انار بۇلت \ شينجياڭ گازەتىنىڭ ٴتىلشىسى جاڭ جىلي 3 ـ ايدىڭ 30 ـ كۇنى اقسۋدان حابارلايدى. 3 ـ ايدىڭ 29 ـ كۇنى اقسۋ ايماقتىق جالپىلىق مال ـ مۇلىك ۇقىعى ايىرباس ورتالىعىنىڭ، اقسۋ ايماقتىق اۋىل ـ قىستاق جالپىلىق مال ـ مۇلىك ۇقىعى ايىرباس ورتالىعى قىزمەت وتەۋ تور ٴتۇيىنىنىڭ، اقسۋ ايماقتىق اۋىل ـ قىستاق جالپىلىق مال ـ مۇلىك ۇقىعى ايىرباسى ٴبىر بەكەتتىك قىزمەت وتەۋ ورتالىعىنىڭ ماڭدايشالىعى اشىلدى. ٴۇش ماڭدايشالىقتىڭ اشىلۋى شينجياڭدا تۇڭعىش ايماق، اۋدان، اۋىل، قىستاق سىندى 4 دارەجە بويىنشا ٴبىر تۇلعالاندىرىلعان اۋىل ـ قىستاق مال ـ مۇلىك ۇقىعى ايىرباسىن ىلگەرىلەتۋ تۇعىرى جارىققا شىعىپ، اۋىل ـ قىستاق مال ـ مۇلىك ۇقىعى ٴتۇزىمى رەفورماسىن ىلگەرىلەتۋ، اۋىل شارۋاشىلىعىنا، اۋىل ـ قىستاققا، شارۋالارعا قىزمەت وتەۋدى دامىتۋ جاعىندا نىق قادام تاستالعاندىعىنىڭ بەلگىسى بولدى.
اقسۋ ايماقتىق اۋىل ـ قىستاق جالپىلىق مال ـ مۇلىك ۇقىعى ايىرباس ورتالىعىن شينجياڭ ەگىن، مال شارۋاشىلىعىنا قارجى قوسۋ توبىنىڭ قاراستىلىعىنداعى شينجياڭ اۋىل ـ قىستاق جالپىلىق مال ـ مۇلىك ۇقىعى ايىرباس ورتالىعى شەكتى سەرىكتەستىگى جارنا بويىنشا تىزگىندەيدى. بيىل جىل باسىنان بەرى شينجياڭ ەگىن، مال شارۋاشىلىعىنا قارجى قوسۋ توبى اۋىل شارۋاشىلىعىندا قۋاتتى رايون قۇرىلىسى نىساناسىن بۇلجىماي كوزدەپ، نازاردى ەگىنشى ـ مالشىلاردىڭ كىرىسىن ارتتىرۋ سىندى وزەكتى مىندەتكە شوعىرلاندىرىپ، سۋ، جەر، تۇقىم، اۋىل شارۋاشىلىعى ماشينالارى سياقتى شەشۋشى فاكتورلار جاعىنان قامتاماسىزداندىرۋدى مىقتى يگەرىپ، اقسۋ ايماقتىق اۋىل ـ قىستاق جالپىلىق مال ـ مۇلىك ۇقىعى ايىرباس ورتالىعىن الدىمەن سىناق ەتىپ، الدىمەن اتقارىپ، قۇرىپ، ايماق، وبلىس، قالا دارەجەلى اۋىل ـ قىستاق مال ـ مۇلىك ۇقىعى ايىرباس جۇيەسىن باسقىشتار بويىنشا كەمەلدەندىرىپ، شينجياڭنىڭ وسى زامانعى اۋىل شارۋاشىلىعىنىڭ جوعارى ساپالى دامۋىنا مىعىم نەگىزدىك تىرەك ازىرلەدى.
وڭتۇستىك شينجياڭنىڭ جاعراپيالىق ورتالىعىنا ورنالاسقان اقسۋ ايماعىنىڭ سۋ، توپىراق، جارىق، جىلۋ بايلىعى مول، ەلىمىزدەگى ماڭىزدى ماقتا ٴوندىرىس بازاسى، شينجياڭنىڭ ساپالى تاۋار استىق ٴوندىرىس بازاسى، تارىم ويپاتىن اينالعان ەڭ ۇلكەن ساپالى جەمىس ونىمدەرى ٴوندىرىس بازاسى. سوڭعى جىلدارى جەرگىلىكتى ورىن اۋىل شارۋاشىلىعىنىڭ، اۋىل ـ قىستاقتىڭ وسىزاماندانۋ اياق الىسىن جەدەل ىلگەرىلەتۋ، اقسۋدىڭ اۋىل شارۋاشىعىنداعى ٴىرى ايماقتان اۋىل شارۋاشىلىعىنداعى قۋاتتى ايماققا قاراي قادام تاستاۋىن قۇلشىنا ىلگەرىلەتۋ بارىسىندا ونەركاسىپتەندىرۋ ۇستانىمى، كاسىپ سالاسى تىزبەگى وي جەلىسى ارقىلى وسى زامانعى اۋىل شارۋاشىلىعىن جوسپارلاپ، دامىتىپ، استىق، ماقتا، جەمىس، مال شارۋاشىلىعى ونىمدەرى سياقتى ”بەس ٴىرى شوعىردى“ كۇش سالا جەتىلدىرىپ، زورايتىپ، سۋ بايلىعىن جوعارى ٴونىمدى پايدالانۋ، جاڭاشا اۋىل شارۋاشىلىعى تيجارات تۇلعاسىنىڭ دەڭگەيىن كوتەرۋ سياقتى ”ون ٴىرى ارەكەتتى“ ىشكەرىلەي اتقاردى. 4 دارەجە بويىنشا ٴبىر تۇلعالاندىرىلعان اۋىل ـ قىستاق مال ـ مۇلىك ۇقىعى ايىرباسىن ىلگەرىلەتۋ تۇعىرىنىڭ قۇرىلۋى اۋىل ـ قىستاقتىڭ گۇلدەنۋىن جاپپاي ىلگەرىلەتۋ، شارۋالاردىڭ كىرىسىن ارتتىرۋ دەڭگەيىن ۇزدىكسىز جوعارىلاتۋ جونىنەن دەمەۋ رولىن اتقارادى.
”اۆتونوميالى رايون مەن ايماق، وبلىس، قالا سەلبەسكەن مەملەكەت مەنشىگىندەگى كاسىپورىن رەتىندە، ٴبىز نازاردى ايىرباس جانە قىزمەت وتەۋ سىندى ەكى ۇلكەن نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، اشىق، تۋراشىل، ٴادىل بولۋ سىندى ايىرباس پرينسيبىن بەرىك ۇستانىپ، اقسۋ ايماعىنداعى ٴار ٴتۇرلى اۋىل شارۋاشىلىعى ەكونوميكالىق تۇلعالارىنا ايىرباس جانە كاسىپ بويىنشا كەڭەس بەرۋ قىزمەت وتەۋىن ازىرلەپ، شارۋالاردىڭ ۇقىق ـ مۇددەسىن شىن مانىندە قامتاماسىز ەتەمىز جانە قورعايمىز“، ـ دەدى اقسۋ ايماقتىق اۋىل ـ قىستاق جالپىلىق مال ـ مۇلىك ۇقىعى ايىرباس ورتالىعىنىڭ جاۋاپتىسى جوۋ لينچىن.
كەلەسى باسقىشتا، بۇل ورتالىق شينجياڭ ەگىن، مال شارۋاشىلىعىنا قارجى قوسۋ توبىنىڭ ٴتۇرلى اۋىل شارۋاشىلىق ونىمدەرى مەن ساتۋ ارناسى باسىمدىعىنا، سونداي ـ اق اقسۋ ايماعىندا قازىر بار جەر ۇقىعىن تۇراقتاندىرۋ ساندى مالىمەتتەرىنە سۇيەنىپ، اقسۋ ايماعىنداعى قامداۋ ـ ساتۋ كووپەراتيۆىنىڭ 325 نەگىزگى ساتى قىزمەت وتەۋ تور تۇيىنىمەن جانە جۇڭگو اۋىل شارۋاشىلىعى بانكەسى اقسۋ بولىمشە بانكەسىنىڭ 31 ٴبىر بەكەتتىك قىزمەت وتەۋ ورتالىعىمەن بايلانىسىپ، ايماقتى، اۋدانداردى، اۋىلداردى، قىستاقتاردى شارپىعان اۋىل ـ قىستاق مال ـ مۇلىك ۇقىعى ايىرباس جۇيەسىن جەدەل قالىپتاستىرىپ، اۋىل ـ قىستاق مال ـ مۇلىك ۇقىعى ساندى مالىمەتتەرى فاكتورلارىنىڭ اۋىسۋىنىڭ جاڭا ارناسىن كەڭەيتىپ، اۋىل ـ قىستاقتاعى اناعۇرلىم كوپ بەكەر جاتقان مال ـ مۇلىكتى كادەگە جاراتىپ، بايتاق اۋىل ـ قىستاقتىڭ دامۋ ومىرشەڭدىگىن ۇزدىكسىز اشادى.