جۇڭحۋا ۇلتى ورتاق تۇلعا تانىمىن بەرىك ورناتۋ ساياسي دەڭگەيىن جوعارىلاتايىق
_ اۆتونوميالى رايوندىق 10 ـ كەزەكتى پارتكوم ون ٴبىرىنشى جالپـى ٴماجىلىسىنىڭ رۋحىن دايەكتىلەندىرۋ، تياناقتاندىرۋ جونىندە
گازەتىمىزدىڭ شولۋشىسى
اۆتونوميالى رايوندىق 10 ـ كەزەكتى پارتكومنىڭ ون ٴبىرىنشى جالپى ٴماجىلىسى جۇڭحۋا ۇلتى ورتاق تۇلعا تانىمىن بەرىك ورناتۋدىڭ شينجياڭ امالياتىن ناقتى، جاندى، ٴونىمدى تۇردە ىلگەرىلەتۋ جونىندە جاپپاي ورنالاستىرۋ جاسادى، بۇل شينجياڭداعى ٴار ۇلت حالقىن بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، اششى ـ تۇششىنى بىرگە تاتاتىن، تاعدىرلاس بولاتىن ورتاق تۇلعا ۇستانىمىن بەرىك ورناتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا جەتەكتەۋ جانە ونى ىلگەرىلەتۋ جونىنەن ماڭىزدى مانگە يە. تانىمداعى بيىك دەڭگەي اتقارۋداعى تەبىندى بەلگىلەيدى. وسى رەتكى ٴماجىلىس رۋحىن ويداعىداي دايەكتىلەندىرۋدە، تياناقتاندىرۋدا، ٴسوز جوق، ساياسي دەڭگەيدى جوعارىلاتىپ، تانىمنىڭ جەتكىلىكتى بولۋى ارقىلى ارەكەتتىڭ جەتكىلىكتى بولۋىنا شىنايى كەپىلدىك ەتۋ كەرەك.
باس شۋجي شي جينپيڭ شينجياڭداعى ٴار ۇلتتىڭ ىنتىماعىن، جاراسىمدىلىعىن قاشاندا كوكەيىنەن شىعارمادى. باس شۋجي شي جينپيڭ شينجياڭنىڭ جۇڭحۋا ۇلتى ورتاق تۇلعا تانىمىن بەرىك ورناتۋىنا ايرىقشا ٴمان بەرىپ، 2 ـ رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ”جۇڭحۋا ۇلتى ورتاق تۇلعا تانىمى“ ۇعىمىن تۇڭعىش رەت ايقىن العا قويۋدان 3 ـ رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندە ”جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ٴار ۇلتتىڭ ۇلى ىنتىماعىن ۇزدىكسىز بەكەمدەۋدى“ اتاپ كورسەتكەنگە، ودان اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا ”جۇڭحۋا ۇلتى ورتاق تۇلعا تانىمىن بەرىك ورناتۋ _ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتتەرىنىڭ نەگىزگى جەلىسى“ دەپ باسا دارىپتەگەنگە دەيىن ٴبىزدىڭ جاڭا داۋىردە پارتيانىڭ ۇلت قىزمەتىن جانە شينجياڭنىڭ ٴتۇرلى قىزمەتىن ويداعىداي ىستەۋىمىزگە ٴتۇبىرلى بويسۇنۋ ولشەمىن ازىرلەدى. ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىلدىقپەن ورىنداۋ ساياسي بيىگىندە تۇرىپ، باس شۋجي شي جينپيڭنىڭ ۇلت قىزمەتى جانە جۇڭحۋا ۇلتى ورتاق تۇلعا تانىمىن بەرىك ورناتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، قىزمەت نەگىزگى جەلىسىن مىقتاپ يگەرىپ، شينجياڭ قىزمەتىنىڭ باستان ـ اياق دۇرىس بەتالىسپەن العا ىلگەرىلەۋىنە شىنايى كەپىلدىك ەتۋىمىز كەرەك.
”جۇڭحۋا ۇلتى ورتاق تۇلعا تانىمى _ ۇلتتار ىنتىماعىنىڭ نەگىزى“ دەيتىن كەلەلى تۇجىرىمدى تەرەڭ ٴتۇسىنۋ كەرەك. جۇڭحۋا ۇلتى ورتاق تۇلعا تانىمى بولاتتاي بەرىك بولعاندا عانا، ۇلتتار ىنتىماعىنىڭ اسا تاماشا جاعدايى تايشان تاۋىنداي ورنىقتى بولادى. جۇڭحۋا ۇلتى ورتاق تۇلعا تانىمىن بەرىك ورناتۋدىڭ ”ٴتورت قاجەتتى تالابىنىڭ“ كەلەلى ٴمانىن تولىق تانىپ جەتىپ، دۇرىس جۇڭحۋا ۇلتى تاريح كوزقاراسىنا تاباندى بولىپ، جۇڭحۋا ۇلتى حيكاياسىن ويداعىداي بايانداپ، جۇڭحۋا ۇلتى ورتاق تۇلعا تانىمىن بار كۇشپەن ۇگىتتەپ، تانىستىرىپ، ٴار ۇلت بۇقاراسىن ۇلتتار ىنتىماعىن كوز قاراشىعىن ايالاعانداي ايالاپ، ٴومىرىن قاستەرلەگەندەي قاستەرلەپ، اناردىڭ دانىندەي تىعىز ۇيىسۋعا جەتەكتەۋ كەرەك. ۇلتتار ىنتىماعىن قورعاپ، ارميا مەن ۇكىمەت ىنتىماعىن، ارميا مەن حالىق ىنتىماعىن، ساقشى مەن حالىق ىنتىماعىن، بيڭتۋان مەن جەرگىلىكتى ورىن ىنتىماعىن كۇشەيتىپ، ٴار ۇلت حالقىنىڭ وتان تۇتاستىعىن بىرگە قورعاۋدىڭ، قوعام ورنىقتىلىعىن بىرگە قورعاۋدىڭ قۇرىش قورعانىن بەرىك ورناتۋ كەرەك.
”جۇڭحۋا ۇلتى ورتاق تۇلعا تانىمىن بەرىك ورناتۋ _ جاڭا داۋىردەگى پارتيانىڭ ۇلت قىزمەتىنىڭ نەگىزگى جەلىسى ٴارى ۇلتتار وڭىرلەرىنىڭ ٴتۇرلى قىزمەتىنىڭ نەگىزگى جەلىسى“ دەيتىن جالپى تۇلعالىق تالاپتى تەرەڭ ٴتۇسىنۋ كەرەك. جۇڭحۋا ۇلتى ورتاق تۇلعا تانىمىن بەرىك ورناتۋ _ جاڭا داۋىردەگى پارتيانىڭ ۇلت قىزمەتىنىڭ ”ارقاۋى“، بارلىق قىزمەتتى وسىعان شوعىرلاندىرىپ، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى جانە پارتيا قۇرىلىسى سياقتىلاردىڭ بارىندە وسى نەگىزگى جەلىنى تىعىز ارقاۋ ەتىپ، تيتتەي دە اۋىتقىماۋ كەرەك. مەيلى زاڭ، زاڭ ەرەجە، الدە ساياسات ـ شارا شىعارۋدا بولسىن، بارلىعىندا جۇڭحۋا ۇلتىنىڭ ورتاقتىق سيپاتىن كۇشەيتۋگە، جۇڭحۋا ۇلتى ورتاق تۇلعا تانىمىن نىعايتۋعا پايدالى ما، جوق پا دەگەندى ماڭداي الدى ورىنعا قويىپ ويلاسۋ كەرەك. ساياسي جاقتان ەكونوميكالىق، قوعامدىق دامۋدى اناعۇرلىم كوبىرەك جوسپارلاپ، دامۋ جەتىستىكتەرىن جۇرت تىلەگىندە وزگەرىس تۋدىرۋ، جۇرت تىلەگىنە قول جەتكىزۋ، جۇرت تىلەگىن بەكەمدەۋ جەتىستىكتەرىنە اينالدىرۋ كەرەك. شينجياڭدى مادەنيەتپەن نارلەندىرۋدى ىشكەرىلەي ورىستەتىپ، ٴار ۇلت بۇقاراسىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ٴدىن كوزقاراسىن ورناتىپ، ۇلى وتاندى، جۇڭحۋا ۇلتىن، جۇڭحۋا مادەنيەتىن، جۇڭگو كوممۋنيستىك پارتياسىن، جۇڭگوشا سوتسياليزمدى وسكەلەڭ تۇردە شىنايى مويىنداۋدى بەكەمدەۋگە تاربيەلەۋ جانە جەتەكتەۋ كەرەك.
”جۇڭحۋا ۇلتىنىڭ ۇلى ىنتىماعى ارقىلى جۇڭگو ۇلگىسىندەگى وسىزامانداندىرۋدى جەبەۋ“ سىندى ستراتەگيالىق مىندەتتى تەرەڭ ٴتۇسىنۋ كەرەك. مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ بارىسى، ٴسوز جوق، ۇلتتاردىڭ كەڭ كولەمدە ارالاسۋ، ىشتەسۋ، توعىسۋ بارىسى، ٴسوز جوق، ۇلتتاردىڭ بىرگە ىنتىماقتاسا كۇرەس جۇرگىزۋ، بىرگە گۇلدەنىپ ـ كوركەيۋ، دامۋ بارىسى بولىپ تابىلادى. ۇلتتار ىنتىماعى ۇلى تۋىن بيىك ۇستاپ، مۇمكىندىكتىڭ بارىنشا ٴار ۇلت بۇقاراسىن ەڭ جوعارى شەكتە ىنتىماقتاستىرۋ جانە ولارعا سۇيەنۋ كەرەك. ٴار ۇلت بۇقاراسىنىڭ تىنىش ٴومىر، شات ـ شادىمان تىرشىلىك كەشىرۋىن مىقتاپ ارقاۋ ەتىپ، ٴوندىرىس، تۇرمىس شارت ـ جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جەتكىزەتىن ناقتى ىستەردى كوبىرەك ىستەپ، ٴار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ٴار ۇلت بۇقاراسىنا پارتيانىڭ قامقورلىعى مەن وتاننىڭ ۇلى شاڭىراعىنىڭ مەيىرىن شىنايى سەزىندىرۋ كەرەك. ٴار ۇلت بۇقاراسىن وسى زامانعى وركەنيەتكە تالپىنۋعا جەتەكتەپ، ٴار ۇلت بۇقاراسىنىڭ شينجياڭدى قىزۋ ٴسۇيۋ تاماشا سۇيىسپەنشىلىگىن تاسقىنداتۋ كەرەك.
پارتيانىڭ ۇلت قىزمەتىن ويداعىداي ىستەۋدە، ٴسوز جوق، ٴتۇيىندى يگەرەتىن 4 جاقتاعى قاتىناستى تەرەڭ ٴتۇسىنۋ كەرەك. جاڭا داۋىردەگى پارتيانىڭ ۇلت قىزمەتىن ويداعىداي ىستەۋدە، ٴسوز جوق، جۇڭحۋا ۇلتى ورتاق تۇلعا تانىمىن بەرىك ورناتۋدى نەگىزگى جەلى ەتىپ، ورتاقتىق پەن پارىقتىلىقتىڭ قاتىناسىن، جۇڭحۋا ۇلتى ورتاق تۇلعا تانىمى مەن ٴار ۇلت تانىمىنىڭ قاتىناسىن، جۇڭحۋا مادەنيەتى مەن ٴار ۇلت مادەنيەتىنىڭ قاتىناسىن، ماتەريا مەن رۋحتىڭ قاتىناسىن دۇرىس يگەرۋ كەرەك. بارلىق رەفورما مەن دامۋعا جۇڭحۋا ۇلتى ورتاق تۇلعا تانىمىن ايگىلەيتىن ٴمان، ٴبىر تۇتاستىقتى قورعايتىن، بولشەكتەۋشىلىككە قارسى تۇراتىن ٴمان، حالىق تۇرمىسىن جاقسارتاتىن، جۇرت تىلەگىن ۇيىستىراتىن ٴمان ۇستەۋ كەرەك. جۇڭحۋا مادەنيەتىنىڭ ورتاقتىعىن، ۇلتتاردىڭ ارالاسۋىنىڭ، ىشتەسۋىنىڭ، توعىسۋىنىڭ تاريحي شىندىقتارىن ايگىلەيتىن ٴسوز جۇيەسىن جانە ٴونىمدى دانەكەرلەردى كوپ تۇرعىدان، جان ـ جاقتى ورناتىپ، جۇڭحۋا مادەنيەتىن ناقتى زات، ناقتى كورىنىس، ناقتى ٴىس ارقىلى تولىق ايگىلەپ، جۇرەكتەرگە جەتكىزۋ كەرەك. بەيزاتتىق مادەنيەت مۇرالارىن قورعاۋدى، جالعاستىرۋدى كۇشەيتىپ، ٴار ۇلتتىڭ تاڭداۋلى ٴداستۇرلى مادەنيەتىن ساۋلەلەندىرە ٴتۇسۋ كەرەك.
جۇڭحۋا ۇلتى ورتاق تۇلعا تانىمىن بەرىك ورناتۋ _ ٴار ۇلت كادر، بۇقاراسىنىڭ ”بەستى شىنايى مويىنداۋىن“ بەكەمدەۋدەگى كەلەلى تانىم ماسەلەسى، ونان دا ماڭىزدىسى ۇلتتار ىنتىماعى، العاباسارلىعى مەن باياندى تىنىشتىققا ساياتىن كەلەلى ساياسي ماسەلە. ساياسي دەڭگەيدى شىنايى جوعارىلاتىپ، شينجياڭدا ۇلت قىزمەتىن ويداعىداي ىستەۋدىڭ جاۋاپكەرشىلىك سەزىمىن، بورىشتىلىق سەزىمىن كۇشەيتىپ، تاپسىرمانى ەستە بەرىك ساقتاپ، قاز ـ قالپىندا دايەكتىلەندىرىپ، تياناقتاندىرىپ، جاڭا داۋىردەگى شينجياڭنىڭ ۇلتتار ىنتىماعى، العاباسارلىعى ىستەرىنىڭ تىڭ تاراۋىن جازايىق.