انار بۇلت \ شينجياڭ گازەتىنىڭ ٴتىلشىسى رىن حۋا 4 ـ ايدىڭ 1 ـ كۇنى ۇرىمجىدەن حابارلايدى. جۋىقتا اۆتونوميالى رايوندىق بازاردى باقىلاۋ ـ باسقارۋ مەكەمەسى اۆتونوميالى رايوندىق دامۋ جانە رەفورما كوميتەتى سياقتى 16 تاراۋمەن بىرگە «جەكە ساۋدا ـ ونەركاسىپشىلەردى تيپكە، تۇرگە ٴبولىپ دالمە ـ ٴدال كومەكتەسىپ ـ سۇيەمەلدەپ، جەكە ساۋدا ـ ونەركاسىپشىلەردىڭ جوعارى ساپالى دامۋىن جەبەۋ جونىندەگى اتقارۋ جوباسىن» باسىپ تاراتىپ، 42 دارالاندىرىلعان شارا قولدانىپ، جەكە ساۋدا ـ ونەركاسىپشىلەردى تيپكە، تۇرگە ٴبولىپ دالمە ـ ٴدال كومەكتەسىپ ـ سۇيەمەلدەدى.
بىلتىر 4 ـ ايدا بۇكىل ەل 12 ولكەدە جەكە ساۋدا ـ ونەركاسىپشىلەردى تيپكە، تۇرگە ٴبولىپ دالمە ـ ٴدال كومەكتەسۋ ـ سۇيەمەلدەۋ ساياساتىن تۇيىندە سىناق ەتۋدى ورنالاستىردى. سىناق ٴتۇيىنى رەتىندە، شينجياڭ الدىمەن اتقارىپ، الدىمەن سىناپ، ىلە قازاق اۆتونوميالى وبلىسىندا، قاشقار ايماعىندا بەلسەندى تۇردە تۇيىندە سىناق ەتتى ٴارى تۇيىندە سىناق ەتۋ تاجىريبەسىمەن ۇشتاستىرىپ «جوبا» شىعاردى.
«جوبا» ”الدىمەن تيپكە ٴبولۋ، سوڭىنان تۇرگە بولۋ“ پرينسيبى بويىنشا، ناقتى شارۋاشىلىق قيمىلىمەن شۇعىلداناتىن بارلىق جەكە ساۋدا ـ ونەركاسىپشىلەردى تيبىنە قاراي كورسەتكىش بەلگىلەپ، ”كۇن كورىس تيبىندەگى“، ”جەتىلۋ تيبىندەگى“، ”دامۋ تيبىندەگى”( “قيىنشىلىعى بارلار“ جانە ”ماۋسىمدىق شارۋاشىلىق“ سىندى ەرەكشە بەلگىلەنگەن تيپتەردى قامتيدى) دەپ ٴبولىپ، باعىتتامالى كومەكتەسۋ ـ سۇيەمەلدەۋ شاراسىن اتقارادى. تيپكە ٴبولۋ نەگىزىندە ”ايگىلى، ەرەكشە، ساپالى، جاڭا“ سىندى 4 تۇردەگى جەكە ساۋدا ـ ونەركاسىپشىلەردى ىرىكتەۋ جانە تۇراقتاندىرۋ ورىستەتىپ، ەرەكشەلىگى ايقىن، ادالدىقپەن شارۋاشىلىق جۇرگىزۋى جاقسى، دامۋ كومەسكى كۇشى زور ٴبىر توپ جەكە ساۋدا ـ ونەركاسىپشىنى جەتىلدىرۋگە قولداۋ كورسەتىپ، باستاۋ، ۇلگى كورسەتۋ رولىن ساۋلەلەندىرىپ، ۇقساس كاسىپتەگى، ۇقساس تيپتەگى شارۋاشىلىق تۇلعالارىن اناعۇرلىم ويداعىداي دامۋعا جەتەكتەيدى.
«جوبا» بارلىق جەكە ساۋدا ـ ونەركاسىپشىلەرگە باعىتتاپ، جالپىعا ٴتيىمدى بولۋ پرينسيبىن كورنەكتىلەندىرىپ، كىرۋگە رۇقسات ەتۋ ورتاسىن ساپالىلاندىرۋ، فينانستىق قامسىزداندىرۋ ونىمدەرىن مولايتۋ، شارۋاشىلىق ورىندارىن ازىرلەۋدى كوبەيتۋ، سالىق پەن اقىنى ازايتۋ ـ كەشىرىم ەتۋ، قوعامدىق قامتاماسىزداندىرۋدى قولداۋ سەرپىنىن ارتتىرۋ، كاسىپورىننىڭ شارۋاشىلىق جۇرگىزۋ وزىندىك قۇنىن تومەندەتۋ، ٴادىل باسەكە ورتاسىن قالىپتاستىرۋ، تىلەك ـ تالاپتاردى اڭىس ەتۋ، شەشۋ مەحانيزمىن ورناتۋ، سەنىمدىلىك بويىنشا سايكەستى قولدانۋدى كۇشەيتۋ، زاڭمەن باسقارۋ بويىنشا كەڭەس بەرۋ قىزمەت وتەۋىن ورىستەتۋ سياقتى جاقتاردان 10 ٴتۇرلى كومەكتەسۋ ـ سۇيەمەلدەۋ بويىنشا قولداۋ ساياساتىن شىعاردى. تيپكە، تۇرگە بولىنگەن قاتىستى جەكە ساۋدا ـ ونەركاسىپشىلەرگە مەڭزەس 32 ٴتۇرلى دالمە ـ ٴدال كومەكتەسۋ ـ سۇيەمەلدەۋ ساياساتىن شىعاردى. مۇنىڭ ىشىندە تيپكە بولۋگە ساياتىن 20 ٴتۇرلى كومەكتەسۋ ـ سۇيەمەلدەۋ ساياساتى، تۇرگە بولۋگە ساياساتىن 12 ٴتۇرلى كومەكتەسۋ ـ سۇيەمەلدەۋ ساياساتى بار.
”جەكە ساۋدا ـ ونەركاسىپشىلەردى تيپكە، تۇرگە ٴبولىپ جەتىلدىرۋ _ ۇزاق بولاشاقتى كوزدەگەن تۇزىمدىك ورنالاستىرۋ، جەكە ساۋدا ـ ونەركاسىپشىلەردىڭ جالپى تۇلعالىق دامۋ ساپاسىن جوعارىلاتۋدىڭ ماڭىزدى شاراسى“. اۆتونوميالى رايوندىق بازاردى باقىلاۋ ـ باسقارۋ مەكەمەسى تىزىمگە الۋ، تىركەۋگە ٴتۇسىرۋ باسقارماسىنىڭ ورىنباسار باستىعى ۋاڭ شينجۇن مىنانى ٴبىلدىردى: كەلەسى باسقىشتا، شينجياڭ ىزدەنىس سەرپىنىن ۇزدىكسىز ارتتىرىپ، جەكە ساۋدا ـ ونەركاسىپشىلەردىڭ دامۋ تىلەك ـ تالابىن ۇزدىكسىز قاداعالاپ، ۇعىسىپ، جەكە ساۋدا ـ ونەركاسىپشىلەردىڭ تۇتاس تىرشىلىك پەريودىن شارپىعان پارىقتاندىرىلعان، دالمە ـ دالدەندىرىلگەن ساياساتتىق قامداۋ جانە قىزمەت وتەۋ جۇيەسىن كۇشتى شوعىرلاندىرا قالىپتاستىرىپ، دامۋدى جەبەيتىن، قولدايتىن اناعۇرلىم كوپ بايلىقتى ۇزدىكسىز كەڭەيتىپ، توعىستىرىپ، قاتىستى سۇيەمەلدەۋ ساياساتتارىنىڭ ناقتىلانۋىن، تياناقتانۋىن بار كۇشپەن ىلگەرىلەتىپ، تيپكە ٴبولۋ ارقىلى پارىقتاندىرىلعان كومەكتەسۋ ـ سۇيەمەلدەۋ ازىرلەپ، تۇرگە ٴبولۋ ارقىلى ۇلگى كورسەتۋ، جەتەكتەۋ رولىن ساۋلەلەندىرىپ، ”ايگىلى، ەرەكشە، ساپالى، جاڭا“ بولۋدى جەكە ساۋدا ـ ونەركاسىپشىلەردىڭ دامۋىنا دەم بەرەتىن التىن ٴارىپتى ماڭدايشالىققا اينالدىرىپ، جەكە ساۋدا ـ ونەركاسىپشىلەردىڭ ۇزدىكسىز، اقاۋسىز دامۋىن اناعۇرلىم ويداعىداي جەبەيدى.
اۆتونوميالى رايوندىق بازاردى باقىلاۋ ـ باسقارۋ مەكەمەسىنىڭ ساندى مالىمەتىندە كورسەتىلۋىنشە، 2024 ـ جىلى 3 ـ ايدىڭ سوڭىنا دەيىن شينجياڭداعى تىزىمگە الىنىپ، تىركەۋگە تۇسكەن جەكە ساۋدا ـ ونەركاسىپشىلەر ٴبىر ميلليون 880 مىڭعا جەتىپ، بۇكىل رايونداعى شارۋاشىلىق تۇلعالارىنىڭ جالپى مولشەرىنىڭ تورتتەن ۇشىنەن اسىپ، جۇمىستاندىرۋ قويماسى، قوعامنىڭ ورنىقتىرعىشى، بىرگە بايۋدىڭ جالىندى كۇشى سىندى ماڭىزدى رولىن ساۋلەلەندىردى.