەكتر تورى رەتتەۋىن قابىلداپ، ەلەكتر تورىنا قوسالقى قىزمەت وتەۋگە ات سالىسىپ، ەلەكتردى تورعا تۇتاستىرۋداعى تولقىن ٴتارىزدى قوزعالىستى جاقسارتىپ، ەلەكترمەن قامداۋ سەنىمدىلىگىن جاپپاي جوعارىلاتا الادى.
بۇل نىساننىڭ ديرەكتورى پان جيندۇڭ بىلاي دەپ تانىستىردى: H176 _ 6.7 مەگاۆاتتىق جەل ەلەكتر اگراگاتتارى قالاقشا سالماعىن جەڭىلدەتۋ، نەگىزگى ساتىنى ٴبىر تۇلعالاندىرۋ، اينالىمدى زەردەلىلەندىرۋ سياقتى باسىمدىق پەن ەرەكشەلىككە يە، اسا تومەن تەمپەراتۋرا، جوعارى تەمپەراتۋرا سياقتى توتەنشە كليمات ورتاسىنا ۇيلەسەدى، نولدىك كەرنەۋ، تومەن كەرنەۋ جانە جوعارى كەرنەۋ كەسىپ وتەتىن ەلەكتر تورىنا ۇيلەسۋ قۋاتىنا يە، جەل ەلەكترى تۇراقتى باعا ۇلكەن بازاسىنىڭ اگراگات ورتاسىنا ۇيلەسۋ، ەلەكتر تورىنا ۇيلەسۋ، قورعاۋعا ۇيلەسۋ، ەلەكتر ەنەرگياسىن جەتكىزۋگە، سايكەستىرۋگە ۇيلەسۋ قاجەتىن تولىق قاناعاتتاندىرادى. ەنەرگيا ساقتايتىن ەلەكتر ستانسيالارى قوندىرعىلارىنىڭ ساپاسى وزىق، حاۋىپسىز، ورنىقتى، الىس ارالىقتان حاۋىپسىزدىكتى قورعايتىن قىزمەت وتەۋ جۇيەسى ورناتىلعان، جالپى پۋنكتتىڭ تۇتاس جىلدا كىدىرىسسىز الىس ارالىقتان حاۋىپسىز قىزمەت وتەۋىنە كەپىلدىك ەتە الادى، كاسىپتىڭ الدىڭعى ورنىن يەلەگەن.
ۇعىسۋعا قاراعاندا، وسى رەتكى تورعا تۇتاستىرعان جەلى ٴجيى جوبالانعان بولىپ، نازاردى شينجياڭنىڭ 750 كيلوۆولتتىق تارىمدى اينالىپ وتەتىن ساقينا توراپتى ەلەكتر تورى قۇرىلىسىنىڭ ٴىس جۇزىندىگىنە شوعىرلاندىرىپ، جاقىن ماڭنان تۇتاستىرۋعا، جوعارى ٴونىمدى پايدالانۋعا تاباندى بولىپ، ٴوڭىر شەكتەمەسىن جويىپ، قۇمىل، تۇرپان سىندى ەكى جەردى ەندەي ٴوتىپ جاسىل ەلەكتردى تورعا تۇتاستىرۋدى ورىنداپ، ەلەكتر تورىن تۇتاستىرۋ ۇلگىسىندە جاڭالىق اشۋعا ٴونىمدى ۇلگى كورسەتكەن.
بۇل نىسان رەسمي اينالىمعا قوسىلعاننان كەيىن، ٴار جىلى تازا ەلەكتردەن شامامەن 3 ميلليارد كيلوۆات ساعات وندىرۋىنە بولادى، بۇل ٴار جىلى ولشەمدى كومىردەن شامامەن 900 مىڭ توننا ۇنەمدەگەنگە، كومىر قىشقىل گازىنىڭ شىعارىلۋ مولشەرىن شامامەن 2 ميلليون 800 مىڭ توننا ازايتقانعا بارابار.